ಯಾಕೋಬ 2:5 - ದೇವ್ನಿ ಖ್ಹಾಚಿ ವಚನ್

⁵ ಮಾರ ಪ್ಯಾರ್‌ನ ಭೈಯೇ ಭೇನೆವೊ ಖ್ಹಮ್‍ಜೊ ದೇವ್ ಆ ಜಗತ್‌ನು ಗರೀಬ್‌ನ ವಿಶ್ವಾಸ್‌ಮ ಶೌಕಾರ್ ಬಣೈನ್‍ಬಿ ಇನ ಪ್ಯಾರ್ ಕರಾವಾಳನ ದೇವ್ನೆ ವಾಗ್ದಾನ್ ಕರ‍್ಯೊತೆ ರಾಜ್ಯನ ಭಾದ್ಯ ಬಣೈನ್‍ಬಿ ರ‍್ಹೇವ್ಣುಕರಿ ಚೂ಼ಣಿಲಿದೊ ಕೊಯ್ನಿಕಿಶು?

ಯಾಕೋಬ 2:5 ပူးပေါင်းရင်းမြစ်များ

ಮತ್ತಾಯ 11:5

ಕಾಣಾವ್ನ ಡೋಳಾ ಆವ್‌ಶೆ, ಲಂಗ್ಡು ಖ್ಹಾರು ಚಾ಼ಲ್‌ಷೆ, ಖೋಡ್‍ ರ‍್ಹವಾಳು ಪಾಕ್‌ ಉಶೆ, ಭೈರಾವ್‍ನ ಖ್ಹಮ್‌ಜಾ಼ವ್‌ಶೆ, ಮರಿಗಯುಹುಯು ಜಿವ್ತು ಉಟ್‌ಶೆ, ಅಜು಼ ಗರೀಬ್‌ನ ಸುವಾರ್ತೆ ಬೋಲಾವ್‌ಶೆ.

ಮತ್ತಾಯ 25:34

ತದೆ ರಾಜಾ಼ ಇನಿ ಖಾವಿ ಬಾಜೂ಼ಮ ಭಿಯುತೆ ಅದ್ಮಿ ಖ್ಹಾರಾನ, ‘ಮಾರ ಬಾನೆ ಆಶೀರ್ವಾದ್‌ ಕರ‍್ಯೊತೆ ತುಮೆ ಆವೊ, ಜಗತ್‌ ಉಬ್‌ಜ್ಯುತೆ ತಪ್‌ಥು ತುಮಾರಖ್ಹಾಜೆ ತೈಯಾರ್ ಹುಯಿರ‍್ಹೂತೆ ರಾಜ್ಯನ ಅಲ್ಲೇವೊ.

ಮತ್ತಾಯ 5:3

“ಕೋಣ್ ಆತ್ಮಮ ಗರೀಬ್ ಹುಯಿರ‍್ಹವಾಳ, ಇವ್ಣೆ ಖ್ಹುಶಾಲಿವಾಳು ಹುಯಿರ‍್ಹುಸ್; ಸೊರ್ಗ ರಾಜ್ಯ ಇವ್ಣುಸ್‌ ಹುಯಿರ‍್ಹುಸ್‍!

ಮಾರ್ಕ 7:14

ಬಾದ್‌ಮ ಯೇಸುನೆ ಅದ್ಮಿನಿ ಝೂ಼ಂಡ್‌ನ ಪಾಛೊ಼ ಖನ್ನೆ ಬುಲೈನ್ ಇವ್ಣುನ, “ಖ್ಹಾರು ಕಾನ್‌ ಜೋ಼ಡಿನ್‌ ಮಾರಿ ವಾತೆನ ಖ್ಹಮ್‌ಜೊ಼, ಅಜು಼ ಪರ್ಖಿಲೆವೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:21

ಇನಖ್ಹಾಜೆ ಯೋಸ್‌, ಧನ್‌-ದೌಲತ್‌ನ ಜ಼ಮಕರಿಲ್ಯವಾಳಾನಿ ಹಾಲ್‌ಬಿ ಅಮ್ಮಸ್, ಕತೋಬಿ ದೇವ್ನ ಡೋಳಾಮ ಇವ್ಣೆ ಶೌಕಾರ್ ಕಾಹೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:32

