ಯೋಹಾನ 1:12 - ದೇವ್ನಿ ಖ್ಹಾಚಿ ವಚನ್

¹² ಕತೋಬಿ ಕೋಣ್-ಕೋಣ್ ಇನ ಮಳೈಲಿದುಕಿ, ಕತೊ ಇನ ನಾಮ್‍ಪರ್ ವಿಶ್ವಾಸ್ ಕರ‍್ಯುಕೀ, ಇವ್ಣುನ ದೇವ್ನ ಲಡ್ಕಾ ಹುವಾನ ಹಕ್‌ ದಿದೊ.

ಯೋಹಾನ 1:12 ပူးပေါင်းရင်းမြစ်များ

ಮತ್ತಾಯ 10:40

“ಕೋಣ್‌ತೋಬಿ ತುಮೂನ ಬುಲೈಲಿದುತೊ, ಇವ್ಣೆ ಮನ ಬುಲೈಲೆವಾದಾಖ್ಹಲ್‌; ಮನ ಬುಲೈಲೆಸ್ತೆ ಇವ್ಣೆ ಮನ ಮೋಕ್‌ಲ್ಯೊತೆ ಇನಾಸ್ ಬುಲೈಲೆವಾದಾಖ್ಹಲ್‌,

ಮತ್ತಾಯ 12:21

ಅಜು಼ ಅಲಕ್‌ ಅದ್ಮಿಖ್ಹಾರು ಇನ ನಾಮ್‌ಪರ್‌ ಭರೋಖ್ಹೊ ಕರ್ಶೆ.

ಮತ್ತಾಯ 18:5

ಅತ್ರೇಸ್ ಕಾಹೆತೆ ಕೋಣ್‌ತೋಬಿ ಮಾರ ನಾಮ್‌ಪರ್‌ ಅಮ್ನಏಕ್ ಅಡ್ಡಾಣಿ ಲಡ್ಕಾನ ಬುಲೈಲೇಸ್ಕಿ, ಯೋ ಮನ ಬುಲೈಲ್ಯವಾಳೊ ಹುಯಿರ‍್ಹೊಸ್.

ಯೋಹಾನ 1:11

ಯೋ ಇನ ಶೊಂತ್‌ ದೇಖ್ಹ್‌ಮ ಆಯೊ, ತೋಬಿ ಇನು ಶೊಂತ್ ಅದ್ಮಿಸ್‌ ಇನ ಮಳೈಲಿದುಕೊಯ್ನಿ.

ಯೋಹಾನ 1:7

ಯೋ ಖ್ಹಾರ ಅದ್ಮಿನ ಆ ಉಜಾ಼ಳನಿ ಸಾಕ್ಷಿ ದ್ಯವಾನ ಆಯೊ. ಶನಕತೊ ಖ್ಹಾರುಜ಼ಣು ಆ ಸಂದೇಶ್ನ ಖ್ಹಮ್‌ಜಿನ್‌ ವಿಶ್ವಾಸ್ ಕರ್ನುಕರಿ ಆಯೊ.

ಯೋಹಾನ 11:52

ಖಲಿ ಯೆಹೂದ್ಯರ್‌ನಖ್ಹಾಜೆ ಕಾಹೆ, ಪಣ್ಕಿ ಛಿದ್‍ರೈಗಯುತೆ ದೇವ್‌ನು ಅದ್ಮಿಖ್ಹಾರಾನ ಎಕ್ಟು ಕರಾನಖ್ಹಾಜೆ ಯೇಸು ಮರವಾಳೊ ಥೊ.

ಯೋಹಾನ 2:23

ಯೇಸು ಪಸ್ಕ ಪೂಜಾ಼ನಿ ವಖ್ಹತ್‌ಮ ಯೆರೂಸಲೇಮ್ಮ ಥೊ, ತದೆ ಇನೆ ಕರ‍್ಯೊತೆ ಅದ್ಭುತ್‌ಖ್ಹಾರು ಘಣ ಅದ್ಮಿನೆ ದೇಖಿನ್‌, ಇನ ನಾಮ್‍ಪರ್ ವಿಶ್ವಾಸ್‌ ಕರ‍್ಯು.

