ಯಾಕೋಬ 1:26 - ದೇವ್ನಿ ಖ್ಹಾಚಿ ವಚನ್

²⁶ ತುಮಾರಮ ಮೆ ಅಛ್ಛೊ಼ಭಕ್ತಕರಿ ಬೋಲಿಲ್ಯಾವಾಳೊ ಕೋಣ್‌ತೋಬಿ ಇನಿ ಜೀಬ್‌ನ ಲಗಾಮ್‌ ನಾ ಘಾಲಿನ್ ಇನ ದಿಲ್ನ ಧೋಕ ಕರವಾಳೊರ‍್ಹಿಯೋತೊ ಇನಿ ಭಕ್ತಿ ಬಿಣ್‌ಫಾಯಿದಾನು ಹುಯಿರ್‍ಹೊಸ್.

ಯಾಕೋಬ 1:26 ပူးပေါင်းရင်းမြစ်များ

ಮತ್ತಾಯ 15:9

ಅದ್ಮಿನ ಖ್ಹೂಜ಼್‌ನಿತರ ಶಿಕಾಡ್ತು ಆಯೂತೆ ಇನಾಸ್ ದೇವ್ನಿ ಹುಕುಮ್‌ನಿಘೋಣಿ ಬೋಲಿಶಿಕಾಡವಾಳ ಅವ್ಣೆ ಮನ ಆರಾದನೆ ಕರಾನು ಕಾಮ್ನಕೊಯ್ನಿ.

ಮಾರ್ಕ 7:7

ಅದ್ಮಿನ ಖ್ಹೂಜ಼್‌ನಿತರ ಶಿಕಾಡ್ತು ಆಯೂತೆ ಇನಾಸ್ ದೇವ್ನಿ ಹುಕುಮ್‌ನಿಘೋಣಿ! ಬೋಲಿಶಿಕಾಡವಾಳ ಅವ್ಣೆ ಮಾರ ಖ್ಹಾಮೆ ಆರಾದನೆ ಕರಾನು ಕಾಮ್ನಕೊಯ್ನಿ’ ಕರಿ ಯೋ ವಾತೆ ಹುಯಿರ‍್ಹೀಸ್!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:18

ಇನಖ್ಹಾಜೇಸ್, ತುಮೆ ಖ್ಹಮ್‍ಜಾ಼ನಿ ವಖ್ಹತ್‌ಮ, ಹೊಷಾರ್‌ಥಿ ಖ್ಹಮ್‌ಜೊ಼; ಶನಕತೊ ಕಿನಾಕನ ಛಾ಼ಕಿ ಇವ್ಣುನ ಬಿಜೂ಼ಬಿ ದೆವಾವ್‌ಶೆ, ಕತೋಬಿ ಕಿನಾಕನ ಕೊಯ್ನಿಕಿ ಇವ್ಣಾಕಂಥು, ಯೋ ಇನುಕರಿ ಸೋಚಾಸ್ತೆ ಇನಾಬಿ ಛಿನೈಲಿಶೆ.

1 ಕೊರಿಂಥ 15:15

ಆನಾಹುಯಿನ್ ಮರ‍್ಯುಹುಯು ಉಠೀನ್ ಆಯುಕರಿ ದೇವ್ ಕ್ರಿಸ್ತಾನ ಉಠಾಡ್ಯೊಸ್ ಕೊಯ್ನಿ; ಉಠಾಡ್ಯೊಕರಿ ಸಾಕ್ಷಿ ದಿದಾತೆ ಅಪ್ಣೆ ದೇವ್ನಿ ಬಾರೇಮ ಝೂ಼ಟಿ ಬೋಲವಾಳ ಹುಯ ದೆಖೈಯೆಸ್

1 ಕೊರಿಂಥ 15:2

ಮೇ ಬೋಲ್ಯೊತೆ ಆ ಸುವಾರ್ತೆನ ತುಮೆ ಘಟ್‍ಥಿ ಧರಿಲಿದಾತೊ ತುಮೂನ ರಕ್ಷಣೆ ಉಷೆ. ನತರ್‌ತೊ ತುಮಾರಿ ವಿಶ್ವಾಸ್ ಬೇಕಾರ್ ಹುಯಿಜಾ಼ಶೆ.

