ಯಾಕೋಬ 3:6 - ದೇವ್ನಿ ಖ್ಹಾಚಿ ವಚನ್

⁶ ಜೀಬ್‍ಬಿ, ಆಗ್‍ನಿ ಚಿನ್‍ಗಾರಿನಿತರಾಸ್‌. ಯೋ ಖರಾಬ್ ಜಗತ್‌ನು ಖ್ಹಣೇದ್ ಹುಯಿನ್ ಅಪ್ಣ ಖ್ಹಂದಾವ್‌ನ ಇಚ಼್‌ಮ ರ‍್ಹೀನ್ ಅಖ್ಖಾಏಕ್ ಶರೀರ್‌ನ‍ ಮೈಲು ಕರಸ್. ಇನು ಯೋಸ್ ನರಕನಿ ಆಗ್ನಲಗಾಡಿಲಿನ್ ಯೋ ಅಖ್ಖಿ ಜಿ಼ಂದಗೀನಸ್ ಆಗ್‍ಲಗಾಡಸ್.

ಯಾಕೋಬ 3:6 ပူးပေါင်းရင်းမြစ်များ

ಮತ್ತಾಯ 12:24

ಕತೋಬಿ ಫರಿಸಾಯರ್‌ನೆ ಅನಖ್ಹಮ್‌ಜಿನ್, “ಭೂತ್‌ ಖ್ಹಾರಾನೊ ಯಜಮಾನ್ ಹುಯಿರ‍್ಹೋತೆ ಬೆಲ್ಜೆಬೂಲ್‌ನಿ ಮದತ್‌ಥೀಸ್ ಆ ಭೂತ್‌ ಖ್ಹಾರಾನ ಕಾಡಸ್‌ ಪಣ್ಕಿ, ಬಿಜು಼ ಶನೇಥೀಬಿ ಕಾಹೆ” ಕರಿ ಬೋಲ್ಯು.

ಮತ್ತಾಯ 5:22

ಕತೋಬಿ ಮೇ ತುಮೂನ ಶಾತ್‌ ಬೋಲಸ್‍ಕತೊ, ತುಮೆ ತುಮಾರ ಭೈಪರ್ ಖೀಜ಼್ ಖಾವಾಳೊ ಹರೇಕ್ ಜ಼ಣೋಬಿ ತುಮೆ ನ್ಯಾವ್‍ನಿ ತೀರ್ಪ್‌ಮ ಪಡ್‍ಶು, ಅಜು಼ ತುಮೆ ತುಮಾರ ಭೈನ, ‘ಏ ಬಿಣ್‍ಅಕ್ಲಿ’ ಕರಿ ಬೋಲ್ಯಾತೊ, ತುಮೂನ ನ್ಯಾವ್‍ನಿ ಸಭೆನಖ್ಹಾಮ್ಣೆ ಭೀರಾಕ್‌ಶೆ, ಅಜು಼, ‘ಏ ಫಾಲ್ತು’ ಕರಿ ಬೋಲವಾಳೊ, ನರಕ್‌ನಿ ಆಗ್‌ಮ ಪಡ್‌ಶೆ.

ಮಾರ್ಕ 7:15

ಭಾರ್‌ಥು ಮಹಿ ಜೈ಼ನ್‌ ಏಕ್‌ ಅದ್ಮಿನ ಪದತ್ತಿನಿಘೋಣಿ ಮೈಲುಕರಾನು ಏಕ್‌ಬಿ ಕೊಯ್ನಿ. ಕತೋಬಿ ಏಕ್‌ ಅದ್ಮಿನ ಮಹಿತು ಭಾರ್‌ ನಿಕ್ಳಾನುಸ್‌ ಇನ ಮೈಲುಬಣಾವಸ್‌”

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:24

ತದೆ ಇನೆ, “ಬಾ, ಅಬ್ರಹಾಮ್! ಮಾರಪರ್ ಗೋರ್‌ ಕರೀನ್, ಲಾಜ಼ರ್‌ನ ಮೋಕಲ್. ಯೋ ಇನಿ ಅಂಗ್‌ಳಿನ ಪಾಣಿಮ ಡುಬೈನ್, ಮಾರಿ ಜೀಬ್‌ನ ಠಂಡು ಕರಾದೆ, ಶನಕತೊ ಆ ಆಗ್‌ಮ ಮೇ ಘಣು ಖ್ಹತುಕರೂಸ್” ಕರಿ ಚಿಕ್ರಿನ್ ಬೋಲಿಲಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:30

