ಯೋಹಾನ 1:1 - ದೇವ್ನಿ ಖ್ಹಾಚಿ ವಚನ್

¹ ಶುರುವಾತ್ನ ಪಹಿಲೆ ವಚನ್ ಥು; ಯೋ ವಚನ್‌ ದೇವ್‌ಕನ ಥು; ಯೋ ವಚನ್ ದೇವ್ ಹುಯಿರುಥು.

ಯೋಹಾನ 1:1 ပူးပေါင်းရင်းမြစ်များ

ಮತ್ತಾಯ 1:23

ಯೋ ವಾತೆ ಶಾತ್‌ಕತೊ, “ಹಂದೇಖೊ, ಏಕ್‌ ಕವಾರಿ ಬೇಜೂನಿ ಹುಯಿನ್, ಏಕ್‌ ಛಿಯ್ಯಾನ ಜ಼ಣ್‌ಶೆ. ಅಜು಼ ಇನ, ‘ಇಮ್ಮಾನುವೇಲ್’ ಕರಿ ನಾಮ್ ಮ್ಹೇಲ್‌ಶೆ!” ಇಮ್ಮಾನುವೇಲ್ ಕತೊ, “ದೇವ್ ಅಪ್ಣ ಜೋ಼ಡೆ ಛಾ಼” ಕರಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:53

ಅಜು಼ ಇವ್ಣೆ ಕದೇಬಿ ಮಂದಿರ್‌ಮಾಸ್ ರ‍್ಹೀನ್, ದೇವ್ನಿ ಸ್ತುತಿಕರ‍್ಯು.

ಯೋಹಾನ 1:14

ಯೋ ವಚನ್ ಅದ್ಮಿನು ರೂಪ್‍ನ ಲೀನ್ ವಾರ್‌ಖ್ಹೊಥೀಬಿ ಅಜು಼ ಖ್ಹಾಚಥೀಬಿ ಭರೈರ‍್ಹಾವಾಳೊ ಹುಯಿರೊಸ್. ಅಜು಼ ಅಪ್ಣಾಮ ಜಿವ್ಣುಕರ‍್ಯೊ. ಅಜು಼ ಅಪ್ಣೆ ಇನ ಮಹಿಮೆನ ದೇಖ್ಯ. ಯೊ ಬಾನೊ ಏಕ್‍ನೊ ಎಕ್ಕಸ್ ಛಿಯ್ಯಾನು ಮಹಿಮೆ ಹುಯಿರೊಥೊ.

ಯೋಹಾನ 1:18

ದೇವ್ನ ಕೋಣ್‌ಬಿ ಕದೇಬಿ ಕೊ ದೇಖ್ಯುನಿ, ಕತೋಬಿ ಏಕ್‍ನೊ ಏಕ್‌ ಛಿಯ್ಯೊ, ಯೊ ದೇವ್ನಿಘೋಣಿ ಛಾ಼. ಅಜು಼ ಬಾನಿ ಜೋ಼ಡ್ಮಾಸ್ ಛಾ಼ ಇನೇಸ್‌ ಅಪ್ಣುನ ಯೊ ಕೋಣ್ ಕರಿ ವತಾಳಿರಾಖ್ಯೊಸ್.

ಯೋಹಾನ 1:2

ಯೋ ವಚನ್ ಶುರುವಾತ್‌ಥೂಸ್ ದೇವ್‌ಕನ ಥೊ.

ಯೋಹಾನ 16:28

ಮೇ ಬಾಕಂಥೊ ಜಗತ್ನ ಆಯೊ; ಹಮ್ಕೆ ಆ ಜಗತ್ನ ಮ್ಹೆಂದಿನ್, ಬಾಕನ ವಳ್ಯೊಜ಼ವುಸ್‌” ಕರಿ ಬೋಲ್ಯೊ.

ಯೋಹಾನ 17:5

ಬಾ! ಹಮ್ಕೆ, ತೂ ತಾರ ಖ್ಹಾಮ್ಣೆ ಮನ ಮಹಿಮೆ ಕರ್‌, ಜಗತ್‌ ಉಬ್ಜಾ಼ನ ಅಗಾಡಿ ತಾರ ಜೋ಼ಡೆ ಮನ ಥೀತೆ ಯೋಸ್‌ ಮಹಿಮೆ ಮನ ದೇ.

