ಯೋಹಾನ 11:43 - ದೇವ್ನಿ ಖ್ಹಾಚಿ ವಚನ್

⁴³ ಆ ಬೋಲಾನ ಬಾದ್‌ಮ, ಯೇಸುನೆ ಜೋ಼ರೆಥಿ ಚಿಕ್ರಿನ್, “ಲಾಜ಼ರ್‌, ಭಾರ್‌ ಉಠೀನ್ ಆವ್!” ಕರಿ ಬೋಲ್ಯೊ.

ಯೋಹಾನ 11:43 ပူးပေါင်းရင်းမြစ်များ

ಮಾರ್ಕ 4:41

ಕತೋಬಿ ಇವ್ಣೆ ಘಣು ಡರಿಜೈನ್, “ಆ ಅದ್ಮಿ ಕೋಣ್ ಉಶೆ? ವಹಿರೋಬಿ, ದರ‍್ಯಾವ್‌ಬಿ ಜಿನು ಆ ಬೋಲಾತೆ ಇಮ್‌ ಖ್ಹಮ್‌ಜಾ಼ಸ್‌ನಿ!” ಕರಿ ಏಕ್‌ಥಿ ಏಕ್‌ ಬೋಲಿಲಿದು.

ಯೋಹಾನ 11:42

ತೂ ಕದೇಬಿ ಮಾರಿ ಪ್ರಾರ್ಥನೆ ಖ್ಹಮ್‌ಜಾ಼ಸ್‌ ಕರಿ ಮನ ಮಾಲುಮ್‌, ತೋಬಿ ತುನೇಸ್ ಮನ ಬೋಲಿಮೋಕ್‌ಲ್ಯೊ ಕರಿ ಬೋಲಾನು, ಅಶ್‌ಪೀಶ್‌ ಭಿಯುತೆ ಅದ್ಮಿಖ್ಹಾರು ವಿಶ್ವಾಸ್‌ ಕರಾದೆ ಕರಿ, ಮೇ ಆ ವಾತೇನ ಬೋಲ್ಯೊ” ಕರಿ ಬೋಲ್ಯೊ.

ಯೋಹಾನ 11:44

ತದೆ ಮರಿಗಯೊಹುಯೊ ಉಠೀನ್ ಫಾದರ್ ಆಯೊ, ಇನ ಹಾತ್‌-ಗೋಡ, ಮ್ಹೋಡು ಮರ‍್ಯಮುರ್ದಾನ ಲುಂಗ್ಡಾಥಿ ಲಪೆಟೈರ‍್ಹೂಥು. ಯೇಸುನೆ ಇವ್ಣುನ, “ಇನ ಛೋ಼ಡೊ, ಯೋ ಜಾ಼ವಾದೆ” ಕರಿ ಬೋಲ್ಯೊ.

ಯೋಹಾನ 12:1

ಪಸ್ಕ ಪೂಜಾ಼ನ ಛೊ಼ ದನ್ನ ಪಾಛ಼ಳ್ ಯೇಸು ಬೇಥಾನ್ಯ ಗಾಮ್‌ನ ಗಯೊ, ಯೇಸುನೆ ಮರ‍್ಯಾಹುಯಾಮಾಥು ಜಿವ್ತೊ ಉಠಾಡ್ಯೋತೆ ಲಾಜ಼ರ್‌ಬಿ ಹಿಜ್ಜಾ಼ಸ್ ರ‍್ಹೇತೊಥೊ.

ಯೋಹಾನ 12:9

ಯೆಹೂದ್ಯರ್ ಅದ್ಮಿನಿ ಮೋಟಿ ಭೀಡ್, ಯೇಸು ಬೆಥಾನ್ಯಾಮ ಛಾ಼ ಕರಿ ಮಾಲುಮ್‌ ಕರಿಲೀನ್, ಖಲಿ ಇನ ದೇಖಾನಖ್ಹಾಜೆ ಕಾಹೆತೆ, ಇನೆ ಮರ‍್ಯಾಹುಯಮಾಥು ಜಿವ್ತು ಉಠಾಡ್ಯೋತೆ ಲಾಜ಼ರ್‌ನಾಬಿ ದೇಕ್ಣು ಕರಿ ಹಿಜ್ಜಾ಼ ಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:12

ಪೇತ್ರ ಅನ ದೇಖಿನ್, ಯೋ ಅದ್ಮಿಖ್ಹಾರಾನ; ಇಸ್ರಾಯೇಲ್‌ವಾಳವೊ, ಅನ ದೇಖಿನ್ ಶನ ಆಶ್ಚರ್ಯ ಹುಯಿರಾಸ್? ತುಮೆ ಹಮೂನ ಶನ ಅಮ್ ದೇಖುಕರಸ್? ಹಮೆ ಹಮಾರಿ ಶೊಂತ್ ಶಕಥ್ಥಿ ರ‍್ಹವೊ, ಹಮಾರಿ ದೇವ್ನಿ ಭಕ್ತಿಥಿ ರ‍್ಹವೊ ಅನ ಚಾ಼ಲ್ವಾನಿತರ ಕರ‍್ಯಕರಿ ನಕೊ ಲಾಝ಼್‌ಶು?

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:6

ತದೆ ಪೇತ್ರನೆ, ಪೈಶ ಖ್ಹೊನ್ನು ಮಾರಕನ ಕೊಯ್ನಿ, ಕತೋಬಿ ಮಾರಕನ ಛಾ಼ತೆ ಯೊ ತುನ ದೆವುಸ್. ನಜ಼ರೇತ್ನ ಯೇಸುಕ್ರಿಸ್ತನ ನಾಮ್‍ಥೀಸ್ ಉಠೀನ್ ಚಾ಼ಲ್‍ಕರಿ ಬೋಲಿನ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:34

ಪೇತ್ರನೆ ಯೋ ಅದ್ಮಿನ, “ಐನೇಯ,ಯೇಸು ಕ್ರಿಸ್ತಾಸ್ ತುನ ಅಛ್ಛು಼ ಕರುಕರಸ್. ಉಟ್ ತಾರ ಬಿಛಾ಼ವ್ಣನ ತೂಸ್ ಬಿಚೈ಼ಲೇ” ಕರಿ ಬೋಲ್ಯೊ. ತುರಂತ್ ಯೋ ಉಠಿನಿಕ್‍ಳ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:40

ಅಜು಼ ಪೇತ್ರನೆ ಅದ್ಮಿಖ್ಹಾರಾನ ಭಾರ್‌ ಮೋಕ್ಲಿನ್ ಢುಕ್‍ಣ್ಯಮೇಟೆ ಹುಯಿನ್ ಪ್ರಾರ್ಥನೆ ಕರೀ ಶರೀರ್‌ಭಣಿ ಫರೀನ್, “ತಬಿಥಾ, ಉಪ್ಪರ್ ಉಟ್” ಕರಿಬೋಲ್ಯೊ. ಯೋ ಡೋಳಪಾಡಿನ್ ಪೇತ್ರನ ದೇಕ್‍ಥೀಸ್ ಉಠಿ ಭೀರಿಗಯಿ.