ಆ ನಾಹುಯಿನ್ ತುಮಾರಿ ಸಬೆಮಾಸ್ ಥೋಡುಜ಼ಣು ದುರ್ಬೊಧನೆ ಕರವಾಳು ಹುಯಿನ್ ಯೇಸುನ ವಿಶ್ವಾಸಿವ್‌ ಥೋಡಜ಼ಣಾನ ಖ್ಹಾಜೇಥಿ ದೂರ್ ಚ಼ಲಾವ್‌ಷೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:3

ತದೆ ಪೇತ್ರನೆ; ಅನನೀಯನ, ತೂ ಯೊ ಜ಼ಮೀನ್ ವೇಚ್ಯೊತೆ, ಇನಾಮಾಥು ಥೋಡು ಲಪಾಡಿನ್ ಪವಿತ್ರಾತ್ಮನ ಠಗಾವ್ಣು಼ ಕರಿ ಛಾ಼.ಶೈತಾನ್ನೆ ತಾರ ದಿಲ್ಮ ಭರ್‌ದಿದೊತೆ ಶಾತ್?

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:13

ತದೆ ಇವ್ಣೆ, ಥೋಡ ಸಾಕ್ಷಿ ಬೋಲವಾಳಾನ ಬುಲೈಲಾಯಿನ್‌ “ಆ ಅದ್ಮಿ ಆ ಪವಿತ್ರ ಝ಼ಗೋನ ವಿರುದ್ಧಹುಯಿನ್, ಮೋಶೆನಿ ಧರ್ಮಶಾಸ್ತ್ರನ ವಿರೋದ್ ಹುಯಿನ್ ಕದೇಬಿ ಝೂ಼ಟಿ ವಾತೆ ಬೋಲಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:11

ಇವ್ಣ ಫಾಯಿದಾನಖ್ಹಾಜೆ ಬೋಲ್ನುನಾತೆ ವಚನ್ನ ಬೋಲಿದೀನ್‌, ಹಿಡಿ ಕುಟುಂಬ್‌ನಾಸ್ ನಾಶ್ ಕರುಕರಸ್. ಅನಖ್ಹಾಜೆಸ್ ಇವ್ಣು ಮ್ಹೋಡು ಮೂಚಿರ‍್ಹೇಣು.

ಯಾಕೋಬ 2:7

ತುಮೆ ಬೋಲಸ್ತೆ, ಯೋ ಮಹಾನ್ ನಾಮ್ನ ದೂಷಣೆ ಕರಾವಾಳು ಇವ್ಣೆಸ್ ಕಾಹೇಕಿಶು?

ಯಾಕೋಬ 3:7

ಹರೇಕ್ ಜಾ಼ತ್ನು ಜೀನ್ ಜಿನಾವರ್‌ನಾಬಿ ವ್ಹವವಾಳು ಕೀಡ್‌ಕಮ್ಟನಾಬಿ, ಪಾಣಿನುಜಾನ್ವಾರ್‌ನಾಬಿ ಅದ್ಮಿ ಚ಼ಪ್ಪಣೆಮ ಲಾಯೆಜಾ಼ಯಿ ಅಜು಼ ಲೈರಾಖ್ಯೂಸ್‍ಬಿ.

2 ಪೇತ್ರ 3:3

ಅಖ್ಖೇಥಿ ಪಹಿಲೆಸ್ ತುಮೆ ಅನ ಯಾದ್ಮರಾಖಿರಾಕ್ಣು; ಥೋಡುಜ಼ಣು ಇವ್ಣಿ ಖರಾಬ್ ಆಖ್ಹ್‌ನಿ ಅಧೀನ್‍ಮ ಜಿವ್ಣುಕರಾತೆ ದೇಖವಸ್. ಇವ್ಣೆ ಚಿಂಘಾವ್ಣಿ ಕರ್ತುಹುಯಿನ್,

3 ಯೋಹಾ 1:10

ಇನಖ್ಹಾಜೇಥಿ,ಮೆ ಹಿಜ್ಜಾ಼ ಆವಾದಿನ್ ಯೊ ಕರಾತೆ ಕಾಮ್ನಿ ಬಾರೇಮ ಖ್ಹಾರನ ಬೋಲ್‌ಶೆ. ಯೋ ಬಡೈ ಮಾರವಾಳೊ ಹುಯಿನ್, ಅಪ್ಣಿಬಾರೇಮ ಝೂ಼ಟಿ ಫೈಲವ್‍ಕರಸ್. ಅಜು಼ ಖೆವ ಭೈಯೇವೋನಾಬಿ ಮಳೈಲೆಯಿಕೊಯ್ನಿ ಅಜು಼ ಮೆ ಮಳಾವ್ಣುಕರಿ ಕರುಸ್ತೆ ಇವ್ಣುನಾಬಿ ಆಡೊ ಆಯಿನ್ ಸಬೇಥಿ ಕಾಡಿನಾಖಸ್‌.