1 ಕೊರಿಂಥ 3:18

ಖೆವೋಬಿ ಏಕ್‍ಜ಼ಣೊ ಇನಾಯೋಸ್ ಧೋಕ ನಕೊ ಕರಿಲ್ಯವಾದೆ ತುಮಾರಮ ಖಿವುತೋಬಿ ಲೋಕ್‌ನಿ ಬಾರೇಮ ಅಕ್ಲಿ ಹುಯಿರ್‍ಹೊಸ್ ಕರಿ ಲ್ಹಾಯತೊ ಯೋ ಅಕ್ಲಿಹುವಾನಖ್ಹಾಜೆ ಪೆದ್ದೊಹುವಾದೆ.

ಗಲಾತ್ಯ 2:6

ಕತೋಬಿ ಕೋಣ್ ಗಲ್‌ಢಕರಿ ದೆಖಾವಸ್ಕಿ ಮೇ ಬೋಲುಸ್ ಆ ಮಾರಮ ಅಜು಼ ಇವ್ಣಾಮ ಅನು ಫರಕ್ ಕೊಯ್ನಿ; ದೇವ್ ಅಖ್ಖಾ ಅದ್ಮಿವ್‌ನ ಎಕ್ಕಸ್ ತರ ದೇಖಸ್. ಯೊ ಗ‌ಲ್‌ಢಾವ್‌ಥಿ ಮನ ಶಾತ್ಬಿ ಮಳ್ಯು ಕೊಯ್ನಿ.

ಗಲಾತ್ಯ 2:9

ಸಬೇನು ಖಂಬುಕರಿ ಬೋಲೈಲಿದಹುಯ ಯಾಕೋಬ್, ಪೇತ್ರ, ಯೋಹಾನ ಇವ್ಣೆ ದೇವ್ನೆ ಮನ ದಿರಾಖ್ಯೋತೆ ವಾರ್‌ಖ್ಹಾನ ಮಾಲುಮ್ ಕರಿಲಿನ್ ಗಳ್‍ಜೋ಼ಡ್‍ಥಿ ರ‍್ಹವಾನು ವತಾಳನಖ್ಹಾಜೆ ಮನಾಬಿ ಬಾರ್ನಬನಾಬಿ ಹಾತ್ ಮಳಾಯೊ. ಅಜು಼ ತುಮೆ ಯೆಹೂದ್ಯರ್‌ಕಾಹೆತೆ ಅದ್ಮಿಕನ ಜಾ಼ವೊ, ಹಮೆ ಯೆಹೂದ್ಯರ್‌ಕನ ಜೈ಼ಯೇಸ್‌ಕರಿ ಮಾನಿಲಿದ.

ಗಲಾತ್ಯ 3:4

ತುಮೆ ಅತ್ರೆಖ್ಹಾರು ಶಿಕ್ಯಾತೆ ಅಖ್ಖು ಕಾಯಿಸ್‌ಕೊಯ್ನಿಕರಿ ಬೋಲಿಯೆಕಿಶು?

ಗಲಾತ್ಯ 6:3

ಶನಕತೊ ಮೆ ಶಾತ್ ನಾ ರ‍್ಹಿಯೋತೋಬಿ, ಇನು ಯೊ ಮೋಟೊಕರಿ ಲ್ಹಾಯೊತೊ ಯೊ ಧೋಕೊ ಖಾವಳೊ ಹುಯಿರ‍್ಹೊಸ್.

ಎಫೆಸ 4:29

ತುಮಾರ ಮ್ಹೋಡೆಥಿ ಖಿವು ಖರಾಬ್ ವಾತೆ ನಾ ಆವ್ಣು. ಕತೋಬಿ ಭಕ್ತಿನ ಭಡಾವಾನಿ ಯೋವೇಳ್ಮ ಬೋಲ್ನುತೆ ವಾತೆ ಹುಯಿರ‍್ಹೇಣು. ತುಮೆ ವಾತೆ ಬೊಲ್ಯಾತೊ ಖ್ಹಮ್‌ಜಾ಼ವಾಳನಾಬಿ ಅಛ಼್ಛು ದೆಖಾವ್‌ಶೆ.

