ಯಾಕೋಬ 2:8 - ದೇವ್ನಿ ಖ್ಹಾಚಿ ವಚನ್

⁸ ಕತೋಬಿ ಧರ್ಮಶಾಸ್ತ್ರಮ ಛಾ಼ತೆ, “ತಾರ ಭೀಡೆವಾಳನ ತಾರಿನಿತರಸ್‍ ಪ್ಯಾರ್ ಕರ‍್ನು!” ಕರಿ ಬೋಲಾನು ರಾಜ಼ನಿ ಹುಕುಮ್‌ನ ಚ಼ಲಾವವಾಳ ಹುಯಿರ‍್ಹಾತೊ ತುಮೆ ಅಛ಼್ಛು ಕರಾವಾಳ ಹುಯಿರ‍್ಹಿಶು.

ಯಾಕೋಬ 2:8 ပူးပေါင်းရင်းမြစ်များ

ಮತ್ತಾಯ 22:39

ಆಸ್ ಹುಕುಮ್‌ನಿಘೋಣಿ ಛಾ಼ತೆ ಬೇನೆ ಮುಖ್ಯ ಹುಕುಮ್ ಖೆವಿಕತೊ, ತಾರು ತೂ ಕಿಮ್ ಪ್ಯಾರ್ ಕರಾಸ್ಕಿ ಇಮ್ಮಸ್, ತಾರ ಭೀಡೆವಾಳಾನ ಪ್ಯಾರ್ ಕರ‍್ನು’ ಕರಿ ಬೋಲನುಸ್.

ಮತ್ತಾಯ 25:21

ತದೆ ಇನ ಯಜಮಾನ್ನೆ ಇನ, ‘ಶಬಾಶ್, ತೂ ಅಛ್ಛೊ಼ ಅಜು಼ ಭರೋಖ್ಹಾನೊ ಆಳ್‌! ಹುಯಿರ‍್ಹೋಸ್!’ ತೂ ಥೋಡಾಮ ನಿಯಥ್ಥಿ ರ‍್ಹಯೋತೆ ಇನಖ್ಹಾಜೆ, ಮೇ ತುನ ಮೋಟಾ ಕಾಮ್‌ಪರ್ ನೇಮ್‌ಶಾವುಸ್. ಐನ್, ಮಾರಿ ಖ್ಹುಶಿಮ ಭಾಗ್‌ ಹೂ’ ಕರಿ ಬೋಲ್ಯೊ.

ಮತ್ತಾಯ 25:23

ಇನ ಯಜಮಾನ್ನೆ ಇನ, ‘ಶಬಾಶ್! ತೂ ಅಛ್ಛೊ಼ ಅಜು಼ ಭರೋಖ್ಹಾನೊ ಆಳ್‌ ಹುಯಿರ‍್ಹೋಸ್!’ ತೂ ಥೋಡಾಮ ನಿಯಥ್ಥಿ ರ‍್ಹಯೋತೆ ಇನಖ್ಹಾಜೆ, ‘ಮೇ ತುನ ಮೋಟಾ ಕಾಮ್‌ಪರ್ ನೇಮ್‌ಶಾವುಸ್, ತೂ ಐನ್, ಮಾರಿ ಖ್ಹುಶಿಮ ಭಾಗ್‌ ಹೂ!’ ಕರಿ ಬೋಲ್ಯೊ.

ಮತ್ತಾಯ 7:12

ಅದ್ಮಿಖ್ಹಾರು ತುಮೂನ ಶಶ್ಶಾತ್ ಕರ‍್ನುಕರಿ ತುಮೆ ಆಖ್ಹ್ ಕರೋಸ್ಕಿ, ಯೋಸ್ ತುಮೆ ಇವ್ಣುನ ಕರೊ: ಮೋಶೇನು ಧರ್ಮಶಾಸ್ತ್ರ ಅಜು಼ ಪ್ರವಾದಿಯೇನು ವಚನ್ನು ಮತ್‌ಲಬ್ ಆಸ್ ಹುಯಿರ‍್ಹೂಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:10

ಪ್ಯಾರ್ ಇನ ಭೀಡೆವಾಳನ ಖಿವು ಕೇಡ್ ಕರಾಕೊಯ್ನಿ. ಇನಖ್ಹಾಜೆ ಪ್ಯಾರ್ ಧರ್ಮಶಾಸ್ತ್ರನ ಭರ್‌ಪೂರ್‌ ಹುಯಿರ‍್ಹುಸ್.

ಗಲಾತ್ಯ 5:14

ತಾರ ಭೀಡೆವಾಳನ ತಾರಿನಿತರಾಸ್ ಪ್ಯಾರ್ ಕರ್ನುಕರಿ ಎಕ್ಕಸ್ ಹುಕುಮ್ಮ ಧರ್ಮಶಾಸ್ತ್ರಸ್ ಲಪಿರ‍್ಹುಸ್.

ಗಲಾತ್ಯ 6:2

ಏಕ್ಜ಼ಣೊ ಬಿಜೇಕ್ ಜ಼ಣಾನಿ ಭೋಜ಼್‌ನ ಝೇಲಾದೆ, ಅಮ್ ಕ್ರಿಸ್ತನು ನಿಯಮ್ನ ಪೂರಕರೊ.

