3 ಇನೇಥಿಸ್ ದೇವ್ನೆ ಅಖ್ಖೂಸ್ ಬಣಾಯೊ, ಬಣಾಯೋತೆ ಯೋ ತಮಾಮ್ ರಾಛಾ಼ಮ, ಏಕ್ಬಿ ಯೋ ಕೊಂತೆ ಉಬ್ಜ್ಯುಕೊಯ್ನಿ.
ವಚನ್ ಜಗತ್ಮ ಥು, ಅಜು಼ ದೇವ್ನೆ ಇನೇಥಿಸ್ ಜಗತ್ನ ಬಣಾಯೊ, ತೋಬಿ ಜಗತ್ ಇನ ಮಾಲುಮ್ ಕರ್ಯುಕೊಯ್ನಿ.
ಯೋ ವಚನ್ ಶುರುವಾತ್ಥೂಸ್ ದೇವ್ಕನ ಥೊ.
ಅಪ್ಣುನತೋಬಿ ಎಕ್ಕಸ್ ದೇವ್ ಛಾ಼. ಯೋ ಬಾಕರಿ ಬೋಲೈಲ್ಯಾವಾಳೊ; ಅಖ್ಖೂಸ್ ಉಬ್ಜ್ಯೊತೆ ಇನೇಥಿ ಹಮೆ ಇನಖ್ಹಾಜೆ ಜಿವೇಸ್ ಅಜು಼ ಏಕ್ನೊ ಏಕ್ಕಸ್ಜ಼ಣೊ ಪ್ರಭು ಛಾ಼. ಯೋಸ್ ಯೇಸು ಕ್ರಿಸ್ತ ಇನೇಥಿಸ್ ಹರೇಕ್ ತಯಾರ್ಹುಯು. ಇನೇಥಿಸ್ ಹಮೇಬಿ ಇನೇಥಿಸ್ ಛಿಯ್ಯೆ಼.
ಬಿಜು಼ ದೇವ್ನ ಅದ್ಮಿನ ದೇವ್ನಿ ಗಪ್ಲತ್ನಿ ಖ್ಹೂಜ಼್ನ ಖಿವುಕರಿ ಅಜು಼ ಯೊ ಪ್ರಭಾವ್ ಹುವಾನಿತರಾನು ದೇಖಾನಖ್ಹಾಜೆ ಕರ್ಯೊ. ಅಖ್ಖಾಸ್ನ ಉಬ್ಜಾ಼ಯೊತೆ ದೇವ್ ಪಾಛ಼್ಲ್ಯಾಹಗಾಮ್ಮ ಇನು ಗಪ್ಲತ್ನ ಲಪಾಡಿರಾಖ್ಯೊಥೊ.
ಜಗತ್ ದೇವ್ನಿ ವಾತೆಥೀಸ್ ಉಬ್ಜು ಕರಿ ಬೋಲಾನು ವಿಶ್ವಾಸ್ಥೀಸ್ ಮಾಲುಮ್ ಕರಿರಾಖ್ಯಾಸ್. ಆ ಜಿನಖ್ಹ್ ದೆಖಾವಸ್ತೆ ಆ ಜಗತ್ ದೆಖಾವಾಥಿ ರ್ಹವೊ ನಾ ದೆಖಾವಾಥಿ ರ್ಹವೊ ಉಬ್ಜ್ಯುಕರಿ ಬೋಲಾನು ವಿಶ್ವಾಸ್ಥೀಸ್ ಪರ್ಖೇಸ್.
ಯೇಸುಸ್ ಪ್ರಭು ಕರಿ ನಂಬವಾಳ ಹರೇಕ್ ಜ಼ಣಾಬಿ ದೇವ್ನ ಲಡ್ಕಾ ಹುಯಿರ್ಹಾಸ್. ಕೋಣ್ ಇನ ಪೈದಕರ್ಯೊತೆ ಬಾನ ಪ್ಯಾರ್ ಕರಸ್ಕಿ ಅಥ್ರಾನವಾಳು ಹರೇಕ್ ಜ಼ಣು ಇನ ಛಿಯ್ಯಾನ ಜಿನುಕು ಪ್ಯಾರ್ಕರಸ್.
ಲವೊದಿಕೀಯಮ ಛಾ಼ತೆ ಸಬೆನ ದೂತನ ಲೀಕ್, ವಿಶ್ವಾಸ್ ಯೋಗ್ಯಬಿ, ಖ್ಹಾಚಿ ಸಾಕ್ಷಿಬಿ, ದೇವ್ನಿ ಬಣಾವಟ್ನ ರಾಜ಼ ಹುಯಿರೋತೆ ‘ಆಮೆನ್’ ಕರಿ ರ್ಹವಾಳೊ ಶಾತ್ ಬೋಲಸ್ಕತೊ,
ಹಮಾರೊ ಪ್ರಭು ಹುಯಿರ್ಹೋತೆ ದೇವ್, ತೂ ಮಹಿಮೆನಾಬಿ ಮಾನ್ ಮರ್ಯಾದಿನಾಬಿ ಶಕತ್ನ ಲೀಲಾವನ ಯೋಗ್ಯಹುಯಿರೋಸ್, ಶನಕತೊ ಹರೇಕ್ನ ಉಬ್ಜಾ಼ಯೋತೆ ತೂಸ್, ಅಖ್ಖೂಬಿ ತಾರೀಸ್ ಖ್ಹೂಜ಼್ಥಿಥು.ಅಜು಼ ತಾರೀಸ್ ಖ್ಹಯಾಲ್ಥಿ ಬಣಾವಟ್ ಹುಯು ಕರಿ ಬೋಲ್ತುಹುಯಿನ್ ಆರಾದನೆ ಕರುಕರ್ತುಥು.