ಯಾಕೋಬ 5:7 - ದೇವ್ನಿ ಖ್ಹಾಚಿ ವಚನ್

⁷ ಭೇನೆ ಭೈಯೇವೊ, ಪ್ರಭು ಆವಾಲಗು ಖ್ಹಮಾಳಿರ‍್ಹವೊ. ಪಿಕಾವವಾಳಾನ ದೇಖೊ, ಯೋ ಜ಼ಮೀನ್ನು ಮೋಲ್ನ ಜಾ಼ವಾನು ಫಲ್ನಖ್ಹಾಜೆ ಟಿವೈರ‍್ಹೀನ್ ಮುಂಗಾರ‍್ನೊ. ಹಿಂಗಾರ‍್ನೊ ಪಾಣಿಅಖ್ಖು ಆವಾಲಗು ಖ್ಹಮಾಳಿನ್ ರ‍್ಹೇಸ್.

ಯಾಕೋಬ 5:7 ပူးပေါင်းရင်းမြစ်များ

ಮತ್ತಾಯ 16:27

ಅದ್ಮಿನೊ ಛಿಯ್ಯೊ ಇನ ಬಾನಿ ಮಹಿಮೆಥಿ ಅಜು಼ ಇನ ದೂತರ್‌ನ ಜೋ಼ಡೆ ಆವ್‌ಶೆ; ಯೋ ವಖ್ಹತ್‌ಮ ಏಕೇಕ್‌ನ ಇವ್ಣಿ ಚಾ಼ಲ್‌ನಿಘೋಣಿ ಇನಾಮ್ ದಿಶೆ.

ಮತ್ತಾಯ 16:28

ಮೇ ತುಮೂನ ಖ್ಹಾಚಾಮ ಬೋಲುಸ್ಕಿ, ಹಜ್ಜಾ಼ ಭಿಯುತೆ ಇವ್ಣಾಮ ಥೋಡು ಜ಼ಣು ಅದ್ಮಿನೊ ಛಿಯ್ಯೊ ಇನ ರಾಜ್ಯಮ ಆವ್‌ಶೇತೆ ದೇಖಲಗೂಬಿ ಮರ್‌ಶೆಸ್ ಕೊಯ್ನಿ” ಕರಿ ಬೋಲ್ಯೊ.

ಮತ್ತಾಯ 24:27

ಶನಕತೊ ವಿಜ಼್‌ಳಿ ದನ್‌ನಿಕ್‌ಳಾ ಭಣೀಥು ದೆಖೈನ್, ದನ್ ಡುಬಾಭಣೀನು ಬಾಜು಼ತೋಡಿ ಚ಼ಮ್‌ಕಾಸ್ತೆ ಇಮ್ಮಸ್ ಅದ್ಮಿನೊ ಛಿಯ್ಯೊಬಿ ಆವ್‌ಶೆ.

ಮತ್ತಾಯ 24:44

ಇನಖ್ಹಾಜೇಸ್ ತುಮೇಬಿ ಕದೇಬಿ ತೈಯಾರ್ ರ‍್ಹೇಣು, ಶನಕತೊ ತುಮೆ ಸೋಚಾಸ್‌ಕೊಂತೆ ವಖ್ಹತ್‌ಮ ಅದ್ಮಿನೊ ಛಿಯ್ಯೊ ಆವ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:8

ಮೇ ತುಮೂನ ಬೋಲುಸ್ಕಿ, ಯೋ ಒಗ್ಗಿಸ್‌ಮ ಇನ ಅದ್ಮಿ ಖ್ಹಾರಾನು ನ್ಯಾವ್‌ ಫೇಡ್‌ಶೆ. ಅಮ್ ರ‍್ಹಯುತೋಬಿ, ಅದ್ಮಿನೊ ಛಿಯ್ಯೊ ಆವ್‌ಶೇತೆ ತದೆ, ಜ಼ಮೀನ್‌ಪರ್ ವಿಶ್ವಾಸ್‌ನ ದೇಕ್‌ಶೇಕಿ ಶು?” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:27