“ನ್ಹಾನಿ ಝೂ಼ಂಡ್‌, ಡರ್‌ನಕೊ; ಯೋ ರಾಜ್ಯನ ತುಮೂನ ದ್ಯವಾನ ತುಮಾರೊ ಬಾನ ಖ್ಹುಶಿ ಛಾ಼.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:22

ಅಮ್‌ರ‍್ಹವಾನಿ ವಖ್ಹತ್‌ಮ, ಥೋಡ ದನ್ನ ಬಾದ್‌ಮ, ಯೋ ಧರಮ್ ಮಾಂಗವಾಳೊ ಮರಿಗಯೊ. ತದೆ ಪರ್‌ಲೋಕ್‌ನು ದೂತರ್ ಆಯಿನ್, ಇನ ಪಳ್ಳಿ ಜೈ಼ನ್, ಅಬ್ರಹಾಮ್‌ನಿ ಛಾ಼ತಿನ ಚಿಕಾಯು. ಯೋ ಶೌಕಾರ್‌ಬಿ ಮರಿಗಯೊ, ಇನು ಮಖ್ಹಾಣ್ಯು ಕರ‍್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:25

ಕತೋಬಿ ಅಬ್ರಹಾಮ್‌ನೆ ಇನ, “ಛಿಯ್ಯಾ, ತುನೆ ಆಖ್ಹ್ ಕರ‍್ಯೊತೆ ಖ್ಹಾರೀಸ್‍ ಖ್ಹುಶಿ, ತಾರಿ ಜಿ಼ಂದ್‌ಗೀಮ ತುನ ಮಳ್ಯು. ಇಮ್ಮಸ್, ಲಾಜ಼ರ್‌ನೆ ಲತಾಡ ಪಡ್ಯೊ ಕರಿ ಬೋಲಾನು ಯಾದ್ ಕರಿಲೆ. ಕತೋಬಿ ಹಮ್ಕೆ ಹಜ಼್ಜಾ ಅನ ಸಮಾಧಾನ್ ಛಾ಼, ಕತೋಬಿ ತುನ ಖ್ಹತಾಪ್ಣಿ ಮಳಿರ‍್ಹೀಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:29

ಮಾರೊ ಬಾ, ಮನ ರಾಜ್ಯನ ಚ಼ಲಾವಾನ ಹಕ್‌ ದಿದೋತೆ ಇಮ್ಮಸ್, ಮೇಬಿ ತುಮೂನ ಅದಿಕಾರ್ ಚ಼ಲಾವಾನ ಹಕ್‌ ದೆವುಸ್‌.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:20

ಯೇಸುನೆ ಇನ ಶಿಷ್ಯರ್‌ ಭಣಿ ದೇಖಿನ್ ಬೋಲ್ಯೋಕಿ, “ಗರೀಬ್ ಹುಯಿರ‍್ಹವಾಳ ತುಮೆ ಖ್ಹುಶಾಲಿವಾಳು ಹುಯಿರ‍್ಹುಸ್, ದೇವ್‌ನು ರಾಜ್ಯ ತುಮಾರುಸ್!

ಯೋಹಾನ 7:48

ಯೆಹುದ್ಯರ್‌ನ ಅದಿಕಾರಿರ‍್ಹವೊ, ಫರಿಸಾಯರ್‌ಮ ರ‍್ಹವೊ ಕೋಣ್‌ತೋಬಿ ಇನಾಪರ್ ವಿಶ್ವಾಸ್‌ ಕರಿರಾಖ್ಯುಸ್ಕಿ ಶು?

