ಯಾಕೋಬ 2:19 - ದೇವ್ನಿ ಖ್ಹಾಚಿ ವಚನ್

¹⁹ ದೇವ್ ಎಕ್ಕಸ್‍ಜ಼ಣೊ ಕರಿ ಯೋ ವಿಶ್ವಾಸ್ ಕರಸ್, ಯೋ ಅಛ್ಛು಼ಸ್‍. ಕತೋಬಿ ಶೈತಾನ್‍ಬಿ ಇಮ್ಮಸ್ ವಿಶ್ವಾಸ್ ಕರೀನ್ ಡರ್‌ಥಿ ಕಾಪಸ್.

ಯಾಕೋಬ 2:19 ပူးပေါင်းရင်းမြစ်များ

ಮತ್ತಾಯ 8:29

ತದೇಸ್‌ ಇವ್ಣೆ, “ದೇವ್ನ ಛಿಯ್ಯಾ, ಹಮಾರೇಥಿ ತುನ ಶಾತ್‌ ಛಾ಼? ವಖ್ಹತ್ ಆವಾನ ಆಗಾಡಿಸ್‌ ಹಮೂನ ನಿಶತ್ ದ್ಯಾವಾನ ಐರ‍್ಹೋಸ್ಕಿ ಶು?” ಕರಿ ಚಿಕ್ರಿನ್ ಬೋಲ್ಯೊ.

ಮಾರ್ಕ 1:24

ಯೋ ಚಿಕ್ರಿನ್, “ನಜ಼ರೇತ್‌ನೊ ಯೇಸು, ಹಮಾರೇಥಿ ತುನ ಶಾತ್‌ ಛಾ಼? ಹಮೂನ ಬರ್ಬಾತ್ ಕರಾನ ಆಯೊಕಿ ಶು? ತು ಕೋಣ್ ಕರಿ ಮನ ಮಾಲುಮ್; ತೂ ದೇವ್‌ನೊ ಪವಿತ್ರ್‌ ಛಿಯ್ಯೊ ಹುಯಿರ‍್ಹೋಸ್” ಕರಿ ಬೋಲ್ಯು.

ಮಾರ್ಕ 12:29

ತದೆ ಯೇಸುನೆ, “ಇಸ್ರಾಯೇಲ್‌ನು ಅದ್ಮಿ ಖ್ಹಮಜ಼್! ಖ್ಹಾರೇಥಿ ಮೋಟಿ ಹುಕುಮ್ ಖೆವಿಕತೊ, ‘ಅಪ್ಣೊ ದೇವ್ ಹುಯಿರ‍್ಹೋತೆ ಪ್ರಭು ಎಕ್ಕಸ್ ಜ಼ಣೊ ದೇವ್ ಹುಯಿರ‍್ಹೋಸ್.’

ಮಾರ್ಕ 5:7

ಊಚಿ ಆವಾಜ಼್‌ಮ ಚಿಕ್ರಿನ್, “ಪರಮಂಡಲ್‌ನೊ ದೇವ್ನ ಛಿಯ್ಯಾ ಯೇಸು, ಮಾರೇಥಿ ತುನ ಶಾತ್‌ ಛಾ಼? ದೇವ್ನ ಖ್ಹಾಮ್‌ಬಿ, ಮನ ಖ್ಹತಾವ್ ನಕೊ” ಕರಿ ಬೋಲ್ಯು.

ಮಾರ್ಕ 7:9

ಯೇಸುನೆ ಬಿಜೂ಼ಬಿ ಇವ್ಣುನ, “ತುಮೆ ಕೆತ್ರೆ ಅಕ್ಲಿ ದೇಖೊ! ತುಮೆ ತುಮಾರಿ ಪದತ್ತಿನ ಪಾಡಿಚಾ಼ಲ್ನು ಕರಿ ದೇವ್ನೆ ದಿದೋತೆ ಹುಕುಮ್‌ನ ಕಾಡಿನಾಖಿದೆವೊಸ್‌ನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:34

“ನಜ಼ರೇತ್‌ನೊ ಯೇಸು ಹಮಾರೇಥಿ ತುನ ಶಾತ್‌ ಛಾ಼? ಹಮೂನ ಬರ್ಬಾತ್ ಕರಾನ ಹಜ್ಜಾ಼ ಐರ‍್ಹೋಸ್ಕಿ ಶು? ತೂ ಕೋಣ್ ಕರಿ ಮನ ಮಾಲುಮ್. ತೂ ದೇವ್‍ಥಿ ಬೋಲಿಮೊಕ್‌ಲ್ಯೊ ಹುಯೊ ಪರಿಶುದ್ದ ಹುಯಿರ‍್ಹೋಸ್! ಕರಿ ಬೋಲ್ಯು.

