ಯೋಹಾನ 12:20 - ದೇವ್ನಿ ಖ್ಹಾಚಿ ವಚನ್

²⁰ ಪಸ್ಕಪೂಜಾ಼ನ ಆರಾದನೆ ಕರ್ನುಕರಿ ಯೆರೂಸಲೇಮ್‍ಥು ಆಯುಥೂತೆ ಇಸ್ರಾಯೇಲ್‍ವಾಳಮ ಥೋಡು ಜ಼ಣು ಗ್ರೀಕ್‌ವಾಳುಬಿ ಥೂ.

ಯೋಹಾನ 12:20 ပူးပေါင်းရင်းမြစ်များ

ಮಾರ್ಕ 7:26

ಯೋ ತಯೇಡ ಪರೈ ಜಾ಼ತ್‌ವಾಳಿ ಹುಯಿರ‍್ಹೀಥಿ. ಯೋ ಸಿರಿಯ ತಬರ್‌ಖಾನು ಸುರೋಪೊಯಿನಿಕ್ಯಮ ಪೈದಹುಯಿತೆ ಏಕ್‌ ಗ್ರೀಕ್‌ವಾಳಿ ಹುಯಿರ‍್ಹೀಥಿ. ಯೋ ತಯೇಡ ಇನಿ ಛೋ಼ರಿನ ಧರಿರಾಖ್ಯುಥೂತೆ ಭೂತ್‌ ಕಾಡ್ಣು, ಕರಿ ಯೇಸುನ ಗಿಂಗಾವಲಗಿ.

ಯೋಹಾನ 12:1

ಪಸ್ಕ ಪೂಜಾ಼ನ ಛೊ಼ ದನ್ನ ಪಾಛ಼ಳ್ ಯೇಸು ಬೇಥಾನ್ಯ ಗಾಮ್‌ನ ಗಯೊ, ಯೇಸುನೆ ಮರ‍್ಯಾಹುಯಾಮಾಥು ಜಿವ್ತೊ ಉಠಾಡ್ಯೋತೆ ಲಾಜ಼ರ್‌ಬಿ ಹಿಜ್ಜಾ಼ಸ್ ರ‍್ಹೇತೊಥೊ.

ಯೋಹಾನ 12:19

ತದೆ ಫರಿಸಾಯರ್‌ವಾಳು ಏಕ್‌ಥಿ-ಏಕ್‌, “ಹಂದೇಖೊ, ಅಪ್ಣೊ ಹಾತ್‌ ಶಾತ್ಬಿ ಕರಾನ ಕೋ ಹೂಕರಾನಿ! ಆ ಜಗತ್‌ನು ಖ್ಹಾರು ಅದ್ಮಿ ಇನ ಪೀಠೆ ಒಳ್ಯುಜಾ಼ಸ್!” ಕರಿ ಬೋಲಿಲಿದು.

ಯೋಹಾನ 7:35

ತದೆ ಯೆಹೂದ್ಯರ‍್ನು ಅದಿಕಾರಿಖ್ಹಾರು ಇವ್ಣ ಇವ್ಣಮಾಸ್ ವಾತೆ ಕರಿಲಿದು, “ಅಪ್ಣುನ ಮಳ್ಣುನಾತೆ ಆ ಕಿಜ್ಗಾ಼ ಜಾ಼ವ್ಣುಕರಿ ಛಾ಼? ಯೊ ಕಿಜ್ಜಾ಼ತೋಬಿ ಜಾ಼ವ್ಣುಕಿಶುಕಿ? ಕಿಜ಼್ಜ, ಮಾರು ಅದ್ಮಿ ಗ್ರೀಕ್ ಖ್ಹಯೇರ್‌ಮ ಜಿವ್ಣು ಕರುಕರಸ್, ಹೈರುತೆ ಗ್ರೀಕ್‌ವಳಾನ ಶಿಕಾಡ್‍ದಿಶೆಕಿ ಶು?

