ಯೋಹಾನ 12:27 - ದೇವ್ನಿ ಖ್ಹಾಚಿ ವಚನ್

²⁷ “ಹಮ್ಕೆ ಮಾರೊ ಜಾನ್‌ ಘಬ್ರಾವ್‍ ಕರಾಸ್ ಅಜು಼ ಮೇ ಶಾತ್‌ ಬೋಲು? ಅಮ್‍ ಬೋಲುಕಿಶು ‘ಬಾ, ಆ ಖ್ಹತಾಪ್ಣಿನಿ ವಖ್ಹತ್‌ಮಾಥು ಮನ ಬಚಾ಼ವ್‍ಕರಿ? ಕತೋಬಿ ಅನಖ್ಹಾಜೆಸ್ ಮೇ ಆಯೋತೆ.

ಯೋಹಾನ 12:27 ပူးပေါင်းရင်းမြစ်များ

ಮತ್ತಾಯ 11:25

ಯೋ ವಖ್ಹತ್‌ಮ ಯೇಸುನೆ ಶಾತ್‌ ಬೋಲ್ಯೊಕತೊ, “ಬಾ, ಸೊರ್ಗ ಅಜು಼ ಧರ್ತಿನೊ ಯಜಮಾನ್! ತುನೆ ಗ್ಯಾನಿ ಅಜು಼ ಅಕ್ಲಿಥಿ ಅದ್ಮಿಥಿ ಆ ವಾತೆನ ಲಪಾಡಿನ್ ಶಾತ್ಬಿ ಮಾಲುಮ್‌ಕೊಂತೆ ಇವ್ಣುನ ವತಾಳಿರಾಖ್ಯೋತೆ ಇನಖ್ಹಾಜೆ ಮೇ ತುನ ಧನ್ಯವಾದ್ ಕರುಸ್.

ಮತ್ತಾಯ 11:26

ಓಹೋಲಾ ಬಾ, ಅಮ್ಮಸ್ ಕರಾನು ಅಛ್ಛು಼ಕರಿ ತುನ ದೆಖಾಯು.”

ಮತ್ತಾಯ 26:42

ಬಿಜು಼ ಪಾಛೊ಼ ಭೇನೆಹಲ್ಲ ಜೈ಼ನ್, “ಮಾರೊ ಬಾ, ಮೇ ಆ ವದೇಖ್ಹಾನಿ ಕಟೋರಿನ ಪಿಯ್ಯಾಶೆ, ಆ ಮನ ಮ್ಹೆಂದಿನ್ ನಾ ಜಾ಼ವ್ಣುಕರಿ ತಾರಿ ಮರ್ಜಿ ಉಶೇತೊ, ತಾರಿ ಮರ್ಜಿನಿಘೋಣಿಸ್ ಹುವಾದೆ” ಕರಿ ಬೋಲಿನ್, ಪ್ರಾರ್ಥನೆ ಕರ‍್ಯೊ.

ಮತ್ತಾಯ 26:45

ಬಾದ್‌ಮ ಯೋ ಬಿಜು಼ ಪಾಛೊ಼ಫರಿನ್, ಇನ ಶಿಷ್ಯರ್‌ಕನ ಆಯಿನ್, “ತುಮೆ ಬಿಜೂ಼ಬಿ ಖ್ಹುಯಿನ್, ಅರಾಮ್‌ ಕರುಕರಾಸ್ಕಿ ಶು? ಹಂದೇಖೊ, ಅದ್ಮಿನೊ ಛಿಯ್ಯಾನ ಪಾಪಿ ಅದ್ಮಿಯೇನ ಹಾತ್‌ಮ ದೆವೈಜಾ಼ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:44

ಯೋ ಘಣಿ ದುಖ್‌ಥಿ ಬಿಜೂ಼ಬಿ ಪ್ರಾರ್ಥನೆ ಕರುಕರಾನಿ ವಖ್ಹತ್‌ಮ, ಇನು ಪಶುನೊ ಲ್ಹೋಯಿನು ಬೂಂದಾವ್‍ನಿಮತ್‌ ಜ಼ಮೀನ್‌ಪರ್ ಪಡ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:53

ಮೇ ದನ್‍ರೋಜ಼್ ದೇವ್ನಿ ಮಂದಿರ್‌ಮ ತುಮಾರ ಜೋ಼ಡೆ ಥೋತೆ ತದೆ, ತುಮೆ ಮನ ಧರ‍್ಯಾಕೊಯ್ನಿ. ಕತೋಬಿ ಆ ತುಮಾರಿ ವಖ್ಹತ್, ಅಂಧಾರನಿ ಶಕತ್ನ ಅದಿಕಾರ್ ಕರಾನಿ ವಖ್ಹತ್” ಕರಿ ಬೋಲ್ಯೊ.

ಯೋಹಾನ 11:41

ಇವ್ಣೆ ಬಂಡಾನ ಕಾಡಿನಾಖ್ಯು. ತದೆ ಯೇಸುನೆ ಡೋಳಾ ಪಾಡೀನ್, ಉಪ್ಪರ್ ದೇಖಿನ್‌, “ಬಾ, ತೂ ಮಾರಿ ಪ್ರಾರ್ಥನೇನ ಖ್ಹಮ್‌ಜ್ಯೂತೆ ಇನಖ್ಹಾಜೆ ತುನ ಧನ್ಯವಾದ್.

