ಯಾಕೋಬ 1:5 - ದೇವ್ನಿ ಖ್ಹಾಚಿ ವಚನ್

⁵ ಕತೋಬಿ ತುಮಾರಮ ಕಿನಾತೋಬಿ ಗ್ಯಾನ್‍ಕಮ್ ರ‍್ಹಯೂತೊ ಯೋ ದೇವ್ನ ಗಿಂಗೈಲ್ಯವಾದೆ, ದೇವ್ ಚಿಂಘಾವ್‍ಶೆಕೊಂತೆ ಖ್ಹಾರಸ್ನ ದಿಲ್‌ ಛೋ಼ಡಿನ್ ದಿಶೆ.

ಯಾಕೋಬ 1:5 ပူးပေါင်းရင်းမြစ်များ

ಮತ್ತಾಯ 11:20

ತದೆ ಯೇಸುನೆ ಯೋ ಕೈಯೆಕ್ಕಿ ಮಹಾನ್ ಕಾಮ್‌ಖ್ಹಾರು ಕರ‍್ಯೊತೆ ಗಾಮ್‌ವಾಳು ಪಾಪ್ನ ಮ್ಹೇಲಿನ್ ಫರ‍್ಯುಕೊಂತೆ ದೇಖಿನ್‌, ಇವ್ಣುನ ಗುರ್‌ಕಾವಲಗ್ಯೊ.

ಮಾರ್ಕ 16:14

ಬಾದ್‌ಮ ಗ್ಯಾರ‍್ಹ ಜ಼ಣ ಶಿಷ್ಯರ್‌ ಭರೈನ್ ಖಾಣು ಖವ಼್‌ಕರ್ತಥಾತೆ ತದೆ ಯೇಸು ಇವ್ಣುನಾಬಿ ದೆಖಾಯೊ. ಯೋ ಜಿವ್ತೊ ಹುಯಿನ್ ಉಠಾನ ಬಾದ್‌ಮ, ಇನ ದೇಖಾವಾಳನಿ ವಾತೆನ ಇವ್ಣೆ ನಂಬ್ಯುಕೊಂತೆ ಇನಾಖ್ಹಾಜೆ ಯೇಸುನೆ, ಇವ್ಣುನ ವಿಶ್ವಾಸ್‍ಕೊಂತೆ ಅಜು಼ ಇವ್ಣ ಬಂಡಾನ ದಿಲ್‌ನಖ್ಹಾಜೆ ಇವ್ಣುನ ಗುರ್‌ಕಾಯೊ.

ಯೋಹಾನ 14:13

ಅಜು಼ ತುಮೆ ಮಾರ ನಾಮ್‌ಪರ್‌ ಶಾತ್‌ ಮಾಂಗಿಲಿದಾತೋ, ಮೇ ತುಮಾರಖ್ಹಾಜೆ ಯೋ ಖ್ಹಾರುಸ್ ಚ಼ಲೈಶ್‌, ಅನಖ್ಹಾಜೆ ಛಿಯ್ಯಾಥಿ ಬಾನ ಮಹಿಮೆ ಉಶೆ.

ಯೋಹಾನ 15:7

ತುಮೆ ಮಾರಾಮಬಿ ಮಾರಿ ವಚನ್ ತುಮಾರಾಮ ರ‍್ಹಯೀತೊ, ಶಾತ್‌ ಮಾಂಗಿಲಿದಾತೋಬಿ ಯೋ ತುಮೂನ ಮಳ್‌ಶೆ.

ಯೋಹಾನ 4:10

ಯೇಸುನೆ ಯೊ ತಯೇಡನ ಬೋಲ್ಯೊಕಿ, “ತುನ ದೇವ್ನಿ ಬಾರೇಮ ಅತ್ರುಖ್ಹು ಮಾಲುಮ್ ರ‍್ಹಿಯುಹೊತ್ತೊ ಯೊ ಕೋಣ್ ಹುಯಿರೊಸ್, ದೇವ್ ಶಾತ್‌ ದೀರಾಖ್ಯೊಸ್ ಕರಿ, ತುನ ಮಾಲುಮ್ ರ‍್ಹಿಯುಹೊತ್.ತಾರಕನ ಪಿಯ್ಯಾನ ಪಾಣಿ ಮಾಂಗ್ಯೋತೆ ಯೋ ಕೋಣ್ ಕರಿ ಮಾಲುಮ್‌ ರ‍್ಹಯುಹೋತ್ತೊ, ತೂ ಇನಾಕನ ಮಾಂಗಿಲಿದಿಹೊತ್, ಅಜು಼ ಯೋ ತುನ ಜಾನ್ನಪಾಣಿನ ದಿದೋಹೊತ್‌” ಕರಿ ಬೋಲ್ಯೊ.

