ಯೋಹಾನ 1:51 - ದೇವ್ನಿ ಖ್ಹಾಚಿ ವಚನ್

⁵¹ ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚ ಬೋಲುಸ್ಕಿ: ಸೊರ್ಗ ನಿಕ್‌ಳೈರ‍್ಹೀಶೆತೆ ಅಜು಼ ಅದ್ಮಿನೊ ಛಿಯ್ಯಾನ ಉಪ್ಪರ್ ಕರಿ ದೇವ್‌ನು ದೂತರ್ ಉತ್ರಿ ಆವಾನು ಅಜು಼ ಜಾ಼ವಾನು ತುಮೆ ದೇಕ್‌ಶು” ಕರಿ ಬೋಲ್ಯೊ.

ಯೋಹಾನ 1:51 ပူးပေါင်းရင်းမြစ်များ

ಮತ್ತಾಯ 25:31

ಅತ್ರೇಸ್ ಕಾಹೆತೆ ಅದ್ಮಿನೊ ಛಿಯ್ಯೊ ಇನಿ ಮಹಾನ್ ಮಹಿಮೆಥಿ ತಮಾಮ್‌ ದೇವ್‌ನು ದೂತರ್‌ನ ಜೋ಼ಡೆ ಆವಾನಿ ವಖ್ಹತ್‌ಮ, ಯೊ ಇನಿ ಮಹಿಮೆನು ಸಿಂಹಾಸನ್‍ಪರ್ ಬೇಖ್ಹ್‌ಶೆ.

ಮತ್ತಾಯ 26:24

ವಚನ್‌ಮ ಲೀಖೈರ‍್ಹೂತೆ ಇಮ್ಮಸ್, ಅದ್ಮಿನೊ ಛಿಯ್ಯೊ ಮರ್‌ಶೆ, ಕತೋಬಿ ಕೋಣ್ ಅದ್ಮಿನೊ ಛಿಯ್ಯಾನ ಧರಿದಿಶೇಕಿ, ಇನಿ ಹಾಲ್ನ ಶಾತ್‌ ಬೋಲು! ಯೋ ಅದ್ಮಿ ಪೈದಾ ನಾಸ್ ಹುಯುಹೊತ್ತೊ ಇನ ಅಛ್ಛು಼ ಥೂ.

ಮತ್ತಾಯ 3:16

ಯೇಸು ಬ್ಯಾಪ್ತಿಸ್ಮ ಕರೈಲೀನ್, ಭಾರ್‌ ನಿಕಳ್‌ತಾಸ್ನ ಆಬ್‍ಫಾಟೀನ್, ದೇವ್‌ನು ಆತ್ಮ ಪರ‍್ಯಾವಾನಿಘೋಣಿ ಇನಾಪರ್‌ ಉತ್ರಿನ್ ಆಯೂತೆ ಯೇಸುನೆ ದೇಖ್ಯೊ.

ಮತ್ತಾಯ 4:11

ತದೆ ಶೈತಾನ್ನೆ ಇನ ಮ್ಹೆಂದಿನ್ ಚ಼ಲೆಗಯೊ. ಅಜು಼ ದೇವ್‌ನು ದೂತರ್ ಆಯಿನ್, ಇನಿ ಸೇವಾ-ಚಾ಼ಕ್ರಿ ಕರ‍್ಯು.

ಮತ್ತಾಯ 8:20

ಯೇಸುನೆ ಇನ, “ನ್ಹೋರಿಯೆನ ಘವಿಯೆ ಛಾ಼, ಅಜು಼ ಆಬ್‌ಪರ್ ಉಡಾತೆ ಜಿನಾವರ್‌ನ ಖ್ಹಾರು ಮ್ಹಾಳೊ ಛಾ಼, ಕತೋಬಿ ಅದ್ಮಿನ ಛಿಯ್ಯಾನ ಮುಡ್‌ಕ್ಯು ಟೇಕಯೆವ್ಡಿ ಝ಼ಗೋಬಿ ಕೊಯ್ನಿ” ಕರಿ ಬೋಲ್ಯೊ.

