ಯೋಹಾನ 1:10 - ದೇವ್ನಿ ಖ್ಹಾಚಿ ವಚನ್

¹⁰ ವಚನ್ ಜಗತ್‌ಮ ಥು, ಅಜು಼ ದೇವ್ನೆ ಇನೇಥಿಸ್ ಜಗತ್ನ ಬಣಾಯೊ, ತೋಬಿ ಜಗತ್‌ ಇನ ಮಾಲುಮ್ ಕರ‍್ಯುಕೊಯ್ನಿ.

ಯೋಹಾನ 1:10 ပူးပေါင်းရင်းမြစ်များ

ಮತ್ತಾಯ 11:27

“ಮಾರೊ ಬಾ ಮನ ಖ್ಹಾರುಸ್‌ ಮಾರ ಹಾತ್ಮ ದೀರಾಖ್ಯೊಸ್. ಬಾನ ಮ್ಹೆಂದಿನ್ ಕೋಣ್‌ಬಿ ಛಿಯ್ಯಾನ ಮಾಲುಮ್‌ ಕರಿರಾಖ್ಯುಕೊಯ್ನಿ, ಅಜು಼ ಛಿಯ್ಯಾನ ಮ್ಹೆಂದಿನ್ ಕೋಣ್‌ಬಿ ಬಾನ ಮಾಲುಮ್‌ ಕರಿರಾಖ್ಯುಕೊಯ್ನಿ ಅಜು಼ ಛಿಯ್ಯೊ ಬಾನ ಕಿನ ವತಾಳ್ಣುಕರಿ ಆಖ್ಹ್‌ಕರಾಸ್ಕಿ, ಇವ್ಣೆ ಬಾನ ಮಾಲುಮ್‌ ಕರಿಲಿಶೆ.

ಯೋಹಾನ 1:11

ಯೋ ಇನ ಶೊಂತ್‌ ದೇಖ್ಹ್‌ಮ ಆಯೊ, ತೋಬಿ ಇನು ಶೊಂತ್ ಅದ್ಮಿಸ್‌ ಇನ ಮಳೈಲಿದುಕೊಯ್ನಿ.

ಯೋಹಾನ 1:18

ದೇವ್ನ ಕೋಣ್‌ಬಿ ಕದೇಬಿ ಕೊ ದೇಖ್ಯುನಿ, ಕತೋಬಿ ಏಕ್‍ನೊ ಏಕ್‌ ಛಿಯ್ಯೊ, ಯೊ ದೇವ್ನಿಘೋಣಿ ಛಾ಼. ಅಜು಼ ಬಾನಿ ಜೋ಼ಡ್ಮಾಸ್ ಛಾ಼ ಇನೇಸ್‌ ಅಪ್ಣುನ ಯೊ ಕೋಣ್ ಕರಿ ವತಾಳಿರಾಖ್ಯೊಸ್.

ಯೋಹಾನ 1:3

ಇನೇಥಿಸ್ ದೇವ್ನೆ ಅಖ್ಖೂಸ್ ಬಣಾಯೊ, ಬಣಾಯೋತೆ ಯೋ ತಮಾಮ್‌ ರಾಛಾ಼ಮ, ಏಕ್‌ಬಿ ಯೋ ಕೊಂತೆ ಉಬ್‍ಜ್ಯುಕೊಯ್ನಿ.

ಯೋಹಾನ 1:5

ಯೋ ಉಜಾ಼ಳು ಅಂಧಾರಾಮ ಚ಼ಮ್‌ಕಾಸ್, ಅಜು಼ ಅಂಧಾರು ಇನ ಮಾಲುಮ್ ಕರ‍್ಯುಕೊಯ್ನಿ.

ಯೋಹಾನ 17:25

ಧರ್ಮಿ ಹುಯಿರ‍್ಹೋತೆ ಬಾ! ಆ ಜಗತ್‌ ತುನ ಮಾಲುಮ್‌ ಕರಿರಾಖ್ಯುಕೊಯ್ನಿ, ಕತೋಬಿ ಮೇ ತುನ ಮಾಲುಮ್‌ ಕರಿರಾಖ್ಯೋಸ್, ಅಜು಼ ತುನೆ ಮನಮೋಕ್ಲಿರಾಖ್ಯೋಸ್‌ ಕರಿ ಅವ್ಣೆ ಮಾಲುಮ್‌ ಕರಿರಾಖೂಸ್.

ಯೋಹಾನ 5:17

ಕತೋಬಿ ಯೇಸುನೆ ಇವ್ಣುನ, “ಮಾರೊ ಬಾ ಹಂಕೆತೋಡಿ ಕಾಮ್ ಕರುಕರಸ್,ಮೇಬಿ ಕಾಮ್ ಕರುಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:17

ಕತೋಬಿ ಇನಿ ಬಾರೇಮ ಸಾಕ್ಷಿದಿದೊಕೊಂತೆ ಕೊಯ್ನಿ; ಮದತ್ ಕರ್ತೊಆಯೋತೆ ಇನೇಸ್‌ ತುಮೂನ ಸೊರ್ಗಥೊ ಪಾಣಿನಾಬಿ ಖ್ಹುಗ್ಗೀನ ದನ್‍ಬಿ ಅನಾಜ಼್ ದೀನ್ ತುಮಾರ ದಿಲ್ನ ಖುಷಿಥಿ ಭರ‍್ಯೊ, ಕರಿ ಬೋಲ್ಯೊ.

