ಯಾಕೋಬ 1:12 - ದೇವ್ನಿ ಖ್ಹಾಚಿ ವಚನ್

¹² ಕೋಣ್ ತರೀಪ್ಷನ ಖ್ಹಮಾಳಿಲೇಸ್ಕಿ ಯೋ ಧನ್ಯ. ಯೋ ಇನಿ ಶೋದನೆನ ಜುತಿಲಿದೊತೊ ಪ್ರಭು ಇನ ಪ್ಯಾರ್‌ಕರಾವಾಳನ ವಾಗ್ದಾನ್ ಕರ‍್ಯೊತೆ, ಜಾನ್ನು ಕಿರೀಟ್‍ನ ಲೀಲಿಶೆ.

ಯಾಕೋಬ 1:12 ပူးပေါင်းရင်းမြစ်များ

ಮತ್ತಾಯ 10:22

ಮಾರ ಕಾಮ್ನಖ್ಹಾಜೆ ಹರೇಕ್ ಜ಼ಣು ತುಮೂನ ವಹೇರ್‌ ಕರ್ಶೆ. ಕತೋಬಿ ಖ್ಹರ್ತಿಲಗು ಖ್ಹಮಾಳಿಲ್ಯವಾಳು ರಕ್ಷಣೆ ಲಿಶೆ.

ಮತ್ತಾಯ 25:34

ತದೆ ರಾಜಾ಼ ಇನಿ ಖಾವಿ ಬಾಜೂ಼ಮ ಭಿಯುತೆ ಅದ್ಮಿ ಖ್ಹಾರಾನ, ‘ಮಾರ ಬಾನೆ ಆಶೀರ್ವಾದ್‌ ಕರ‍್ಯೊತೆ ತುಮೆ ಆವೊ, ಜಗತ್‌ ಉಬ್‌ಜ್ಯುತೆ ತಪ್‌ಥು ತುಮಾರಖ್ಹಾಜೆ ತೈಯಾರ್ ಹುಯಿರ‍್ಹೂತೆ ರಾಜ್ಯನ ಅಲ್ಲೇವೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:22

ಅದ್ಮಿನ ಛಿಯ್ಯಾನ ಖ್ಹಾಜೇಥಿ ಅದ್ಮಿಖ್ಹಾರು ತುಮೂನ ಖ್ಹರಮ್‌ ಕಾಡಿನ್, ದಾವೊ ಕರೀನ್, ಭಾರ್ ಕಾಡಿನಾಖಿನ್, ತುಮಾರು ನಾಮ್ ಬೋಲಾನುಬಿ ಖರಾಬ್‌ಕರಿ ಝಿಟ್ಕಾರ‍್ಯುತೊ, ತುಮೆ ಧನ್ಯ ಹುಯಿರ‍್ಹಾಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:4

ಖ್ಹಮಾಳಿಲ್ಯವಾನು ಹುಯಿರ‍್ಹುತೆ ಅಪ್ಣುನ ದೇವ್‌ಮ ಘಟ್‍ಥಿ ರ‍್ಹವಾಖ್ಹರ್‌ಕು ಕರಸ್, ಅಜು಼ ದೇವ್‌ಮ ಘಟ್‍ಥಿ ರ‍್ಹಿಯಾತೊ ಅಪ್ಣಾಮ ಭರೋಖ್ಹಾನ ಉಬ್‌ಜಾ಼ವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:28

ಕೋಣ್ ಇನ ಪ್ಯಾರ್ ಕರಾಸ್ಕಿ ಅಜು಼ ಕಿನ ದೇವ್ನಿ ಖ್ಹೂಜ಼್‌ನಿ ಪರಕ್‍ಥಿ ಬುಲಾಯಹುಯಾತೆ ಇವ್ಣಾಮ ಖ್ಹಾರಿಬಾರೇಮ ಅಛ್ಛಾ಼ ಕಾಮ್ನಸ್ ಕರಸ್‍ಕರಿ ಅಪ್ಣುನ ಮಾಲುಮ್ ಛಾ಼.

1 ಕೊರಿಂಥ 2:9

ಇನಖ್ಹಾಜೆ ದೇವ್ನಿ ವಚನ್‍ಮ ಲೀಖಾವನಿತರ, ದೇವ್ನೆ ಇನ ಪ್ಯಾರ್ ಕರವಾಳನಖ್ಹಾಜೆ ಕರಿರಾಖ್ಯೊತೆ ಖ್ಹಾರಸ್ನ ಖಿವು ಡೋಳೊಬಿ ದೇಖ್ಯುಕೊಯ್ನಿ, ಖಿವು ಕಾನ್‌ಬಿ ಖ್ಹಮ್‍ಜ್ಯುಕೊಯ್ನಿ, ಯೊ ಏಕ್‍ಜ಼ಣಾನ ದಿಲ್ನಿ ಖ್ಹಯಾಲ್‌ಮಾಬಿ ಕೊಆಯುನಿ.