ಮತ್ತಾಯ 9:6

ಕತೋಬಿ ಅದ್ಮಿನೊ ಛಿಯ್ಯಾನ ಪಾಪ್‌ಖ್ಹಾರು ಮಾಪ್‌ ಕರಾನ ಧರ್ತಿಪರ್ ಹಕ್‌ ಛಾ಼ ಕರಿ ಮೇ ತುಮೂನ ವತಾಳುಸ್‌” ಕರಿ ಬೋಲಿನ್,ಯೋ ಲಕ್‌ವೊ ಮಾರಿರಾಖವಾಳನ, “ಉಪ್ಪರ್ ಉಟ್, ತಾರಿ ಬಿಛಾ಼ವ್ಣಿನ ಪಳ್ಳಿನ್‌, ಘರೆ ಜಾ಼!” ಕರಿ ಬೋಲ್ಯೊ.

ಮಾರ್ಕ 1:10

ಯೇಸು ಬ್ಯಾಪ್ತಿಸ್ಮ ಲೀನ್, ಪಾಣಿಮಾಥೊ ಭಾರ್‌ ನಿಕಳ್‌ತಾಸ್ನ, ಸೊರ್ಗ ನಿಕ್ಳಿನ್, ದೇವ್‌ನು ಆತ್ಮ ಪರ‍್ಯಾವಾನಿಘೋಣಿ ಇನಾಪರ್ ಉತ್ರಿನ್‌ ಆಯೂತೆ ದೇಖ್ಯೊ.

ಮಾರ್ಕ 14:62

ಯೇಸುನೆ, “ಒಹೊ, ಮೇಸ್; ಎತ್ರೇಸ್ ಕಾಹೆತೆ ಅದ್ಮಿನೊ ಛಿಯ್ಯೊ, ಮಹಾನ್ ಶಕತ್‌ವಾಳೊ ದೇವ್ನ ಖಾವಿಬಾಜು಼ಮ ಬೆಠೊರ‍್ಹಿಶೇತೆ ಅಜು಼ ಆಬ್‍ನ ವಾದ್ಳಪರ್ ಬೇಶಿನ್ ಆವ್‌ಶೇತೆ ತುಮೆಖ್ಹಾರು ದೇಕ್‌ಶು!” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:13

ಯೋಸ್ ವಖ್ಹತ್‌ಮ ಪರಲೋಕ್‌ಥು ದೇವ್ ದೂತರ್‌ನು ಮೋಟಿ ಝೂ಼ಂಡ್‌ ಆಯಿನ್, ಯೋ ಪಹಿಲು ದೇವ್ ದೂತನ ಜೋ಼ಡೆ ಮಳಿನ್, ದೇವ್ನ ಸ್ತುತಿ ಕರ‍್ಯು:

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:9

ತದೆ ಪ್ರಭುನೊ ಏಕ್‌ ದೂತ ಐನ್, ಮೇಂಢ ಚ಼ರಾವವಾಳಾನ ಖ್ಹಾಮ್ಣೆ ಭೀರ‍್ಯೊ. ಪ್ರಭುನು ಉಜಾ಼ಖ್ಹ್‌ ಇವ್ಣ ಅಶ್‌ಪಿಶ್‍ ಭರಾಯು. ಅನ ದೇಖಿನ್ ಇವ್ಣೆ ಡರ್‌ಥಿ ಘಬ್‌ರೈಗಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:43

ತದೆ ಪರಲೋಕ್‌ಥೊ ಏಕ್‌ ಧೂತ ಐನ್, ಯೇಸುನ ದೆಖೈನ್, ಇನ ಭಾಲಿ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:69

ಹಂಕೇಥು, ಕತೋಬಿ ಅದ್ಮಿನೊ ಛಿಯ್ಯೊ, ಮಹಾನ್ ಶಕತ್‌ವಾಳೊ ದೇವ್ನ ಖಾವಿಬಾಜು಼ಮ ಬೆಠೊರ‍್ಹೀಶೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:4

