ಯೋಹಾನ 11:52 - ದೇವ್ನಿ ಖ್ಹಾಚಿ ವಚನ್

⁵² ಖಲಿ ಯೆಹೂದ್ಯರ್‌ನಖ್ಹಾಜೆ ಕಾಹೆ, ಪಣ್ಕಿ ಛಿದ್‍ರೈಗಯುತೆ ದೇವ್‌ನು ಅದ್ಮಿಖ್ಹಾರಾನ ಎಕ್ಟು ಕರಾನಖ್ಹಾಜೆ ಯೇಸು ಮರವಾಳೊ ಥೊ.

ಯೋಹಾನ 11:52 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 15:8

ಏಕ್‌ ತಯೇಡಾಕನ ದಖ್ಹ್‌ ರೂಪಾನು ಬಿಲ್ಲು ಛಾ಼ ಕರಿ ಸೋಚೊ. ಇನಾಮಾನು ಏಕ್‌ ಬಿಲ್ಲಾನ ಯೋ ಗುಮೈಲಿದಿತೊ ಯೋ ಶಾತ್‌ ಕರ್ಶೆ? ಯೋ ತಯೇಡ ದೀವೊ ಲಗಾಡಿನ್, ಹಿಡಿ ಘರ್‌ನಾಸ್ ಝಾ಼ಡೀನ್, ಗುಮೈಗಯೂತೆ ಯೋ ಬಿಲ್ಲು ಮಳಾತೋಡಿ, ಹೊಷಾರ್‌ಥಿ ಢೂಂಡಾ ಕೊಯ್ನಿಕಿ ಶು?

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:32

ಯೋ ಪರೈ ಜಾ಼ತ್‌ವಾಳ ಅದ್ಮಿನ ತಾರಿ ಮರ್ಜಿ ವತಾಳವಾಳೊ ಉಜಾ಼ಳು ಹುಯಿರ‍್ಹೋಸ್ ಅಜು಼ ತಾರು ಇಸ್ರಾಯೇಲ್ ಅದ್ಮಿವೋನ ಮಹಿಮೆ ಉಶೆ.

ಯೋಹಾನ 1:12

ಕತೋಬಿ ಕೋಣ್-ಕೋಣ್ ಇನ ಮಳೈಲಿದುಕಿ, ಕತೊ ಇನ ನಾಮ್‍ಪರ್ ವಿಶ್ವಾಸ್ ಕರ‍್ಯುಕೀ, ಇವ್ಣುನ ದೇವ್ನ ಲಡ್ಕಾ ಹುವಾನ ಹಕ್‌ ದಿದೊ.

ಯೋಹಾನ 1:29

ಇನವ್ಹಾಣೆ ಯೋಹಾನನೆ ಇನಾಖನ್ನೆ ವಳ್ಯಾವ್‍ತೊಥೋತೆ ಯೇಸುನ ದೇಖಿನ್, “ದೇವ್ನ ಮೇಂಢಾನ ಚೆಲ್ಕಾನ ದೇಖೊ, ಯೊ ಜಗತ್‌ನು ಪಾಪ್ನ ದೂರ್ ಕರ್ಶೆ.”

ಯೋಹಾನ 10:16

ಅತ್ರೇಸ್ ಕಾಹೆತೆ, ಆ ಮಂಧಾಮ ಮಳ್ಯುಕೊಂತೆ ಬಿಜು಼ ಖ್ಹಾರು ಮೇಂಢಾಬಿ ಮನ ಛಾ಼, ಇನಾಬಿ ಮೇ ಲೀನಸ್ ಆವ್ಣು, ಇವ್ಣೆ ಮಾರಿ ಅವಾಜ಼್‌ನ ಖ್ಹಮ್‌ಜಾ಼ಸ್‌; ತದೆ ಎಕ್ಕಸ್ ಝೂ಼ಂಡ್‌ ಉಶೆ ಅಜು಼ ಎಕ್ಕಸ್ ಜ಼ಣೊ ಕುರುಬ ರ‍್ಹಿಶೆ.

