ಯಾಕೋಬ 4:11 - ದೇವ್ನಿ ಖ್ಹಾಚಿ ವಚನ್

¹¹ ಮಾರ ಭೈಯೇ ಭೇನೆವೊ ಏಕ್‌ನ ಏಕ್‌ ದುಖ್‍ನಕೊ ದೆವೊ. ಕೋಣ್‌ತೋಬಿ ಇನ ಭೈನ ಚಿಂಘಾಯತೊ ನತರ್ ಇನಿ ಭೇಜ಼ಣಾನಿ ಬಾರೇಮ ತೀರ್ಪ್‍ಕರ‍್ಯಾತೊ ಯೋ ಧರ್ಮಶಾಸ್ತ್ರನ ಚಿಂಘೈನ್‍ ಧರ್ಮಶಾಸ್ತ್ರನಿ ಬಾರೇಮ ತೀರ್ಪ್‌ಕರಾನಿತರ ಉಶೆ. ಕತೋಬಿ ತೂ ಧರ್ಮಶಾಸ್ತ್ರನಿ ಬಾರೇಮ ತೀರ್ಪ್ ಕರ‍್ಯೊತೊ ತೂ ನ್ಯಾಯಾಧಿಪತಿ ಕರಿ ಬೋಲೈಲಿಶ್ ಪಣ್ಕಿ ಇನ ಪಾಡಿಚಾ಼ಲವಾಳೊ ಕಾಹೆ.

ಯಾಕೋಬ 4:11 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:37

“ಕಿನಿ ಬಾರೇಮಾಬಿ ತೀರ್ಪ್‌ ನಕೊ ಕರೊ, ತದೆ ದೇವ್‌ಬಿ ತುಮೂನ ತೀರ್ಪ್ ಕರ್ಶೆ ಕೊಯ್ನಿ; ಕಿನಾಪರ್‌ಬಿ ಗಲತ್‌ ನಕೊ ಲಗಾಡೊ, ತದೆ ದೇವ್‌ಬಿ ತುಮಾರಪರ್ ಗಲತ್‌ ಕೋ ಲಗಾಡ್‌ಶೇನಿ. ಬಿಜಾ಼ನ ಮಾಪ್‌ ಕರೊ, ತದೆ ದೇವ್‌ಬಿ ತುಮುನ ಮಾಪ್‌ ಕರ್ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:1

ಇನಖ್ಹಾಜೆ ‘ಬಿಜ಼ ಅದ್ಮಿನಿ ಬಾರೇಮ ತೀರ್ಪ್‌ ಕರಾವಾಳೊ ಮಾರೊ ದೋಸ್ತಿ, ತೂ ಕೋಣ್‌ರ‍್ಹಿಯೋತೊಬಿ ತುನ ಇನೇಥಿ ಕ್ಷಮಾಕೊಯ್ನಿ. ಶನಕತೊ ಬಿಜೇಕ್‍ಜ಼ಣಾನು ಗಲತ್ನ ಢೂಂಡಾವಾಳೊ ಹುಯಿರೋತೆ ತೂ, ಇವ್ಣೆ ಕರಾತೆ ಇನಾಸ್ ತೂಬಿ ಕರಸ್. ಇನಖ್ಹಾಜೆ ತಾರುತೂಸ್ ಅಪರಾದಿ ಕರಿ ಸಾಬಿತ್ ಕರಿಲೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:13

ಕೋಣ್‌ಬಿ ಖಲಿ ಧರ್ಮಶಾಸ್ತ್ರ ಖ್ಹಮ್‌ಜ್ಯುತೊ ದೇವ್ನಖ್ಹಾಮ್ಣೆ ನೀತಿವಾಳು ಉಶೆಕೊಯ್ನಿ. ಕತೋಬಿ ಧರ್ಮಶಾಸ್ತ್ರ ಬೋಲಾತೆ ಹರೇಕ್ನ ಪಾಡಿಚಾ಼ಲವಾಳುಸ್ ನೀತಿವಾಳುಕರಿ ಚೂ಼ಣೈಜಾ಼ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:7

