ಯಾಕೋಬ 3:1 - ದೇವ್ನಿ ಖ್ಹಾಚಿ ವಚನ್

¹ ಮಾರ ಭೈಯೇ ಭೇನೆವೊ. ಖ್ಹಾರುಸ್ಜ಼ಣು ಶಿಕಾಡನ ಉತ್ವಾಳಿ ನಕೊಕರೊ, ಶಿಕಾಡವಾಳ ಹುಯಿರ‍್ಹಾತೆ ಅಪ್ಣೆ ಅಲಕ್‍ ಜ಼ಣೆಥೀಬಿ ಘಣಿ ನ್ಯಾಯತೀರ್ಪ್‌ನ ಶುಶತ್ಉಶು.

ಯಾಕೋಬ 3:1 ပူးပေါင်းရင်းမြစ်များ

ಮತ್ತಾಯ 10:24

ಶಿಷ್ಯ ಗುರುಥಿ ಮೋಟೊ ಕಾಹೆ; ಆಳ್‌ ಇನ ಯಜಮಾನ್‍ಥಿ ಮೋಟೊ ಕಾಹೆ.

ಮತ್ತಾಯ 23:13

“ಮೋಶೆನಿ ವಚನ್ನ ಶಿಕಾಡವಾಳ ಶಾಸ್ತ್ರಿಯೆ ಅಜು಼ ಫರಿಸಾಯರ್‌ವಾಳ ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಖೋಟ್ ದಿಲ್‌ವಾಳ ಹುಯಿರ‍್ಹಾಸ್! ಅದ್ಮಿಖ್ಹಾರು ಸೊರ್ಗಾನು ರಾಜ್ಯಮ ಜಾ಼ವಾನು ಬಾಕಲ್‌ನ ತುಮೆ ಖ್ಹಾಮ್ಣೆ ಮೂಚಿನಾಖೋಸ್, ತುಮೇಬಿ ಮಹಿ ಕೋಜಾ಼ಯ್ನಿ ಅಜು಼ ಮಹಿ ಜಾ಼ವ್ಣುಕರಿ ಕರಾವಾಳಾನಾಬಿ ಕೋ ಮ್ಹೇಲೋನಿ.

ಮತ್ತಾಯ 23:14

ಅಲಾ ಠಗಾರು ಖ್ಹಾರ ಪಂಡಿತ್ ಪರಿಸಾಯವಾಳ ಅದ್ಮಿಖ್ಹಾರು ದೇಖಾದೆಕರಿ ಲಾಂಬಿ ಪ್ರಾರ್ಥನೆ ಕರೋಸ್ ತುಮೆ ಮುಂಡಚ್ಚಿನ ಶೊತ್‌ನ ಗಳಿಲಿನ್ ನಾಟಕ್ ಕರೋಸ್. ಇನಖ್ಹಾಜೆ ತುಮೆ ಘಣಿ ನಿಶತ್‌ ಲೀಲಿಶು.

ಮತ್ತಾಯ 9:11

ಫರಿಸಾಯರ್‌ನೆ ಅನದೇಖಿನ್‌, ಯೇಸುನ ಶಿಷ್ಯರ್‌ನ, “ತುಮಾರೊ ಗುರು ಶುಂಕ ಮಾಂಗವಾಳನ ಅಜು಼ ಪಾಪಿ ಖ್ಹಾರಾನ ಜೋ಼ಡೆ ಶನ ಖಾಣುಖಾಸ್ತೆ?” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:2

ತದೆ ಇನೆ ಸೇವಕ್‌ನ ಬುಲೈನ್, “ಆ ಶಾತ್‌? ಮೇ ತಾರಿ ಬಾರೇಮ ಖ್ಹಮ್‌ಜು಼ಕರೂಸ್ತೆ. ಮಾರಿ ಧನ್‌-ದೌಲತ್‌ನಿ ಬಾರೇಮಾನು ಖ್ಹಾರಿ ಇಶಾಬ್‍ನ ತೂ ಮನ ದೇ; ಅಜು಼ ಖ್ಹಾಮ್ಣೆ ತೂ ಮಾರ ಘರ್‌ನೊಸೇವಕ ಹುಯಿರ‍್ಹೇವಾನ ಕೋ ಉಶೇನಿ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:37

“ಕಿನಿ ಬಾರೇಮಾಬಿ ತೀರ್ಪ್‌ ನಕೊ ಕರೊ, ತದೆ ದೇವ್‌ಬಿ ತುಮೂನ ತೀರ್ಪ್ ಕರ್ಶೆ ಕೊಯ್ನಿ; ಕಿನಾಪರ್‌ಬಿ ಗಲತ್‌ ನಕೊ ಲಗಾಡೊ, ತದೆ ದೇವ್‌ಬಿ ತುಮಾರಪರ್ ಗಲತ್‌ ಕೋ ಲಗಾಡ್‌ಶೇನಿ. ಬಿಜಾ಼ನ ಮಾಪ್‌ ಕರೊ, ತದೆ ದೇವ್‌ಬಿ ತುಮುನ ಮಾಪ್‌ ಕರ್ಶೆ.

