ಯೋಹಾನ 1:9 - ದೇವ್ನಿ ಖ್ಹಾಚಿ ವಚನ್

⁹ ಯೊ ಖ್ಹಾಚು಼ ಉಜಾ಼ಳು ಹುಯಿರುಥು ಅಜು಼ ಯೊ ಜಗತ್‌ಮ ಆವಾಳು ಥು, ಯೊ ಅಖ್ಖಾ ಅದ್ಮಿನ ಉಜಾ಼ಖ್ಹ್‌ ದೆವಾಳು ಹುಯಿರ‍್ಹುಥು.

ಯೋಹಾನ 1:9 ပူးပေါင်းရင်းမြစ်များ

ಮತ್ತಾಯ 6:23

ಕತೋಬಿ ತಾರ ಡೋಳಾ ಖರಾಬ್ ರ‍್ಹಯಾತೊ, ತಾರು ಶರೀರ್ ಅಖ್ಖುಸ್ ಅಂಧಾರು ಹುಯಿರ‍್ಹಿಷೆ. ತಾರಮಾನು ಉಜಾ಼ಳುಸ್‌ ಅಂಧಾರು ಹುಯಿರ‍್ಹಯುತೊ, ಯೋ ಕೆತ್ರೆ ಖತರ್‌ನಾಕ್ ಹುಯಿರ‍್ಹಿಶೆ!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:36

ತದೆ ತಾರು ಆಂಗ್-ತನ್ ಅಖ್ಖುಸ್ ಉಜಾ಼ಖ್ಹ್‌ಥಿ ಭರೈನ್, ಖೆವಿ ಬಾಜು಼ಮಾಬಿ ಅಂಧಾರು ನಾರ‍್ಹಯುತೊ, ಯೋ ಉಜಾ಼ಖ್ಹ್‌ ಖ್ಹಾರಿಸ್ ಬಾಜು಼ಮ ಘೈಗ್‌ಶೆತೆ ಇಮ್ಮಸ್, ದೀವೊ ಘೈಗಾನಿ ವಖ್ಹತ್‌ಮ ಇನು ಉಜಾ಼ಖ್ಹ್‌ ತಾರಪರ್ ಘೈಗ್‌ಶೆ, “ಕರಿ ಬೋಲ್ಯೊ.

ಯೋಹಾನ 1:4

ಇನಾಮ ಜಾನ್‌ ಥು. ಯೋ ಜಾನ್‌ ಅದ್ಮಿ ಖ್ಹಾರಾನ ಉಜಾ಼ಳು ಹುಯಿರ‍್ಹುಥು.

ಯೋಹಾನ 1:7

ಯೋ ಖ್ಹಾರ ಅದ್ಮಿನ ಆ ಉಜಾ಼ಳನಿ ಸಾಕ್ಷಿ ದ್ಯವಾನ ಆಯೊ. ಶನಕತೊ ಖ್ಹಾರುಜ಼ಣು ಆ ಸಂದೇಶ್ನ ಖ್ಹಮ್‌ಜಿನ್‌ ವಿಶ್ವಾಸ್ ಕರ್ನುಕರಿ ಆಯೊ.

ಯೋಹಾನ 12:46

ಮೇ ಉಜಾ಼ಳು ಹುಯಿನ್ ಆ ಜಗತ್‌ಮ ಐರ‍್ಹೋಸ್ತೆ, ಮನ ನಂಬವಾಳು ಏಕ್‌ಬಿ ಅಂಧಾರಾಮ ನಾ ರ‍್ಹೇವ್ಣುಕರಿಸ್.

ಯೋಹಾನ 14:6

ಯೇಸುನೆ ಇನ, “ಮೇಸ್ ಮಾರಗ್‌ಬಿ, ಖ್ಹಾಚಾಬಿ, ಜಾನ್‌ಬಿ ಹುಯಿರ‍್ಹೋಸ್. ಮಾರೇಥಿ ಕೊಂತೆ ಕೋಣ್‌ಬಿ ಬಾಕನ ಆವಾನ ಕೋ ಹುವಾನಿ.

ಯೋಹಾನ 15:1

“ಮೇಸ್ ಖ್ಹಾಚೊ಼ ದ್ರಾಕ್ಷಿನೊ ವೇಲೊ, ಮಾರೊ ಬಾ ಬಾಗ್‌ನ ದೇಕ್-ಭಾಲ್‌ ಕರಾವಾಳೊ.

ಯೋಹಾನ 6:32

ತದೆ ಯೇಸುನೆ ಇವ್ಣುನ, “ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಸೊರ್ಗಾಮ ತುಮೂನ ರೋಟೊ ದಿದೋತೆ ಮೋಶೆನೆ ಕಾಹೆ ಪಣ್ಕಿ ಮಾರೊ ಬಾ ಸೊರ್ಗಾಥು ಖ್ಹಾಚೊ಼ ರೋಟಾನ ದಿಶೆ.

ಯೋಹಾನ 7:12

ಅಜು಼ ಅದ್ಮಿನಿ ಝೂ಼ಂಡೇಮ ಯೇಸುನಿ ಬಾರೇಮ ಮಹಿ-ಮಹಿಸ್ ಗುಣ್‍ಗುಣೈನ್ ಬೋಲುಕರ್ತೂಥು. ಥೋಡು ಜ಼ಣು, “ಯೋ ಅಛ್ಛೊ಼” ಕರಿ ಬೋಲ್ಯು. ಅಜು಼ ಥೋಡು ಜ಼ಣು, “ಕೊಯ್ನಿ, ಯೋ ಅದ್ಮಿನ ಮಂಕ್ ಕರುಕರಸ್” ಕರಿ ಬೋಲ್ಯು.

1 ಯೋಹಾನ 1:8

ಅಪ್ಣಾಮ ಪಾಪ್‍ಕೊಯ್ನಿಕರಿ ಅಪ್ಣೆ ಬೋಲ್ಯಾತೊ ಅಪ್ಣುನ ಅಪ್ಣೆಸ್ ಠಗೈಲ್ಯವಾಳ ಹುಯಿರಾಸ್‍ ಅಜು಼ ಖ್ಹಾಚಿ ಕರಿ ಬೋಲಾನು ಅಪ್ಣಾಮ ಕೊಯ್ನಿ.

1 ಯೋಹಾನ 2:8

ಕತೋಬಿ ಮೇ ತುಮೂನ ಲೀಖುಕರುತೆ‍ ನವಿ ಹುಕುಮ್‍ನಿತರಾಸ್ ಛಾ಼. ಹೈರುತೆ ಇನಾಮಾಬಿ ತುಮಾರಮಾಬಿ ಖ್ಹಾಚು಼ಹುಯಿರ‍್ಹುಸ್. ಶನಕತೊ ಅಂಧಾರು ಚ಼ಲ್ಯುಜೈನ್‌, ಖ್ಹಾಚು಼ ಉಜಾ಼ಳು ಹಮ್ಕೆ ಉಜಾ಼ಖ್ಹ್‌ ಹೂಕರಸ್.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.