ಯೋಹಾನ 20:31

ಕತೋಬಿ ಯೇಸುಸ್‌ ಕ್ರಿಸ್ತ ಕರೀಬಿ, ದೇವ್‌ನೊ ಛಿಯ್ಯೊ ಕರೀಬಿ ತುಮೆ ನಂಬಿನ್, ಇನ ನಾಮ್‍ಥಿ ತುಮೂನ ಜಾನ್‌ ಮಳಾದೆ ಕರಿ ಅತ್ರುಖ್ಹಾರು ಲೀಖೈರ‍್ಹುಸ್.

ಯೋಹಾನ 3:18

ಇನ ನಂಬವಾಳಾನ ತೀರ್ಪ್‌ ಕೋ ಹೊಯ್ನಿ, ಕತೋಬಿ ನಂಬಕೊಂತೆ ಇನ ತದೇಸ್‌ ತೀರ್ಪ್‌ ಹುಯ್ಗಿ. ಶನಕತೊ ಇನೆ ದೇವ್ನ ಎಕ್ಕಸ್ ಛಿಯ್ಯಾನ ನಾಮ್ನ ಉಪ್ಪರ್ ಭರೋಖ್ಹೊ ಕರ‍್ಯೊಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:16

ತುಮೆ ಶಾತ್‌ ದೇಖ್ಯಕಿ ಅಜು಼ ತುಮೆ ಶಾತ್ ಖ್ಹಮ್‍ಜ್ಯಾಕಿ ಯೋ ಅಖ್ಖು ಇನ ನಾಮ್‍ಥೀಸ್ ಹುಯಿರುಸ್. ಯೊ ಲಂಗ್‍ಡಾನೆ ಯೇಸುನ ಉಪ್ಪರ್ ರಾಖಿರಾಖ್ಯೊತೆ ವಿಶ್ವಾಸ್‌ಥೀಸ್ ಇನ ಅಛ್ಛು಼ ಹುಯುತೆ ಅನಅಖ್ಖು ತುಮೆ ದೇಖಿರಾಖ್ಯಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:14

ಕೋಣ್ ದೇವ್ನ ಆತ್ಮಥಿ ಚ಼ಲೈಲೇಸ್ಕಿ ಇವ್ಣೆ ದೇವ್ನ ಲಡ್ಕಾ ಹುಯಿರ‍್ಹಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:16

ಅಪ್ಣೆ ದೇವ್ನ ಛಿಯ್ಯಾ ಹುಯಿರ‍್ಹಾಸ್, ಕರಿ ಬೋಲಾನ ಪವಿತ್ರಾತ್ಮಸ್ ಅಪ್ಣ ಆತ್ಮನಿಜೋ಼ಡ್ಮ ಸಾಕ್ಷಿ ದೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:19

ದೇವ್ನ ಲಡ್ಕಾವ್‌ನಿ ಮಹಿಮೆ ಕದೆ ದೆಖಾವ್‍ಶೇಕರಿ ಉಬ್‍ಜಾ಼ವ್ಣಿ ಘಣು ಜ಼ರೂರ್‌ಥಿ ಖ್ಹಾಮ್ಣೆ ದೇಖುಕರಸ್.

ಗಲಾತ್ಯ 3:26

ಶನಕತೊ ಕ್ರಿಸ್ತ ಯೇಸುಮ ತುಮೆಖ್ಹಾರು ವಿಶ್ವಾಸ್‍ಥಿ ದೇವ್ನ ಲಡ್ಕಹುಯಿರ‍್ಹಾಸ್.

ಗಲಾತ್ಯ 4:6

ತುಮೆ ಛಿಯ್ಯಾಹುಯಿರ‍್ಹಾತೆ ಖ್ಹಾಜೆ ದೇವ್ನೆ, “ಬಾ! ಬಾ!” ಕರಿ ಚಿಕ್ರಾಸ್ತೆ ಇನ ಛಿಯ್ಯಾನ ಆತ್ಮಾನ ಅಪ್ಣ ದಿಲ್ಮ ಮೋಕ್‌ಲ್ಯೊ.

ಕೊಲೊಸ್ಸೆ 2:6

ಇನಾಖ್ಹಾಜೆ ತುಮೆ ಕ್ರಿಸ್ತಯೇಸುನ ಪ್ರಭುಕರಿ ಸ್ವೀಕಾರ್ ಕರಿಲಿದಾತೆ ತಿಮ್ಮಸ್ ಇನಾಮ ರ‍್ಹೀನ್ ಜಿವ್ಣು ಕರೊ.