ತದೆ ಅದ್ಮಿನೊ ಛಿಯ್ಯೊ ಘಣಿ ಶಕತ್‌ಥೀಬಿ, ಮಹಾನ್ ಮಹಿಮೆಥೀಬಿ, ವಾದ್ಳಪರ್ ಆವ್‌ಶೇತೆ ಇವ್ಣೆ ದೇಕ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:15

ಪಲ್‍ವಾಯಿಹುಯಿ ಜ಼ಮೀನ್‌ಪರ್‌ ಪಡ್ಯುಹುಯು ದಾಣೊ ಕತೊ ದೇವ್ನಿವಚನ್ನ ಖ್ಹಮ್‌ಜಿನ್‌, ಖ್ಹಾಚು಼ ಅಜು಼ ಅಛ಼್ಛ ಮನ್‌ಮ ಇನ ರಾಖಿನ್, ಇವ್ಣೆ ಖ್ಹಮಾಳಿನ್ ಫಲ್ ದೇಸ್.

ಯೋಹಾನ 21:22

ಯೇಸುನೆ ಇನ, “ಮೇ ಆವಾತೋಡಿ, ಆ ಜಿವ್ತೊ ರ‍್ಹೇವ್ಣುಕರಿ ಮನ ಮನ್ ರ‍್ಹಯೂತೊ, ಇನೇಥಿ ತುನ ಶಾತ್‌? ತೂ ಮಾರ ಪೀಠೆ ಆವ್” ಕರಿ ಜವಾಬ್‌ ದಿದೊ.

ಯೋಹಾನ 21:23

ಅನೇಥಿ ಯೋ ಶಿಷ್ಯ ಮರ್‌ಶೆಕೊಯ್ನಿ ಕರಿ ಬೋಲಾನಿ ವಾತೆ ಯೇಸುನ ಭೈಯೇವ್‌ಮ ಫೈಲಿಗಯು. ಯೋ ಮರ್‌ಶೆಕೊಯ್ನಿ. ಕತೋಬಿ ಯೇಸುನೆ ಇನ ಬೋಲ್ಯೊಕೊಯ್ನಿ, “ಮೇ ಆವಾತೋಡಿ, ಯೋ ಜಿವ್ತೊ ರ‍್ಹೇವ್ಣುಕರಿ ಮನ ಮನ್ ರ‍್ಹಯೂತೊ, ಇನೇಥಿ ತುನ ಶಾತ್‌?” ಕರೀಶ್ ಯೇಸುನೆ ಬೋಲ್ಯೊತೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:4

ಪವಿತ್ರದಪ್ತರ್‌ಮ ಅಗಾಡಿಸ್ ಲೀಖೈರ‍್ಹೂತೆ ಅಪ್ಣುನ ಬೋಧನೆ ಕರಾನಖ್ಹಾಜೇಸ್ ಲೀಖೈರ‍್ಹೂಥು. ಅಪ್ಣೆ ಫಡೀನ್ ಘಟ್‌ದಿಲ್‌ಥೀಬಿ ಭಾಲಿಲೀನ್ ಭರೋಖ್ಹಾಥಿ ರ‍್ಹವಾಳ ಹುಯಿರ‍್ಹೇವ್ಣುಕರಿ ದಪ್ತರ್‌ಮ ಲೀಖಾಯು

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:7

ಥೋಡುಜ಼ಣು ಅಛ್ಛಾ಼ನ ಕರ್ತುಹುಯಿನ್. ಮಹಿಮೆ, ಇಜ಼್ಜತ್‌, ಹಮೇಶನಜಾನ್ನ ಜಿವ್ಣನ ಢೂಂಡಸ್. ಇವ್ಣುನ ದೇವ್ ಹರ್‌ಹಮೇಶಾನಿ ಜಿ಼ಂದ್‌ಗಿ ದಿಶೆ.

1 ಕೊರಿಂಥ 1:7

ಅಮ್‍ರ‍್ಹವಾಪರ್, ಅಪ್ಣೊ ಪ್ರಭು ಯೇಸುಕ್ರಿಸ್ತ ಪಾಛೊ಼ ಆವಾನುಸ್ ಟಿವೈ ದೇಖುಕರಾತೆ ತುಮೆ, ದೇವ್‍ಥಿ ಆವಾತೆ ಹರೇಕ್ ವರಾನ ಲೀಲ್ಯಾವಾಳ ಹುಯಿರಾಸ್.

