ಯಾಕೋಬ 5:16 - ದೇವ್ನಿ ಖ್ಹಾಚಿ ವಚನ್

¹⁶ ಅಮ್‍ರ‍್ಹವಾಪರ್ ತುಮೆ ಗುಣ್ ಹೋಣುಕತೊ ತುಮಾರಿ ಪಾಪ್ನಅಖ್ಖಾನ ಏಕ್‌ಥಿಏಕ್ ಹರ್‌ಕೆ ಕರಿನ್ ಏಕ್‍ ಜ಼ಣಾನಖ್ಹಾಜೆ ಏಕ್‍ಜ಼ಣು ಪ್ರಾರ್ಥನೆಕರೊ. ನೀತಿವಂತಾನು ಪ್ರಾರ್ಥನೆ ಘಣು ಶಕತ್ನು ಹುಯಿರ‍್ಹುಸ್.

ಯಾಕೋಬ 5:16 ပူးပေါင်းရင်းမြစ်များ

ಮತ್ತಾಯ 21:22

ತುಮೆ ನಂಬಿನ್, ಪ್ರಾರ್ಥನೆಮ ಶಾತ್ ಮಾಂಗೋಸ್‌ಕಿ ಯೋ ತುಮೂನ ಮಳ್‌ಶೆ” ಕರಿ ಬೋಲ್ಯೊ.

ಮತ್ತಾಯ 3:6

ಇವ್ಣು-ಇವ್ಣು ಪಾಪ್ನ ಕಬೂಲಿಲೀನ್‌, ಯೊರ್ದನ್‌ ನದ್ದಿಮ ಯೋಹಾನಥಿ ಬ್ಯಾಪ್ತಿಸ್ಮ ಕರೈಲೆವ್‌ಕರ್ತುಥು.

ಮಾರ್ಕ 1:5

ತದೆ ಯೂದಾಯ ತಬರ್‌ಖ ಭಣೀಥು ಅಜು಼ ಯೆರೂಸಲೇಮ್‍ ಖ್ಹಯೇರ್‌ಥು ಘಣು ಅದ್ಮಿ ಯೋಹಾನಕನ ಜೈ಼ನ್, ಇವ್ಣ-ಇವ್ಣ ಪಾಪ್ನ ಕಬೂಲಿಲೀನ್‌, ಇನ ಹಾತೇಖ್ಹು ಯೊರ್ದನ್‌ ನದ್ದಿಮ ಬ್ಯಾಪ್ತಿಸ್ಮ ಕರೈಲೆವ್‌ಕರ್ತುಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:6

ತದೆ ಶಿಷ್ಯರ್‌ಖ್ಹಾರು ಹಿಜ್ಜಾ಼ಥು ನಿಕ್ಳಿನ್, ಏಕ್‌ ಗಾಮ್‌ಥು ಬಿಜೇಕ್ ಗಾಮ್‍ ಜಾ಼ತುಹುಯಿನ್, ಹರೇಕ್‍ಆಡಿ ದೇವ್ನಿ ಸುವಾರ್ತೆನ ಬೋಲ್ತುಹುಯಿನ್, ರೋಗ್‌ಮ ರ‍್ಹಾವಾಳನ ಅಛ್ಛು಼ಕರ‍್ಯು

ಯೋಹಾನ 9:31

ಹಮೂನ ಮಾಲುಮ್‌ ಪಾಪಿನು ಪ್ರಾರ್ಥನೇನ ದೇವ್ ಖ್ಹಮ್‌ಜಾ಼ಕೊಯ್ನಿ, ಕತೋಬಿ ಕೋಣ್ ದೇವ್ನಿ ಮರ್ಜಿನಿಘೋಣಿ ಚಾ಼ಲಾಸ್ಕಿ ಇನಿ ಪ್ರಾರ್ಥನೆ ಖ್ಹಮ್‌ಜಾ಼ಸ್‌ ಕರಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:38

ದೇವ್ನ ನಜ಼ರೇತ್‌ನ ಯೇಸುನಿ ಬಾರೇಮ ಮಾಲುಮ್. ಇನ ಪವಿತ್ರಾತ್ಮಥಿಬಿ ಶಕಥ್ಥಿ ಅಬಿಷೇಕ್ ಕರ‍್ಯೊ ಯೊ ಅಖ್ಖೀಸ್ ಬಾಜೂ಼ಮ ಫರ್ತೊಹುಯಿನ್ ಅದ್ಮಿಖ್ಹಾರನ ಅಛ್ಛು಼ ಕರ‍್ಯೊ. ಭೂತ್ ಧರಿರ‍್ಹಾವಳನಬಿ ಗುಣ್‌ಕರ‍್ಯೊ. ಶನಕತೊ ದೇವ್ ಇನಿ ಜೋ಼ಡ್ಮ ಛಾ಼ಕರಿ ಬೋಲಾನು ವತಾಳಿದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:18