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:2

ಅಪ್ಣೊ ಗುರುಗುರಬ್‌ಲ್ಯೊ ಹುಯಿರುತೆ ಅಬ್ರಹಾಮ್‌ನ ಅಪ್ಣೊ ಮಹಿಮೆನೊ ದೇವ್ ದೇಖಾಯೊ. ಅಬ್ರಹಾಮ್ ಖಾರಾನ್‍ ಗಮ್ಮ ಜಿವ್ಣುಕರಾನ ಪಹಿಲೆ ಮೆಸಪಟೋಮಿಯಮ ಥೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:17

ಹಮ್ಕೆ ಅಪ್ಣೆ ಲಡ್ಕಾ ಹುಯಿರ‍್ಹಾತೊ, ಹಕ್‍ದಾರ್ ಹುಯಿರ‍್ಹಯೇಸ್; ದೇವ್ನ ಹಕ್‍ದಾರ್ ಅಜು಼ ಕ್ರಿಸ್ತನಿ ಜೋ಼ಡ್ಮ ಹಕ್‍ದಾರ್ ಹುಯಿರ‍್ಹಾಸ್. ಅಪ್ಣೆ ಕ್ರಿಸ್ತನು ಖ್ಹತಾಪ್ಣಿಮ ಖ್ಹಾಚಮಾಸ್ ಭಾಗ್‍ಲ್ಯಾವವಾಳ ರ‍್ಹಯಾತೊ, ಇನಿ ಮಹಿಮೆಮಾಬಿ ಭಾಗ್‌ಲ್ಯವಾಳ ಹುಯಿರ‍್ಹಿಶು.

1 ಕೊರಿಂಥ 2:9

ಇನಖ್ಹಾಜೆ ದೇವ್ನಿ ವಚನ್‍ಮ ಲೀಖಾವನಿತರ, ದೇವ್ನೆ ಇನ ಪ್ಯಾರ್ ಕರವಾಳನಖ್ಹಾಜೆ ಕರಿರಾಖ್ಯೊತೆ ಖ್ಹಾರಸ್ನ ಖಿವು ಡೋಳೊಬಿ ದೇಖ್ಯುಕೊಯ್ನಿ, ಖಿವು ಕಾನ್‌ಬಿ ಖ್ಹಮ್‍ಜ್ಯುಕೊಯ್ನಿ, ಯೊ ಏಕ್‍ಜ಼ಣಾನ ದಿಲ್ನಿ ಖ್ಹಯಾಲ್‌ಮಾಬಿ ಕೊಆಯುನಿ.

2 ಕೊರಿಂಥ 4:15

ಆ ಖ್ಹಾರು ತುಮಾರು ನಫ್ಪಾನ ಖ್ಹಾಜೆಸ್. ಅಮ್ ದೇವ್ನಿ ವಾರ್‌ಖ್ಹೊ ಜಾ಼ಖ್ಹತ್, ಜಾ಼ಖ್ಹತ್ ಅದ್ಮಿನ ದೆವಾವ್‌ಶೆ ಇನಾಖ್ಹಾಜೆಥಿ, ಘಣು ಘಣು ಅದ್ಮಿ ದೇವ್ನಿ ಮಹಿಮೆನಖ್ಹಾಜೆ ಧನ್ಯವಾದ್‍ನಿ ಸ್ತುತಿ ಕರ್ಶೆ.

2 ಕೊರಿಂಥ 6:10

ದುಖ್‌ಲ್ಯವಾಳ ರ‍್ಹಿಯಾತೋಬಿ ಸೇವೆಮ ಕದೇಬಿ ಹಾಶಿಖ್ಹುಶಾಲಿಥಿ ರ‍್ಹವಾಳ ಹುಯಿರ‍್ಹಾಸ್, ಗರೀಬ್‍ರ‍್ಹಿಯತೋಬಿ ಕೈಏಕ್ ಜ಼ಣನ ವಿಶ್ವಾಸ್‌ಮ ಧನ್‍ದೌಲತ್‌ವಾಳ ಕರೀನ್ ಬಣೈರಾಖ್ಯಾಸ್; ಶಾತ್‍ಬಿಕೊಂತೆ ರ‍್ಹಿಯತೋಬಿ ಅಖ್ಖಾನ ಲೀರಾಖವಾಳ ಹುಯಿರ‍್ಹಾಸ್.