ಯೋಹಾನ 20:28

ತೋಮನೆ ಯೇಸುನ, “ಮಾರೊ ಪ್ರಭು, ಮಾರೊ ದೇವ್!” ಕರಿ ಜವಾಬ್‌ ದಿದೊ.

ಯೋಹಾನ 8:58

ಯೇಸುನೆ, “ಮೇ ಖ್ಹಾಚ ಬೋಲುಸ್ಕಿ, ಅಬ್ರಹಾಮ್‌ ಪೈದಾ ಹುವಾನ ಅಗಾಡಿಸ್, ಮೇ ಥೊ!” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:5

ಗುರುಗುರಬ್‍ಲ್ಯೊಬಿ ಇವ್ಣುನ ಮಳ್ಯಹುಯ. ಕ್ರಿಸ್ತ ಅದ್ಮಿಹುಯಿನ್ ಇವ್ಣಿ ಖೂಮ್ಮ ಪೈದಹುಯೊ. ಆ ಖ್ಹಾರಸ್ನ ಉಪ್ಪರ್ ಛಾ಼ತೆ ದೇವ್ ಕದೆಕದೇಬಿ ಸ್ತುತಿ ಹುವಾದೆ ಆಮೆನ್.

ಎಫೆಸ 3:9

ಬಿಜು಼ ದೇವ್ನ ಅದ್ಮಿನ ದೇವ್ನಿ ಗಪ್ಲತ್‌ನಿ ಖ್ಹೂಜ಼್‌ನ ಖಿವುಕರಿ ಅಜು಼ ಯೊ ಪ್ರಭಾವ್‌ ಹುವಾನಿತರಾನು ದೇಖಾನಖ್ಹಾಜೆ ಕರ‍್ಯೊ. ಅಖ್ಖಾಸ್ನ ಉಬ್‌ಜಾ಼ಯೊತೆ ದೇವ್ ಪಾಛ಼್‌ಲ್ಯಾಹಗಾಮ್ಮ ಇನು ಗಪ್ಲತ್‌ನ ಲಪಾಡಿರಾಖ್ಯೊಥೊ.

ಫಿಲಿಪ್ಪಿ 2:6

ಯೋ ದೇವ್‌ನೊ ರೂಪ್‌ವಾಳೊ ಹುಯೊ, ಕತೋಬಿ ದೇವ್ನಿ ಸ್ವರೂಪ್ನ ಬರೋಬರ್ ರ‍್ಹಯುತೋಬಿ ಮಹಾನ್ ಪದವಿನ ಮ್ಹೇಲುಕೊಯ್ನಿಕರಿ ಬೋಲಿನ್,

ಕೊಲೊಸ್ಸೆ 1:15

ಕ್ರಿಸ್ತ ದೇಖಾವಕೊಂತೆ ದೇವ್‌ನೊ ರೂಪ್, ಖ್ಹಾರೀಸ್‍ ಉಬ್‍ಜಾ಼ವ್ಣಿಮ ಫೈಲೋಟೋ ಛಿಯ್ಯೋಬಿ ಹುಯಿರ‍್ಹೋಸ್.

ಕೊಲೊಸ್ಸೆ 1:17

ಯೋ ಖ್ಹಾರೇಥಿಸ್ ಪಹಿಲೆ ಥೋತೆ, ಇನಾಮ ತಮಾಮಸ್ ಛಾ಼.

1 ತಿಮೊ 3:16

ಅಪ್ಣ ದೇವ್‌ಮ ಭಕ್ತಿನು ಜಿವ್ಣನು ಖ್ಹಾಚಿ ಗಪ್ಲತ್ ಗುಮಾನಿಕೊಂತೆ ಘಣಿ ಮೋಟಿ ಹುಯಿರ‍್ಹೀಸ್, ಕ್ರಿಸ್ತನೆ ಅದ್ಮಿನಿ ರೂಪ್‌ಮ ಅಪ್ಣುನ ದೆಖಾಯೊ, ಯೋಸ್ ಪವಿತ್ರಾತ್ಮನ ವತಾಳ್ಯೊ, ಸೊರ್ಗಾನ ದೂತರ್‌ಥಿ ದೆಖೈಗು. ಅಲ್ಹಾವ್‌ಅದ್ಮಿವೋನಿ ಬೀಚ್ಮ ಯೊ ಬೋಲಿವತಾಳೈಗೊ, ಜಗತ್‌ ಇನಾಪರ್ ವಿಶ್ವಾಸ್ ಕರ‍್ಯು, ಅಜು಼ ಇನ ಮಹಿಮೆಥಿ ಸೊರ್ಗಾಮ ಪಡೈಗೊ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:13

