ಯಾಕೋಬ 5:19 - ದೇವ್ನಿ ಖ್ಹಾಚಿ ವಚನ್

¹⁹ ಮಾರ ಭೈಯೇಭೇನೆವೊ, ತುಮಾರಮ ಕೋಣ್‌ತೋಬಿ ಖ್ಹಾಚ ಮಾರಗ್‌ನ ಮ್ಹೆಂದಿನ್ ಗಲ್ತಿಥಿ ಚಾ಼ಲುಕರ್ತು ಉಷೇತೊ ಬಿಜೇಕ್ ಜ಼ಣು ಇನ ಅಛ್ಛಮಾರಗ್‍ಪರ್ ಲಾಯುತೊ;

ಯಾಕೋಬ 5:19 ပူးပေါင်းရင်းမြစ်များ

ಮತ್ತಾಯ 18:15

ತಾರೊ ಭೈ ತಾರಿ ವಿರೋದ್ ಗಲತ್‌ ಕರ‍್ಯೋತೊ, ತೂ ಜೈ಼ನ್, ಯೋ ಎಕ್ಲೋಸ್ ರ‍್ಹವಾನಿ ವಖ್ಹತ್‌ಮ, ಇನಿ ಗಲ್ತಿನ ಇನ ಬೋಲಿವತಾಳ್. ಯೋ ತಾರಿ ವಾತೇನ ಖ್ಹಮ್‌ಜಿಗಯೋತೊ ತಾರ ಭೈನ ತೂ ಪಾಛೊ಼ ಕಮೈಲಿದೊ ಕರಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:32

ಕತೋಬಿ ತಾರಿ ವಿಶ್ವಾಸ್ ಕಮ್ ನಾ ಹೋಣುಕರಿ, ಮೇ ತಾರಿ ಬಾರೇಮ ದೇವ್ನ ಪ್ರಾರ್ಥನೆ ಕರಿರಾಖ್ಯೊಸ್ ಸೀಮೋನ್. ಅಜು಼ ತೂ ಮಾರಭಣಿ ಫರಾನ ಬಾದ್‌ಮ, ತಾರ ಭೈಯೇನ ಭಾಲಿ ದೇವ್ಣು” ಕರಿ ಬೋಲ್ಯೊ.

ಗಲಾತ್ಯ 6:1

ಭೈಯೇ ಭೇನೆವೊ ತುಮಾರಮ ಕೋಣ್‌ತೋಬಿ ಖಿವುತೋಬಿ ಪಾಪ್‌ಮ ಖ್ಹಪ್ಡಿ ರ‍್ಹಯೂತೊ ಎಥ್ರಾನವಾಳನ ಆತ್ಮಥಿ ಭರೈರ‍್ಹಾವಳ ತುಮೆ ಧೀಮೆಥಿ ಬೋಲಿನ್ ಬರೋಬರ್ ಕರೊ. ತುಮೆತೋಬಿ ಶೋದನೆಮ ನಾಪಡ್ನುತೆ ಇಮ್‌ ತುಮಾರಿ ಬಾರೇಮ ಜ಼ತನ್ ರ‍್ಹವೊ.

1 ತಿಮೊ 6:10

ಪೈಶಾನಿಪ್ಯಾರ್ ಖ್ಹಾರಿಸ್ ತರ‍್ಹಾನು ಖರಾಬ್‌ ಫನೈನು ಜ಼ಡ್‌ನ ಶುರುವಾತ್ ಹುಯಿರ‍್ಹೂಸ್. ಥೋಡುಜ಼ಣು ಅನ ಕಮಾವಾನಿ ಆಖ್ಹ್‌ಥಿ ಕ್ರಿಸ್ತಮಾನಿ ವಿಶ್ವಾಸ್‌ನ ಮ್ಹೇಲಿನ್, ಕೈಯೆಕ್ಕಿ ಖ್ಹತಾಪ್ಣಿಥಿ ಇವ್ಣ ದಿಲ್ನ ಭೋಕಿಲೇಸ್.

1 ತಿಮೊ 6:21

ಥೋಡು ಅದ್ಮಿ ಯೋ ಝೂ಼ಟಿ ಗ್ಯಾನ್ನ ನಂಬಿನ್,ಇವ್ಣೆ ವಿಶ್ವಾಸ್‌ನ ಮ್ಹೆಂದಿದು. ದೇವ್ನಿ ವಾರ್‌ಖ್ಹೊ ತುಮಾರ ಖ್ಹಾರಸ್ನ ಜೋ಼ಡ್ಮ ರ‍್ಹವಾದೆ.

2 ತಿಮೊ 2:18

ಇವ್ಣೆ ಖ್ಹಾಚೊ಼ ಮಾರಗ್‌ನ ಮ್ಹೆಂದಿನ್, ಪಾಛು಼ ಜಿವ್ತುಹುಯಿನ್ ಹುಯಿಗು ಕರಿ ಬೋಲ್ತುಹುಯಿನ್,ಅಮ್ ಥೋಡ ಅದ್ಮಿನಿ ವಿಶ್ವಾಸ್‌ನ ಬರ್ಬಾತ್ ಕರುಕರಸ್.