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:1

ಪೌಲಬಿ ಬಾರ್ನಬ ಇಕೋನ್ಯ ಖ್ಹಯೇರ‍್ನ ಜೈ಼ನ್, ಹರೇಕ್ ಖ್ಹಯೇರ್‌ಮ ಇವ್ಣೆ ಕರ್ತಥಾತೆ ತಿಮ್ಮಸ್ ಹಜ್ಜಾ಼ಬಿ ಯೆಹೂದ್ಯರ‍್ನು ಸಬಾಮಂದಿರ್‌ಮ ಜೈ಼ನ್ ಅದ್ಮಿಖ್ಹಾರಾನ ಬೋಧನೆ ಕರ‍್ಯಾ. ಪೌಲ, ಬಾರ್ನಬನಿ ಶನ್‍ಗಾರ‍್ನಿ ಬೋಧನೆನ ಖ್ಹಮ್‌ಜಿನ್‌ ಕೈಯೇಕ್ ಯೆಹೂದ್ಯರ್ ಅಜು಼ ಗ್ರೀಕ್‍ವಾಳು ಯೇಸುಕ್ರಿಸ್ತನ ವಿಶ್ವಾಸ್‍ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:1

ಪೌಲನೆ ದೆರ್ಬೆ ಅಜು಼ ಲುಸ್ತ್ರಕರಿ ಖ್ಹಯೇರ್‌ಮ ಗಯೊ.ಹಿಜ್ಜಾ಼ ತಿಮೊಥೆಕರಿ ಏಕ್‍ಜ಼ಣೊ ಕ್ರಿಸ್ತನೊ ವಿಶ್ವಾಸಿ ಥೊ. ತಿಮೊಥೆನಿ ಆಯ ಯೆಹೂದ್ಯವಾಳಿ ಹುಯಿರ‍್ಹೀಥಿ ಅಜು಼ ಬಾ ಗ್ರೀಕ್‍ವಾಳೊ ಹುಯಿರ‍್ಹೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:4

ಇವ್ಣಾಮ ಥೋಡಜ಼ಣು ದೇವ್ನು ಭಕ್ತರ್‌ ಹುಯಿರುತೆ ಗ್ರೀಕ್‌ನು ಮೋಟು ಝೂ಼ಂಡ್‌ ಅಜು಼ ಮುಖ್ಯ ತಯೇಡಾಮ ಕೈಯೆಕ್‍ಜ಼ಣಿ ಪೌಲ ಅಜು಼ ಸೀಲಾನಿ ಜೋ಼ಡೆ ಮಳಿಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:21

ಯೆಹೂದ್ಯರ್‌ನ ಅಜು಼ ಗ್ರೀಕ್‍ವಾಳು ಪಾಪ್ನ ಮ್ಹೇಲಿನ್ ದೇವ್‌ಭಣಿ ಫರಿಜಾ಼ವ್ಣು ಅಜು಼ ಪ್ರಭು ಯೇಸುನ ನಾಮ್‌ಪರ್‌ ವಿಶ್ವಾಸ್ ರಾಕ್ಣುಕರಿ ಮೇ ಬೋಲಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:28

“ಇಸ್ರಾಯೇಲ್‌ನ ಅದ್ಮಿವೊ, ಹಮೂನ ಮದತ್ ಕರೊ, ಅಪ್ಣ ಅದ್ಮಿನಾಬಿ, ಧರ್ಮಶಾಸ್ತ್ರನಾಬಿ ಆ ಝ಼ಗೋನಾಬಿ ವಿರೋದ್ ಹುಯಿನ್ ಖ್ಹಾರಾಸ್ ಅದ್ಮಿನ ಬೋಧನೆ ಕರಾವಾಳೊ ಯೋ ಅದ್ಮಿ ಆಸ್! ಅತ್ರೇಸ್ ಕಾಹೆ, ಆ ಗ್ರೀಕ್‍ವಾಳಾನ ದೇವ್ನಿಮಂದಿರ್‌ಮ ಬುಲೈಲಾಯಿನ್‌ ಹೈರಿತೆ ಪವಿತ್ರಝ಼ಗೋನ ಮೈಲು ಕರಿನಾಖ್ಯೊ.” ಕರಿ ಚಿಕ್‌ರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:27

ಇಮ್ನಿಪರಕ್ಮಾಸ್ ಫಿಲಿಪ್ ಉಠೀನ್ ಯೆರೂಸಲೇಮ್‌ನ ಪಾಛೊ಼ ಜಾ಼ತೊರ‍್ಹವಾನಿ ವಖ್ಹ್‌ತೆ ಇಥಿಯೋಪ್ಯವಾಳೊ ಏಕ್‌ ಅದ್ಮಿನ ದೇಖ್ಯೊ. ಯೋ ಹೀಜ್‍಼ಡೊ ಹುಯಿರ‍್ಹೊಥೊ. ಇಥಿಯೋಪ್ಯನಿ ರಾಣಿ ಕಂದಾಕೆನ ಹಾತ್‍ ಹೇಟ್‌ಳ್ಯೊ ಮೋಟೊ ಅಧಿಕಾರಿಬಿ ಬಿಜು಼ ಇನಿ ಧನ್‍ ದೌಲತ್ನಿ ಖಜಾನೇನ ದೇಖವಾಳೊ ಹುಯಿರ‍್ಹೋಥೊ. ಯೊ ಅದ್ಮಿ ಆರಾದನೆಕರಾನ ಯೆರೂಸಲೇಮ್‌ನ ಜೈ಼ರೋಥೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:16