1 ಕೊರಿಂಥ 8:3

ಕತೋಬಿ ಕೋಣ್ ದೇವ್ನ ಲಾಡ್‍ಕರಸ್ಕಿ ದೇವ್ನೆ ಇನ ಮಾಲುಮ್ ಕರಿರಾಖ್ಯೋಸ್.

1 ಕೊರಿಂಥ 9:25

ಹರೇಕ್‍ಜ಼ಣು ಖೇಲ್‍ ಖೇಲವಾಳು ಯೊ ಅಖ್ಖಿ ಬಾರೆವ್‌ಮ ಶಿಕೆಹುಯೊ ಹುಯಿರ‍್ಹೆಸ್. ಇವ್ಣೆ ಖರಾಬ್ ಹುಯಿಜಾ಼ಸ್ ಕೊಯ್ನಿತೆ ಕಿರೀಟ್ನ ಲ್ಯವಾನಖ್ಹಾಜೆ ಹಿಮ್ಮತ್ ಕರಸ್. ಕತೋಬಿ ಅಪ್ಣೆತೋಬಿ ಕದೇಬಿ ಮಟಿಜಾ಼ಯಿಕೊಂತೆ ಕಿರೀಟ್ನ ಲ್ಯವಾನಖ್ಹಾಜೆ ಹಿಮ್ಮತ್ ಕರಾವಾಳು ಹುಯಿರ‍್ಹಾಸ್.

2 ತಿಮೊ 2:15

ದೇವ್ನ ಡೋಳಾಮ ಲ್ಹಾಯಕ್‌ನು ಅದ್ಮಿಹುಯಿನ್ ದೆಖೈಲ್ಯವಾನಟೇಕೆ ತಾರಿ ಅಖ್ಖಿ ಶಕಥ್ಥಿ ಕೋಶಿಶ್ ಕರ್‌, ಅನೇಥಿ ವಾತೇಮಾಬಿ ರ‍್ಹವೊ ಇವ್ಣ ಕಾಮ್ ಖ್ಹಾರಾನಾಬಿ ರ‍್ಹವೊ ಖ್ಹರಮ್‌ ಕಾಡಾನಿಘೋಣಿ ನಾರ‍್ಹೇವ್ಣು ಅಜು಼ ದೇವ್ನಿ ಖ್ಹಾಚಿ ವಚನ್ ಬರಾಬರ್‌ಥಿ ಬೋಲಿದ್ಯವಾಳೊ ಹುಯಿರ‍್ಹೆ.

2 ತಿಮೊ 4:8

ದೇವ್ನ ಖ್ಹಾಜಾ಼ನಿಮತ್ ಜಿವವಾಳಾನ ಮಳಾಸ್ತೆ ಜಯಾನಿ ಹಾರ್ ಹಮ್ಕೆ ಮಾರಖ್ಹಾಜೆ ತೈಯಾರ್ ಛಾ಼. ಯೋ ನೀತಿವಾಳೊ ನ್ಯಾವ್‍ನೊ ಅದಿಪತಿ ಹುಯಿರ‍್ಹೋತೆ ಪ್ರಭು, ಯೋ ದನ್ಮ ಮನ ದಿಶೆ, ಮನಾಸ್ ಕಾಹೆತೆ, ಯೋ ಆವ್‌ಶೇತೆ ದೇಕ್ಣು ಕರಿ ಪ್ಯಾರ್‌ಥಿ ಜ಼ಪಿರ‍್ಹೂತೆ ಇವ್ಣುನಾಬಿ ದಿಶೆ.

ಇಬ್ರಿ 10:32

ಅಮ್ ರ‍್ಹವಾಪರ್ ತುಮೆ ಗ್ಯಾನ್ನು ಉಜಾ಼ಖ್ಹ್‌ ಲೀರಾಖಪರ್‌ ತದೆ ದೇವ್ನಿ ಉಜಾ಼ಖ್ಹ್‌ ತುಮಾರಪರ್ ಥು. ರ‍್ಹಯುತೋಬಿ ತುಮೆ ಕೈಯೇಕ್ ವದೆಖ್ಹ್‌ಮ ತುಮೆ ಖ್ಹಮಾಳ್ಯಾತೆ ದನ್ನ ಯಾದ್ ಕರಿಲೆವೊ;