ಫಿಲಿಪ್ಪಿ 4:14

ಅಮ್ ರ‍್ಹಯುತೋಬಿ ತುಮೆ ಮಾರಿ ಖ್ಹತಾಪ್ಣಿ ಖ್ಹಂಗ್‌ಮಥಾತೆ ಅಛ಼್ಛುಹುಯು.

1 ಥೆಸ 4:9

ಕ್ರಿಸ್ತನ ಮಹಿ ಭಯ್ಯೆ ಅಜು಼ ಭೇನೇನ ಕಿಮ್ ಪ್ಯಾರ್ ಕರ‍್ನು ಕರಿ ಬೋಲಾನಿ ಬಾರೇಮ ತುಮೂನ ಲೀಖಾನಿ ಜ಼ರೂರತ್ ಕೊಯ್ನಿ. ಏಕ್‌ಥಿಏಕ್‌ ಪ್ಯಾರ್ ಕರ‍್ನು ಕರಿ ಬೋಲಾನಿ ಬಾರೇಮ ತುಮಾರು ತುಮೇಸ್ ದೇವ್‌ಥಿಶಿಕಿರಾಖ್ಯಸ್.

ಯಾಕೋಬ 1:25

ಕತೋಬಿ ಛುಟ್ಕಾರ್ ದ್ಯಾವಾಳು ಅಖ್ಖುಪೂರ ಹುಯಿರ‍್ಹುತೆ, ಧರ್ಮಶಾಸ್ತ್ರನ ದಿಮಾಕ್‍ಲಗಾಡಿ ಫಡೀನ್ ಬಿಜೂ಼ಬಿ ಖ್ಹಯಾಲ್ ಕರಿನ್ ಇನಿನಿತರ ಚಾ಼ಲವಾಳೊ ವಚನ್ನ ಖ್ಹಮ್‌ಜಿನ್‌ ಭೈಕಿ ನಾ ಜಾ಼ವ್ಣುತೆ ಯೋ ಪರಕ್ಮ ಇನ ಕಾಮ್‍ಥಿ ಧನ್ಯಹುಯಿರ‍್ಹಿಶೆ.

ಯಾಕೋಬ 2:12

ಛುಟ್ಕಾರ್ ದ್ಯಾವಾಳು ಧರ್ಮಶಾಸ್ತ್ರನಿ ಪರಕ್ಮ ತುಮೆ ತೀರ್ಪ್‌ ಲೀಲ್ಯಾವಾಳನ ಬರೊಬರ್‌ಥಿ ವಾತ್‍ಬೋಲೊ ಅಜು಼ ವಿಧೇಯ ಹುವೊ

ಯಾಕೋಬ 2:19

ದೇವ್ ಎಕ್ಕಸ್‍ಜ಼ಣೊ ಕರಿ ಯೋ ವಿಶ್ವಾಸ್ ಕರಸ್, ಯೋ ಅಛ್ಛು಼ಸ್‍. ಕತೋಬಿ ಶೈತಾನ್‍ಬಿ ಇಮ್ಮಸ್ ವಿಶ್ವಾಸ್ ಕರೀನ್ ಡರ್‌ಥಿ ಕಾಪಸ್.

ಯಾಕೋಬ 4:11

ಮಾರ ಭೈಯೇ ಭೇನೆವೊ ಏಕ್‌ನ ಏಕ್‌ ದುಖ್‍ನಕೊ ದೆವೊ. ಕೋಣ್‌ತೋಬಿ ಇನ ಭೈನ ಚಿಂಘಾಯತೊ ನತರ್ ಇನಿ ಭೇಜ಼ಣಾನಿ ಬಾರೇಮ ತೀರ್ಪ್‍ಕರ‍್ಯಾತೊ ಯೋ ಧರ್ಮಶಾಸ್ತ್ರನ ಚಿಂಘೈನ್‍ ಧರ್ಮಶಾಸ್ತ್ರನಿ ಬಾರೇಮ ತೀರ್ಪ್‌ಕರಾನಿತರ ಉಶೆ. ಕತೋಬಿ ತೂ ಧರ್ಮಶಾಸ್ತ್ರನಿ ಬಾರೇಮ ತೀರ್ಪ್ ಕರ‍್ಯೊತೊ ತೂ ನ್ಯಾಯಾಧಿಪತಿ ಕರಿ ಬೋಲೈಲಿಶ್ ಪಣ್ಕಿ ಇನ ಪಾಡಿಚಾ಼ಲವಾಳೊ ಕಾಹೆ.

1 ಪೇತ್ರ 2:9

ಕತೋಬಿ ಅಂಧಾರಮ ಛಾ಼ತೆ ತುಮುನ ಬುಲೈನ್ ಇನ ಆಶ್ಚರ್ಯನ ಉಜಾ಼ಳಮ ಮಳೈಲಿದ ಹುಯಾನ ಅದ್ಭುತ್ ಕಾಮ್ನ ಕರಾವಳ ಹೋಣುಕರಿ ತುಮೆ ಚೂ಼ಣೈಗಯುಹುಯು ಜ಼ಗ್‌ಜಾ಼ತ್‌ಬಿ, ರಾಜಾ಼ನ ಖಾನ್‌ದಾನ್ನ ಯಾಜಕ್‍ಬಿ, ಪರಿಶುಧ್ ಅದ್ಮಿಬಿ, ದೇವ್ನ ಶೊಂತ್‌ ಅದ್ಮಿಬಿ ಹುಯಿರ‍್ಹಾಸ್.