ಗಲಾತ್ಯ 5:5

ಹಮೆತೋಬಿ ದೇವ್ನ ಆತ್ಮಾಥಿ ವಿಶ್ವಾಸ್‍ಥಿ ನೀತಿವಾಳಹುಯೇಸ್ ಕರಿ ಟಿವೈರ‍್ಹವಾನು ಚಾ಼ಲ್‌ಶೆಕರಿ ದಿಲ್‌ ಲಗಾಡಿನ್ ಮ್ಹೋರೆ ದೇಖವಾಳ ಹುಯಿರ‍್ಹಾಸ್.

ಗಲಾತ್ಯ 6:9

ಅಛ್ಛಾ಼ನ ಕರಾಮ ವಳ್‍ಶಿ ನಕೊಕರಿಯೆ, ದಿಲ್ಮ ಢೀಲ ನಾಪಡ್ನುತೆ ರ‍್ಹಿಯೆ, ತದೆ ಬರೊಬ್ಬರ್‌ನಿ ವಖ್ಹತ್‌ಮ ಅನಾಜ಼್ ವ್ಹಾಡ್‌ಶು.

ಕೊಲೊಸ್ಸೆ 1:11

ಇನಿ ಮಹಿಮೆನಿ ಶಕತ್ನಿ ಪರಕ್ಮ ಖ್ಹಾರೀಸ್‍ ತಾಖತ್ನಿ ಶಕತ್‍ ಲೀನ್, ಖ್ಹಾರೀಸ್‍ ತರಾಮ ಖ್ಹಮಾಳಥೀಬಿ ಅಜು಼ ಘಣಿ ಖ್ಹುಶಿಥಿಬಿ ರ‍್ಹಾವವಾಳ ಕರೀಬಿ,

1 ಥೆಸ 1:3

ಅಜು಼ ವಿಶ್ವಾಸ್‍ಥಿ ತುಮೆ ಕರ‍್ಯಾತೆ ಕಠಣ್ ಕಾಮ್ನಾಬಿ, ಪ್ಯಾರ್‌ಥಿ ತುಮೆ ಕರ‍್ಯಾತೆ ಮ್ಹಿನತ್‌ನಾಬಿ, ಅಪ್ಣೊ ಪ್ರಭು ಯೇಸು ಕ್ರಿಸ್ತಪರ್‌ನಿ ತುಮಾರಿ ಭರೋಖ್ಹಾನಖ್ಹಾಜೆ ಅಪ್ಣೊ ಬಾ ಹುಯಿರ‍್ಹೋತೆ ದೇವ್ನ ಖ್ಹಾಮ್ಣೆ ಹಮೆ ಹಮೇಶ ಯಾದ್ ಕರಿಯೇಸ್.

1 ಥೆಸ 2:19

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಆವಾನಿ ವಖ್ಹತ್‌ಮ, ಇನಖ್ಹಾಮ್ಣೆ ಹಮಾರಿ ಭರೋಖ್ಹೊ, ಲ್ಹಾಯಕ್, ಖ್ಹುಶಿ, ಅಜು಼ ಹಮೆ ಖ್ಹರಾವನಿ ಕಿರೀಟ್‌ಬಿ ಕೋಣ್? ತುಮೇಸ್ ಕಾಹೆಕಿ ಶು.

1 ಥೆಸ 3:13

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ಇನು ಪರಿಶುದ್ದ ಪರಿವಾರ್‌ನಿ ಖ್ಹಮೇದ್ ಆವಾನಿ ವಖ್ಹತ್‌ಮ, ಬಾ ದೇವ್ನ ಖ್ಹಾಮ್ಣೆ ತುಮೆ ಪವಿತ್ರಥಿ ಅಜು಼ ಗಲ್ತಿಕೊಂತೆ ಇಮ್‌ ರ‍್ಹವಾನಿಮತ್ ತುಮಾರ ದಿಲ್ನ ಖ್ಹಾರು ಘಟ್ ಕರಾದೆ.

