ಇಬ್ರಿ 8:6 - ದೇವ್ನಿ ಖ್ಹಾಚಿ ವಚನ್

⁶ ಕತೋಬಿ ಯೇಸು ಇನೇಥಿಬಿ ಮಹಾನ್ ಯೊ ಯಾಜಕವ್ನ ಕಾಮ್‍ಥೀಬಿ ಘಣು ಮಹಾನ್ ಯಾಜಕ್‌ನಿ ಸೇವೆ ಲೀರಾಖ್ಯೊಸ್. ಅಮ್ನಿ ಪರಕ್ಮ ಯೇಸು ಇನ ಆದ್ಮೆವ್ನಖ್ಹಾಜೆ ದೇವ್‍ಥಿ ಲಾಯೊತೆ ಒಪ್ಪಂದ ಜೂ಼ನೇಥೀಬಿ ಮಹಾನ್ ಹುಯಿರ‍್ಹುಸ್. ಶನಕತೊ ಯೊ ಅಛ್ಛಿ ವಾಗ್ದಾನ್‌ಥಿ ಅಜು಼ ಅಛ್ಛಿ ಒಪ್ಪಂದನ ಮಳಾವವಾಳೊ ಹುಯಿರೋಸ್.

ಇಬ್ರಿ 8:6 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:20

ಇಮ್ಮಸ್ ಖಾಣನ ಬಾದ್‌ಮ, ಯೇಸುನೆ ಕಟೋರಿನ ಪಾಡೀನ್, “ಆ ಕಟೋರಿ ತುಮಾರಖ್ಹಾಜೆ ರಂಚಾ಼ವನು ಮಾರು ಲ್ಹೋಯಿಥಿ ಬಣೈರ‍್ಹುತೆ. ನವಿ ಒಪ್ಪಂದ ಹುಯಿರ‍್ಹೂಸ್, ಅನ ಮಾರ ಲ್ಹೋಯಿಥಿ ಮುದ್ರೊ ಮರೈರ‍್ಹೂಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:4

ಇಸ್ರಾಯೇಲ್‌ವಾಳು ಹುಯಿರ‍್ಹುತೆ ಇವ್ಣುನ ಇನಿ ಲಡ್ಕಾವ್‌ನಿ ಘೋಣಿಬಿ ಮಹಿಮೆನ ವತಾಳಿರಾಖ್ಯುಸ್, ಒಪ್ಪಂದಾನ ಅಖ್ಖೂಬಿ, ಧರ್ಮಶಾಸ್ತ್ರ ದೇವವಾನುಬಿ, ಮಂದಿರ್‌ನಿ ಸೇವೆಬಿ ಅಜು಼ ವಾಗ್ದಾನ್‌ಬಿ ಲೀರಾಖ್ಯುಸ್.

ಎಫೆಸ 2:12

ತ್ಯೊ ಹಗಾಮ್ಮ ತುಮೆ ಕ್ರಿಸ್ತಥಿ ಅಲಕ್ ಹುಯಿರ‍್ಹಾಥ, ಇಸ್ರಾಯೇಲ್‌ವಾಳಾನಿ ಹಕ್‌ಮ ಕೊಹುಯಿರ‍್ಹಾಥಾನಿ. ದೇವ್ ಇನ ಅದ್ಮಿನ ಜೋ಼ಡೆ ವಾಗ್ದಾನ್ ಕರಿರಾಖ್ಯೊತೆ ಒಪ್ಪಂದಾಮ ತುಮೆ ವಾಟೊ ಹುಯಿರ‍್ಹಾಥ ಕೊಯ್ನಿ ಅಜು಼ ತುಮೆ ಆ ಜಗತ್ನ ಭರೋಖ್ಹಾಮ ಥಾ. ಅಜು಼ ತುಮೆ ದೇವ್ನ ಮಾಲುಮ್‌ ಕರಿರಾಖ್ಯಥಕೊಯ್ನಿ.

1 ತಿಮೊ 2:5

ಶನಕತೊ ಎಕ್ಕಸ್ ದೇವ್ ಅಜು಼ ದೇವ್‌ನಬಿ ಅದ್ಮಿನ ಮಳಾವವಾಳೊ ಎಕ್ಕಸ್ ಜ಼ಣೊ, ಯೋ ಕೋಣ್‌ಕತೊ ಅದ್ಮಿ ಹುಯಿರ‍್ಹೋತೆ ಕ್ರಿಸ್ತ ಯೇಸುಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:2

ಆಹೈರುತೆ ಖ್ಹಾಚ ಜಿ಼ಂದ್‌ಗೀನ ಭರೋಖ್ಹಾಪರ್ ಆಧಾರ್ ಹುಯಿರ‍್ಹೂಸ್. ದೇವ್ ಕೆದೇಬಿ ಝೂ಼ಟಿ ಬೋಲಾಕೊಯ್ನಿ. ಯೋ ಜಿವ್ಣಾನಿ ಬಾರೇಮ ಅಪ್ಣುನ ದಿಶೆ ಕರಿ ಹಗಾಮ್ನ ಪಹಿಲೆಥೂಸ್ ವಾಗ್ದಾನ್‌ ಕರಿರಾಖ್ಯೋಸ್.

ಇಬ್ರಿ 12:24

ನವ ಒಪ್ಪಂದಾನ ಇಚ಼್‌ಮ ರ‍್ಹವಾಳೊ ಯೇಸುಕನಬಿ ಹೇಬೆಲನ ಲ್ಹೋಯಿಥೀಬಿ ಮಹಾನ್ ವಾತೆ ಬೋಲಾಸ್ತೆ ಛಿಡ್‌ಕಾಯುತೆ ಲ್ಹೋಯಿಕನಾಬಿ ಐರ‍್ಹಾಸ್.

ಇಬ್ರಿ 7:22

ಅನಿ ಫರಕ್ ಶಾತ್‌ಕತೊ ಯೇಸು ಆಣ್‌ನಿ ಜೊ಼ಡ್ಮಾಸ್ ಮಹಾನ್ ಒಪ್ಪಂದಾನ ಆಧಾರ್ ಹುಯೊ.

2 ಪೇತ್ರ 1:4

ತುಮೆ ಲೋಕ್‌ನಿ ಲಾಲಚ್‌ಥಿ ಆವಸ್ತೆ ಖರಾಬ್‌ಥಿ ಛು಼ಕಿನ್, ದೇವ್ನಿ ಚಾ಼ಲ್‌ಮ ಭಾಗ್‌ಲ್ಯವಾಳ ಹೋಣುಕರಿ ಬೋಲಿನಸ್ ದೇವ್ನೆ ಇನಿ ಮಹಾನ್ ಅಜು಼ ಅಮೂಲ್ಯ ಹುಯಿರ‍್ಹೀತೆ ವಾತೇನ ಅಪ್ಣುನ ದಿದೊ.