ಇಮ್‍ಕತೊ ಅಪ್ಣೆಶಾತ್ ಬೋಲಿಯೆ ಪಾಪ್ ಧರ್ಮಶಾಸ್ತ್ರಸ್ ಹುಯಿರ‍್ಹೂಸ್ಕಿಶು? ಕದೇಬಿ ಕೊಯ್ನಿ. ಕತೋಬಿ ಧರ್ಮಶಾಸ್ತ್ರನ ಮ್ಹೇಲಿನ್ ಬಿಜ಼ ಖೆವೆಥೀಬಿ ಪಾಪ್‍ಕತೊ ಶಾತ್‌ಕರಿ ಮನ ಖ್ಹಮ್‍ಜಿಲ್ಯವಾನ ಹುಯುಹೋತ್ ಕೊಯ್ನಿ. “ಬಿಜೇಕ್ ಜ಼ಣಾನ ರಾಛ಼ನ ತುಮೆ ಆಖ್ಹ್‌ನಾಕರ‍್ನು.” ಕರಿ ಧರ್ಮಶಾಸ್ತ್ರ ಬೋಲ್ಯುತೆ ಇನಖ್ಹಾಜೇಸ್ ಯೋ ಮನ ಮಾಲುಮ್‌ಪಡ್ಯು.

1 ಕೊರಿಂಥ 4:5

ಅನಖ್ಹಾಜೆ ಕಬ್ಲಗು ಪ್ರಭು ಕೊ ಆವಾನಿಕಿ ಯೊ ವಖ್ಹತ್‌ನ ಅಗ್ಗಳಸ್ ಶನುಬಾರೇಮಾಬಿ ನ್ಯಾವ್‌ನು ತೀರ್ಪ್ ನಕೊಕರ್ಷು; ಇನೆ ಅಂಧಾರಮಾನು ಲಪಿಹುಯು ಕಾಮ್‌ಖ್ಹಾರು ಉಜಾ಼ಳಾಮ ಲೀನ್‌ ಆವ್‌ಶೆ. ಅದ್ಮಿನಿ ದಿಲ್ನಿಖ್ಹಾರಿ ಸೋಚ್ನ ಭಾರ್‌ ಕಾಡ್‌ಶೆ. ತದೆ ಹರೇಕ್‍ಜ಼ಣಾನ ಆವ್ಣುತೆ ಖ್ಹರಾವ್ಣಿ ದೇವ್‍ಥೀಸ್‍ ಮಳ್‌ಶೆ.

2 ಕೊರಿಂಥ 12:20

ಶನಕತೊ ಮೇ ಆವಾದಿನ್, ಏಕ್‌ ಘಡಿ ತುಮೆ ಮಾರಿ ಆಖ್ಹ್‌ನಿ ತರಸ್ ತುಮೆ ರ‍್ಹೇಸ್ಕಿ ಕೊಯ್ನಿಕಿ ಕರಿ ಮನ ಡರ್‌ ಛಾ಼. ಮೇ ತುಮಾರಿ ಆಖ್ಹ್‌ನಿ ಪರಕ್ ದೆಖಾವ್ಣುನಾತೆ ರ‍್ಹವೊ ತೋಬಿ, ಏಕ್‌ ಘಡಿ ತುಮಾರಾಮ, ಲಡೈ ಪೇಟ್ನೊ ಬಳಾಪೊ, ಇರಾದೊ, ಅಲ್ಹಾವ್‍ನಿತರ ಛಾ಼ಡ್ ಬೋಲಾನು ಮಶ್ಲ ಮಾರಾನು ಮೋಟೊಕರಿ ಬೋಲಿಲ್ಯಾವಾನು, ಲಡೈ ನಖಾವನು, ಆಖ್ಹಾರು ದೆಖಾವ್‍ಶೆಕಿ ಶುಕಿ ಕರಿ ಡರ್‌ ಮನ ಛಾ಼.

