ಯೋಹಾನ 10:27 - ದೇವ್ನಿ ಖ್ಹಾಚಿ ವಚನ್

²⁷ ಮಾರ ಮೇಂಢ ಮಾರಿ ಅವಾಜ಼್‌ನ ಖ್ಹಮ್‌ಜಾ಼ಸ್‌; ಮನ ಇವ್ಣೆ ಮಾಲುಮ್‌ ಅಜು಼ ಇವ್ಣೆ ಮಾರ ಪೀಠೆ ಆವಸ್.

ಯೋಹಾನ 10:27 ပူးပေါင်းရင်းမြစ်များ

ಮತ್ತಾಯ 16:24

ಅನಕೇಡೆಥು ಯೇಸುನೆ ಇನ ಶಿಷ್ಯರ್‌ನ, “ಕಿನಾತೋಬಿ ಮಾರ ಪೀಠೆ ಆವ್ಣುಕರಿ ಮನ್ ಉಶೇತೊ, ಯೋ ಖ್ಹುದ್‌ನ ಭೈಕಿಜೈ಼ನ್, ಇನಿ ಶಿಲ್‌ಬೇನ ಪಾಡಿಲೀನ್, ಮಾರ ಪೀಠೆ ಆವಾದೆ.

ಮತ್ತಾಯ 17:5

ಯೋ ಅಮ್ ಬೋಲುಕರಾನಿ ವಖ್ಹತ್‌ಮಾಸ್‌, ಏಕ್‌ ಉಜಾ಼ಖ್ಹ್‌ನು ವಾದ್‌ಳು ಐನ್, ಇವ್ಣಾಪರ್ ಢಪಾಯು, ಅಜು಼ ಯೋ ವಾದ್ಳಾನ ಮಹಿಥು, “ಆ ಮಾರೊ ಪ್ಯಾರ್‌ನೊ ಛಿಯ್ಯೊ, ಅನೇಥಿ ಮೇ ಘಣು ಖ್ಹುಶಿ ಛೂ಼!” ಕರಿ ಏಕ್‌ ಅವಾಜ಼್ ಆಯೊ.

ಮತ್ತಾಯ 25:12

ತದೆ ಯೋ ನೌಶಾನೆ, ‘ತುಮೆ ಕೋಣ್ ಕರಿ ಮನ ಮಾಲುಮ್ ಕೊಯ್ನಿ, ಕರಿ ಮೇ ಖ್ಹಾಚಮಾಬಿ ಬೋಲುಸ್’ ಕರಿ ಬೋಲ್ಯೊ.”

ಮತ್ತಾಯ 7:23

ತದೆ ಮೇ ಇವ್ಣುನ, ತುಮೆ ಕೋಣ್‌ಕರಿ ಮನ ಮಾಲುಮಸ್ ಕೊಯ್ನಿ. ಮಾರೇಥಿ ದೂರ್ ಹಟಿಜಾ಼ವೊ, ತುಮೆ ಖರಾಬ್ ಅದ್ಮಿ ಹುಯಿರ‍್ಹಾಸ್!” ಕರಿ ಬೋಲಿಶ್.

ಮಾರ್ಕ 10:21

ತದೆ ಯೇಸುನೆ ಇನ ಠರ್‌ಕೈ ದೇಖಿನ್‌ ಪ್ಯಾರ್‌ಥಿ ಇನ, “ತಾರಮ ಏಕ್‌ ಕಮ್ ಛಾ಼. ಜಾ಼ ತಾರಕನ ಛಾ಼ತೆ ಖ್ಹಾರು ವೇಚಿನಾಖಿದೀನ್‌ ಗರೀಬ್‌ನ ದೆ, ತದೆ ತುನ ಪರ್‌ಲೋಕ್‌ಮ ಶೊತ್‌ರ‍್ಹಿಶೆ ಅಜು಼ ತು ಐನ್ ಮಾರ ಪೀಠೆ ಆವ್” ಕರಿ ಬೋಲ್ಯೊ.