2 ಕೊರಿಂಥ 8:9

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ವಾರ್‌ಖ್ಹಾನ ತುಮೆ ಮಾಲುಮ್ ಕರಿರಾಖ್ಯಸ್. ಕಿಮ್‌ಕತೊ ಯೋ ಧನ್‍ ದೌಲತ್‌ವಾಳೊ ರ‍್ಹಯೊತೋಬಿ ಯೋ ಗರೀಬ್ ಹುವಾಥೀಸ್ ತುಮೆ ಧನ್‌ ದೌಲತ್‌ವಾಳ ಬಣನಿತರ ಯೋ ತುಮಾರಖ್ಹಾಜೆ ಗರೀಬ್‍ಹುಯೊ.

ಎಫೆಸ 1:18

ಮೇ ಬೋಲಿಲಾವನು ಶಾತ್‌ಕತೊ ತುಮಾರ ದಿಲ್ನ ಡೋಳಾನ ಉಜಾ಼ಖ್ಹ್‌ ಕರೀನ್, ಇನಿ ಬುಲಾವ್ಣಿನ ಭರೋಖ್ಹೊ ಕೆಥ್ರಾನು ಕರೀಬಿ ಅಜು಼ ದೇವ್ನ ಅದ್ಮಿವೋಮ ಛಾ಼ತೆ ಶೊತ್ನಿ ಮಹಿಮೆ ಕೆಥ್ರಾನು ಛಾ಼ ಕರಿ

ಎಫೆಸ 3:8

ಅಖ್ಖಾಸ್ ದೇವ್ನ ಅದ್ಮಿಮ ಕಮ್‍ಶಿಲ್ ರ‍್ಹಿಯೊತೋಬಿ ದೇವ್ನೆ ಕ್ರಿಸ್ತನು ವಾರ್‌ಖ್ಹಾನಿ ಸುವಾರ್ತೆನ ಯೆಹೂದ್ಯರ್‌ಕಾಹೆತೆ ಅದ್ಮಿನ ಬೋಲಿ ವತಾಳನಖ್ಹಾಜೆ ವಖ್ಹತ್‌ನ ಮನ ದೀರಾಖ್ಯೊಸ್.

1 ಥೆಸ 2:12

ಇನಿ ರಾಜ್ಯ ಅಜು಼ ಮಹಿಮೆಮ ವಾಟೊಲ್ಯವಾನಖ್ಹಾಜೆ ಬುಲೈರಾಖ್ಯೊಸ್ತೆ ದೇವ್ನಖ್ಹಾಮ್ಣೆ ಬರೋಬರ್‌ಥಿ ಜಿವ್ಣು ಕರ‍್ನುಕರಿ ಬೋಲಿದಿದಾ. ಆ ಅಖ್ಖು ತುಮುನ ಮಾಲುಮ್.

2 ಥೆಸ 1:5

ದೇವ್ನಿ ನೀತಿನಿ ತೀರ್ಪ್‌ನ ಖ್ಹಾಚು಼ ಖಿವುಕತೊ, ತುಮೆ ಲತಾಡಪಡುಕರಾತೆ ದೇವ್ನಿ ರಾಜ್ಯನ ತುಮೆ ಲ್ಹಾಯಕ್ ಹುಯಿರ‍್ಹವಾನು.

1 ತಿಮೊ 6:18

ಇವ್ಣುನ ಹುಕುಮ್ ದೇಕಿ; ಇವ್ಣೆ ಅಛ್ಛು಼ ಕಾಮ್ ಕರ‍್ನು. ಅಜು಼ ಅಛ್ಛು಼ ಕಾಮ್ ಕರಾಮ ಇವ್ಣೆ ಶೌಕಾರಿ ಹುಯಿರ‍್ಹೇಣು, ಧರ್ಮಿ, ಅಜು಼ ಇವ್ಣಾಕನ ಛಾ಼ತೆ ಜಿನಖ್ಹ್‌ನ ವಾಟಪಾಡಿಲ್ಯವಾದೆ.