ಯೋಹಾನ 3:10

ಯೇಸುನೆ, “ತೂ ಇಸ್ರಾಯೇಲ್‌ ಅದ್ಮಿನ ಬೋಲಿ ವತಾಳವಾಳೊ ಗುರು ಹುಯಿರ‍್ಹೋಸ್, ತೋಬಿ ತುನ ಆ ಮಾಲುಮ್‌ ಪಡಾಕೊಯ್ನಿಕಿಶೂ?

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:1

ಅಂತಿಯೋಕ್ಯಮ ಥೂತೆ ಸಬೆಮ ಖ್ಹಾರು ಪ್ರವಾದಿಬಿ ಬೋಧಕರ್‌ಬಿ ಥೂ; ಇವ್ಣೆ ಕೋಣ್‌ಕತೊ, ಬಾರ್ನಬ, ನೀಗರ್‌ಕರಿ ಬೋಲೈಲಾವಳೊ ಸಿಮೆಯೋನ್‌, ಕುರೇನ್ಯನೊ ಲೂಕ್ಯ,ಹೆರೋದ ರಾಜ಼ನಿ ಜೋ಼ಡ್ಮ ಪಳ್ಯೊತೆ ಮೆನಹೇನ, ಅಜು಼ ಸೌಲ.

1 ಕೊರಿಂಥ 12:28

ದೇವ್ ಇನಿ ಸಬೆಮ ಪಹಿಲೆ ಅಪೊಸ್ತಲರ‍್ನ, ಬೇನು ಪ್ರವಾದಿಖ್ಹಾರನ, ತೀನ್ನು ಸಂದೇಶ್ ಶಿಕಾಡವಳನ ಮಿಛಾ಼ಣ್ಯೋಸ್. ಪಾಛ಼ಳ್‍ಥು ಅದ್ಭುತ್‌ ಕಾಮ್ನ ಕರಾವಾಳನ, ರೋಗ್ ಅಖ್ಖು ಅಛ್ಛು಼ ಕರವಾಳನ, ಅಲಕ್‌ನ ಮದತ್ ಕರವಾಳನ,ವಾಟ್‌ವತಾಳವಾಳನ, ಥರಥರಾನಿ ಬೋಲಿ ಬೋಲಾನಿ ವರಾನ ದೀರಾಖ್ಯೊಸ್.

2 ಕೊರಿಂಥ 5:10

ಅಪ್ಣೆಖ್ಹಾರು ನ್ಯಾವ್ನಖ್ಹಾಜೆ ಕ್ರಿಸ್ತನ ನ್ಯಾವ್ನಿಝಗೊನ ಖ್ಹಾಮ್ಣೆ ಭಿರೇವ್ಣುಸ್‍ ಭೀರೇವ್ಣು. ಹರೇಕ್ ಜ಼ಣು ಆಲೋಕ್‍ನ ಶರೀರ್‌ಮ ಜಿವಿರ‍್ಹಾವಾನಿ ವಖ್ಹತ್‌ಮ ಕರಿರಾಖ್ಯೊತೆ ಅಛ್ಛಾ಼ನಖ್ಹಾಜೆ ರ‍್ಹವೊ ಖರಾಬ್‍ನಖ್ಹಾಜೆ ರ‍್ಹವೊ ಹೋಣುತೆ ಪ್ರತಿಫಲ್ ಲಿಶೆ.

ಎಫೆಸ 4:11

ಯೊ ಹೈರೋತೆ ಇನಾಮ್ನ ದ್ಯವಾಳೊಬಿ ಹುಯಿರ‍್ಹೊಸ್ ಕತೊ ಯೊ ಥೋಡಜ಼ಣಾನ ಅಪೊಸ್ತಲರ್ ಕರಿಬಿ, ಥೋಡಾನ ಪ್ರವಾದಿಕರಿಬಿ, ಥೋಡಜ಼ಣಾನ ಸುವಾರ್ತೆ ಬೋಲವಾಳುಕರಿಬಿ, ಥೋಡಜ಼ಣಾನ ಸಬಾಪಾಲಕರ್ ಕರಿಬಿ, ಶಿಕಾಡವಾಳೊ ಕರಿಬಿ ನೆಮಿಸಾಯೊ.

1 ತಿಮೊ 1:7

ಇವ್ಣೆ ದೇವ್ನಿ ನಿಯಮ್ಮ ಶಿಕಾಡವಾಳು ಹುಯಿರ‍್ಹೇಣು ಕರಿ ಆಖ್ಹ್ ಕರಾಸ್. ಕತೋಬಿ, ಇವ್ಣೆ ಇವ್ಣಿ ಶೊಂತ್ ವಾತೇನ ಪರ್ಖಿಲೇಯಿಕೊಯ್ನಿ. ನತರ್ ಖೆವಿ ಬಾರೇಮಾಬಿ ಇವ್ಣೆ ಆತ್ಮ ವಿಶ್ವಾಸ್‍ಥಿ ಬೋಲಸ್ಕಿ ಇನ ಇವ್ಣೆ ವಿಶ್ವಾಸ್ ಕರಾಕೊಯ್ನಿ.

