ಯೋಹಾನ 12:17 - ದೇವ್ನಿ ಖ್ಹಾಚಿ ವಚನ್

¹⁷ ಅತ್ರೇಸ್ ಕಾಹೆತೆ ಲಾಜ಼ರ್‌ನ ಘವಿನ ಮಹಿಥು ಚಿಕ್ರಿನ್‌, ಜಿವ್ತು ಉಠಾಡ್ಯೋತೆ ವಖ್ಹತ್‌ಮ, ಇನಜೋ಼ಡೆ ಥೂತೆ ಇವ್ಣೆ ದೇಖ್ಯುತೆ ಅದ್ಮಿಖ್ಹಾರು ಅನಿ ಬಾರೇಮ ಸಾಕ್ಷಿ ಬೋಲುಕರ್ತೂಥು.

ಯೋಹಾನ 12:17 ပူးပေါင်းရင်းမြစ်များ

ಯೋಹಾನ 1:19

ಯೆರೂಸಲೇಮ್‌ನು ಯೆಹೂದ್ಯರ್‌ನ ಅದಿಕಾರಿಯೋನೆ ಯಾಜಕರ್‌ ಅಜು಼ ಲೇವಿವಾಳಾನ ಯೋಹಾನಕನ ಮೋಕ್ಲಿನ್, “ತೂ ಕೋಣ್?” ಕರಿ ಪುಛಾ಼ವನಟೇಕೆ ಮೋಕ್‍ಲ್ಯು.

ಯೋಹಾನ 1:32

ಅತ್ರೇಸ್ ಕಾಹೆತೆ ಯೋಹಾನ ಬೋಲ್ಯೋತೆ ಸಾಕ್ಷಿ ಶಾತ್‌ಕತೊ, “ದೇವ್‌ನು ಆತ್ಮ ಸೊರ್ಗಥು ಪರ‍್ಯಾವಾನಿಘೋಣಿ ಉತ್ರಿನ್ ಆಯೂತೆ ಅಜು಼ ಇನಾಪರ್ ಐನ್ ಬೆಠೂತೆ ಮೇ ದೇಖ್ಯೊ”.

ಯೋಹಾನ 1:34

“ಮೇ ಇನ ದೇಖ್ಯೊ, ಅಜು಼ ಯೋಸ್ ದೇವ್‌ನೊ ಛಿಯ್ಯೊ ಕರಿ ಮೇ ಸಾಕ್ಷಿ ದೆವ್‍ಕರೂಸ್” ಕರಿ ಬೋಲ್ಯೊ.

ಯೋಹಾನ 11:31

ಮರಿಯನ ಜೋ಼ಡೆ ಘರ್‌ಮ ರ‍್ಹೀನ್, ಇನ ಭಾಲಿ ದೆವ್‌ಕರ್‌ತುಥೂತೆ ಯೆಹೂದ್ಯರ್, ಯೋ ಫಟ್‌ ಕರಿ ಉಠೀನ್ ಭಾರ್ ವಳಿಜಾ಼ಯಿತೆ ದೇಖಿನ್‌, ಆ ರೊವಾನಖ್ಹಾಜೆ ಘವಿಕನ ವಳಿಜಾ಼ಸ್ಕಿ ಶುಕಿ? ಕರಿ ಸೋಚಿನ್, ಇನ ಪೀಠೆ ಗಯು.

ಯೋಹಾನ 11:42

ತೂ ಕದೇಬಿ ಮಾರಿ ಪ್ರಾರ್ಥನೆ ಖ್ಹಮ್‌ಜಾ಼ಸ್‌ ಕರಿ ಮನ ಮಾಲುಮ್‌, ತೋಬಿ ತುನೇಸ್ ಮನ ಬೋಲಿಮೋಕ್‌ಲ್ಯೊ ಕರಿ ಬೋಲಾನು, ಅಶ್‌ಪೀಶ್‌ ಭಿಯುತೆ ಅದ್ಮಿಖ್ಹಾರು ವಿಶ್ವಾಸ್‌ ಕರಾದೆ ಕರಿ, ಮೇ ಆ ವಾತೇನ ಬೋಲ್ಯೊ” ಕರಿ ಬೋಲ್ಯೊ.