ಮಾರ್ಕ 8:34

ಬಾದ್‌ಮ ಯೇಸುನೆ ಇನ ಶಿಷ್ಯರ್‌ನ ಅಜು಼ ಅದ್ಮಿನಿ ಝೂ಼ಂಡ್‌ನ ಇನಾಕನ ಬುಲಾಯೊ. ಇನೆ ಇವ್ಣುನ ಬೋಲ್ಯೋಕಿ, “ಕೋಣ್‌ತೋಬಿ ಮಾರ ಪೀಠೆ ಆವ್ಣುಕರಿ ಮನ್ ಉಶೇತೊ, ಇನು ಯೋ ಭೈಕಿನ್, ಇನಿ ಶಿಲ್‌ಬೇನ ಪಾಡಿಲೀನ್, ಮಾರ ಪೀಠೆ ಆವಾದೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:27

ತೋಬಿ ಯೋ ತುಮೂನ, “ತುಮೆ ಕೋಣ್‌ಕಿ, ಕಿಜ್ಜಾ಼ಥ ಐರ‍್ಹಾಸ್ಕಿ ಮನ ಮಾಲುಮ್ ಕೊಯ್ನಿ! ಹಜ್ಜಾಥೊ ಹಟಿಜಾ಼ವೊ, ತುಮೆ ಖ್ಹಾರು ಖರಾಬ್ ಅದ್ಮಿ! ಕರಿ ಬೋಲ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:23

ಅತ್ರೇಸ್ ಕಾಹೆತೆ ಯೇಸುನೆ ಇವ್ಣ ಖ್ಹಾರಾವ್‌ನ ಶಾತ್ ಬೋಲ್ಯೊಕತೊ, “ಕೋಣ್‌ತೋಬಿ ಮಾರ ಜೋ಼ಡೆ ಆವ್ಣುಕರಿ ಉಶೇತೊ, ಇನು ಯೋ ಭೈಕಿಜೈ಼ನ್, ಹರ್‌ದನ್‌ ಇನಿ ಶಿಲ್‌ಬೇನ ಪಳ್ಳಿನ್‌, ಮಾರ ಪೀಠೆ ಆವಾದೆ.

ಯೋಹಾನ 10:14

ಮೇಸ್ ಅಛ್ಛೊ಼ಕುರುಬ ಹುಯಿರೊಸ್; ಬಾನೆ ಮನ ಅಜು಼ ಮೇ ಬಾನ ಮಾಲುಮ್‌ ಕರಿರಾಖ್ಯೊತೆ ಇಮ್ಮಸ್, ಮೇ ಮಾರ ಮೇಂಢಾವ್ನ ಮಾಲುಮ್ ಕರಿರಾಖ್ಯೋಸ್. ಅಜು಼ ಯೊ ಮೇಂಢಾವ್ನೆ ಮನ ಮಾಲುಮ್ ಕರಿರಾಖ್ಯುಸ್. ಅಜು಼ ಮೇ ಮಾರ ಮೇಂಢಾವ್ನಖ್ಹಾಜೆ ಜಾನ್‌ ದ್ಯವಾನ ತಯಾರ್ ಹುಯಿರಿಶ್.

ಯೋಹಾನ 10:16

ಅತ್ರೇಸ್ ಕಾಹೆತೆ, ಆ ಮಂಧಾಮ ಮಳ್ಯುಕೊಂತೆ ಬಿಜು಼ ಖ್ಹಾರು ಮೇಂಢಾಬಿ ಮನ ಛಾ಼, ಇನಾಬಿ ಮೇ ಲೀನಸ್ ಆವ್ಣು, ಇವ್ಣೆ ಮಾರಿ ಅವಾಜ಼್‌ನ ಖ್ಹಮ್‌ಜಾ಼ಸ್‌; ತದೆ ಎಕ್ಕಸ್ ಝೂ಼ಂಡ್‌ ಉಶೆ ಅಜು಼ ಎಕ್ಕಸ್ ಜ಼ಣೊ ಕುರುಬ ರ‍್ಹಿಶೆ.

ಯೋಹಾನ 10:8

ಮೇ ಆವಾನ ಅಗಾಡಿ ಆಯೂತೆ ಖ್ಹಾರುಸ್‌ ಚೋ಼ರ್ ಅಜು಼ ಲೂಟವಾಳು ಹುಯಿರ‍್ಹುಸ್‍, ಕತೋಬಿ ಮೇಂಢು ಖ್ಹಾರು ಇವ್ಣುನ ಕಾನ್‌ ಕೋ ದಿದೂನಿ.

