ಯಾಕೋಬ 2:23 - ದೇವ್ನಿ ಖ್ಹಾಚಿ ವಚನ್

²³ ಇನಖ್ಹಾಜೇಸ್ ಅಬ್ರಹಾಮ್‌ನೆ ದೇವ್ನ ವಿಶ್ವಾಸ್ ಕರ‍್ಯೊ ಅಜು಼ ಯೋ ವಿಶ್ವಾಸ್ ಇನಿ ಗಣ್ತಿಮ ನೀತಿಕರಿ ಚೂ಼ಣೈಗು ಕರಿ ಬೋಲನಿ ಧರ್ಮಶಾಸ್ತ್ರನಿ ವಾತ್ ಅಮ್‍ ಪೂರಹುಯು ಇನಖ್ಹಾಜೆ ಅಬ್ರಹಾಮ್ ದೇವ್‌ನೊ ದೋಸ್ತಿಕರಿ ಬೋಲೈಲಿದೊ.

ಯಾಕೋಬ 2:23 ပူးပေါင်းရင်းမြစ်များ

ಮಾರ್ಕ 12:10

‘ಘರ್ ಭಾಂದಾವಾಳು ನಕೊಕರಿ ಧಕೇಲೈ ಗಯೋತೆ ಬಂಡೋಸ್, ಹೋಣುತೆ ಕೋಣಾನೊ ಬಂಡೊ ಹುಯೊ. ಅಮ್ಕರಿ ಧರ್ಮಶಾಸ್ತ್ರಮ ಪಢಿರಾಖ್ಯಸ್ನಿ!

ಮಾರ್ಕ 15:27

ಯೇಸುನ ಜೋ಼ಡ್ಮ ಬೇ ಜ಼ಣ ಚೋ಼ರ್‌ನಾಬಿ ಲೈನ್‌ ಏಕ್‌ ಜ಼ಣಾನ ಇನಿ ಖಾವಿ ಬಾಜೂ಼ಮ ಅಜು಼ ಬಿಜೇಕ್‌ ಜ಼ಣಾನ ಇನಿ ಡಾವಿ ಬಾಜೂ಼ಮ ಶಿಲ್‌ಬೆಪರ್ ಮಾರ‍್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:21

ತದೆ ಯೇಸುನೆ ಇವ್ಣುನ, “ಮೇ ಹಮ್ಕೆ ಪಢ್ಯೋತೆ ವಚನ್ನ ತುಮೆ ಖ್ಹಮ್‌ಜೂ಼ಕರ್ತಥಾತೆ ತದ್ದೇಸ್ ಯೋ ಪೂರಹುಯು” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:16

“ಭೈಯೇಭೇನೆವೊ, ಯೇಸುನ ಧರಿದ್ಯವಾಳನ ವಾಟ್‌ ವತಾಳ್ಯೊತೆ ಯೂದನಿ ಬಾರೇಮ ಪವಿತ್ರಾತ್ಮನೆ ದಾವೀದ್‍ಥಿ ಪವಿತ್ರ ಪುಸ್ತಕ್‌ಮ ಬೋಲೈರ‍್ಹುತೆ ವಾತೆ ಪೂರಹೋಣುಸ್‌ಪಡ್ಯುಥು,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:2

ದೇವ್, ಯೋ ಅಗಾಡಿಸ್ ಮಾಲುಮ್ ಕರಿರಾಖ್ಯೊತೆ ಇಸ್ರಾಯೇಲ್‌ ಅದ್ಮೆವ್‌ನ ಝಿಟ್ಕಾರ್‌ ದಿದೊಕೊಯ್ನಿ. ದೇವ್ನಿ ವಚನ್ ಎಲೀಯನಿ ಬಾರೇಮ ಶಾತ್ ಬೋಲಸ್‍ಕರಿ ತುಮೂನ ಮಾಲುಮ್ ಕೊಯ್ನಿಕಿಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:17

ಶನಕತೊ, “ಮೇ ತಾರಾಮ, ಮಾರಿ ಶಕತ್ನ ವತಾಳಿನ್ ಮಾರ ನಾಮ್ನ ಜ಼ಮೀನ್‌ಪರ್ ಮೋಟು ಭಡಾವ್‍ಣುಕರಿ ಖ್ಹಯಾಲ್‍ಥೀಸ್ ತುನ ಊಚಿ ಝ಼ಗೋಪರ್ ಉಠಾಡಿಭೀರಾಖ್ಯೊ” ಕರಿ ಧರ್ಮಶಾಸ್ತ್ರಮ ದೇವ್ ಫರೋಹನ ಬೋಲಸ್.

