ಯಾಕೋಬ 5:17 - ದೇವ್ನಿ ಖ್ಹಾಚಿ ವಚನ್

¹⁷ ಎಲೀಯ ಅಪ್ಣಿ ಥರಾನಿ ಖ್ಹಯಾಲ್‍ವಾಳೊ ಹುಯಿರ‍್ಹೋಥೊ. ಯೋ ಪಾಣಿ ನಾ ವರಖ್ಹ್‌ಣುಕರಿ ಭಕ್ತಿಥಿ ಪ್ರಾರ್ಥನೆ ಕರಾದಿನ್‍ ತೀನ್ ವರಖ್ಹ್‌ ಛೋ಼ ಮಹಿನಲಗೂಬಿ ಧರ್ತಿಪರ್ ಪಾಣಿ ವರ್‌ಶ್ಯೊಕೊಯ್ನಿ

ಯಾಕೋಬ 5:17 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:25

ಮಾರಿ ವಾತೇನ ಖ್ಹಮ್‌ಜೊ಼: ಎಲೀಯನ ಹಗಾಮ್ಮ ತೀನ್ ವರಖ್ಹ್‌ ಛೊ಼ ಮಹಿನ ಆಬ್‍ಥು ಪಾಣಿ ಕೋ ವರ್‌ಶ್ಯೋನಿ, ತದೆ ದೇಖ್ಹ್‌ನಿ ಖ್ಹಾರಿಸ್ ಬಾಜು಼ಮ ಕಾಳ್ದುಕಾಳ್ ಹುಯು, ಅಜು಼ ಯೋ ವಖ್ಹತ್‌ಮ ಇಸ್ರಾಯೇಲ್‌ ದೇಖ್ಹ್‌ಮ ಕೆತ್ರಿಸ್ಕಿ ಮುಂಡಚ್ಚಿ ತಯೇಡ ಥೀತೆ ಖ್ಹಾಚಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:26

ಕತೋಬಿ ಪೇತ್ರನೆ, “ಉಠೀನ್ ಭೀರೆ ಮೇಬಿ ತಾರಿನಿತರ ಅದ್ಮಿಸ್‌” ಕರಿಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:15

ಲೋಗ್ ತುಮೆ ಅಮ್ ಶನ ಕರುಕರಸ್ತೆ? ಹಮೇಬಿ ತುಮಾರಿನಿ ತರಾಸ್ ಅದ್ಮಿ. ತುಮುನ ಸುವಾರ್ತೆ ಬೋಲಾನ ಆಯಾತೆ, ತುಮೆ ಅಥ್ರಾನು ಫಾಯಿದೊಕೊಂತೆ ಕಾಮ್ನ ಮ್ಹೇಲಿನ್ ಆಬ್‌ ಧರ್ತಿನ, ದರ‍್ಯಾವ್‌ನಾಬಿ, ಇನಾಮ ಛಾ಼ತೆ ಖ್ಹಾರೂಸ್ ಉಬ್‌ಜಾ಼ಯೋತೆ ಜಿವ್ತೊಜಾನ್ ರ‍್ಹವಾಳೊ ದೇವ್ನಿ ಸುವಾರ್ತೆನ ಬೋಲಾನ ಹಮೆ ಆಯಾತೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:2

ದೇವ್, ಯೋ ಅಗಾಡಿಸ್ ಮಾಲುಮ್ ಕರಿರಾಖ್ಯೊತೆ ಇಸ್ರಾಯೇಲ್‌ ಅದ್ಮೆವ್‌ನ ಝಿಟ್ಕಾರ್‌ ದಿದೊಕೊಯ್ನಿ. ದೇವ್ನಿ ವಚನ್ ಎಲೀಯನಿ ಬಾರೇಮ ಶಾತ್ ಬೋಲಸ್‍ಕರಿ ತುಮೂನ ಮಾಲುಮ್ ಕೊಯ್ನಿಕಿಶು?

ಪ್ರಕಾಶಿತ್ 11:6

ಇವ್ಣೆ ಪ್ರವಾದನೆ ಕರಾನ ದನ್ಮ ವರ್ಖ್ಹಾತ್‌ ನಾಪಡ್ನುತೆ ಆಬ್‌ನ ಮೂಚಾ಼ನಿ ಅದಿಕಾರ್ ಇವ್ಣುನ ಥು. ಅಜು಼ ಪಾಣಿನ ಲ್ಹೋಯಿ ಕರಾನಿತರಾಬಿ,ಖ್ಹಾರಿ ಥರಾನು ಖ್ಹತಾಪ್ಣಿಥಿ ಜ಼ಮೀನ್ನ ಖ್ಹತಾವನ ಅದಿಕಾರ್‌ಛಾ಼.