ಇನ ವಿಶ್ವಾಸ್ ಕರ‍್ಯುತೆ ಕೈಯೇಕ್‌ಜ಼ಣು ಇವ್ಣೆ ಕರ‍್ಯಾಥಾತೆ ಪಾಪ್ನಕಾಮ್ನ ಬಾರೇಮ ಅದ್ಮಿವ್‌ನ ಖ್ಹಾಮ್ಣೆ ಬೋಲಿಲಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:24

ಇನ ಸೀಮೋನ ಅಜು಼ ಪೇತ್ರ ಇವ್ಣ ಬೇಜ಼ಣಾನ, ‘ತುಮೆ ಬೋಲ್ಯಾತೆ ವಾತೆಮ ಖಿವೂಬಿ ಮಾರಪರ್ ನಾ ಆವ್ಣುತೆ ತಿಮ್ ಮಾರಖ್ಹಾಜೆ ಪ್ರಭುಮ ತುಮೆ ಪ್ರಾರ್ಥನೆ ಕರೊ’ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:10

“ಪವಿತ್ರ ದಪ್ತರ್‌ಮ ಲೀಖೈರ‍್ಹೂತೆ ತಿಮ್; ಕೋಣ್‌ಬಿ ನೀತಿವಾಳು ಕೊಯ್ನಿ, ಏಕ್‍ ಜ಼ಣೂಬಿ ಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:19

ಕಿಮ್ ಏಕ್‌ ಅದ್ಮಿನಿ ಅವಿಧೇಯತೆಥಿ ಕೈಯೇಕ್‌ಜ಼ಣು ಪಾಪಿಕರಿ ಗಣ್ತಿ ಹುಯುಕಿ ತಿಮ್ಮಸ್, ಏಕ್‌ ಅದ್ಮಿನಿ ವಿಧೇಯಾಥಿ ಕೈಯೇಕ್‌ಜ಼ಣು ನೀತಿವಾಳುಕರಿ ಗಣ್ತಿಉಶೆ.

ಕೊಲೊಸ್ಸೆ 1:9

ಇನಖ್ಹಾಜೆ ಹಮೇಬಿ ತುಮಾರಿ ಬಾರೇಮ ಖ್ಹಮ್‍ಜ್ಯಾತೆ ದನ್‌ಥು ತುಮಾರಖ್ಹಾಜೆ ಪ್ರಾರ್ಥನೆಕರಾನು ಭೀರಾಖ್ಯಕೊಂತೆ ತುಮೆ ಹರೇಕ್ ಆತ್ಮೀಕ ಖ್ಹಯಾಲ್‌ಥೀಬಿ ಅಕ್ಕಲ್‍ಥಿ ಭರೈಜಾ಼ವ್ಣು ಕರಿ ದೇವ್ನ ಗಿಂಗೈಲೆವ್‌ ಕರಿಯೇಸ್.

1 ಥೆಸ 5:17

ಹರ್‌ ವಖ್ಹತ್‌ಮ ಪ್ರಾರ್ಥನೆ ಕರೊ,

1 ಥೆಸ 5:23

ಶಾಂತಿ ದೆವಾಳೊ ದೇವಸ್ ತುಮೂನ ಪೂರಿ ತರಿಕಾಥಿ ಪವಿತ್ರ ಕರಾದೆ. ತುಮಾರು ಆತ್ಮ, ಜಾನ್‌ ಅಜು಼ ಶರೀರ್ ಖ್ಹಾರು ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ದೆಖಾವಾನಿ ವಖ್ಹತ್‌ಲಗು ಪೂರ ದೋಷ್‌ಕೊಂತೆ ರಾಖಿಮ್ಹೇಲೊ.

1 ಥೆಸ 5:25

ಭೇನೆ ಭೈಯೇವೊ, ಹಮಾರಖ್ಹಾಜೆ ಪ್ರಾರ್ಥನೆ ಕರೊ.