ಯೋಹಾನ 17:3

ಎಕ್ಕಸ್ ಖ್ಹಾಚೊ಼ ದೇವ್ ಹುಯಿರ‍್ಹೋತೆ ತುನಾಬಿ, ತುನೆ ಮೋಕ್‌ಲ್ಯೊತೆ ಯೇಸು ಕ್ರಿಸ್ತನ ಮಾಲುಮ್‌ ಕರಿ ಲೆವಾನೂಸ್‌ ಹರ್‌ಹಮೇಶಾನಿ ಜಿ಼ಂದ್‌ಗಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:17

ಪೌಲಬಿನ್ ಹಮೆ ಜಾ಼ವನಿವಖ್ಹ್‌ತೆ, ಯೊ ಚಿಕ್ರಿ ಬೋಲ್ತಿಹುಯಿನ್, “ಆ ಅದ್ಮಿಖ್ಹಾರು ಘಣೊಊಚೊ಼ ದೇವ್ನು ಸೇವಕ್ ಹುಯಿರ‍್ಹಾಸ್; ತುಮಾರ ಜಾನ್ನ ರಕ್ಷಣೆನು ಮಾರಗ್‌ನ ಅವ್ಣೆ ಬೋಲುಕರಸ್” ಕರಿ ಬೋಲ್ತಿ ರ‍್ಹೇತಿಥಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:15

ಕತೋಬಿ ಏಕ್‌ಹಲ್ಲ ಭೂತ್‍ನೆ ಇವ್ಣುನ, ಮನ ಯೇಸುಬಿ ಮಾಲುಮ್ ಪೌಲಬಿ ಮಾಲುಮ್ ಕತೋಬಿ ತುಮೆ ಕೋಣ್‌ಕರಿ ಫರೈನ್ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:25

ಕತೋಬಿ ಪೌಲನೆ, ನೀತಿ,ಅಜು಼ ಇನುಯೋ ದಾಬುಕ್ ರ‍್ಹವಾನು, ಅಜು಼ ಖ್ಹಾಮ್ಣೆ ಉಳ್ಯಾವತೆ ನ್ಯಾಯತೀರ್ಪ್‌ನಿ ಬಾರೇಮ ಬೋಲಾಮ ಫೇಲಿಕ್ಸನೆ ಡರಿನ್, “ಹಮ್ಕೆ ತೂ ಜಾ಼ ಮನ ವಖ್ಹತ್ ಮಳಾದಿನ್ ತುನ ಬುಲೈಮಂಗೈಷ್” ಕರಿಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:30

ದೇವ್ನೆ ಖ್ಹತ್ನವಾಳಾನ ನೀತಿವಾಳುಕರಿ ತೀರ್ಪ್‌ಕರಾನ ಇವ್ಣಿ ವಿಶ್ವಾಸಸ್ ಆಧಾರ್. ಇಮ್ಮಸ್ ಖ್ಹತ್ನಕೊಂತೆ ಇವ್ಣುನ ತೀರ್ಪ್‌ಕರಾನಾಬಿ ವಿಶ್ವಾಸಸ್ ಕಾರಣ್ ಹುಯಿರುಸ್.

1 ಕೊರಿಂಥ 8:4

ಅಮ್‌ರ‍್ಹವಾಪರ್ ಮೂರತ್ನ ಅರ್ಪಣ್‍ ಕರಿಹುಯು ಖಾಣನ ರಾಛ಼ನ ಖಾವಾನು ಬಾರೇಮ ಜಗತ್‌ಮ ಮೂರತ್ ಶಾತ್ಬಿ ಕಾಹೆಕರಿ ಅಪ್ಣುನ ಮಾಲುಮ್‍ಛಾ಼. ಅಜು಼ ದೇವ್ ಎಕ್ಕಸ್‍ಜ಼ಣೊ ಪಣ್ಕಿ ಬಿಜ಼ ಖಿವೂಬಿ ದೇವ್ ಕೊಯ್ನಿಕರಿ ಮಾಲುಮ್ ಛಾ಼.

1 ಕೊರಿಂಥ 8:6

ಅಪ್ಣುನತೋಬಿ ಎಕ್ಕಸ್ ದೇವ್ ಛಾ಼. ಯೋ ಬಾಕರಿ ಬೋಲೈಲ್ಯಾವಾಳೊ; ಅಖ್ಖೂಸ್ ಉಬ್‍ಜ್ಯೊತೆ ಇನೇಥಿ ಹಮೆ ಇನಖ್ಹಾಜೆ ಜಿವೇಸ್ ಅಜು಼ ಏಕ್‍ನೊ ಏಕ್ಕಸ್‍ಜ಼ಣೊ ಪ್ರಭು ಛಾ಼. ಯೋಸ್ ಯೇಸು ಕ್ರಿಸ್ತ ಇನೇಥಿಸ್ ಹರೇಕ್ ತಯಾರ್‌ಹುಯು. ಇನೇಥಿಸ್ ಹಮೇಬಿ ಇನೇಥಿಸ್ ಛಿಯ್ಯೆ಼.