2 ಪೇತ್ರ 1:4

ತುಮೆ ಲೋಕ್‌ನಿ ಲಾಲಚ್‌ಥಿ ಆವಸ್ತೆ ಖರಾಬ್‌ಥಿ ಛು಼ಕಿನ್, ದೇವ್ನಿ ಚಾ಼ಲ್‌ಮ ಭಾಗ್‌ಲ್ಯವಾಳ ಹೋಣುಕರಿ ಬೋಲಿನಸ್ ದೇವ್ನೆ ಇನಿ ಮಹಾನ್ ಅಜು಼ ಅಮೂಲ್ಯ ಹುಯಿರ‍್ಹೀತೆ ವಾತೇನ ಅಪ್ಣುನ ದಿದೊ.

1 ಯೋಹಾನ 3:1

ಅಪ್ಣೆ ದೇವ್ನ ಲಡ್ಕಾ ಕರಿ ಬೋಲೈಲೇವ್ಣುಕತೊ ಬಾ ಅಪ್ಣುನ ಕೆಥ್ರಾನಿ ಪ್ಯಾರ್ ಕರಿರಾಖ್ಯೊಸ್ ದೇಖೊ; ಖ್ಹಚಂಬಿ ಅಪ್ಣೆ ದೇವ್ನ ಲಡ್ಕಾ ಹುಯಿರಾಸ್. ಆ ಜಗತ್‌ ಇನ ಮಾಲುಮ್‌ಕರ‍್ಲಿದುಕೊಂತೆ ಇನಾಖ್ಹಾಜೆ ಅಪ್ಣುನಾಬಿ ಮಾಲುಮ್‌ ಕರ‍್ಲೆಯ್‍ಕೊಯ್ನಿ.

1 ಯೋಹಾನ 3:10

ಅಜು಼ ನೀತಿನ ವಾಟ್‌ಮ ನಾಚಾ಼ಲವಾಳೊ, ಇವ್ಣ ಭೈಯೇ ಅಜು಼ ಭೇನೇನ ಲಾಡ್‌ ನಾಕರವಾಳೊ ದೇವ್‍ಥಿ ಪೈದಹುಯೊ ಕೊಯ್ನಿ. ಅಮ್ ದೇವ್ನ ಲಡ್ಕಾ ಕೋಣ್ ಅಜು಼ ಶೈತಾನ್ನ ಲಡ್ಕಾ ಕೋಣ್‌ಕರಿ ಮಾಲುಮ್ ಕರಿಲೆಯೆಜಾ಼ಯ್‍.

1 ಯೋಹಾನ 3:2

ಪ್ಯಾರ್‌ನ ದೋಸ್ತಿವೊ ಅಪ್ಣೆ ಹಮ್ಕೆ ದೇವ್ನ ಲಡ್ಕಾ. ಅಜು಼ ಆಗಾಡಿ ಅಪ್ಣೆ ಶಾತ್‌ ಲಿಶುಕರಿ ಕೆಥ್ರಾನವಾಳ ಹುಯಿರ‍್ಹಿಯೆಸ್ ಕರಿ ಬಿಜೂ಼ಬಿ ಖ್ಹಮ್‍ಜ್ಯಕೊಯ್ನಿ. ಕತೋಬಿ ಕ್ರಿಸ್ತಯೇಸು ಆವನಿ ವಖ್ಹ್‌ತೆ ಅಪ್ಣೇಬಿ ಇನಿನಿತರಾಸ್ ರಿಶು ಕರಿ ಮಾಲುಮ್ ಕರಿರಾಖ್ಯಸ್. ಶನಕತೊ ಯೋ ರ‍್ಹಿಶೇತೆ ರೂಪ್‍ಮಸ್ ದೇಕ್‌ಶು.

1 ಯೋಹಾನ 3:23

ದೇವ್ನಿ ಹುಕುಮ್ ಶಾತ್‍ಕತೊ ಅಪ್ಣೆ ದೇವ್‌ನೊ ಛಿಯ್ಯೊ ಪ್ರಭು ಯೇಸುನ ನಾಮ್‍ಪರ್ ವಿಶ್ವಾಸ್‍ಕರೀನ್‍ ಇನೆ ಹುಕುಮ್ ಕರಿರಾಖ್ಯೊತೆ ಇಮ್ಮಸ್ ಏಕ್‌ಥಿಏಕ್ ಪ್ಯಾರ್‌ಕರ‍್ನು ಕರಿ ಬೋಲಾನುಸ್.