ಇಬ್ರಿ 11:17

ದೇವ್‌ಥಿ ಅಬ್ರಹಾಮ್ ತರೀಪ್ಷ ಹುವಾನಿ ವಖ್ಹ್‌ತೆ ಇಸಾಕನ ವಿಶ್ವಾಸ್‌ಥೀಸ್ ಅರ್ಪಣ್ ಕರ‍್ಯೊ. ಯೋ ವಾಗ್ದಾನ್‍ಖ್ಹಾರು ಲಿದೋತೆ ಇನೆ ಇಸಾಕಥಿ ಪೈದಹುವವಾಳುಸ್ ತಾರು ಪಿಳ್ಗಿಕರಿ ಬೋಲೈಲಿಷೆಕರಿ ದೇವ್ನೆ ಇನ ಬೋಲಿರಾಖ್ಯೊತೋಬಿ ಇನ ಎಕ್ಕಸ್ ಛಿಯ್ಯಾನ ಅರ್ಪಣ್ ಕರ‍್ಯೊ.

ಇಬ್ರಿ 12:5

ಲಡ್ಕಾವ್‍ನ ಬೋಲಾನಿತರ ತುಮುನ ಬೋಲಿನ್ ಹುಮ್ಮಖ್ಹ್‌ನಿ ವಾತೆವ್‌ನ ಭೈಕಿಗಯಕಿಶು? ಯೊ ಶಾತ್‌ಕತೊ ಮಾರ ಛಿಯ್ಯಾ ಪ್ರಭುನಿ ನಿಶತ್ ಝಿಟ್ಕಾರ್‌ ನಕೊ. ಯೊ ತುನ ಗುರ್‌ಕಾವನಿ ವಖ್ಹ್‌ತೆ ಬೇಜಾರ್ ನಕೊಕರ್.

ಇಬ್ರಿ 6:15

ಅಮ್ ಅಬ್ರಹಾಮ್‌ನೆ ಖ್ಹಮಾಳವಾಳೊ ಹುಯಿನ್ ಟಿವೈರ‍್ಹೀನ್ ವಾಗ್ದಾನ್ನ ಲೀಲಿದೊ.

ಯಾಕೋಬ 2:5

ಮಾರ ಪ್ಯಾರ್‌ನ ಭೈಯೇ ಭೇನೆವೊ ಖ್ಹಮ್‍ಜೊ ದೇವ್ ಆ ಜಗತ್‌ನು ಗರೀಬ್‌ನ ವಿಶ್ವಾಸ್‌ಮ ಶೌಕಾರ್ ಬಣೈನ್‍ಬಿ ಇನ ಪ್ಯಾರ್ ಕರಾವಾಳನ ದೇವ್ನೆ ವಾಗ್ದಾನ್ ಕರ‍್ಯೊತೆ ರಾಜ್ಯನ ಭಾದ್ಯ ಬಣೈನ್‍ಬಿ ರ‍್ಹೇವ್ಣುಕರಿ ಚೂ಼ಣಿಲಿದೊ ಕೊಯ್ನಿಕಿಶು?

ಯಾಕೋಬ 5:11

ಹಂದೇಖೊ, ಖ್ಹಮಾಳಿಲ್ಯಾವಾಳನ ಧನ್ಯಕರಿ ಅಪ್ಣೆ ಗಣ್ತಿ ಕರಿಯೇಸ್ ಕೊಯ್ನಿಕಿಶು, ತುಮೆ ಯೋಬಮ ಥೂತೆ ಖ್ಹಮಾಳಿಲ್ಯವಾನಿ ಬಾರೇಮ ಖ್ಹಮ್‍ಜೊ, ಪ್ರಭು ಇನ ಖ್ಹರ್ತಿಮ ಕರ‍್ಯೊತೆ ದೇಖೊ. ಪ್ರಭು ಗೋರ್‌ವಾಳೋಬಿ ಅಜು಼ ದಯಾಕರವಾಳೊಬಿ ಹುಯಿರ್‍ಹೊಸ್ ಕರಿ ಖ್ಹಮ್‌ಜಿರಾಖ್ಯಾಸ್‌.

1 ಪೇತ್ರ 3:14

ಏಕ್‌ ವಖ್ಹತ್ ತುಮೆ ನೀತಿನ ಖ್ಹಾಜೆಸ್ ಖ್ಹತಾಪ್ಣಿ ಪಡ್ಯಾತೊ ತುಮೆ ಧನ್ಯ ಹುಯಿರ‍್ಹಾಸ್. ಖಿವಿ ಧಮ್ಕಿನ ತುಮೆ ಡರೊನಕೊ, ಅಜು಼ ವೇಚ಼್‌ಣೆ ನಕೊಕರೊ.