1 ಕೊರಿಂಥ 1:21

ಹೈರೂತೆ ದೇವ್ನಿ ಗ್ಯಾನ್ನಿ ಖ್ಹೂಜ಼್ ಹುಯಿರ‍್ಹುಥು. ಜಗತ್‌ ಇನಿ ಶೊಂತ್ ಗ್ಯಾನ್‌ಥಿ ದೇವ್ನ ಖ್ಹಮ್‍ಜಿರಾಖ್ಯುಥು ಕೊಯ್ನಿ. ಇನಖ್ಹಾಜೆ ಘೈಲಾನಿತರ ದೆಖಾವತೆ ಬೋಧನ್‍ಥಿ ವಿಶ್ವಾಸ್ ಕರವಾಳನಿ ರಕ್ಷಣೆ ಕರಾನು ದೇವ್ನ ಅಛ್ಛು಼ಕರಿ ದೆಖಾಯು.

1 ಕೊರಿಂಥ 2:8

ಅನ ಆ ಜಗತ್‌ನು ಅದಿಕಾರಿ ಖಿವೂಬಿ ಆ ಅಕ್ಕಲ್‍ನ ಮಾಲುಮ್ ಕರಿರಾಖ್ಯುಥು ಕೊಯ್ನಿ. ಮಾಲುಮ್ ಕರಿರಾಖ್ಯುಹೊತ್ತೊ ಇವ್ಣೆ ಮಹಿಮೆನೊ ಪ್ರಭುನ ಶಿಲ್‌ಬೆಪರ್ ಕೋ ಮರಾಯುಹೊತ್ನಿ.

1 ಕೊರಿಂಥ 8:6

ಅಪ್ಣುನತೋಬಿ ಎಕ್ಕಸ್ ದೇವ್ ಛಾ಼. ಯೋ ಬಾಕರಿ ಬೋಲೈಲ್ಯಾವಾಳೊ; ಅಖ್ಖೂಸ್ ಉಬ್‍ಜ್ಯೊತೆ ಇನೇಥಿ ಹಮೆ ಇನಖ್ಹಾಜೆ ಜಿವೇಸ್ ಅಜು಼ ಏಕ್‍ನೊ ಏಕ್ಕಸ್‍ಜ಼ಣೊ ಪ್ರಭು ಛಾ಼. ಯೋಸ್ ಯೇಸು ಕ್ರಿಸ್ತ ಇನೇಥಿಸ್ ಹರೇಕ್ ತಯಾರ್‌ಹುಯು. ಇನೇಥಿಸ್ ಹಮೇಬಿ ಇನೇಥಿಸ್ ಛಿಯ್ಯೆ಼.

ಕೊಲೊಸ್ಸೆ 1:16

ಶನಕತೊ ಜ಼ಮೀನ್ಮ ಛಾ಼ತೆ ಪರ್‌ಲೋಕ್ಮ ಛಾ಼ತೆ, ದೆಖಾವತೆ ಬಿಣ್‍ದೆಖಾವಾತೆ ಖ್ಹಾರೂಸ್, ಸಿಂಹಾಸನ್ ರ‍್ಹವೊ, ದೇಖ್ಹ್‌ಮ ರ‍್ಹವಾನಿ ಕಾನೂಲ್‌ ರ‍್ಹವೊ, ಅದಿಕಾರಿಖ್ಹಾರು ರ‍್ಹವೊ, ಇನೇಥಿ ಉಬ್‍ಜು. ಖ್ಹಾರೂಸ್‍ಬಿ ಇನೇಥಿಸ್, ಇನಖ್ಹಾಜೇಸ್ ಉಬ್‍ಜೈ಼ಗಯು.

ಇಬ್ರಿ 11:3

ಜಗತ್‌ ದೇವ್ನಿ ವಾತೆಥೀಸ್‌ ಉಬ್‌ಜು ಕರಿ ಬೋಲಾನು ವಿಶ್ವಾಸ್‌ಥೀಸ್ ಮಾಲುಮ್ ಕರಿರಾಖ್ಯಾಸ್. ಆ ಜಿನಖ್ಹ್‌ ದೆಖಾವಸ್ತೆ ಆ ಜಗತ್‌ ದೆಖಾವಾಥಿ ರ‍್ಹವೊ ನಾ ದೆಖಾವಾಥಿ ರ‍್ಹವೊ ಉಬ್‌ಜ್ಯುಕರಿ ಬೋಲಾನು ವಿಶ್ವಾಸ್‌ಥೀಸ್ ಪರ್ಖೇಸ್.

1 ಯೋಹಾನ 3:1

ಅಪ್ಣೆ ದೇವ್ನ ಲಡ್ಕಾ ಕರಿ ಬೋಲೈಲೇವ್ಣುಕತೊ ಬಾ ಅಪ್ಣುನ ಕೆಥ್ರಾನಿ ಪ್ಯಾರ್ ಕರಿರಾಖ್ಯೊಸ್ ದೇಖೊ; ಖ್ಹಚಂಬಿ ಅಪ್ಣೆ ದೇವ್ನ ಲಡ್ಕಾ ಹುಯಿರಾಸ್. ಆ ಜಗತ್‌ ಇನ ಮಾಲುಮ್‌ಕರ‍್ಲಿದುಕೊಂತೆ ಇನಾಖ್ಹಾಜೆ ಅಪ್ಣುನಾಬಿ ಮಾಲುಮ್‌ ಕರ‍್ಲೆಯ್‍ಕೊಯ್ನಿ.