ಕತೊ ಕಿಮ್ ಭರೋಖ್ಹೊ ಕರೀನ್ ಜ಼ಪುಕರೇ಼ತೆ ಖ್ಹುಶಿನೊ ದನ್ನಖ್ಹಾಜೆ, ಅಪ್ಣೆ ಅಮ್ಮಸ್ ಜಿವ್ಣು. ತದೆ ಯೋ ದನ್ಮ ಅಪ್ಣೊ ಮಹಾನ್ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸುಕ್ರಿಸ್ತನಿ ಮಹಿಮೆ ದೆಖಾವ್‌ಶೆ.

ಇಬ್ರಿ 13:8

ಕ್ರಿಸ್ತ ಯೇಸು ಗಯೋತೆ ದನ್ನೆ ಕಿಮ್‌ಥೋಕಿ ಹಮ್ಕೆಬಿ, ಕದೆಕದೇಬಿ, ಎಕ್ಕಸ್‌ಥರ ರ‍್ಹವಾಳೊ.

ಇಬ್ರಿ 7:3

ಇನ ಆಯಕೊಯ್ನಿ ಬಾಕೊಯ್ನಿ, ಖಾನ್‍ದಾನ್‍ಬಿ ಕೊಯ್ನಿ, ಪೈದಾಖ್ಹ್‌ಬಿ ಕೊಯ್ನಿ, ಮರಣ್‌ಬಿ ಕೊಯ್ನಿ, ಯೋ ದೇವ್ನ ಛಿಯ್ಯಾನಿತರ ರ‍್ಹೀನ್, ಹಮೇಶಾನೊ ಯಾಜಕ್‍ಹುಯಿರ‍್ಹೊಸ್.

2 ಪೇತ್ರ 1:1

ಯೇಸು ಕ್ರಿಸ್ತನೊ ಸೇವಕ್ ಅಜು಼ ಅಪೊಸ್ತಲ ಹುಯಿರ‍್ಹೋತೆ ಸೀಮೋನ್ ಪೇತ್ರ, ಅಪ್ಣೊ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ನೀತಿಥಿ ಹಮಾರಿನಿತರಸ್ ಅಛ್ಛಿ ವಿಶ್ವಾಸ್ ಮಳಿರ‍್ಹೀಸ್ತೆ ಇವ್ಣುನ ಶಾತ್ ಲೀಖುಸ್‌ಕತೊ,

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.

1 ಯೋಹಾನ 5:7

ಶನಕತೊ ತೀನ್ ಸಾಕ್ಷಿ ಛಾ಼:

ಪ್ರಕಾಶಿತ್ 1:11

ಯೋ ಅವಾಜ಼್‌ನೆ, ತೂ ದೇಖಾನು ಏಕ್‌ ಪುಸ್ತಕ್‌ಮ ಲೀಖಿನ್ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲಿಡೇಲ್ಫಯ, ಲವೊದಿಕೀಯ, ಕರಿ ಖ್ಹಾತ್ ಸಬೆವ್‍ನ ಮೋಕಲ್ನುಕರಿ ಬೋಲ್ಯು.

ಪ್ರಕಾಶಿತ್ 1:17

ಮೇ ಇನ ದೇಖಾನಿವಖ್ಹ್‌ತೆ ಮರ‍್ಯಹುಯಾನಿಘೋಣಿ ಇನ ಗೋಡಾನ ಖ್ಹಾಮ್ಣೆ ಪಡ್ಯೊ.ಯೋ ಇನ ಖಾವಹಾತ್ನ ಮಾರಪರ್ ಮ್ಹೇಲಿನ್, ಡರ್‌ನಕೊ ಮೇಸ್ ಪಹಿಲೆನೊ ಖ್ಹರ್ತಿನೊಬಿ.