ಪ್ರಕಾಶಿತ್ 12:9

ಯೋ ಅರ್ಝ಼ ಕತೊ ಪಿಶಾಚಿಕರಿಬಿ ಶೈತಾನ್ ಕರೀಬಿ ನಾಮ್‌ರ‍್ಹವಾಳ ಯೊ ಜೂ಼ನೊ ಖ್ಹಾಪ್ ಧರ್ತಿಪರ್ ಧಕೆಲಾಯೊ ಇನೊ ದೂತಬಿ ಇನ ಜೋ಼ಡ್ಮ ಜ಼ಮೀನ್‌ಪರ್ ಫೇಕೈಗಯು.

ಪ್ರಕಾಶಿತ್ 13:14

ಯೊ ಪಹಿಲ ಜಾನ್ವರ್‌ನ ಖ್ಹಾಮ್ಣೆ ಅದ್ಭುತ್‌ಖ್ಹಾರು ಕರಾನು ಅದಿಕಾರ್ ಛಾ಼ತೆ ಇನಖ್ಹಾಜೆ ಧರ್ತಿನ ಅದ್ಮಿಖ್ಹಾರನ ಖ್ಹೈಲು ಕರ‍್ಯು. ಇವ್ಣುನ ತಲ್ವಾರ್‌ಥಿ ಘಾವ್‌ಹುಯಿನ್ ಮರ‍್ಯುಕೊಂತೆ ಬಚಿರ‍್ಹುತೆ ಜಾನ್ವರ್‌ನ ಮರ್ಯಾದಿ ದ್ಯವಾನಖ್ಹಾಜೆ ಮೂರತ್ ಬಣಾವ್ಣುಕರಿ ಹುಕುಮ್ ಕರ‍್ಯು.

ಪ್ರಕಾಶಿತ್ 18:23

ದೀವಾನು ಉಜಾ಼ಳು ತಾರಮ ಅಜು಼ ಕೆದೇಬಿ ಉಜಾ಼ಖ್ಹ್‌ ದಿಶೆಕೊಯ್ನಿ. ವ್ಯತುಲ್ಡೊ ವ್ಯತುಲ್ಡೀನು ಗಳು ತಾರಮ ಅಜು಼ ಕೆದೇಬಿ ಖ್ಹಮಜ಼್‌ಮ ಕೊಆವ್‌ಶೇನಿ. ತಾರು ಬೇಪಾರಿ ಖ್ಹಾರು ಜ಼ಮೀನ್‌ಪರ್ ದೌಲತ್‌ವಾಳು ಹುಯಿರ‍್ಹುಥೂನಿ. ತಾರಿ ಜಾ಼ದೂನಿ ಶಕಥ್ಥಿ ಅಖ್ಖಾಸ್ ದೇಖ್ಹ್‌ವಾಳು ಠೈಗೈಗಯು.

ಪ್ರಕಾಶಿತ್ 19:20

ತದೆ ಯೊ ಜಾನ್ವರ್‌ನು ಧರಿಲಿದು. ಅತ್ರೇಸ್ ಕಾಹೆತೆ ಜಾನ್ವರ್‌ ಭಣೀಥು ಅದ್ಭುತ್ ಕಾಮ್‌ಖ್ಹಾರು ಕರೀನ್, ಜಾನ್ವರ್‌ನು ಖ್ಹಣೇದ್ ನಖಾಯಹುಯನ, ಅಜು಼ ಇನ ಮೂರತ್ನ ಆರಾದನೆ ಕರವಾಳನ ಪೊಖ್ಹ್‌ಲೈರಾಖ್ಯೊಥೊತೆ ಯೊ ಝೂ಼ಟುಪ್ರವಾದಿಬಿ ಇನ ಜೋ಼ಡೆ ಧರೈಗಯೊ. ಯೋ ಭೇಜ಼ಣಾನ ಜಾನ್ನಖ್ಹಮೇದ್‌ ರಂಜ಼ಕ್‌ಥಿ ಬಳಾನು ಆಗ್ನ ತಲಾವ್ಮ ಫೇಕ್ಯು.