ಇಬ್ರಿ 8:9 - ದೇವ್ನಿ ಖ್ಹಾಚಿ ವಚನ್

⁹ ಆ ಒಪ್ಪಂದ ಮೇ ಅವ್ಣ ಗುರುಗುರುಬ್‌ಲ್ಯನ ಹಾತ್ ಧರಿನ್ ಈಜಿಪ್ಟ್ ದೇಖ್ಹ್‌ಮಾಥೊ ಹಾತ್‌ಧರಿನ್‌ ಬುಲೈಲಿನ್ ಆಯೋತೆ ದನೂಮ ಇವ್ಣಿ ಜೋ಼ಡ್ಮ ಕರೀಲಿದೊತೆ ಒಪ್ಪಂದನಿತರ ಕಾಹೆ. ಶನಕತೊ ಇವ್ಣೆ ಮಾರಿ ಒಪ್ಪಂದಮ ಘಟ್‍ಥಿ ಭಿಯುಕೊಂತೆ ಇನಾಖ್ಹಾಜೆ ಮೇ ಇವ್ಣುನ ಫಿಕರ್ ಕೊಕರ‍್ಯೋನಿ’ ಕರಿ ಪ್ರಭು ಬೋಲಾಸ್.

ಇಬ್ರಿ 8:9 ပူးပေါင်းရင်းမြစ်များ

ಮಾರ್ಕ 8:23

ಯೇಸುನೆ ಯೋ ಕಾಣಾನ ಹಾತ್ ಧರೀನ್ ಗಾಮ್‌ನ ಭಾರ್ ಬುಲೈಲೀಜೈ಼ನ್, ಇನ ಡೋಳಾಪರ್‌ ಥೂಕಿನ್, ಇನಾಪರ್‌ ಹಾತ್‌ ಮ್ಹೇಲೀನ್‌, “ತುನ ಶಾತ್‌ತೋಬಿ ದೆಖಾವಸ್ಕಿ ಶು?” ಕರಿ ಇನ ಪುಛಾ಼ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:11

ಹಂದೇಕ್ ಪ್ರಭು ತಾರಿ ವಿರೋದ್ ಹಾತ್‍ಪಾಡಿರಾಖ್ಯೊಸ್. ತೂ ಕಾಣೊಹುಯಿಶ್ ಥೋಡದನ್ ಶಾತ್ಬಿ ದೇಖಿಶ್‌ ಕೊಯ್ನಿ; ಚಾ಼ಂದ್‌ನು ಉಜಾ಼ಳುಬಿ ದೇಖಿಶ್‍ಕೊಯ್ನಿ.” ಕರಿ ಬೋಲ್ಯೊ. ತದೆ ಎಲಿಮನ ಅಖ್ಖೂಸ್ ಅಂಧಾರುಹುಯಿಗು. ಇನ ಕೋಣ್‌ತೋಬಿ ಹಾತ್‍ಧರಿ ಚ಼ಲಾವಾದೆಕರಿ ಯೋ ಢೂಂಡ್ತೊಹುಯಿನ್ ಫರುಕರ್ತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:36

ಇನಖ್ಹಾಜೆ ಮೋಶೆನೆ ಅದ್ಮಿಖ್ಹಾರನ ಈಜಿಪ್ಟ್ ದೇಖ್ಹ್‌ಮಾಥು ಬುಲೈಲಿ ಆಯೊ. ಯೊ ಖ್ಹಣೇದ್‍ನು ಕಾಮ್‌ಖ್ಹಾರು, ಅದ್ಬುತ್‌ಕಾಮ್‌ಖ್ಹಾರಥಿ ಈಜಿಪ್ಟ್‌ಮಾಬಿ ಅಜು಼ ಲಾಲ್‍ದರ‍್ಯಾವ್‍ಮಾಬಿ ಚಾ಼ಳಿಖ್ಹ್ ವರಖ್ಹ್ ಜ಼ಂಗಳ್‌ಮ ಚ಼ಲೈಲಿನ್ ಆಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:8

ಸೌಲ ಜ಼ಮೀನ್‍ಪರ್ಥೊ ಉಠೀನ್ ಡೋಳ ಪಾಡಮ ಶಾತ್ಬಿ ಕೋ ದೆಖಾಯುನಿ. ಇನಖ್ಹಾಜೆ ಇವ್ಣೆ ಇನ ಹಾತ್‍ಧರೀನ್ ದಮಸ್ಕಮ ಬುಲೈಲಿನ್ ಗಯ.

ಗಲಾತ್ಯ 4:24

ಆ ವಾತೆಖ್ಹಾರು ಮಾಲುಮ್ ಕರಾನು ಹುಯಿರ‍್ಹುಸ್. ಕಿಮ್‌ಕತೊ ಯೋ ಭೇ ತಯೇಡ ಬೇ ಒಪ್ಪಂದ ಹುಯಿರ‍್ಹುಸ್. ಏಕ್‌ ಒಪ್ಪಂದ ಸೀನಾಯಿ ಪರ್ಭತ್ ಉಬ್ಜಿನ್ ಗುಲಾಮ್ ಹುಯಿನ್ ರ‍್ಹವಾನ ಲಡ್ಕಾನ ಪೈದಕರಸ್ತೆ; ಯೋಸ್ ಹಾಗರ್.