2 ತಿಮೊ 4:18

ಅಜು಼ ಪ್ರಭು ಮನ ಖ್ಹಾರ ಖರಾಬ್‌ಥಿ ಬಚಾ಼ಡಿನ್, ಇನಿ ಸೊರ್ಗ ರಾಜ್ಯಮ ಲೀಜಾ಼ಶೆ. ಜ಼ಗ್‌ಜ಼ಮಾನಮಾಬಿ ಇನ ಮಹಿಮೆ ಹುವಾದೆ! ಆಮೆನ್.

2 ತಿಮೊ 4:8

ದೇವ್ನ ಖ್ಹಾಜಾ಼ನಿಮತ್ ಜಿವವಾಳಾನ ಮಳಾಸ್ತೆ ಜಯಾನಿ ಹಾರ್ ಹಮ್ಕೆ ಮಾರಖ್ಹಾಜೆ ತೈಯಾರ್ ಛಾ಼. ಯೋ ನೀತಿವಾಳೊ ನ್ಯಾವ್‍ನೊ ಅದಿಪತಿ ಹುಯಿರ‍್ಹೋತೆ ಪ್ರಭು, ಯೋ ದನ್ಮ ಮನ ದಿಶೆ, ಮನಾಸ್ ಕಾಹೆತೆ, ಯೋ ಆವ್‌ಶೇತೆ ದೇಕ್ಣು ಕರಿ ಪ್ಯಾರ್‌ಥಿ ಜ಼ಪಿರ‍್ಹೂತೆ ಇವ್ಣುನಾಬಿ ದಿಶೆ.

ಇಬ್ರಿ 11:26

ಈಜಿಪ್ಟ್‌ನು ಅಖ್ಖಿ ಧನ್‌ದೌಲತ್‌ಥೀಬಿ ಕ್ರಿಸ್ತನಖ್ಹಾಜೆ ಹುವಾಸ್ತೆ ಚಿಂಘಾವ್ಣೀಸ್ ಮೋಟಿ ಭಾಗ್ಯಕರಿ ಮಾನಿಲಿದೊ. ಶನಕತೊ ಖ್ಹಾಮ್ಣೆಆವಾನಿ ಪ್ರತಿಫಲ್‌ಪರ್ ಡೋಳೊ ರಾಖಿಮ್ಹೆಲ್ಯೊಥೊ.

ಯಾಕೋಬ 1:12

ಕೋಣ್ ತರೀಪ್ಷನ ಖ್ಹಮಾಳಿಲೇಸ್ಕಿ ಯೋ ಧನ್ಯ. ಯೋ ಇನಿ ಶೋದನೆನ ಜುತಿಲಿದೊತೊ ಪ್ರಭು ಇನ ಪ್ಯಾರ್‌ಕರಾವಾಳನ ವಾಗ್ದಾನ್ ಕರ‍್ಯೊತೆ, ಜಾನ್ನು ಕಿರೀಟ್‍ನ ಲೀಲಿಶೆ.

ಯಾಕೋಬ 1:16

ಮಾರ ಪ್ಯಾರ್‌ನ ಭೈಯೇ ಬೇನೆವೋ, ಆ ವಿಚಾರ‍್ನಿ ಬಾರೇಮ ಧೋಕ ನಕೊ ಖಾವೊ.

ಯಾಕೋಬ 1:19

ಮಾರ ಪ್ಯಾರ್‌ನ ಭೈಯೇ ಭೇನೆವೊ ತುಮೆ ಅನ ಅಛ್ಛಿನಿತರ ಮಾಲುಮ್ ಕರ‍್ಲೆವೊ, ಹರೇಕ್‍ಜ಼ಣುಬಿ ಖ್ಹಮ್‍ಜಾ಼ಮ ಚಾ಼ತುರ್‌ರ‍್ಹೀನ್, ವಾತ್‍ಬೋಲಾಮ ಅಜು಼ ಇರಾದೊ ಕರಾಮ ಖ್ಹಮಾಳಿರ‍್ಹೆವೊ.

ಯಾಕೋಬ 1:9

ಕ್ರಿಸ್ತಮ ಖರಾಬ್ ಹಾಲತ್ಮರ‍್ಹವಾಳೊ ಭೈಯೇ,ಭೇನೆವೊ ಯೋ ಅಛ್ಛಿಹಾಲತ್‍ಮ ಆಯೋಕರಿ ಖುಷಿಕರಾದೆ.

