ಯೋಹಾನ 12:2 - ದೇವ್ನಿ ಖ್ಹಾಚಿ ವಚನ್

² ಯೇಸುನಖ್ಹಾಜೆ ಹಿಜ್ಜಾ಼ ಖಾಣು ತೈಯಾರ್ ಕರಿರಾಖ್ಯುಥು, ಮಾರ್ಥ ಖಾಣು ನಾಖಿನ್ ದೇವ್‌ಕರ್ತೀಥಿ, ಯೇಸುನ ಜೋ಼ಡೆ ಖಾಣನ ಬೆಠುಥೂತೆ ಇವ್ಣಾಮ ಲಾಜ಼ರ್‌ಬಿ ಏಕ್‌ ಜ಼ಣೊ.

ಯೋಹಾನ 12:2 ပူးပေါင်းရင်းမြစ်များ

ಮತ್ತಾಯ 26:6

ಯೇಸು ಬೇಥಾನ್ಯಮ ಸೀಮೋನ್ನ ಘರ್‌ಮ ಥೊ, ಆ ಸೀಮೋನ್ ಅಗಾಡಿ ಖೋಡ್‍ವಾಳೊ ಹುಯಿರ‍್ಹೋಥೊ.

ಮಾರ್ಕ 14:3

ಯೇಸು ಬೇಥಾನ್ಯ ಗಾಮ್ಮ ಸೀಮೋನ್ನ ಘರ್‌ಮ ಥೊ, ಆ ಸೀಮೋನ್ನ ಖೋಡ್‍ ಲಾಗಿರ‍್ಹೂಥು. ಹಿಜ್ಜಾ಼ ಯೇಸು ಖಾಣು ಖಾವಾನಿ ವಖ್ಹತ್‌ಮ, ಏಕ್‌ ತಯೇಡ ನಾರ್ಡ್‌ಥಿ ಬಣಾಯುಹುಯು, ಘಣ ಮೋಲ್ನು ವಾನು ತೇಲ್ನ ಬಂಡಾನಿ ಶೀಶಿಮ ಲೀನ್ ಐನ್, ಯೋ ಶೀಶಿನ ಫೋಡಿನ್, ತೇಲ್ನ ಯೇಸುನ ಮಾಥಪರ್ ರಂಚಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:37

ಯಜಮಾನ್ ಐನ್ ಬಾಕಲ್ ಮಾರಾನಿ ವಖ್ಹತ್‌ಮ, ಇವ್ಣೆ ಬಾಕಲ್ ಕಾಡಸ್‌. ಪಾಛೊ಼ ಪ್ರಭು ಫರಿಅಯಿನ್‌, ಕೆಹೊಖ್ಹಾರೊ ಆಳ್‌ ತೈಯಾರ್ ಹುಯಿರ‍್ಹಿನ್, ಇನಖ್ಹಾಜೆ ಜ಼ಪಿರ‍್ಹೇವಾನು ಯೋ ದೇಖಾಸ್ಕಿ ಇವ್ಣೆ ಧನ್ಯ ಹುಯಿರ‍್ಹಿಶೆ! ಮೇ ತುಮೂನ ಖ್ಹಾಚಾಮ ಬೋಲುಸ್ಕಿ, ಯೋ ಇನಿ ಕಂಬರ್‌ನ ಲುಂಗ್ಡು ಭಾಂದಿಲೀನ್, ಇವ್ಣುನ ಖಾಣನ ಬೆಖ್ಹಾಡಿನ್‌, ಇವ್ಣ ಖನ್ನೆ ಐನ್, ಇವ್ಣಿ ಚಾ಼ಕ್ರಿ ಕರ್ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:12

ಅಜು಼ ಯೇಸುನೆ ಇನ ಖಾಣನ ಬುಲಾಯೋತೆ ಇನಾಬಿ ಏಕ್‌ ವಾತ್ ಬೋಲ್ಯೊ. ಯೋ ಶಾತ್‌ಕತೊ, “ತೂ ಧೊಪಾರ್‌ನಿ ವಖ್ಹತ್‌ಮ ರ‍್ಹವೊ ನತರ್‌ಕಿ ಖ್ಹಾಂಜ಼್‌ನಿ ವಖ್ಹತ್‌ಮ ರ‍್ಹವೊ, ಖಾಣಾನಖ್ಹಾಜೆ ತಾರ ದೋಸ್ತ್‌ನ ರ‍್ಹವೊ, ಭೈಯೇನ ರ‍್ಹವೊ, ತಾರ ಮಾಯಮಾತ್ರಾನ ರ‍್ಹವೊ, ಧನ್‌ದೌಲತ್‌ವಾಳ ಖನ್ನೆವಾಳ ರ‍್ಹವೊ ನಕೊಬುಲೈಶ್. ಬುಲಾಯೋತೊ, ಇವ್ಣೇಬಿ ತುನ ಪಾಛು಼ ಖಾಣನ ಬುಲಾಯೇಜಾ಼ಯ್, ಅನೇಥಿ ತುನೆ ಕರ‍್ಯೊತೆ ಕರ್ನಿನ ಭರ್ನಿ ಮಳಿಜಾ಼ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:27

ಕೋಣ್ ಮಹಾನ್? ಖಾಣು ಖಾವನ ಬೆಠೂತೆ ಯೋಕಿ, ಇನಿ ಚಾ಼ಕ್ರಿ ಕರಾವಾಳೊ? ಖಾವನ ಬೆಠೋಸ್ತೆ ಯೋಸ್ ಕಾಹೆಕಿಶು, ಕತೋಬಿ ಮೇ ತುಮಾರಾಮ ಚಾ಼ಕ್ರಿ ಕರಾವಾಳನಿಘೋಣಿ ಛೂ಼.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 5:29

ಬಾದ್‌ಮ ಲೇವಿನೆ ಇನ ಘರ್‌ಮ ಯೇಸುನಖ್ಹಾಜೆ, ಏಕ್‌ ಮೋಟಿ ಮಿಝ಼್‌ವಾನ್ ಪಿಕಾಯೊ. ಹಿಜ್ಜಾ಼ ಶುಂಕ ವಶೂಲ್ ಕರಾವಾಳು ಅಜು಼ ಬಿಜು಼ ಅದ್ಮಿಖ್ಹಾರು ಝೂ಼ಂಡ್‌ ಭರೈನ್ ಇವ್ಣ ಜೋ಼ಡೆ ಖಾಣನ ಬೆಠೂಥು.

ಪ್ರಕಾಶಿತ್ 3:20

ಹಂದೇಕ್ ಖ್ಹಾಮ್ಣೆ ಭೀರಿನ್ ಬಾಕಲ್ ಖಟ್‍ಕಟಾವ್‌ ಕರುಸ್, ಕೋಣ್‌ತೋಬಿ ಮಾರಿ ಆವಾಜ಼್‌ನ ಖ್ಹಮ್‌ಜಿನ್‌ ದರ‍್ವಾಜು಼ ಕಾಡ್ಯತೊ, ಮೇ ಮಹಿ ಐನ್ ಇನ ಜೋ಼ಡೆ ಖಾಣು ಖೈಶ್‌. ಯೊ ಮಾರಿ ಜೋ಼ಡ್ಮ ಖಾಣು ಖಾಶೆ.