ಇಬ್ರಿ 11:4

ವಿಶ್ವಾಸ್‌ಥೀಸ್ ಹೇಬೆಲನೆ ಕಾಯಿನಾನು ಬಲಿಥೀಬಿ ಮಹಾನ್ ಬಲೀನ ದೇವ್ನ ಸಮರ್ಪಣ್‌ ಕರ‍್ಯೊ. ಯೋ ಪರಕ್‍ಥಿ ಯೋ ನ್ಯಾವ್‌ವಾಳೊ ಕರಿ ಸಾಕ್ಷಿಹುಯಿಗೊ. ದೇವ್ನೆ ಇನಿ ಕಾಣ್ಕೆನ ಸ್ವೀಕಾರ್ ಕರ‍್ಯೊ. ಯೋ ಮರಿಗಯೊ ತೋಬಿ ಇನಿ ವಿಶ್ವಾಸ್‌ನಿ ಪರಕ್‍ಥಿ ಬಿಜೂ಼ಬಿ ವಾತೆ ಬೋಲವಾಳೊ ಹುಯಿರ‍್ಹೋಸ್.

ಇಬ್ರಿ 11:7

ವಿಶ್ವಾಸ್‌ಥೀಸ್ ನೋಹಾನೆ ಬಿಜೂ಼ಬಿ ದೆಖಾವ ಕೊಯ್ನಿತೆ ಇನಿ ಬಾರೇಮ ದೇವ್ನಿ ವಾತೆನ ಲೀನ್ ಡರ್‌ಥೀಬಿ, ಭಕ್ತಿಥಿ ಭರಾವವಾಳೊ ಹುಯಿನ್ ಇನ ಘರ್‌ವಾಳಾನ ಬಚೈ಼ಲಾವನಖ್ಹಾಜೆ ಜ಼ಹಾಜ಼್‌ನ ಭಾಂಧಿನ್ ತಯಾರ್ ಕರ‍್ಯೊ. ವಿಶ್ವಾಸ್‌ಥೀಸ್‌ ಇನೆ ಜಗತ್‌ವಾಳು ನಿಶತ್‌ನ ಲ್ಯವಾಳುಕರಿ ತೀರ್ಮಾನ್ ಕರಿಲಿದೊ. ಇನಖ್ಹಾಜೆ ವಿಶ್ವಾಸ್‍ನು ಫಲ್ ಹುಯಿರ‍್ಹೂತೆ ನೀತಿನ ಹಕ್‍ದಾರ್ ಹುಯೊ.

ಇಬ್ರಿ 12:13

ತುಮೆ ಚಾ಼ಲಾನಿ ವಾಟ್ನ ಖ್ಹತ್ತಡ್‍ ಕರಿಲೆವೊ. ತದೆ ಲಂಗ್ಡಾವ್ನೊ ಗೋಡೊ ಮಚ಼ಕ್ಷೆಕೊಂತೆ ಅಛ್ಛುಉಷೆ.

ಇಬ್ರಿ 13:18

ಹಮಾರ ಖ್ಹಾಜೆ ಪ್ರಾರ್ಥನೆ ಕರೊ. ಅಪ್ಣೆ ಹರೇಕ್ ವಿಚಾರ್‌ಮ ಅಛ಼್ಛ ಹುಯಿನ್ ಚಾ಼ಲಿಲೇವ್ಣುಕರಿ ಸೋಚಿಯೆ. ಶನಕತೊ ಹಮೆ ಅಖ್ಖಿವೇಳ್ಮ ದಿಲ್ನಿಸಾಕ್ಷಿನ ಲೀರಾಖ್ಯಸ್‌ಕರಿ ಮಾನಿರಾಖ್ಯಸ್.

1 ಪೇತ್ರ 2:24

ಅಪ್ಣೆ ಅಪ್ಣ ಪಾಪ್ನ ಭಾಗ್ನ ಮರೀನ್ ನೀತಿವಾಳ ಹುಯಿನ್ ಬಚಾ಼ನಿತರ ಅಪ್ಣ ಪಾಪ್ನ ಯೋಸ್ ಇನ ಶರೀರ್‌ಪರ್‌ ಢೊಯ್ಲಿನ್ ಶಿಲ್‌ಬೆಪರ್ ಮರಿಗೊ. ಇನ ಘಾವ್‍ಥಿ ತುಮುನ ಅಛ್ಛು಼ಹುಯು.

1 ಯೋಹಾನ 3:22

ಅಪ್ಣೆ ದೇವ್ನಿ ಹುಕುಮ್‌ನ ಅಖ್ಖುಲೀನ್ ಚಾ಼ಲ್ಯಾತೊ ಇನು ಪಸಂದ್‌ನು ಕಾಮ್‍ಕರವಾಳ ಹುಯಿರ‍್ಹಾತೊ ಅಪ್ಣೆ ಶಾತ್ಬಿ ಮಾಂಗಿ ಲಿಯೆಜಾ಼ಯ್‍.