ಇವ್ಣೆ ಭೀರಿನ್, ಅನಿ ಬಾರೇಮ ಘಬ್ರಾವ್‌ಕರಾನಿ ವಖ್ಹತ್‌ಮ, ಚ಼ಮಕ್‌ತು ಲುಂಗ್ಡು ಫೇರಿರಾಖ್ಯುಥೂತೆ ಬೇ ಪರ್ಖ್ಹಾ ಐನ್, ಇವ್ಣಾಕನ ಭೀರ‍್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:21

ಅದ್ಮಿಖ್ಹಾರು ಬ್ಯಾಪ್ತಿಸ್ಮ ಕರೈಲ್ಯವಾನ ಬಾದ್‌ಮ, ಯೇಸುಬಿ ಬ್ಯಾಪ್ತಿಸ್ಮ ಕರೈಲಿದೊ. ಯೋ ಪ್ರಾರ್ಥನೆ ಕರುಕರಾನಿ ವಖ್ಹತ್‌ಮ, ಸೊರ್ಗ ನಿಕ್‌ಳ್ಯು,

ಯೋಹಾನ 1:50

ಯೇಸುನೆ ಇನ, ತೂ ಅಂಜೀರ್‌ನ ಝಾ಼ಡಾನ ಹೇಟ್‌ ಥೊ, ತದೆ ಮೆ ತುನ ದೇಖ್ಯೊ. ಕರಿ ಬೋಲ್ಯೋತೆ ವಾತೆಥಿ ತೂ ನಂಬಾಸ್ಕಿ ಶು? ತೂ ಇನೇಥಿಬಿ ಜಾ಼ಖ್ಹತ್ ಮೋಟು ಕಾಮ್‌ಖ್ಹಾರು ದೇಖಿಶ್‌!” ಕರಿ ಬೋಲ್ಯೊ.

ಯೋಹಾನ 10:1

ಯೇಸುನೆ, “ಮೇ ತುಮೂನ ಖ್ಹಾಚ ಬೋಲುಸ್, ಮೇಂಢಾನು ಕೋಠಾನ ಬಾಕಲ್‌ನಿವಾಟೆ ಮ್ಹೆಂದಿನ್, ಬಿಜಿ ಬಾಜು಼ಥು ಚ಼ಢೀನ್‌, ಮಹಿ ಜಾ಼ವಾಳೊ ಚೋ಼ರ್ ಅಜು಼ ಲೂಟಿಲಿಜಾ಼ವವಾಳೊ ಹುಯಿರ‍್ಹೋಸ್.

ಯೋಹಾನ 10:7

ಇನಖ್ಹಾಜೆ ಯೇಸುನೆ ಪಾಛೊ಼ ಬೋಲ್ಯೊ, “ಮೇ ತುಮೂನ ಖ್ಹಾಚ ಬೋಲುಸ್, ಮೇಸ್ ಮೇಂಢಾನ ಖ್ಹಾರು ದರ‍್ವಾಜು಼ ಹುಯಿರ‍್ಹೋಸ್.

ಯೋಹಾನ 13:16

ಮೇ ತುಮೂನ ಖ್ಹಾಚ ಬೋಲುಕರುಸ್, ಆಳ್‌ ಯಜಮಾನ್‍ಥಿ ಮೋಟೊ ಕಾಹೆ, ಅಜು಼ ಖಬರ್‌ದ್ಯವಾಳೊ ಇನ ಮೋಕ್‌ಲ್ಯೊತೆ ಇನೇಥಿ ಮೋಟೊ ಕಾಹೆ.