ಯೋಹಾನ 12:26

ಕೋಣ್ ಮಾರಿ ಸೇವೆ ಕರ್ನುಕರಿ ಛಾ಼ಕಿ ಮಾರ ಪೀಠೆ ಆವ್ಣುಸ್ ಆವ್ಣು, ತದೆ ಮೇ ಕಿಜ್ಜಾ಼ ರ‍್ಹೀಶ್‌ಕಿ ಹಿಜ್ಜಾ಼ಸ್ ಮಾರೊ ಸೇವಕ್‌ಬಿ ರ‍್ಹಿಶೆ. ಕೋಣ್ ಮಾರಿ ಸೇವೆ ಕರಾಸ್ಕಿ, ಇವ್ಣುನ ಮಾರೊ ಬಾ ಸನ್ಮಾನ್‌ ಕರ್ಶೆ.

ಯೋಹಾನ 21:22

ಯೇಸುನೆ ಇನ, “ಮೇ ಆವಾತೋಡಿ, ಆ ಜಿವ್ತೊ ರ‍್ಹೇವ್ಣುಕರಿ ಮನ ಮನ್ ರ‍್ಹಯೂತೊ, ಇನೇಥಿ ತುನ ಶಾತ್‌? ತೂ ಮಾರ ಪೀಠೆ ಆವ್” ಕರಿ ಜವಾಬ್‌ ದಿದೊ.

ಯೋಹಾನ 5:25

ಮೇ ತುಮೂನ ಖ್ಹಾಚ ಬೋಲುಸ್ಕಿ, ಮರಿಗಯೂತೆ ಅದ್ಮಿ ದೇವ್ನ ಛಿಯ್ಯಾನಿ ಅವಾಜ಼್ ಖ್ಹಮ್‍ಜಾ಼ನಿ ವಖ್ಹತ್ ಆವ್‌ಶೆ. ಯೋ ವಖ್ಹತ್ ಹಂಕೇಸ್‌ ಐರ‍್ಹೀಸ್, ಖ್ಹಮ್‌ಜಾ಼ವಾಳು ಜಿವ್‌ಶೆ.

ಯೋಹಾನ 8:12

ಅನ ಬಾದ್‌ಮ ಯೇಸು ಪಾಛೊ಼ ಅದ್ಮಿಖ್ಹಾರನ ವಾತೆ ಬೋಲ್ತೊಹುಯಿನ್, “ಮೇಸ್ ಜಗತ್ನ ಉಜಾ಼ಳು ಹುಯಿರ‍್ಹೋಸ್, ಮಾರಪೀಠೆ ಆವಾಳು ಅಂಧಾರಮ ಚಾ಼ಲ್‌ಶೆಸ್‌ ಕೊಯ್ನಿ ಅಜು಼ ಯೊ ಜಾನ್ನು ಉಜಾ಼ಳು ಲೀರ‍್ಹಾವಳೊ ಹುಯಿರೊಸ್” ಕರಿ ಬೋಲ್ಯೊ.

ಯೋಹಾನ 8:43

ತುಮೆ ಮಾರಿ ವಾತೇನ ಶನ ಖ್ಹಮ್‌ಜಾ಼ ಕೊಯ್ನಿ? ಶನಕತೊ ತುಮೆ ಮಾರಿ ವಾತೇನ ಕಾನ್‌ ಕೋ ದೆವ್‌ಕರಾನಿತೆ ಇನಖ್ಹಾಜೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:23

ಯೊ ಪ್ರವಾದಿನಿ ವಾತೆನ ಖ್ಹಮ್‍ಜ಼ಕೊಂತೆ ಹರೇಕ್ ಜ಼ಣೊಬಿ ದೇವ್ನ ಅದ್ಮಿಥಿ ಅಲಕ್‌ಹುಯಿನ್ ನಾಶ್‌ಹುಯಿಜಾ಼ಶೆ.

1 ಕೊರಿಂಥ 8:3

ಕತೋಬಿ ಕೋಣ್ ದೇವ್ನ ಲಾಡ್‍ಕರಸ್ಕಿ ದೇವ್ನೆ ಇನ ಮಾಲುಮ್ ಕರಿರಾಖ್ಯೋಸ್.