ಇಬ್ರಿ 6:15

ಅಮ್ ಅಬ್ರಹಾಮ್‌ನೆ ಖ್ಹಮಾಳವಾಳೊ ಹುಯಿನ್ ಟಿವೈರ‍್ಹೀನ್ ವಾಗ್ದಾನ್ನ ಲೀಲಿದೊ.

ಯಾಕೋಬ 4:11

ಮಾರ ಭೈಯೇ ಭೇನೆವೊ ಏಕ್‌ನ ಏಕ್‌ ದುಖ್‍ನಕೊ ದೆವೊ. ಕೋಣ್‌ತೋಬಿ ಇನ ಭೈನ ಚಿಂಘಾಯತೊ ನತರ್ ಇನಿ ಭೇಜ಼ಣಾನಿ ಬಾರೇಮ ತೀರ್ಪ್‍ಕರ‍್ಯಾತೊ ಯೋ ಧರ್ಮಶಾಸ್ತ್ರನ ಚಿಂಘೈನ್‍ ಧರ್ಮಶಾಸ್ತ್ರನಿ ಬಾರೇಮ ತೀರ್ಪ್‌ಕರಾನಿತರ ಉಶೆ. ಕತೋಬಿ ತೂ ಧರ್ಮಶಾಸ್ತ್ರನಿ ಬಾರೇಮ ತೀರ್ಪ್ ಕರ‍್ಯೊತೊ ತೂ ನ್ಯಾಯಾಧಿಪತಿ ಕರಿ ಬೋಲೈಲಿಶ್ ಪಣ್ಕಿ ಇನ ಪಾಡಿಚಾ಼ಲವಾಳೊ ಕಾಹೆ.

ಯಾಕೋಬ 5:10

ಭೈಯೇ ಭೇನೆವೊ, ವದೇಖ್ಹಾನ ಖ್ಹಮಾಳಿಲ್ಯಾವಾನಿ ಬಾರೇಮ ಪ್ರಭುನ ನಾಮ್‍ಥಿ ವಾತ್ ಬೋಲ್ಯಾತೆ ಪ್ರವಾದಿ ಖ್ಹಾರನಾಸ್ ಯಾದ್ ಕರಿಲೆವೊ.

ಯಾಕೋಬ 5:3

ತುಮಾರು ಖ್ಹೊನ್ನು, ರೂಪು ಕಿಲಪ್‍ ಧರಿನ್‍ ಮಾಟಿನ ಬರೋಬರ್ ಹುಯಿರ‍್ಹುಸ್‍. ಯೋ ಖ್ಹಾರಾನು ಕಿಲಪ್‍ ತುಮೂನ ವಿರೋದ್. ಸಾಕ್ಷಿ ಹುಯಿರ‍್ಹಿನ್ ಆಗ್‍ನಿತರ ತುಮಾರಿ ಬೋಟಿನ ಭುಂಜಿನಾಕ್‍ಶೆ. ಖ್ಹರ್ತಿನ ದನ್ಮ ಆಯಿಗುತೋಬಿ ದೌಲತ್ ಜ಼ಮಾಕರೀನ್ ತುಮೆ ಮ್ಹೇಲಿರಾಖ್ಯಸ್.

2 ಪೇತ್ರ 3:4

“ಯೋ ಫಾಚೊ಼ಫರಿನ್ ಆವ್‌ಶೆ ಕರಿ ಬೋಲಾನು ವಾಗ್ದಾನ್ ಶಾತ್‍ಹುಯು? ಅಪ್ಣೊ ಗುರುಗುರುಬ್‍ಲ್ಯೊ ಖ್ಹಾರು ಮರಿಗಯು; ಖ್ಹಾರುಸ್ ಜಗತ್‌ ಉಬ್‍ಜ್ಯುಥಪ್‍ತುಬಿ ಕಿಮ್‍ಥೂಕಿ ತಿಮ್ಮಸ್ ಛಾ಼ನಿ” ಕರಿ ಬೋಲಸ್.