ಯೋಹಾನ 13:38

ಯೇಸುನೆ ಇನ ಪುಛಾ಼ಯೊ, “ತೂ ಖ್ಹಾಚಮಾಬಿ ಮಾರಖ್ಹಾಜೆ ಜಾನ್‌ ದ್ಯವಾನ ತಯಾರ್ ಛಾ಼ಕಿ ಶು? ಮೇ ತುನ ಖ್ಹಾಚ ಬೋಲುಸ್, ಮುರ್‌ಗೊ ಬಾಂಗ್‌ ದ್ಯವಾನ ಅಗಾಡಿ, ತೂ ಮಾರಿ ಬಾರೇಮ ‘ಯೋ ಮನ ಮಾಲುಮ್‌ ಕೊಯ್ನಿ’ ಕರಿ ತೀನ್‍ಹಲ್ಲ ಬೋಲಿಶ್” ಕರಿ ಬೋಲ್ಯೊ.

ಯೋಹಾನ 14:12

ಮೇ ತುಮೂನ ಖ್ಹಾಚ ಬೋಲುಸ್, ಮನ ನಂಬವಾಳೊ ಮೇ ಕರ‍್ಯೊತೆ ಕಾಮ್ನಖ್ಹಾರು ಯೋಬಿ ಕರ್ಶೆ, ಎತ್ರೇಸ್ ಕಾಹೆತೆ ಇನೇಥಿ ಮಹಾನ್ ಕಾಮ್ನ ಖ್ಹಾರು ಕರ್ಶೆ, ಶನಕತೊ ಮೇ ಬಾಕನ ವಳ್ಯೊಜ಼ವುಸ್‌.

ಯೋಹಾನ 16:20

ಮೇ ತುಮೂನ ಖ್ಹಾಚ ಬೋಲುಕರುಸ್, ತುಮೆ ರೊವ್‌ತಾಹುಯಿನ್, ಕುರ್‌ಲ್ಹಾವ್‌ಶು, ಕತೋಬಿ ಜಗತ್‌ವಾಳು ಖ್ಹುಶೀಕರ್‌ಶೆ; ತುಮೂನ ದುಖ್ ಉಶೆ, ಕತೋಬಿ ತುಮಾರು ದುಖ್ ಜೈ಼ನ್‌, ಖ್ಹುಶಿ ಆವ್‌ಶೆ.

ಯೋಹಾನ 16:23

ಯೋ ದನ್ಮ, ತುಮೆ ಮನ ಶಾತ್ಬಿ ಕೋ ಪುಛಾ಼ವ್‌ಶುನಿ. ಮೇ ತುಮೂನ ಖ್ಹಾಚ ಬೋಲುಕರುಸ್, ತುಮೆ ಮಾರ ನಾಮ್‌ಪರ್‌ ಶಾತ್‌ ಮಾಂಗಿಲಿದಾತೋಬಿ ಬಾ ತುಮೂನ ಯೋ ದಿಶೆ.

ಯೋಹಾನ 21:18

ಮೇ ತುನ ಖ್ಹಾಚ ಬೋಲುಕರುಸ್, ತೂ ಜಾ಼ನ್ಜ಼ಮಾನ್ ಥೋತೆ ತದೆ, ತಾರಿ ಕಂಬರ್‌ನ ಭಾಂದಿಲೀನ್, ತುನ ಕಿಜ್ಗಾ಼ ಅಛ್ಛು಼ ಲಾಗಸ್ಕಿ ಹಿಜ್ಜಾ಼ ಜಾ಼ತೋಥೊ; ಕತೋಬಿ ತೂ ಬುಢೋ ಹುಯಿಜೈ಼ಶ್ತೆ ತದೆ ತಾರ ಹಾತ್ನ ಪಖ್ಹಾರೀಶ್‌, ಅಜು಼ ಬಿಜ್ಜೇಕ್‌ ಜ಼ಣೊ ತಾರಿ ಕಂಬರ್‌ನ ಭಾಂದೀನ್‌, ತುನ ಅಛ್ಛು಼ ಲಾಗಕೊಂತೆ ಹೀಕಡ್‌ ತುನ ಲೀಜಾ಼ಶೆ” ಕರಿ ಬೋಲ್ಯೊ.