ಎಫೆಸ 5:4

ಗಲೀಜ಼್ ವಾತೆ, ಬೇಕಾರ‍್ನಿ ವಾತೆ, ನಕ್ಲೆಕಾಡಿ ಹಾಖ್ಹಾನು ಆಖ್ಹಾರು ನಕೊ. ಆ ಅಖ್ಖು ಖ್ಹಾಜ಼ಕೊಂತೆ ಹುಯಿರ‍್ಹುಸ್. ಅನಬದಲ್, ತುಮೆ ದೇವ್ನ ಧನ್ಯವಾದ್ ಕರೊ.

ಕೊಲೊಸ್ಸೆ 4:6

ತುಮೆ ವಾತೆಬೋಲಾನಿ ವಖ್ಹತ್‌ಮ ಕದೇಬಿ ವಾರ್‌ಖ್ಹಾನಿ ತರಾಬಿ ಅಜು಼ ರುಚ಼್‌ನಿತರ ರ‍್ಹವಾದೆ. ಅಮ್ನಿಪರಕ್ ತುಮೆ ಹರೇಕ್ ಜ಼ಣನಾಬಿ ಕಿಮ್ ಜ಼ವಾಬ್‍ದೇವ್ಣು ಕರಿಬೋಲಾನು ಮಾಲುಮ್ ಕರಿಲಿಶು.

ಯಾಕೋಬ 1:19

ಮಾರ ಪ್ಯಾರ್‌ನ ಭೈಯೇ ಭೇನೆವೊ ತುಮೆ ಅನ ಅಛ್ಛಿನಿತರ ಮಾಲುಮ್ ಕರ‍್ಲೆವೊ, ಹರೇಕ್‍ಜ಼ಣುಬಿ ಖ್ಹಮ್‍ಜಾ಼ಮ ಚಾ಼ತುರ್‌ರ‍್ಹೀನ್, ವಾತ್‍ಬೋಲಾಮ ಅಜು಼ ಇರಾದೊ ಕರಾಮ ಖ್ಹಮಾಳಿರ‍್ಹೆವೊ.

ಯಾಕೋಬ 1:22

ತುಮೆ ವಚನ್ನಿ ಪರಕ್‍ ಚಾ಼ಲಿಲ್ಯಾವಾಳ ಹುಯಿ‍ರ‍್ಹೆವೊ. ಇನ ಖಲಿ ಖ್ಹಮ್‍ಜಾ಼ವಾಳ ಹುಯಿರ‍್ಹಿನ್ ತುಮಾರು ತುಮೇಸ್ ಧೋಕ ಕರಿಲೇವೊನಕೊ.

ಯಾಕೋಬ 2:20

ಅಲಾ ಬಿಣ್‍ಅಕ್ಲಿ! ಕಾಮ್‍ಕೊಂತೆ ವಿಶ್ವಾಸ್ ಫಾಯಿದೊಕೊಂತೆ ಕರಿ ತುನ ವತಾಳ್‍ನುಕಿ ಶು?

1 ಪೇತ್ರ 3:10

ಶನಕತೊ ಪವಿತ್ರ ದಪ್ತರ್ ಶಾತ್ ಬೊಲಸ್‍ಕತೊ, “ಆ ಜಾನ್ನ ಪ್ಯಾರ್ ಕರ್ತೊಹುಯಿನ್ ಅಛ್ಛದನ್ನ ದೇಖಾನ ಆಖ್ಹ್ ಕರಾವಾಳೊ ಖರಾಬ್ ವಾತ್ ನಕೊ ಬೋಲಾದೆ ಝೂ಼ಟಿ ನಕೊ ಬೋಲಾದೆ.