1 ತಿಮೊ 2:7

ಅಜು಼ ಅನಖ್ಹಾಜೆಸ್ ಮನ ಶಿಕಾಡವಾಳೊ ಅಜು಼ ಅಪೊಸ್ತಲ ಕರೀನ್, ವಿಶ್ವಾಸ್‌ಥಿಬಿ ಖ್ಹಾಚಿಥಿಬಿ ಯೆಹೂದ್ಯರ್‌ಕಾಹೆತೆ ಅದ್ಮಿನ ಭೋದನೆಕರಾನ ಮನ ನೇಮಕ್ ಕರ‍್ಯು. ಮೇ ಝೂ಼ಟಿ ಕೊಬೋಲುಕರುನಿ ಖ್ಹಾಚಸ್ ಬೋಲುಕರುಸ್.

2 ತಿಮೊ 1:11

ದೇವ್ನೆ ಮನ ಅಪೊಸ್ತಲ ಅಜು಼ ಶಿಕಾಡವಾಳೊ ಹುಯಿನ್, ಆ ಅಛ್ಛಿ ಖಬರ್‌ನ ಬೋಲಿದ್ಯವಾನಖ್ಹಾಜೆ ಮ್ಹೇಲಿರಾಖ್ಯೋಸ್‌.

ಇಬ್ರಿ 13:17

ತುಮಾರು ಸಬೆನ ಮೋಟಾವ್ನಿ ವಾತೆನ ಖ್ಹಮ್‌ಜೊ಼, ಇವ್ಣ ದಾಬುಕ್ಮ ರ‍್ಹವೊ. ಇವ್ಣೆ ಗಣ್ತಿ ದೇವ್ಣುತೆ ಖ್ಹಾಜೇಥಿ ತುಮಾರ ಆತ್ಮವ್‌ನ ಕಾವ್ಲಿ ಕರಾವಾಳ ಹುಯಿರ‍್ಹಾಸ್. ಇವ್ಣೆ ದುಖ್ ನಾಕರ‍್ನುತೆ ಖ್ಹುಶಿಥಿ ಅನ ಕರಾನಿಘೋಣಿ ಚಾ಼ಲಿಲೆವೊ. ಶನಕತೊ ಇವ್ಣೆ ದಿಲ್‌ ದುಖ್‌ಕರೀನ್ ಕರಾನಿ ಸೇವೇಥಿ ತುಮುನ ಫಾಯಿದೊ ಹುವಾನುಕಾಹೆ.

ಯಾಕೋಬ 1:16

ಮಾರ ಪ್ಯಾರ್‌ನ ಭೈಯೇ ಬೇನೆವೋ, ಆ ವಿಚಾರ‍್ನಿ ಬಾರೇಮ ಧೋಕ ನಕೊ ಖಾವೊ.

ಯಾಕೋಬ 1:19

ಮಾರ ಪ್ಯಾರ್‌ನ ಭೈಯೇ ಭೇನೆವೊ ತುಮೆ ಅನ ಅಛ್ಛಿನಿತರ ಮಾಲುಮ್ ಕರ‍್ಲೆವೊ, ಹರೇಕ್‍ಜ಼ಣುಬಿ ಖ್ಹಮ್‍ಜಾ಼ಮ ಚಾ಼ತುರ್‌ರ‍್ಹೀನ್, ವಾತ್‍ಬೋಲಾಮ ಅಜು಼ ಇರಾದೊ ಕರಾಮ ಖ್ಹಮಾಳಿರ‍್ಹೆವೊ.

ಯಾಕೋಬ 3:10

ಯೋಸ್‍ ಮ್ಹೋಡೇಥಿ ಧನ್ಯವಾದ್ ಅಜು಼ ಗಾಳೆ ಭೇಬಿ ಆವಸ್. ಮಾರ ಭೈಯೇ ಭೇನೆವೊ, ಅಮ್‍ ನಾರ‍್ಹೇವ್ಣು.

1 ಪೇತ್ರ 5:3

ತುಮಾರಿ ಚ಼ಪ್ಪಣ್‌ಮ ದೆವೈರ‍್ಹೂಸ್ತೆ ಇವ್ಣಪರ್ ರಾಜ಼್‌ಭಾರ್ ನಾಚ಼ಲಾವ್ಣುತೆ ಮಂಧಾನ ಜೋ಼ಡೆ ಉದಾಹರಣೆ ಹುಯಿನ್ ಚಾ಼ಲಿಲೆವೊ.