1 ಪೇತ್ರ 4:13

ಕತೋಬಿ ತುಮೆ ಕೆತ್ರೆಪರಕ್ಮ ಕ್ರಿಸ್ತನಿ ಖ್ಹತಾಪ್ಣಿವ್‌ಮ ಭಾಗ್‌ವಾಳ ಹುಯಿರಾಸ್ಕಿ ಎತ್ರಸ್‍ಪರಕ್ಮ ಖುಷಿ ಪಡೊ. ಇನಖ್ಹಾಜೆ ಯೋ ಮಹಿಮೆಥಿ ಆವಾದಿನ್ ತುಮೆ ದೇಖಿನ್ ಘಣಿ ಖುಷಿಥಿ ಭರೈಜಾಶು.

1 ಪೇತ್ರ 4:14

ತುಮೆ ಕ್ರಿಸ್ತನಿ ನಾಮ್ನಖ್ಹಾಜೆ ಚಿಂಘಾವ್ಣಿನ ಶುಶತ್ ಹುಯೂತೊ ಧನ್ಯ. ಮಹಿಮೆನು ಆತ್ಮ ಹುಯಿರ‍್ಹೋತೆ ದೇವ್ನು ಆತ್ಮ ತುಮಾರಮ ತಳ್‍ಗಾಠಿ ಛಾ಼ನಿ.

1 ಪೇತ್ರ 5:10

ಕ್ರಿಸ್ತ ಯೇಸುಮ ತುಮುನ ಹಮೇಶಾನಿ ಮಹಿಮೆನ ಬುಲಾಯೋತೆ ಭರ್‌ಪೂರ್‌ ವಾರ್‌ಖ್ಹಾನೊ ದೇವಸ್, ತುಮೆ ಥೋಡುವಖ್ಹತ್ ಖ್ಹತಾನ ಬಾದ್ಮ ತುಮುನ ಅಛ್ಛಿರ‍್ಹಾಮ ಲೀಅಯಿನ್ ತಳ್‌ಗಠೈನ್‌ ತಾಖತ್‍ದಿಷೆ.

1 ಪೇತ್ರ 5:4

ಮೋಟೊ ಕುರುಬ ದೆಖಾವನಿ ವಖ್ಹ್‌ತೆ ತುಮೆ ಕದೇಬಿ ಮಹಿಮೆನಿ ಕಿರೀಟ್ನ ಲೀಲಿಶು.

1 ಯೋಹಾನ 4:19

ದೇವ್ ಅಪ್ಣುನ ಪಹಿಲೆ ಪ್ಯಾರ್ ಕರ‍್ಯೊತೆ ಇನಖ್ಹಾಜೆ ಅಪ್ಣೆ ಇನ ಪ್ಯಾರ್ ಕರಿಯೇಸ್.

ಪ್ರಕಾಶಿತ್ 2:10

ತುನ ಹುವಾನು ಖ್ಹತಾಪ್ಣಿನಖ್ಹಾಜೆ ನಕೊ ಡರಿಶ್. ಹಂದೇಕ್ ತುಮುನ ತರೀಪ್ಷಕರಾನ ಶೈತಾನ್ನ ತುಮಾರಮ ಥೋಡಾನ ಜೇಲ್‌ಮ ಘಾಲ್ನು ಕರಿ ಛಾ಼ ಅಜು಼ ದಖ್ಹ್‌ ದನ್‌ಲಗು ತುಮುನ ಖ್ಹತಾಪ್ಣಿರಿಷೆ. ತು ಮರಾಲಗು ವಿಶ್ವಾಸ್‌ನ ಯೋಗ್ಯಹುಯಿರೆ, ಮೇ ತುನ ಜಾನ್ನು ಕಿರೀಟ್‍ನ ದೆವಾಳೊ ಛೂ಼.

ಪ್ರಕಾಶಿತ್ 3:19

ಮೇ ಕಿನಕಿನ ಪ್ಯಾರ್ ಕರೂಸ್ಕಿ ಇವ್ಣುನ ಗುರ್‌ಕವುಸ್ ಅಜು಼ ನಿಶತ್‌ ದೆವುಸ್. ಇನಖ್ಹಾಜೆ ತೂ ಹೊಷಾರ್‌ಥಿ ರ‍್ಹೇ. ಮನ್ ಫರೈನ್ ದೇವ್‌ಭಣಿ ಫರಿಜಾ಼.

ಪ್ರಕಾಶಿತ್ 3:21

ಮೇ ಜೂತಿನ್ ಮಾರ ಬಾನಿ ಜೋ಼ಡ್ಮ ಸಿಂಹಾಸನ್‌ಮ ಬೆಠೂತೆ ತಿಮ್ಮಸ್ ಜೂತಹುಯಾನ ಮಾರ ಜೋ಼ಡೆ ಸಿಂಹಾಸನ್‌ಮ ಬೇಖ್ಹಾನಿ ಅಧಿಕಾರ‍್ನ ಮೇ ದಿಶ್.