ಪ್ರಕಾಶಿತ್ 1:2

ಯೋಹಾನನೆ ದೇವ್ನಿ ವಚನ್ನಿ ಬಾರೆಮಾಬಿ, ಯೇಸು ಕ್ರಿಸ್ತನೆ ಬೋಲ್ಯೊತೆ ಸಾಕ್ಷಿನಿ ಬಾರೆಮಾಬಿ,ಇನೆ ದೇಖ್ಯೋತೆ ಖ್ಹಾರು ಖ್ಹಮ್‌ಜಾಡವಾಳೊಹುಯಿನ್‌ ಸಾಕ್ಷಿ ಬೋಲ್ಯೊ.

ಪ್ರಕಾಶಿತ್ 1:8

“ಮೇಸ್ ಪಹಿಲೋಬಿ, ಖ್ಹರ್ತಿಬಿ” ರ‍್ಹವಾಳೊ ಅಜು಼ ಅಗ್ಗಳ್‌ಥೋತೆ ಖ್ಹಾಮ್ಣೆ ಆವವಾಳೊ, ಮಹಾನ್ ಶಕತ್‌ವಾಳೊ ಕರಿ ದೇವ್ ಹುಯಿರ‍್ಹೋತೆ ಪ್ರಭು ಬೋಲಾಸ್.

ಪ್ರಕಾಶಿತ್ 19:13

ಯೋ ಲ್ಹೋಯಿಮ ಭಿಗೈರ‍್ಹವಾನು ಲುಂಗ್ಡಾನ ಫೇರಿರಾಖ್ಯೊಥೊ. ಇನು ನಾಮ್ ದೇವ್ನು ವಚನ್‍ಕರಿ.

ಪ್ರಕಾಶಿತ್ 2:8

ಸ್ಮುರ್ನಮ ಛಾ಼ತೆ ಸಬೆನ ದೂತಾನ ಅಮ್‍ಲೀಕ್, ಶುರುವಾತ್‍ಬಿ ಖ್ಹರ್ತಿಬಿ ಹುಯಿರ‍್ಹಾವಳೊ, ಮರಿಜೈನ್ ಪಾಛೊ಼ ಜಿವ್ತೊ ಉಠೀನ್ ಆಯೊಹುಯೊ ಬೋಲಾಸ್ ಶಾತ್‌ಕತೊ

ಪ್ರಕಾಶಿತ್ 21:6

ತದೆ ಸಿಂಹಾಸನ್‌ಪರ್ ಬೆಠೊಥೋತೆ ಇನೆ, “ಅಖ್ಖೂಸ್ ಕರಿಹುಯ್ಗು; ಮೇಸ್ ಪಹಿಲೋಬಿ, ಖ್ಹರ್ತಿಬಿ, ಶುರುವಾತ್‍ಬಿ, ಖತಮ್‌ಬಿ ಹುಯಿರ‍್ಹೋಸ್. ತರ್ಖ್ಹವಾಳನ ಜಾನ್ನು ಪಾಣಿನೊ ಚೇಜ಼್‌ಭಾರನ ಮೋಲ್‌ಕೊಂತೆ ಫುಗಟ್‍ಥಿ ಪಿಯಾನ ದಿಶ್.

ಪ್ರಕಾಶಿತ್ 22:13

ಮೇಸ್ ಪಹಿಲೋಬಿ ಖ್ಹರ್ತಿಬಿ, ಪಹಿಲೋಬಿ ಕಡ್‌ಶಿನೋಬಿ, ಶುರುವಾತ್‍ಬಿ, ಖತಮ್‌ಬಿ ಹುಯಿರ‍್ಹೊಸ್.

ಪ್ರಕಾಶಿತ್ 3:14

ಲವೊದಿಕೀಯಮ ಛಾ಼ತೆ ಸಬೆನ ದೂತನ ಲೀಕ್, ವಿಶ್ವಾಸ್ ಯೋಗ್ಯಬಿ, ಖ್ಹಾಚಿ ಸಾಕ್ಷಿಬಿ, ದೇವ್ನಿ ಬಣಾವಟ್ನ ರಾಜ಼ ಹುಯಿರೋತೆ ‘ಆಮೆನ್’ ಕರಿ ರ‍್ಹವಾಳೊ ಶಾತ್‌ ಬೋಲಸ್‍ಕತೊ,