ಯೋಹಾನ 3:3

ಇಮ್‌ ಬೋಲ್ತಾನ ಯೇಸುನೆ, “ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್‌ತೋಬಿ ಏಕ್‌ ಜ಼ಣು ದೇವ್ನಿ ರಾಜ್ಯಮ ಪಾಛು಼ ಪೈದಾ ನಾ ಹುಯೂತೊ, ದೇವ್‌ನು ರಾಜ಼್‌ನ ದೇಖಾನ ಕೋ ಹುವಾನಿ?” ಕರಿ ಬೋಲ್ಯೊ.

ಯೋಹಾನ 3:5

ಇಮ್‌ ಬೋಲ್ತಾನ ಯೇಸುನೆ, “ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಏಕ್‌ ಅದ್ಮಿ ಪಾಣಿಥೀಬಿ, ಆತ್ಮಥಿ ಪೈದಾ ನಾ ಹುಯೂತೊ, ಯೋ ದೇವ್ನಿ ರಾಜ್ಯಮ ಜಾ಼ಶೇಸ್ ಕೊಯ್ನಿ.

ಯೋಹಾನ 5:19

ತದೆ ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಬಾ ಕರಾಸ್ತೆ ಇನ ದೇಖಿನ್‌ ಛಿಯ್ಯೊ ಕರಾಸ್ ಪಣ್ಕಿ, ಇನೇಥಿ ಯೋಸ್‌ ಶಾತ್ಬಿ ಕರಾನ ಕೋ ಹುವಾನಿ. ಬಾ ಕರಾಸ್ತೆ ಇಮ್ಮಸ್ ಛಿಯ್ಯೋಬಿ ಕರಾಸ್.

ಯೋಹಾನ 5:27

ಅಜು಼ ಛಿಯ್ಯೊ, ಅದ್ಮಿನೊ ಛಿಯ್ಯೊ ಹುಯಿರ‍್ಹೋತೆ ಇನಖ್ಹಾಜೆ ತೀರ್ಪ್ ಕರಾನಿ ಹಕ್‌ನ ಬಾನೆ ಇನ ದೀರಾಖ್ಯೊಸ್.

ಯೋಹಾನ 6:26

ಯೇಸುನೆ ಇವ್ಣುನ, “ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ಮನ ಢೂಂಡಾಸ್ತೆ ಮಾರು ಖ್ಹಣೇದ್ ಕಾಮ್ನ ಖ್ಹಾರು ದೇಖಿನ್‌ ಕಾಹೆ ಪಣ್ಕಿ, ಯೋ ರೋಟಾವ್ನ ಖೈನ್, ಪೇಟ್ ಭರೈಲಿದಾತೆ ಇನಖ್ಹಾಜೇಸ್.

ಯೋಹಾನ 6:32

ತದೆ ಯೇಸುನೆ ಇವ್ಣುನ, “ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಸೊರ್ಗಾಮ ತುಮೂನ ರೋಟೊ ದಿದೋತೆ ಮೋಶೆನೆ ಕಾಹೆ ಪಣ್ಕಿ ಮಾರೊ ಬಾ ಸೊರ್ಗಾಥು ಖ್ಹಾಚೊ಼ ರೋಟಾನ ದಿಶೆ.

ಯೋಹಾನ 6:47

ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್ ವಿಶ್ವಾಸ್‌ ಕರಾಸ್ಕಿ, ಇವ್ಣುನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳಿರ‍್ಹಿಶೆ.

ಯೋಹಾನ 6:53

ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ಅದ್ಮಿನೊ ಛಿಯ್ಯಾನು ಬೋಟಿನ ನಾ ಖಾದಾತೊ, ಅಜು಼ ಇನು ಲ್ಹೋಯಿನ ನಾ ಪೀದಾತೊ ತುಮಾರ ಮಹಿ ಜಾನ್‌ ಕೊ ರ‍್ಹಿಶೇನಿ.