ಇಬ್ರಿ 5:2

ಯೋಬಿಜಿನು ತಾಖತ್‌ಕೊಂತೆ ಇನಖ್ಹಾಜೆ ಯೋ ಖ್ಹಯಿಲನಾಬಿ, ಅಜು಼ ವಾಟ್‌ ಛು಼ಕವಾಳನಾಬಿ ದಯಾ ಕರಾನ ಶಕತ್‌ವಾಳೊ ಹುಯಿರ‍್ಹೊಸ್.

ಯಾಕೋಬ 1:16

ಮಾರ ಪ್ಯಾರ್‌ನ ಭೈಯೇ ಬೇನೆವೋ, ಆ ವಿಚಾರ‍್ನಿ ಬಾರೇಮ ಧೋಕ ನಕೊ ಖಾವೊ.

ಯಾಕೋಬ 1:19

ಮಾರ ಪ್ಯಾರ್‌ನ ಭೈಯೇ ಭೇನೆವೊ ತುಮೆ ಅನ ಅಛ್ಛಿನಿತರ ಮಾಲುಮ್ ಕರ‍್ಲೆವೊ, ಹರೇಕ್‍ಜ಼ಣುಬಿ ಖ್ಹಮ್‍ಜಾ಼ಮ ಚಾ಼ತುರ್‌ರ‍್ಹೀನ್, ವಾತ್‍ಬೋಲಾಮ ಅಜು಼ ಇರಾದೊ ಕರಾಮ ಖ್ಹಮಾಳಿರ‍್ಹೆವೊ.

ಯಾಕೋಬ 3:14

ಕತೋಬಿ ತುಮಾರ ದಿಲ್ಮ ಬಳಾಪೊ, ಕಡ್‍ವೈ ಅಜು಼ ನಿಕ್‍ಳ್ಯೊಜಾನ್ ರಾಖಿನ್ ಅಕ್ಲಿಕರಿ ಖ್ಹಾಚ಼ನ ವಿರೋದ್‌ ಝೂ಼ಟಿ ಬೋಲಿನ್ ಕಂಡಿಛ಼ಡಾವೊ ನಕೊ.

ಯಾಕೋಬ 5:20

ಏಕ್‌ ಪಾಪಿನ ಗಲತ್‌ ಮಾರಗ್‍ಪರ್‌ಥು ಛು಼ಕೈನ್, ಬದ್‍ಲೈನ್ ಇನ ಆತ್ಮಾನ ಮರಣ್‌ಥು ಬಚಾ಼ಡೀನ್ ಘಣ ಪಾಪ್ನ ಯೋ ಕ್ಷಮಾ ದ್ಯವಾಡವಾಳೊಕರಿ ಮಾಲುಮ್‌ ಕರಿಲ್ಯಾವಾದೆ.

2 ಪೇತ್ರ 3:17

ಇನಖ್ಹಾಜೇಸ್ ಪ್ಯಾರ್‌ನ ದೋಸ್ತಿವೊ, ಆ ಖ್ಹಾರಿ ವಾತೆನ ಪಹಿಲೆಸ್ ಮಾಲುಮ್‌ಕರ್‌ಲಿದತೆ ಇನಾಖ್ಹಾಜೆ ತುಮೆ ಜ಼ತನ್‌ಥಿ ರ‍್ಹವೊ. ಖರಾಬ್ ಅದ್ಮಿನಿ ಖರಾಬ್ ಬೋದನೆಮ ಮಂಕ್‍ನಕೊ ಹುಯಿಜಾ಼ವೊ. ತುಮಾರಿ ಘಟ್ ವಿಶ್ವಾಸ್‌ಮಾಥು ಪಡ್ಣುನಾತೆ ಹೊಷಾರ್‌ರ‍್ಹವೊ.

ಯೂದನೆ ಲೀಖ್ಯೋತೆ ಚಿಟ್ಟಿ 1:11

“ಇವ್ಣಿ ಹಾಲ್ನ ಮೇ ಶಾತ್‌ಬೋಲು! ಶನಕತೊ ಅವ್ಣೆ ಕಾಯಿನನು ಮಾರಗ್‍ಧರೀನ್ ಚಾ಼ಲಾವಾಳೂಬಿ, ಧನ್‌ ದೌಲತ್ನ ಕಮಾವನಖ್ಹಾಜೆ ಬಿಳಾಮಾನೊ ಗಲತ್‌ ಮಾರಗ್‌ಪರ್ ಚಾ಼ಲಾವಾಳೂಬಿ, ಕೋರಹನಿತರ ವಿರೋದ್‌ ಆಡ್‌ಫೇಡ್ ಬೋಲಿನ್ ನಾಶಹುವವಾಳು ಹುಯಿರ‍್ಹುಸ್”.