1 ಪೇತ್ರ 1:4

ಇಮ್ಮಸ್ ಅಪ್ಣುನ ಮಟಿಜಾ಼ಯಿಕೊಂತೆ ಧನ್‌ದೌಲತ್‌ನ ದ್ಯವಾನಖ್ಹಾಜೆ ಪರಲೋಕ್‌ಮ ಅಪ್ಣಖ್ಹಾಜೆ ಮ್ಹೇಲೈರ‍್ಹೂಸ್. ಯೋ ಕಂದ್‍ ಧರಾಕೊಯ್ನಿ ಅಜು಼ ನಾಶ್ ಹುಯಿಜಾ಼ಯ್‌ ಕೊಯ್ನಿ.

2 ಪೇತ್ರ 1:11

ಅನೇಥಿ ಅಪ್ಣೊ ಪ್ರಭು ಅಜು಼ ರಕ್ಷಕ್ ಹುಯಿರ‍್ಹೋತೆ, ಯೇಸು ಕ್ರಿಸ್ತನಿ ಹಮೇಶಾನ ರಾಜ್ಯಮ ಜಾ಼ವಾನಿಮತ್‌, ತುಮುನ ಅರಾಮ್‌ಥಿ ಜಾ಼ವಖ್ಹರ್ಕು ಉಷೆ.

ಪ್ರಕಾಶಿತ್ 2:9

ಮೇ ತಾರು ಖ್ಹತಾಪ್ಣಿ ಅಜು಼ ಗರೀಬ್‍ರ‍್ಹವಾನುಬಿ ಮಾಲುಮ್ ಕರಿರಾಖ್ಯೊಸ್, ಕತೋಬಿ ತೂ ಶೌಕಾರಸ್ ಹುಯಿರ‍್ಹೋಸ್. ಅತ್ರೇಸ್‍ಕಾಹೆತೆ ಯೆಹೂದ್ಯರ್ ಕರಿ ಬೋಲೈಲ್ಯವಾಳು ಇವ್ಣೆಸ್ ತಾರಿ ಬಾರೇಮ ದೂಷಣೆ ಬೋಲಾನು ಮಾಲುಮ್. ಇವ್ಣೆ ಯೆಹೂದ್ಯರ್ ಕಾಹೆ, ಶೈತಾನ್ನ ಸಬೆನಾ ಮಂದಿರ್‌ವಾಳು ಹುಯಿರ‍್ಹೂಸ್

ಪ್ರಕಾಶಿತ್ 21:7

ಜೂತವಾಳನ ಆ ಖ್ಹಾರುಸ್ ಮಳ್‌ಶೆ. ಮೇ ಇನ ದೇವ್ ಹುಯಿರ‍್ಹಿಶ್. ಯೊ ಮನ ಛಿಯ್ಯೊ ಹುಯಿರ‍್ಹಿಶೆ.

ಪ್ರಕಾಶಿತ್ 3:18

ತೂ ಶೌಕಾರ್ ಹುವಾನ ಆಗ್‌ಮ ನಾಖಸ್ತೆ ಖ್ಹೊನ್ನಾನಾಬಿ ಖ್ಹರಮ್‌ನ ಕಾರಣ್ ಹುಯಿರ‍್ಹೂತೆ ತಾರು ಉಘಾಡಾನ ದೆಖಾವ್ಣುನಾತೆ ಫೆರಾನಖ್ಹಾಜೆ ಧೋಳ ಲುಂಗ್ಡಾವ್‍ನಾಬಿ ಡೋಳೊದೆಖಾವನಖ್ಹಾಜೆ ತುಮಾರ ಡೋಳಾವ್‌ನ ಲಗಾಡನಖ್ಹಾಜೆ ಅಂಜ಼ಣ್‍ನಾಬಿ ಮಾರೇಥಿ ಲೀಲೇವ್ಣುಕರಿ ಮೇ ತುಮೂನ ಅಕ್ಕಲ್ ಬೋಲುಕರುಸ್.