ಯೋಹಾನ 8:34

ಯೇಸುನೆ ಇವ್ಣುನ, “ತುಮೂನ ಖ್ಹಾಚಮಾಬಿ ಬೋಲುಸ್ಕಿ: ಪಾಪ್ ಕರಾವಾಳು ಖ್ಹಾರು ಪಾಪ್ನ ಗುಲಾಮ್ ಹುಯಿರ‍್ಹುಸ್‍.

ಯೋಹಾನ 8:51

ಮೇ ತುಮೂನ ಖ್ಹಾಚಸ್ ಬೋಲುಸ್, ಮೆ ಶಿಕಾಡನು ಖ್ಹಮ್‌ಜಿನ್‌ ಇನೀನಿಘೋಣಿ ಚಾ಼ಲವಾಳು ಕದೇಬಿ ಮರ್‌ಶೆ ಕೊಯ್ನಿ” ಕರಿ ಬೋಲ್ಯೊ.

ಯೋಹಾನ 8:58

ಯೇಸುನೆ, “ಮೇ ಖ್ಹಾಚ ಬೋಲುಸ್ಕಿ, ಅಬ್ರಹಾಮ್‌ ಪೈದಾ ಹುವಾನ ಅಗಾಡಿಸ್, ಮೇ ಥೊ!” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:11

ತದೆ ಆಕಾಶ್‍ ನಿಕ್ಳಿನ್ ಚಾರ್ ಕೋಣಾನ ಭಂದಾಯುಹುಯು ಮೋಟಿ ಝೋ಼ಳಿನಿತರಾನು ಏಕ್‌ ಜಿನಖ್ಹ್‌ ಜ಼ಮೀನ್‌ಪರ್ ಉತ್ರಿ ಉಳ್ಯಾವ್‌ತುಥೂತೆ ದೇಖ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:56

ತದೆ ಇನೆ, “ದೇಖೊ ಪರ್‌ಲೋಕ್ ನಿಕ್‍ಳೈರ‍್ಹೂತೆ; ಅದ್ಮಿನೊ ಛಿಯ್ಯೊ ದೇವ್ನ ಖಾವಿಬಾಜು಼ಮ ಭಿಯೋತೆ ಮೆ ದೇಖುಕರುಸ್” ಕರಿ ಬೋಲ್ಯೊ.

2 ಥೆಸ 1:7

ಅಜು಼ ವಾಖ್ಯೊ ಛಾ಼ತೆ ತುಮುನಾಬಿ ಹಮೂನ ಪರಿಹಾರ್ ಕರ್ಶೆ. ಪ್ರಭು ಹುಯಿರ‍್ಹೋತೆ ಯೇಸು ಮಹಾ ಶಕತ್‌ವಾಳೊ ದೇವ್‌ದೂತರ್‌ನ ಜೋ಼ಡೆ ಸೊರ್ಗಥೊ ದೆಖಾವಾನಿ ವಖ್ಹತ್‌ಮ, ಇನ ಸಮಾಧಾನ್ ದಿಶೆ.

2 ಥೆಸ 1:9

ಪ್ರಭು ಇವ್ಣುನ ಇನಿ ಮಹಿಮೆನಿ ಶಕತ್ನ ಖ್ಹಾಮ್ಣೇಥು ಹಟೈನಾಖಿದಿನ್ ಇವ್ಣುನ ಹರ್‌ಹಮೇಶಾನು ನಿಶತ್‌ ದಿಶೆ.