2 ಕೊರಿಂಥ 2:16

ನಾಶನನ ಮಾರಗ್‍ಮ ರ‍್ಹವಾಳ ಅದ್ಮಿವೋನ ಮರಣ್ಣು ವಾಖ್ಹ್‌ಹುಯಿರಾಸ್, ರಕ್ಷಣೆನ ಮಾರಗ್‍ಮ ರ‍್ಹವಾಳ ಅದ್ಮಿನ ಜಿವ್ತುಜಾನ್ನೊ ಮಾರಗ್ ಹುಯಿರ‍್ಹಾಸ್. ಅಮ್‍ರ‍್ಹವಾಪರ್ ಆ ಕಾಮ್‍ಕರ‍್ವಾನ ಕೋಣ್ ಯೋಗ್ಯ ಹುಯಿರುಸ್?

ಯಾಕೋಬ 1:17

ಖ್ಹಾರೂಸ್ ಅಛ಼್ಛು ತೋಫಬಿ, ಪೂರಹುಯುತೆ ಖ್ಹಾರೂಸ್ ವರಾಬಿ ಉಪ್ಪರ್‌ಥು ಆಯು ಹುಯುಸ್, ಯೋಖ್ಹಾರು ಪರಲೋಕನೊ ಉಜಾ಼ಳನೊ ಬಾಥೀಸ್ ಉತ್ರಿಆವಸ್. ದೇವ್ ಛಾ಼ಳನಿತರ ಬದ್ಲಿಜಾವಾಳೊಬಿ ಕಾಹೆ, ಚ಼ಲ್‍ಪ್ಲಾಟಿನೊ ಖ್ಹಾಯಲ್‍ನೋಬಿ ಕಾಹೆ.

ಯಾಕೋಬ 3:17

ಕತೋಬಿ ದೇವ್‍ಥಿ ಆವಾನಿ ಗ್ಯಾನ್ ಪಹಿಲೆ ಪರಿಶುದ್ ಹುಯಿರ‍್ಹವಾಳು ಇನಪಾರ್ ಸಮಾಧಾನ್‍ವಾಳು, ಶೇದೇವ್‌ ಹುಯಿರ‍್ಹವಾಳು, ವಿಧೇಯ ರ‍್ಹವಾಳುಬಿ, ಗೋರ್‌ಥೀಬಿ ಅಜು಼ ಅಛ್ಛಿ಼ಫಲ್‍ಥೀಬಿ ಭರೈರ‍್ಹವಾಳು, ಶುದ್ಧಮನ್‌ಥಿ ಬೋಲವಾಳು, ಖ್ಹಾಚು಼ ಬೋಲವಾಳುಕರಿ ಖುಷಿಥಿ ಮಾನಿಲ್ಯಾವನು ಹುಯಿರ‍್ಹುಸ್.

ಯಾಕೋಬ 5:16

ಅಮ್‍ರ‍್ಹವಾಪರ್ ತುಮೆ ಗುಣ್ ಹೋಣುಕತೊ ತುಮಾರಿ ಪಾಪ್ನಅಖ್ಖಾನ ಏಕ್‌ಥಿಏಕ್ ಹರ್‌ಕೆ ಕರಿನ್ ಏಕ್‍ ಜ಼ಣಾನಖ್ಹಾಜೆ ಏಕ್‍ಜ಼ಣು ಪ್ರಾರ್ಥನೆಕರೊ. ನೀತಿವಂತಾನು ಪ್ರಾರ್ಥನೆ ಘಣು ಶಕತ್ನು ಹುಯಿರ‍್ಹುಸ್.

1 ಯೋಹಾನ 3:22

ಅಪ್ಣೆ ದೇವ್ನಿ ಹುಕುಮ್‌ನ ಅಖ್ಖುಲೀನ್ ಚಾ಼ಲ್ಯಾತೊ ಇನು ಪಸಂದ್‌ನು ಕಾಮ್‍ಕರವಾಳ ಹುಯಿರ‍್ಹಾತೊ ಅಪ್ಣೆ ಶಾತ್ಬಿ ಮಾಂಗಿ ಲಿಯೆಜಾ಼ಯ್‍.