ಗಲಾತ್ಯ 3:22

ಹಿಡಿ ಜಗತ್‌ ಪಾಪ್ನ ಅಧೀನ್ ಹುಯ್ಗಕರಿ ಪವಿತ್ರ ದಪ್ತರ್‌ ಬರೋಬರ್‌ಥಿ ವತಾಳಸ್‍. ಅಮ್‌ರ‍್ಹವಾಪರ್ ವಾಗ್ದಾನ್ನ ಫಲ್ನ ಯೇಸುಮ ನಂಬಾವಳನ ಇವ್ಣ ವಿಶ್ವಾಸ್ ಆಧಾರ್‌ಪರ್ ದೆವಾವಸ್.

ಗಲಾತ್ಯ 3:6

“ಅಬ್ರಹಾಮ್‌ನೆ ದೇವ್ನ ವಿಶ್ವಾಸ್ ಕರ‍್ಯೊ, ಇನಿ ವಿಶ್ವಾಸ್‌ಥೀಸ್ ಯೋ ವಿಶ್ವಾಸ್‌ ನೀತಿಕರಿ ಚೂ಼ಣೈಗು ಕರಿ ಧರ್ಮಶಾಸ್ತ್ರಮ ಬೋಲಸ್ನಿ.”

2 ತಿಮೊ 3:16

ಆ ಖ್ಹಾರಿಸ್ ನಿಯಮ್ ದೇವ್ನಿಖೂಜ್‍಼ಥಿ ಬಣಿರ‍್ಹೂಸ್. ಅಜು಼ ಅದ್ಮಿವ್‌ನ ಖ್ಹಾಚಿ ಪಢಂತ್‍ನ ಶಿಕಾಡನ, ಗಲತ್‌ ಕರವಾಳನ ಬರಾಬರ್‌ ಕರಾನ ಅಜು಼ ಇನಿ ಗಲತ್‌ನಖ್ಹಾಜೆ ಗುರ್‌ಕಾವಾನ, ಅಜು಼ ನೀತಿನ ಶಿಕಾನಾಬಿ ಫಾಯಿದೊ ಹುಯಿರ‍್ಹೂಸ್.

ಯಾಕೋಬ 2:24

ಅಮ್‍ ಅದ್ಮಿ ಚಾ಼ಲ್‌ಥಿ, ಕಾಮ್‍ಥಿ ನೀತಿವಾಳೊಕರಿ ಖ್ಹಣೇದ್‍ಮ ಆವಸ್ ಪಣ್ಕಿ ಖಲಿ ವಿಶ್ವಾಸ್‍ಥಿ ಕಾಹೆ ಕರಿ ದೇಖೊಸ್‍.

1 ಪೇತ್ರ 2:6

ಪವಿತ್ರ ದಪ್ತರ್‌ಮ ಶಾತ್‌ ಬೋಲಸ್‍ಕತೊ “ಹಂದೇಕ್, ಚೀಯೋನ್‌ಮ ಕೋಣಾನೊಬಂಡೊ ಮ್ಹೇಲುಸ್, ಯೊ ಚೂ಼ಣೈಗಯುಹುಯು, ಘಣ ಮೋಲ್ನು ಹುಯಿರುಸ್ ಇನಾಪರ್ ವಿಶ್ವಾಸ್ ರಾಖವಾಳೊ ಕದೇಬಿ ಆಖ್ಹ್ ತೋಡಿಲಿಶೆಕೊಯ್ನಿ”