1 ತಿಮೊ 3:16

ಅಪ್ಣ ದೇವ್‌ಮ ಭಕ್ತಿನು ಜಿವ್ಣನು ಖ್ಹಾಚಿ ಗಪ್ಲತ್ ಗುಮಾನಿಕೊಂತೆ ಘಣಿ ಮೋಟಿ ಹುಯಿರ‍್ಹೀಸ್, ಕ್ರಿಸ್ತನೆ ಅದ್ಮಿನಿ ರೂಪ್‌ಮ ಅಪ್ಣುನ ದೆಖಾಯೊ, ಯೋಸ್ ಪವಿತ್ರಾತ್ಮನ ವತಾಳ್ಯೊ, ಸೊರ್ಗಾನ ದೂತರ್‌ಥಿ ದೆಖೈಗು. ಅಲ್ಹಾವ್‌ಅದ್ಮಿವೋನಿ ಬೀಚ್ಮ ಯೊ ಬೋಲಿವತಾಳೈಗೊ, ಜಗತ್‌ ಇನಾಪರ್ ವಿಶ್ವಾಸ್ ಕರ‍್ಯು, ಅಜು಼ ಇನ ಮಹಿಮೆಥಿ ಸೊರ್ಗಾಮ ಪಡೈಗೊ.

ಇಬ್ರಿ 1:14

ಆ ಅಖ್ಖು ದೇವ್ನದೂತರ್ ರಕ್ಷಣೆನು ಹಕ್ನ ಲೀರಾಕ್ಣುತೆ ಇವ್ಣಅಖ್ಖಾನು ಸೇವೆನಖ್ಹಾಜೆ ಮೋಕ್ಲಾಯುತೆ ಸೇವೆನು ಆತ್ಮ ಕಾಹೇಕಿಶು.

ಯೂದನೆ ಲೀಖ್ಯೋತೆ ಚಿಟ್ಟಿ 1:14

ಆದಾಮನೊ ಖ್ಹಾತ್‍ನಿ ಫಿಡಿವಾಳೊ ಹುಯಿರ‍್ಹೋತೆ ಹನೋಕ ಆ ಅದ್ಮಿವ್‌ನ ಬಾರೇಮ ಪ್ರವಾದ್‌ನೆ ಕರೀನ್ ಅಮ್ ಬೋಲಿರಾಖ್ಯೊಸ್, “ಹಂದೇಖೊ, ಪ್ರಭು ಇನು ಹಜಾ಼ರೊ ಪರಿಶುದ್ ದೂತರ್‌ನಿ ಜೋ಼ಡ್ಮ ವಳ್ಯಾವಸ್”.

ಪ್ರಕಾಶಿತ್ 19:11

ಇನಪಾರ್ ಪರ್‌ಲೋಕ್ ನಿಕ್ಳಿರ‍್ಹಾವನು ಮೇ ದೇಖ್ಯೊ. ತದೆ ದೇಕ್, ಧೋಳೊ ಘೋಡೊ ಮನ ದೆಖಾಯು. ಇನಾಪರ್‌ ಬೆಠೊರ‍್ಹವಾಳಾನ ವಿಶ್ವಾಸ್‌ವಾಳೊ, ಖ್ಹಾಚೊ಼ಕರಿ ನಾಮ್. ಯೊ ನೀತಿಥಿ ನ್ಯಾವ್‌ನ ಫೇಡವಾಳೊ, ನೀತಿಥಿ ಜಂಗ್‌ಭೀಡವಾಳೊ ಹುಯಿರೊಸ್.

ಪ್ರಕಾಶಿತ್ 4:1

ಇನಪಾರ್ ಮೆ ದೇಖಾನಿವಖ್ಹ್‌ತೆ ಸೊರ್ಗಾಮ ನಿಕ್ಳಿರ‍್ಹೂತೆ ಏಕ್‌ ದರ‍್ವಾಜು಼ ದೆಖಾಯು. ಪಹಿಲೆ ವಾತೆ ಬೋಲ್ಯುಥೂತೆ ಅವಾಜ಼್ ಪಾಛು಼ ತುತ್ತೂರಿನಿತರ ಬೋಲಾನಿತರ ಮನ ಖ್ಹಮಜ್‍ಪಡ್ಯು. ಯೋ ಅವಾಜ಼್ “ಹಜ್ಜಾ಼ ಛ಼ಡಿಆವ್ ಅಗ್ಗಳ್ ಚಾ಼ಲ್‌ಶೇತೆ ಖ್ಹಾರು ತುನ ವತಾಳಿದೆವುಸ್‌” ಕರಿ ಬೋಲ್ಯು.