ಎಫೆಸ 4:31

ಖ್ಹಾರು ವಹೇರ್‌, ಇರಾದೊ, ಖೀಜ಼್, ಝ಼ಗ್‍ಡೊ, ಚಾ಼ವ್‌ಣ್ಯ ಅನಖ್ಹಾರನಬಿ ಹರೇಕ್ ಥರಾನು ಖರಾಬ್ ಕಾಮ್ನ ತುಮಾರೇಥಿ ಕಾಡಿನಾಖೊ.

1 ತಿಮೊ 3:11

ಇಮ್ಮಸ್ ಇವ್ಣಿ ಬಾವಣ್‌ಬಿ ಚಾ಼ಲ್‌ಚ಼ಲಣ್‍ಮ ಅಛ್ಛಿ ರ‍್ಹಹವಾಳಿಯೆ ಹುಯಿರ‍್ಹೇಣು ಅಜು಼ ಚ಼ಹಾಡ್ ಬೋಲವಾಳಿಯೆ ನಾ ಹುಯಿರ‍್ಹೇಣು; ಅಛ್ಛೇಥಿ ಚಾ಼ಲ್‌ವಾಳಿ ಹುಯಿರ‍್ಹೇಣು ಅಜು಼ ಇವ್ಣೆ ಹರೇಕ್‌ಮ ವಿಶ್ವಾಸ್‌ವಾಳಿಬಿ ಹುಯಿರ‍್ಹೇಣು.

2 ತಿಮೊ 3:3

ಪ್ಯಾರ್‌ಕೊಂತೆ, ಆರ್‌ಗೋರ್‌ ಕರಾಕೊಂತೆ ಅಜು಼ ಚ಼ಹಾಡ್ ಬೋಲವಾಳು, ಇನುಯೋ ದಾಬುಕ್‌ಕೊಂತೆ, ರಣ್‌ಖಂದ್ಲಿಬಿ ಅಜು಼ ಅಛ್ಛಾ಼ನ ವಹೇರ್‌ ಕರಾವಾಳು ಹುಯಿರ‍್ಹಿಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:3

ಇಮ್ಮಸ್ ಬುಢಿಯಖ್ಹಾರು ಛಾ಼ಡಿ ಬೋಲವಾಳಿಯೆ ನಾ ಹುಯಿರ‍್ಹೇಣು, ಅಜು಼ ಪಿಯಾವಾಳಿಯೆ ನಾ ಹುಯಿರ‍್ಹೇಣುತೆ ದೇವ್‌ಮ ಭಕ್ತೆಹುಯಿನ್‌ ಜಿಮ್ಮೆದಾರಿವಾಳಿ ಹುಯಿರ‍್ಹೇಣು.

ಯಾಕೋಬ 1:16

ಮಾರ ಪ್ಯಾರ್‌ನ ಭೈಯೇ ಬೇನೆವೋ, ಆ ವಿಚಾರ‍್ನಿ ಬಾರೇಮ ಧೋಕ ನಕೊ ಖಾವೊ.

ಯಾಕೋಬ 1:19

ಮಾರ ಪ್ಯಾರ್‌ನ ಭೈಯೇ ಭೇನೆವೊ ತುಮೆ ಅನ ಅಛ್ಛಿನಿತರ ಮಾಲುಮ್ ಕರ‍್ಲೆವೊ, ಹರೇಕ್‍ಜ಼ಣುಬಿ ಖ್ಹಮ್‍ಜಾ಼ಮ ಚಾ಼ತುರ್‌ರ‍್ಹೀನ್, ವಾತ್‍ಬೋಲಾಮ ಅಜು಼ ಇರಾದೊ ಕರಾಮ ಖ್ಹಮಾಳಿರ‍್ಹೆವೊ.