ಯೋಹಾನ 12:32

ಮೇ ಜ಼ಮೀನ್‍ಪರ್ಥೊ ಉಪ್ಪರ್ ಪಡೈಜೈ಼ಶ್‌ತೆ ತದೆ ಹರೇಕ್ನ ಮಾರಕನ ಖೇಚಿಲೀಶ್‌” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:10

ಮೇಸ್ ತಾರಿ ಜೋ಼ಡ್ಮ ಛೂ಼. ಕೋಣ್‌ಬಿ ತುನ ಖರಾಬ್ ಕರಾನ ಕೊಉಷೇನಿ. ಆ ಖ್ಹಯೇರ್‌ಮ ಮಾರಭಣಿಥು ಕೆತ್ರೂಕಿ ಜ಼ಣು ಛಾ಼” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:29

ದೇವ್ ಯೆಹೂದ್ಯರ್‌ನ ಖಲಿ ದೇವ್‍ಕಿಶು? ಯೋ ಯೆಹೂದ್ಯರ್‌ಕಾಹೆತೆ ಇವ್ಣುನಾಬಿ ದೇವ್‍ಹುಯಿರ‍್ಹೇಸ್‍ ಕೊಯ್ನಿಕಿಶು? ಒಹೊ, ಯೆಹೂದ್ಯರ್‌ಕಾಹೆತೆ ಇವ್ಣುನಾಬಿ ದೇವ್ ಹುಯಿರ‍್ಹೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:17

“ಮೇ ತುನ ಕೈಏಕ್‌ ಜ಼ಗ್‌ಜಾ಼ತ್‌ನ ಅದ್ಮಿವೋನ ಬಾಕರಿ ದೀರಾಖ್ಯೊಸ್!” ಕರಿ ಪವಿತ್ರ ದಪ್ತರ್‌ಮ ಲಿಖೈರ‍್ಹುಸ್. ದೇವ್ ಮರಾವಾಳನ ಜಾನ್‌ ದ್ಯವಾಳೋಬಿ, ಕೋರ‍್ಹೆಂತೆ ಇನ ರ‍್ಹವಾನಿತರ ಕರವಾಳೋಬಿ ಹುಯಿರೋತೆ ದೇವ್‌ಮ ಅಬ್ರಹಾಮ್‌ನೆ ವಿಶ್ವಾಸ್‍ಕರ‍್ಯೊ. ಇನಖ್ಹಾಜೆ ಆ ವಾಗ್ದಾನ್ನ ದೇವ್‍ಥೀಸ್‍ ಇನೆ ಲಿದೊ.

ಎಫೆಸ 1:5

ದೇವ್ ಫೈಲೆಥೊಸ್ ಯೇಸು ಕ್ರಿಸ್ತಥಿಸ್ ಅಪ್ಣುನ ಇನ ಲಡ್ಕಕರಿ ಬಣೈನ್ ಸ್ವೀಕಾರ್ ಕರಾನಖ್ಹಾಜೆ ಚೂ಼ಣಿಲಿದೊ. ಯೊ ಇನಿ ಖ್ಹೂಜ಼್ ಹುಯಿರ‍್ಹಿಥಿ ಇನಿ ಖ್ಹಯಾಲ್‍ಬಿ ಹುಯಿರ‍್ಹಿಥಿ.

ಎಫೆಸ 3:11

ದೇವ್ನೆ ಅಪ್ಣೊ ಪ್ರಭು ಕ್ರಿಸ್ತಯೇಸುಥಿ ಭರ್‌ಪೂರ್‌ ಕರ‍್ಯೊತೆ ಇನಿ ಹರ್‌ಹಮೇಶಾನಿ ಖ್ಹೂಜ಼್‌ನಿ ಪರಕ್ಮ ಆ ಅಖ್ಖು ಕರ‍್ಯೊ.

ಯಾಕೋಬ 1:1

ದೇವ್‍ನಾಬಿ ಪ್ರಭುಹುಯಿರೋತೆ ಯೇಸು ಕ್ರಿಸ್ತನಾಬಿ ದಾಸ ಹುಯಿರೋತೆ ಯಾಕೋಬ ಅಲಕ್‍ ದೇಖ್ಹ್‌ಮ ಛಿಡ್‍ಕೈರ‍್ಹುತೆ ಭಾರ ಖೂಮ್‍ವಾಳನ ಲಿಖಾನು ಶಾತ್‍ಕತೊ, ತುಮೂನ ಅಛ್ಛು಼ ಹುವಾದೆ.

1 ಪೇತ್ರ 1:1

ಯೇಸು ಕ್ರಿಸ್ತನೊ ಅಪೊಸ್ತಲ ಹುಯಿರ‍್ಹೋತೆ ಪೇತ್ರನೆ ಪೊಂತ, ಗಲಾತ್ಯ, ಕಪ್ಪದೋಕ್ಯ ಏಷ್ಯಾ ಬಿಥೂನ್ಯ ಕರಿ ತಬರ್‌ಖಾಮ ಛಿಡ್‍ಕೈಗಾತೆ ಪರೈದೇಖ್ಹ್‌ಮ ಜಿವ್‌ಕರಾತೆ ದೇವ್ನ ಅದ್ಮಿವ್‍ನ ಕತೊ,

1 ಯೋಹಾನ 2:2

ಯೋ ಅಪ್ಣ ಪಾಪ್ನ ಕ್ಷಮಾಪಣ್‍ನಖ್ಹಾಜೆ ಪರಿಹಾರ‍್ನೊ ಬಲಿಹುಯಿರ‍್ಹೊಸ್. ಅಪ್ಣ ಪಾಪ್ನಕರಿ ಖಲಿಕಾಹೆ ಅಖ್ಖಾ ಜಗತ್ನ ಖ್ಹಾರ ಅದ್ಮಿನ ಪಾಪ್ನಖ್ಹಾಜೆಬಿ ಪರಿಹಾರ್ ಹುಯಿರ‍್ಹೊಸ್.