ಮಾರಿ ಸುವಾರ್ತೆನಿ ಬಾರೇಮ ಮನ ಪೂರ ಆತ್ಮ ವಿಶ್ವಾಸ್ ಛಾ಼. ಶನಕತೊ ಯೋ ಪಹಿಲೆ ಯೆಹೂದ್ಯರ್‌ನ ಇನಕೇಡೆಥು ಯೆಹೂದ್ಯಕಾಹೇತೆ ಇವ್ಣುನಾಸ್ ಕಾಹೆತೆ ವಿಶ್ವಾಸ್‌ಕರವಾಳ ಹರೇಕ್‌ನಬಿ ಆ ಸುವಾರ್ತೆ ರಕ್ಷಣೆನ ಉಬ್‍ಜಾ಼ವನಿ ದೇವ್ನಿ ಶಕತ್‍ಹುಯಿರ‍್ಹೀಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:12

ಶನಕತೊ ಯೆಹೂದ್ಯರ್ ಅಜು಼ ಯೆಹೂದ್ಯರ್‌ಕಾಹೇತೆ ಇವ್ಣುನಾಬಿ ಕಮ್ ಜಾ಼ಖ್ಹತ್ ಕರ‍್ಯೊಕೊಯ್ನಿ, ದೇವ್ ಖ್ಹಾರಾನ ಪ್ರಭುಹುಯಿರ‍್ಹೇಸ್. ಇನ ಸ್ವೀಕಾರ್ ಕರವಾಳನ ಖ್ಹಾರಸ್ನ ಪ್ರಭು ಘಣು ಆಶೀರ್ವಾದ್‌ ಕರಸ್.

ಗಲಾತ್ಯ 2:3

ಮಾರ ಜೋ಼ಡ್ಮಥೋತೆ ತೀತ ಗ್ರೀಕ್‌ನೊ ಹುಯಿರೊತೋಬಿ ಇನ ಖ್ಹತ್ನಕರಾವ್ಣುಕರಿ ಕೋಣ್‌ಬಿ ಜು಼ಲಮ್‌ ಕೊಕರ‍್ಯುನಿ.

ಗಲಾತ್ಯ 3:28

ತುಮೆ ಅಖ್ಖುಜ಼ಣು ಕ್ರಿಸ್ತ ಯೇಸುಮ ಎಕ್ಕಸ್ ಹುಯಿರ‍್ಹಾಸ್ತೆಖ್ಹಾಜೆ ಮೆ ಯೆಹೂದ್ಯರ್‌ವಾಳೊ ನತರ್ ಯೆಹೂದ್ಯಕಾಹೇತೆ ಕರಿ ರ‍್ಹವೊ, ಛುಟ್ಕಾರ್‌ವಾಳ ನತರ್ ದಾಸರ್‌ ಕರಿ ರ‍್ಹವೊ, ಪರ್ಖ್ಹೊ ಅಜು಼ ತಯೇಡ ಕರಿ ರ‍್ಹವೊ ಫರಕ್ ಕೊಯ್ನಿ.

ಕೊಲೊಸ್ಸೆ 3:11

ಆ ನವ ಜಿವ್ಣಮ ಯೆಹೂದ್ಯಕಾಹೇತೆ ಅಜು಼ ಯೆಹೂದ್ಯವಾಳೊ ಕರಿ ಫರಕ್ ಕೊಯ್ನಿ, ಖ್ಹತ್ನ ಕರೈರಾಖವಾಳು, ಕರೈರಾಖಕೊಂತೆ ಕರಿ ಫರಕ್‌ಕೊಯ್ನಿ, ಮಾಲುಮ್‌ರ‍್ಹವಾಳು ನಾಮಾಲುಮ್‌ ರ‍್ಹವಾಳುಕರಿ ಫರಕ್ ಕೊಯ್ನಿ. ಆಳ್‌, ಯಜಮಾನ್‍ಕರಿ ಫರಕ್ ಕೊಯ್ನಿ. ಕತೋಬಿ ಕ್ರಿಸ್ತಸ್ ತಮಾಮ್‍ಬಿ ಹರೇಕ್‌ಮ ರ‍್ಹವಾಳೊ ಹುಯಿರ‍್ಹೋಸ್.