ಗಲಾತ್ಯ 3:20

ಕತೋಬಿ ಎಕ್ಕಸ್‍ಜ಼ಣೊ ರ‍್ಹಯೂತೊ ಬೀಚ಼್‌ವಾಳೊ ಶಾತ್ಬಿ ಜಾ಼ವಾನು ಹೋಣುಕೊಯ್ನಿ. ದೇವ್‌ತೊ ಎಕ್ಕಸ್ ಜ಼ಣೊ.

1 ತಿಮೊ 2:5

ಶನಕತೊ ಎಕ್ಕಸ್ ದೇವ್ ಅಜು಼ ದೇವ್‌ನಬಿ ಅದ್ಮಿನ ಮಳಾವವಾಳೊ ಎಕ್ಕಸ್ ಜ಼ಣೊ, ಯೋ ಕೋಣ್‌ಕತೊ ಅದ್ಮಿ ಹುಯಿರ‍್ಹೋತೆ ಕ್ರಿಸ್ತ ಯೇಸುಸ್.

ಯಾಕೋಬ 2:8

ಕತೋಬಿ ಧರ್ಮಶಾಸ್ತ್ರಮ ಛಾ಼ತೆ, “ತಾರ ಭೀಡೆವಾಳನ ತಾರಿನಿತರಸ್‍ ಪ್ಯಾರ್ ಕರ‍್ನು!” ಕರಿ ಬೋಲಾನು ರಾಜ಼ನಿ ಹುಕುಮ್‌ನ ಚ಼ಲಾವವಾಳ ಹುಯಿರ‍್ಹಾತೊ ತುಮೆ ಅಛ಼್ಛು ಕರಾವಾಳ ಹುಯಿರ‍್ಹಿಶು.

ಯೂದನೆ ಲೀಖ್ಯೋತೆ ಚಿಟ್ಟಿ 1:4

ಶನಕತೊ ಭಕ್ತಿಕೊಂತೆ, ಅಪ್ಣ ದೇವ್ನ ವಾರ್‌ಖ್ಹಾನ ಭಾಣುಕರಿಲೀನ್‍ ಖ್ಹರಮ್‌ಕೊಂತೆ ಕಾಮ್ನ ಕರವಾಳುಬಿ, ಅಪ್ಣೊ ಎಕ್ಕಸ್ ಯಜಮಾನ್‌ಬಿ ಪ್ರಭು ಯೇಸುಕ್ರಿಸ್ತನ ಝಿಟ್ಕಾರವಾಳು ಥೋಡುಜ಼ಣು ಗಪ್ಲಥ್ಥಿ ಸಬೆಮ ಮಹಿ ಪೇಶಿರ‍್ಹುಸ್. ಅವ್ಣೆ ಅಗಾಡಿಥೂಸ್ ನಿಶತ್‌ನ ನೇಮಕ್‍ಹುಯಿರ‍್ಹುಸ್‍ ಕರಿ ಪವಿತ್ರ ವಚನ್‌ಮ ಲೀಖೈರುಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:6

ಇವ್ಣಿ ಅಧಿಕಾರ‍್ನಿ ಝ಼ಗೋನ ಮ್ಹೇಲಿದಿನ್, ಇನ ಶೊಂತ್ ಝ಼ಗೋನ ಮ್ಹೆಂದಿದಾತೆ ದೇವ್‌ದೂತರ್‌ನ ದೇವ್ನೆ ಕದೇಬಿ ರ‍್ಹವಾನಿ ಖ್ಹಂಕಳ್‌ನ ಜ಼ಡ್‍ಕಿನ್ ಮಹಾದನ್ಮ ಉಷೇತೆ ತೀರ್ಪ್‌ನಖ್ಹಾಜೆ ಇವ್ಣುನ ಅಂಧಾರಿನ ಪಾಳ್ಯಮ ಟಿವಾಡಿರಾಖ್ಯೊಸ್.

ಪ್ರಕಾಶಿತ್ 20:10

ಅತ್ರೇಸ್ ಕಾಹೆತೆ ಇವ್ಣುನ ಠಗಾಯೊತೆ ಶೈತಾನ್ ಆಗ್ ರಂಜ಼ಕ್‌ಖ್ಹಾರು ಲಾಗುಕರಾನ ತಲಾವ್ಮ ನಾಖಿದಿದು ಹಿಜ್ಜಾ಼ ಜಾನ್ವರ್‌ಬಿ ಝೂ಼ಟುಪ್ರವಾದಿ ಖ್ಹಾರೂಬಿ ಹಿಜ್ಜಾ಼ ಥು. ಇವ್ಣೆ ರಾತ್‌ದನ್ ಜ಼ಗ್‌ಜ಼ಮಾನಮಾಬಿ ಖ್ಹತಾಪ್ಣಿ ಪಡುಕರ್ಷೆ.