ಯಾಕೋಬ 1:25

ಕತೋಬಿ ಛುಟ್ಕಾರ್ ದ್ಯಾವಾಳು ಅಖ್ಖುಪೂರ ಹುಯಿರ‍್ಹುತೆ, ಧರ್ಮಶಾಸ್ತ್ರನ ದಿಮಾಕ್‍ಲಗಾಡಿ ಫಡೀನ್ ಬಿಜೂ಼ಬಿ ಖ್ಹಯಾಲ್ ಕರಿನ್ ಇನಿನಿತರ ಚಾ಼ಲವಾಳೊ ವಚನ್ನ ಖ್ಹಮ್‌ಜಿನ್‌ ಭೈಕಿ ನಾ ಜಾ಼ವ್ಣುತೆ ಯೋ ಪರಕ್ಮ ಇನ ಕಾಮ್‍ಥಿ ಧನ್ಯಹುಯಿರ‍್ಹಿಶೆ.

ಯಾಕೋಬ 2:8

ಕತೋಬಿ ಧರ್ಮಶಾಸ್ತ್ರಮ ಛಾ಼ತೆ, “ತಾರ ಭೀಡೆವಾಳನ ತಾರಿನಿತರಸ್‍ ಪ್ಯಾರ್ ಕರ‍್ನು!” ಕರಿ ಬೋಲಾನು ರಾಜ಼ನಿ ಹುಕುಮ್‌ನ ಚ಼ಲಾವವಾಳ ಹುಯಿರ‍್ಹಾತೊ ತುಮೆ ಅಛ಼್ಛು ಕರಾವಾಳ ಹುಯಿರ‍್ಹಿಶು.

ಯಾಕೋಬ 5:10

ಭೈಯೇ ಭೇನೆವೊ, ವದೇಖ್ಹಾನ ಖ್ಹಮಾಳಿಲ್ಯಾವಾನಿ ಬಾರೇಮ ಪ್ರಭುನ ನಾಮ್‍ಥಿ ವಾತ್ ಬೋಲ್ಯಾತೆ ಪ್ರವಾದಿ ಖ್ಹಾರನಾಸ್ ಯಾದ್ ಕರಿಲೆವೊ.

ಯಾಕೋಬ 5:7

ಭೇನೆ ಭೈಯೇವೊ, ಪ್ರಭು ಆವಾಲಗು ಖ್ಹಮಾಳಿರ‍್ಹವೊ. ಪಿಕಾವವಾಳಾನ ದೇಖೊ, ಯೋ ಜ಼ಮೀನ್ನು ಮೋಲ್ನ ಜಾ಼ವಾನು ಫಲ್ನಖ್ಹಾಜೆ ಟಿವೈರ‍್ಹೀನ್ ಮುಂಗಾರ‍್ನೊ. ಹಿಂಗಾರ‍್ನೊ ಪಾಣಿಅಖ್ಖು ಆವಾಲಗು ಖ್ಹಮಾಳಿನ್ ರ‍್ಹೇಸ್.

ಯಾಕೋಬ 5:9

ಭೈಯೇ ಭೇನೆವೊ, ತುಮೆ ಏಕ್‌ನ ಉಪ್ಪರ್ ಏಕ್‍ ಗಲತ್‌ ನಕೊಬೋಲೊ; ಅನೇಥಿ ನ್ಯಾವ್‌ನಿ ತೀರ್ಪ್‌ಮ ಪಡಿಜಾ಼ಶು. ಹಂದೇಖೊ ನ್ಯಾವ್‍ನೊ ಅದಿಪತಿ ಬಾಕಲ್‌ನ ಖ್ಹಾಮ್ಣೇಸ್ ಭೀಯೊಸ್‍.

1 ಪೇತ್ರ 2:1

ಇನಾಖ್ಹಾಜೆ ಖ್ಹಾರು ಖರಾಬ್ ಫನೈಬಿ ಖ್ಹಾರು, ಠಗಾವನುಬಿ, ಚೋ಼ರ್ ಫನೈಬಿ. ಪೇಟ್ನೊ ಬಳಾಪೊಬಿ, ಖ್ಹಾರುಸ್ ಗಾಳೆದ್ಯವಾನುಬಿ ತುಮಾರಮಾಥು ಕಾಡಿನಾಖೊ.