ಇಬ್ರಿ 8:2 - ದೇವ್ನಿ ಖ್ಹಾಚಿ ವಚನ್

² ಯೋ ಪವಿತ್ರ ಝ಼ಗೋಮ ಅದ್ಮಿಥಿಕಾಹೆತೆ, ಪ್ರಭುನೇಸ್ ಬಣಾಯೋತೆ ದೇವ್ನು ದರ್ಶನಾನ ಡೇರಾಮ ಯಾಜಕ್ನು ಕಾಮ್‍ಕರಾವಾಳೊ ಹುಯಿರ‍್ಹೊಸ್.

ಇಬ್ರಿ 8:2 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:44

ಅಜು಼ ಯೇಸುನೆ ಇವ್ಣುನ, “ಮೇ ತುಮಾರ ಜೋ಼ಡೆಸ್ ಥೋತೆ ತದ್ದೇಸ್, ಆ ಖ್ಹಾರು ತುಮೂನ ಬೋಲ್ಯೊಥೋನಿ. ಮೋಶೇನು ಧರ್ಮಶಾಸ್ತ್ರ, ಪ್ರವಾದಿಯೇನು ಪುಸ್ತಕ್‌ಮ ಅಜು಼ ಕೀರ್ತನೇಮ ಮಾರಿ ಬಾರೇಮ ಲೀಖೈರ‍್ಹೂತೆ ಅಖ್ಖು ಪೂರಹುವಾನು ಜ಼ರೂರತ್ ಛಾ಼ ಕರಿ ಮೇ ತುಮೂನ ಬೋಲ್ಯೊಥೊ ಕೊಯ್ನಿಕಿ ಶು?” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:8

ಶನಕತೊ ಕ್ರಿಸ್ತಾನು ಸೇವೆನು ಜಿವ್ಣು ಯೆಹೂದ್ಯರ್‌ನ ಸಾಕ್ಷಿ ಹುಯಿರ‍್ಹುಸ್‌ಕರಿ ಮೇ ಬೋಲುಸ್, ಕತೋಬಿ ದೇವ್ನೆ ಗುರುಗುರಬ್‍ಲ್ಯನ ಕರ‍್ಯೊತೆ ವಾಗ್ದಾನ್‍ಖ್ಹಾರು ಖ್ಹಾಚ಼ನ ಒತಾಳನಖ್ಹಾಜೆ ಖ್ಹತ್ನಕರಿ ಪದತ್ತಿನ ಖ್ಹಾಜೇಥಿಬಿ ಕ್ರಿಸ್ತ ಯೆಹೂದ್ಯರ್‌ನೊ ಚಾ಼ಕ್ರಿವಾಳೊ ಬಣ್ಯೊ.

2 ಕೊರಿಂಥ 5:1

ಧರ್ತಿಪರ್ ಅಪ್ಣೆ ಜಿವಿರ‍್ಹಾತೆ ಆ ಡೇರೊ ಕತೊ ಆ ಶರೀರ್ ನಾಶ ಉಷೆಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ಜಿವಿರ‍್ಹಾವಾನ ಖ್ಹಾಜೆ ದೇವ್ ಅಪ್ಣುನ ಏಕ್‌ ಘರ್‌ದಿಶೆ. ಯೋ ಅದ್ಮಿನ ಹಾತೇಖ್ಹು ಕರ‍್ಯುಹುಯು ಘರ್‌ಕಾಹೆ. ಯೋ ಪರ್‌ಲೋಕ್‌ಮ ದೇವ್‍ಥಿ ಬಣಾಯುಹುಯು ಹರ್‌ಹಮೇಶ ರ‍್ಹವಾನು ಘರ್ ಹುಯಿರುಸ್.

ಕೊಲೊಸ್ಸೆ 2:11

ದೇವ್ನೆ ಇನಾಮ ತುಮುನ ಅದ್ಮಿನ ಹಾತೇಥಿ ಕರಾನ ಕೊಹುವಾನಿತೆ ಖ್ಹತ್ನಾನ ಕರಿರಾಖ್ಯೊಸ್. ಕ್ರಿಸ್ತನು ಖ್ಹತ್ನ ಶರೀರ್‌ನು ಪಾಪ್ನ ಸ್ವಭಾವ್‌ನ ಕಾಡಿನಾಖಸ್‌.

ಇಬ್ರಿ 10:11

ಹರೇಕ್ ಯಾಜಕ್‍ಬಿ ದನ್‍ಪರೋಜ಼್ ಚಾ಼ಚ಼ರ್‌ನು ಸೇವೆಕರ್ತೊಥೊ. ಇಮ್ಮಸ್ ಕೈಯೆಕ್‌ಹಲ್ಲ ಬಲಿದಾನ್‌ ಕರ್ತೊಥೊ ಕತೋಬಿ ಅನೇಥಿ ಪಾಪ್ನ ಕಾಡಿನಾಖನ ಕೊಹುಯುನಿ.

ಇಬ್ರಿ 10:21

ಅಜು಼ ದೇವ್ನ ಘರ್‌ಪರ್ ಅಧಿಕಾರ್‌ ರ‍್ಹವಾಳೊ ಮಹಾನ್ ಯಾಜಕ್ ಅಪ್ಣುನ ಛಾ಼.

ಇಬ್ರಿ 11:10

ಶನಕತೊ ಇನೆ ಹಮೇಶ ಹದಿಪಾಯ ರ‍್ಹವಾನು ನಂಗರ‍್ನ ಕತೊ ದೇವ್ನೆ ಖ್ಹೂಜ಼್‌ಕರೀನ್ ತಯಾರ್ ಕರಿರಾಖ್ಯೊಸ್ತೆ ನಂಗರ‍್ನ ಅಬ್ರಹಾಮ್ ಮ್ಹೋರೆ ದೇಖುಕರ್ತೊಥೊ.

ಇಬ್ರಿ 9:1

ಪಹಿಲ ಒಪ್ಪಂದಾಮ ಆರಾದನೇನು ರೀತಿರಿವಾಜ್‌ ಅಖ್ಖುಥು ಅಜು಼ ಯೊ ಝ಼ಗೋ ಅಛ್ಛು಼ಥು.

ಪ್ರಕಾಶಿತ್ 21:3

ಆ ನಾಹುಯಿನ್ ಸಿಂಹಾಸನ್‌ಥು ಏಕ್‌ ಮೋಟು ಅವಾಜ಼್ ಮೆ ಖ್ಹಮ್‌ಜೊ. ಯೊ ಅವಾಜ಼್ ದೇಖೊ, ದೇವ್ನು ಘರ್‌ ಅದ್ಮಿನಿ ಜೋ಼ಡ್ಮ ಛಾ಼. ಯೊ ಇವ್ಣಿ ಜೋ಼ಡ್‌ಮರ‍್ಹಿಷೆ. ಇವ್ಣೆ ಇನವಾಳ ಹುಯಿರ‍್ಹಿಷೆ ಅಜು಼ ಯೊ ಇವ್ಣೊ ದೇವ್ ಹುಯಿರ‍್ಹಿಷೆ.