ಯೋಹಾನ 12:9

ಯೆಹೂದ್ಯರ್ ಅದ್ಮಿನಿ ಮೋಟಿ ಭೀಡ್, ಯೇಸು ಬೆಥಾನ್ಯಾಮ ಛಾ಼ ಕರಿ ಮಾಲುಮ್‌ ಕರಿಲೀನ್, ಖಲಿ ಇನ ದೇಖಾನಖ್ಹಾಜೆ ಕಾಹೆತೆ, ಇನೆ ಮರ‍್ಯಾಹುಯಮಾಥು ಜಿವ್ತು ಉಠಾಡ್ಯೋತೆ ಲಾಜ಼ರ್‌ನಾಬಿ ದೇಕ್ಣು ಕರಿ ಹಿಜ್ಜಾ಼ ಗಯು.

ಯೋಹಾನ 19:35

ಅನ ದೇಖ್ಯೋತೆ ಇನೇಸ್‌ ಸಾಕ್ಷಿ ಬೋಲಿರಾಖ್ಯೊಸ್, ಇನಿ ಸಾಕ್ಷಿ ಖ್ಹಾಚ಼ಸ್ ಶನಕತೊ ತುಮೇಬಿ ಅನ ವಿಶ್ವಾಸ್‌ ಕರ‍್ನು ಕರಿ ಇನೆ ಬೋಲಿರಾಖ್ಯೋಸ್ತೆ. ಅಜು಼ ಯೋ ಬೋಲುಕರಾತೆ ಖ್ಹಾಚಸ್ ಕರಿ ಇನ ಮಾಲುಮ್‌ ಛಾ಼.

ಯೋಹಾನ 21:24

ಆ ಖ್ಹಾರಿ ಬಾರೇಮ ಲೀಖಿನ್, ಅನಿ ಬಾರೇಮ ಸಾಕ್ಷಿ ಬೋಲವಾಳೊ ಶಿಷ್ಯ ಆಸ್. ಯೋ ಬೋಲ್ಯೋತೆ ಖ್ಹಾಚ಼ಸ್ ಕರಿ ಹಮೂನ ಮಾಲುಮ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:22

ಇನಖ್ಹಾಜೆ ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ ಬೋಧನೆ ಕರ‍್ಯೊತೆ ದನ್‌ಥು ಕತೊ ಯೋಹಾನ ಬ್ಯಾಪ್ತಿಸ್ಮ ಕರ‍್ಯೊತೆ ಹಿಜ್ಜಾ಼ಥು ಧರೀನ್ ಯೇಸು ಸೊರ್ಗಮ ಗಯೋತೆ ದನ್‍ಲಗೂಬಿ ಅಪ್ಣ ಜೋ಼ಡ್ಮ ರ‍್ಹವವಾಳೊ ಹುಯಿರೇಣು.” ಶನಕತೊ ಆ ವೇಳ್ಮ ರ‍್ಹವವಾಳೊ ಏಕ್ಜ಼ಣೊ ಯೇಸು ಪಾಛು಼ಜಿವ್ತೊಹುಯಿನ್ ಉಠ್ಯೊತೆ ಇನ ಸಾಕ್ಷಿಹುಯಿರೇಣು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:32

ಆ ಕಾಮ್ನ ಹಮೇಸ್ ಸಾಕ್ಷಿ; ಹಮೇಸ್ ಕಾಹೆತೆ ವಿಧೇಯ ಹುವಾತೆ ಅಖ್ಖಾಸ್ ಅದ್ಮಿನ ದೇವ್ನೆ ದೀರಾಖ್ಯೋತೆ ಪವಿತ್ರಾತ್ಮಸ್ ಸಾಕ್ಷಿ ಹುಯಿರೋಸ್” ಕರಿ ಬೋಲ್ಯೊ.

ಪ್ರಕಾಶಿತ್ 1:2

ಯೋಹಾನನೆ ದೇವ್ನಿ ವಚನ್ನಿ ಬಾರೆಮಾಬಿ, ಯೇಸು ಕ್ರಿಸ್ತನೆ ಬೋಲ್ಯೊತೆ ಸಾಕ್ಷಿನಿ ಬಾರೆಮಾಬಿ,ಇನೆ ದೇಖ್ಯೋತೆ ಖ್ಹಾರು ಖ್ಹಮ್‌ಜಾಡವಾಳೊಹುಯಿನ್‌ ಸಾಕ್ಷಿ ಬೋಲ್ಯೊ.