1 ಯೋಹಾನ 3:1

ಅಪ್ಣೆ ದೇವ್ನ ಲಡ್ಕಾ ಕರಿ ಬೋಲೈಲೇವ್ಣುಕತೊ ಬಾ ಅಪ್ಣುನ ಕೆಥ್ರಾನಿ ಪ್ಯಾರ್ ಕರಿರಾಖ್ಯೊಸ್ ದೇಖೊ; ಖ್ಹಚಂಬಿ ಅಪ್ಣೆ ದೇವ್ನ ಲಡ್ಕಾ ಹುಯಿರಾಸ್. ಆ ಜಗತ್‌ ಇನ ಮಾಲುಮ್‌ಕರ‍್ಲಿದುಕೊಂತೆ ಇನಾಖ್ಹಾಜೆ ಅಪ್ಣುನಾಬಿ ಮಾಲುಮ್‌ ಕರ‍್ಲೆಯ್‍ಕೊಯ್ನಿ.

1 ಯೋಹಾನ 3:10

ಅಜು಼ ನೀತಿನ ವಾಟ್‌ಮ ನಾಚಾ಼ಲವಾಳೊ, ಇವ್ಣ ಭೈಯೇ ಅಜು಼ ಭೇನೇನ ಲಾಡ್‌ ನಾಕರವಾಳೊ ದೇವ್‍ಥಿ ಪೈದಹುಯೊ ಕೊಯ್ನಿ. ಅಮ್ ದೇವ್ನ ಲಡ್ಕಾ ಕೋಣ್ ಅಜು಼ ಶೈತಾನ್ನ ಲಡ್ಕಾ ಕೋಣ್‌ಕರಿ ಮಾಲುಮ್ ಕರಿಲೆಯೆಜಾ಼ಯ್‍.

1 ಯೋಹಾನ 3:2

ಪ್ಯಾರ್‌ನ ದೋಸ್ತಿವೊ ಅಪ್ಣೆ ಹಮ್ಕೆ ದೇವ್ನ ಲಡ್ಕಾ. ಅಜು಼ ಆಗಾಡಿ ಅಪ್ಣೆ ಶಾತ್‌ ಲಿಶುಕರಿ ಕೆಥ್ರಾನವಾಳ ಹುಯಿರ‍್ಹಿಯೆಸ್ ಕರಿ ಬಿಜೂ಼ಬಿ ಖ್ಹಮ್‍ಜ್ಯಕೊಯ್ನಿ. ಕತೋಬಿ ಕ್ರಿಸ್ತಯೇಸು ಆವನಿ ವಖ್ಹ್‌ತೆ ಅಪ್ಣೇಬಿ ಇನಿನಿತರಾಸ್ ರಿಶು ಕರಿ ಮಾಲುಮ್ ಕರಿರಾಖ್ಯಸ್. ಶನಕತೊ ಯೋ ರ‍್ಹಿಶೇತೆ ರೂಪ್‍ಮಸ್ ದೇಕ್‌ಶು.

ಪ್ರಕಾಶಿತ್ 5:9

ಇವ್ಣೆ ನವುಗೀದ್ ಬೋಲ್ತುಹುಯಿನ್ ಪುಂಗ್‌ಳಿನ ಮಾಂಗಾನ, ಇನ ಮುದ್ರಾನ ಫೋಡಾನ ತೂ ಯೋಗ್ಯ ಹುಯಿರೊಸ್ ತೂ ರ‍್ಹೇಖ್ಹಯ್‌ಜೈನ್ ಬಲಿದಾನ್‌ಹುಯಿನ್ ತಾರ ಲ್ಹೋಯಿಥಿ ಹರೇಕ್ ಖೂಮ್‌, ಬೋಲಿ, ದೇಖ್ಹ್‌ವಾಳಾನ,ಅಖ್ಖಾಸ್ ಜಾ಼ತ್ನ ಅದ್ಮಿಖ್ಹಾರಾನ ದೇವ್ನಖ್ಹಾಜೆ ಮೋಲ್‌ಲೀರಾಖ್ಯೋಸ್.