ಗಲಾತ್ಯ 4:9

ಹಮ್ಕೆತೋಬಿ ತುಮೆ ದೇವ್ನ ಮಾಲುಮ್‌ ಕರಿರಾಖ್ಯಾಸ್. ವಿಶೇಷ್‌ಥಿ ದೇವ್ನೆ ತುಮುನ ಮಾಲುಮ್ ಕರಿರಾಖ್ಯೋಸ್. ಅಮ್‌ರ‍್ಹವಾಪರ್ ತುಮೆ ಕಾಮ್ನ ಕೊಯ್ನಿತೆ, ಫಾಯಿದೊ ಕೊಯ್ನಿತೆ, ಜಗತ್ನಿ ನಿಯಮ್‌ಭಣಿ ತುಮೆ ಶನ ಫರೋಸ್? ಪಾಛು಼ ಇನ ಗುಲಾಮ್ ಹೋಣುಕರಿ ಛಾ಼ ಕಿಶು?

2 ತಿಮೊ 2:19

ಶಾತ್ಬಿ ರ‍್ಹವೊ ದೇವ್ನೆ ನಾಖ್ಯೋತೆ ಹದಿಪಾಯ ಯೊ ಘಟ್ ಭೀಯೂಸ್. ಇನಾಪರ್ ಲಿಖೈರ‍್ಹುಸ್ “ಯೋ ಹದಿಪಾಯಪರ್, “ಪ್ರಭು ಇನ ಅದ್ಮಿನ ಮಾಲುಮ್ ಕರಿರಾಖ್ಯೋಸ್”. ಅಜು಼ ಯೋ ಹರೇಕ್ ಜ಼ಣಾನ ಬೋಲಾಸ್ ಹೈರೋತೆ ಪ್ರಭುವಾಳೊ ಹುಯಿರ‍್ಹೋಸ್‍ಕರಿ ಯೊ ಖರಾಬ್ ಕಾಮ್‍ಥಿ ಬಚಾ಼ಡಸ್ ಅಜು಼ ಪ್ರಭುವಾಳೊಕರಿ ಬೋಲಿಲೇಸ್ ಯೊ ಖರಾಬಿಥಿ ಬಚಾ಼ಡಿಲೇವ್ಣು.

ಇಬ್ರಿ 3:7

ಇಮ್ಮಸ್ ಪವಿತ್ರಾತ್ಮ ಬೋಲಾನಿ ಪರಕ್ಮ ತುಮೆ ಆ ದನ್ ದೇವ್ನ ಗಳಾನ ಕಾನ್‌ ಲಗಾಡವಾಳ ರ‍್ಹಯಾತೊ,

ಪ್ರಕಾಶಿತ್ 14:4

ಇಮ್ಮಸ್ ತಯೇಡಾನಿ ಶವಾಶಿಥಿ ಮೈಲು ಹುಯುಕೊಂತೆ ಕವಾರಿನಿತರ ಥೂತೆ ಅವ್ಣೇಸ್. ಬಲೀನ ಮೇಂಢಾನು ಚೆಲ್ಕು ಹುಯಿರ‍್ಹಾವಳೊ ಕಿಜ್ಜಾ಼ ಗಯೊತೋಬಿ ಇವ್ಣೆ ಅನ ಪೀಠೆ ಜಾ಼ಸ್. ಅವ್ಣೆ ಅದ್ಮಿವ್‌ಮಾಥು ಶೊಂತ್ ಅದ್ಮಿಹುಯಿನ್ ಮೋಲ್ ಲೆವೈಜೈ಼ನ್ ದೇವ್‍ನಾಬಿ ಮೇಂಢೊ ಹುಯಿರ‍್ಹಾವಳನಬಿ ಪಹಿಲ ಫಲ್ನಿತರಹುಯ.

ಪ್ರಕಾಶಿತ್ 3:20

ಹಂದೇಕ್ ಖ್ಹಾಮ್ಣೆ ಭೀರಿನ್ ಬಾಕಲ್ ಖಟ್‍ಕಟಾವ್‌ ಕರುಸ್, ಕೋಣ್‌ತೋಬಿ ಮಾರಿ ಆವಾಜ಼್‌ನ ಖ್ಹಮ್‌ಜಿನ್‌ ದರ‍್ವಾಜು಼ ಕಾಡ್ಯತೊ, ಮೇ ಮಹಿ ಐನ್ ಇನ ಜೋ಼ಡೆ ಖಾಣು ಖೈಶ್‌. ಯೊ ಮಾರಿ ಜೋ಼ಡ್ಮ ಖಾಣು ಖಾಶೆ.