ಯೋಹಾನ 12:23

ಯೇಸುನೆ ಇವ್ಣುನ ಜ಼ವಾಬ್ ದಿದೊ, “ಅದ್ಮಿನ ಛಿಯ್ಯಾನಿ ಮಹಿಮೆ ಮಳಾನಿ ವಖ್ಹತ್ ಐಗೈ.

ಯೋಹಾನ 13:21

ಯೇಸು ಆ ಬೋಲಾನ ಬಾದ್‌ಮ, ಯೇಸುನ ಆತ್ಮಮ ಘಣು ದುಖ್ ಹುಯು, ಅಜು಼ ಇನೆ, “ಮೇ ತುಮೂನ ಖ್ಹಾಚ ಬೋಲುಸ್, ತುಮಾರಾಮ ಏಕ್‌ ಜ಼ಣೊ ಮನ ಧೋಕೇಥಿ ಧರಿದಿಶೆ” ಕರಿ ಸಾಕ್ಷಿ ಬೋಲ್ಯೊ.

ಯೋಹಾನ 18:37

ತದೆ ಪಿಲಾತನೆ ಇನ ಬೋಲ್ಯೊ, “ಇಮ್‍ಕತೊ, ತೂ ರಾಜಾ಼ ಕಿಶು?” ಕರಿ ಪುಛಾ಼ಯೊ. ಯೇಸುನೆ, “ಮೇ ರಾಜ಼ ಕರಿ ತೂಸ್ ಬೋಲುಕರಾಸ್‌. ಮೇ ಖ್ಹಾಚಿನಿ ಬಾರೇಮ ಸಾಕ್ಷಿ ಬೋಲಾನಖ್ಹಾಜೆ ಪೈದಾಹುಯಿನ್‌, ಆ ಜಗತ್‌ಮ ಐರ‍್ಹೋಸ್. ಖ್ಹಾಚಿ ಭಣಿವಾಳು ಮಾರಿ ವಾತೇನ ಖ್ಹಮ್‌ಜಾ಼ಸ್‌” ಕರಿ ಜವಾಬ್‌ ದಿದೊ.

1 ತಿಮೊ 1:15

ಕ್ರಿಸ್ತ ಯೇಸು ಪಾಪಿ ಖ್ಹಾರಾನ ಬಚಾ಼ಡನಖ್ಹಾಜೆ ಆ ಜಗತ್‌ಮ ಆಯೊ ಕರಿ ಬೋಲಾನಿ ವಾತೆ ಖ್ಹಾಚಿ ಹುಯಿರ‍್ಹಿಸ್, ಆ ವಿಶ್ವಾಸ್‌ ಕರಾಖ್ಹರ್ಕುಬಿ ಸ್ವಿಕಾರ್‌ಕರಾನ ಲ್ಹಾಯೇಕ್ನುಬಿ ಹುಯಿರ‍್ಹುಸ್. ಶನಕತೊ ಇಮ್ನ ಪಾಪಿಮ ಮೇಸ್ ಪಹಿಲೊ.

ಇಬ್ರಿ 2:14

ಅತ್ರೇಸ್ ಕಾಹೆತೆ ಲಡ್ಕಾವ್‌ಖ್ಹಾರು ಲ್ಹೊಯಿಥಿಬಿ ಬೋಟಿಥಿ ಹುಯಿರುತೆ ಇಮ್ಮಸ್ ಯೇಸು ಜಿನು ಇವ್ಣಿನಿತರಸ್ ಲ್ಹೋಯಿಬಿ ಬೋಟಿಥಿಹುಯೊ. ಇನಿ ಮರಣ್‌ಥೀಸ್ ಮರಣ್ಣಿ ಅಧಿಕಾರ್‌ ಲೀರಾಖವಾಳ ಶೈತಾನ್ನ ಮಟಾಯೊ.

ಇಬ್ರಿ 5:7

ಕ್ರಿಸ್ತ ಯೋಸ್ ಜಗತ್‌ಮ ಅದ್ಮಿಹುಯಿನ್ ಜಿವ್ಣು ಕರ‍್ಯೊತೆ ಹಗಾಮ್ಮ ಮರಣ್‍ಥಿ ಛು಼ಕೈನ್ ಬಚಾ಼ಡನು ಶಕತ್‍ವಾಳನ ಘಟ್‍ಥಿ ಪ್ರಾರ್ಥನೆ ಕರ್ತೊಹುಯಿನ್ ಡೋಳಾನ ಆಂಝೇ಼ಥಿ ಪ್ರಾಥರ್ನೆನಿ ಬಿಂತಿ ಕರ‍್ಯೊ. ಇನಖ್ಹಾಜೆ ದೇವ್ನ ಉಪ್ಪರ್‌ಥೀತೆ ಡರ್‌-ಭಕ್ತಿನಖ್ಹಾಜೆ ಇನಿ ಪ್ರಾರ್ಥನೆನ ದೇವ್ನೆ ಖ್ಹಮ್‍ಜ್ಯೊ.