ಯೋಹಾನ 10:32 - ದೇವ್ನಿ ಖ್ಹಾಚಿ ವಚನ್

³² ತದೆ ಯೇಸುನೆ ಇವ್ಣುನ, “ಬಾನೆ ದಿದೋತೆ ಕೈಯೆಕ್ಕಿ ಅಛ್ಛು಼ ಕಾಮ್ನ ಮೇ ತುಮಾರ ಖ್ಹಾಮ್ಣೆ ಕರಿವತಾಳ್ಯೊ; ಯೋ ಖ್ಹಾರು ಕಾಮ್ಮಾಥು ಕೆಹು ಕಾಮ್ನಟೇಕೆ ಮಾರಪರ್ ತುಮೆ ಬಂಡಾ ಫೇಕ್‌ಣು ಕರಿ ಛಾ಼?” ಕರಿ ಪುಛಾ಼ಯೊ.

ಯೋಹಾನ 10:32 ပူးပေါင်းရင်းမြစ်များ

ಮತ್ತಾಯ 11:5

ಕಾಣಾವ್ನ ಡೋಳಾ ಆವ್‌ಶೆ, ಲಂಗ್ಡು ಖ್ಹಾರು ಚಾ಼ಲ್‌ಷೆ, ಖೋಡ್‍ ರ‍್ಹವಾಳು ಪಾಕ್‌ ಉಶೆ, ಭೈರಾವ್‍ನ ಖ್ಹಮ್‌ಜಾ಼ವ್‌ಶೆ, ಮರಿಗಯುಹುಯು ಜಿವ್ತು ಉಟ್‌ಶೆ, ಅಜು಼ ಗರೀಬ್‌ನ ಸುವಾರ್ತೆ ಬೋಲಾವ್‌ಶೆ.

ಯೋಹಾನ 10:25

ಯೇಸುನೆ, “ಮೇ ಅಗಾಡಿಸ್ ತುಮೂನ ಬೋಲ್ಯೊ, ಕತೋಬಿ ತುಮೆ ಮನ ವಿಶ್ವಾಸ್‌ ಕೋ ಕರ‍್ಯಾನಿ, ಮಾರ ಬಾನ ನಾಮ್‌ಪರ್‌ ಮೇ ಕರುಸ್ತೆ ಅದ್ಭುತ್ ಕಾಮಸ್ ಮನ ಸಾಕ್ಷಿ ಹುಯಿರ‍್ಹುಸ್‍.

ಯೋಹಾನ 10:31

ಪಾಛು಼ ಯೆಹೂದ್ಯರ್ ಯೇಸುನ ಮಾರ‍್ನು ಕರಿ ಬಂಡಾ ಚೂ಼ಣಿಲಿದು.

ಯೋಹಾನ 10:33

ಯೆಹೂದ್ಯರ್‌ನೆ, “ಹಮೆ ತಾರಪರ್ ಬಂಡಾ ಫೇಕಾನ ಆಯಾತೆ ಅಛ಼್ಛ ಕಾಮ್ನಕರಿ ಕಾಹೆ, ತುನೆ ದೇವ್ನ ಛಿಂಗಾಯೋತೆ ಇನಖ್ಹಾಜೆ, ತೂ ಖಲಿ ಏಕ್‌ ಅದ್ಮಿ ಹುಯಿರ‍್ಹೋಸ್, ಅಜು಼ ತಾರು ತೂಸ್ ದೇವ್ ಕರಿಲ್ಯವಾನ ದೇಖಾಸ್ತೆ ಇನಖ್ಹಾಜೇಸ್ ಬಂಡಾ ಫೇಕಾನ ಆಯಾತೆ!” ಕರಿ ಜವಾಬ್‌ ದಿದು.

ಯೋಹಾನ 10:37

ಮೇ ಮಾರೊ ಬಾ ಬೋಲಾತೆ ಕಾಮ್ನ ನಾ ಕರ‍್ಯೊ ಉಶೇತೊ, ಮಾರಿ ವಾತೇನ ನಕೊ ನಂಬೊ.

ಯೋಹಾನ 5:36

ಮಾರಿ ಸಾಕ್ಷಿ ಯೋಹಾನ್‌ಥೀಬಿ ಮೋಟಿ ಸಾಕ್ಷಿ ಹುಯಿರಿಶ್. ಶನಕತೊ ಬಾ ಖೆವುಕಾಮ್ ಪೂರ ಕರಾನ ಮನ ದಿದೊತೆ ಯೋ ಕಾಮ್ನ ಕರುಕರೂಸ್.ಕರಿಬೋಲಾನ ಆ ಕಾಮಸ್ ಸಾಕ್ಷಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:38

ದೇವ್ನ ನಜ಼ರೇತ್‌ನ ಯೇಸುನಿ ಬಾರೇಮ ಮಾಲುಮ್. ಇನ ಪವಿತ್ರಾತ್ಮಥಿಬಿ ಶಕಥ್ಥಿ ಅಬಿಷೇಕ್ ಕರ‍್ಯೊ ಯೊ ಅಖ್ಖೀಸ್ ಬಾಜೂ಼ಮ ಫರ್ತೊಹುಯಿನ್ ಅದ್ಮಿಖ್ಹಾರನ ಅಛ್ಛು಼ ಕರ‍್ಯೊ. ಭೂತ್ ಧರಿರ‍್ಹಾವಳನಬಿ ಗುಣ್‌ಕರ‍್ಯೊ. ಶನಕತೊ ದೇವ್ ಇನಿ ಜೋ಼ಡ್ಮ ಛಾ಼ಕರಿ ಬೋಲಾನು ವತಾಳಿದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:22

“ಇಸ್ರಾಯೇಲ್ ಅದ್ಮಿವೊ, ಮಾರಿ ವಾತ್ನ ಖ್ಹಮ್‍ಜೊ; ನಜ಼ರೇತ್‌ನೊ ಯೇಸು ಛಾ಼ನಿ ದೇವ್ ತುಮುನಾಬಿ ಮಾಲುಮ್‌ ರ‍್ಹವಾನಿತರ ದೇವ್ನೆಸ್ ಇನೇಥಿ ಚ಼ಲಾಯೊತೆ ಮಹಾ ಕಾಮ್‍ಬಿ, ಅದ್ಭುತ್‌ಕಾಮ್‍ಥಿ ಇನ ಪಸಂದ್ ಹುವಾನಿತರ ತುಮೂನ ವತಾಳಿ ದಿದೊ.

1 ಯೋಹಾನ 3:12

ಕೇಡ್‍ಕರವಾಳೊ ಹುಯಿರಿನ್ ಇನ ಭೈನಾಸ್‍ ಭೋಕಿ ಮಾರ‍್ಯೋತೆ ಕಾಯಿನನಿಘೋಣಿ ಅಪ್ಣೆ ನಾರ‍್ಹೇವ್ಣು. ಯೋ ಶನ ನ್ಹಾನಭೈನ ಮಾರಿನಾಖಿದಿದೊತೆ? ಇನು ಕಾಮ್‌ಖ್ಹಾರು ಖರಾಬ್ ಅಜು಼ ಇನ ಭೈನು ಕಾಮ್ ನೀತಿನು ಹುಯಿರ‍್ಹುಥೂತೆ ಇನಖ್ಹಾಜೇಸ್.