ಇಬ್ರಿ 8:1 - ದೇವ್ನಿ ಖ್ಹಾಚಿ ವಚನ್

¹ ಹಮ್ಕೆ ಹಮೆ ಬೋಲಾನಿ ವಾತೆಖ್ಹಾರಿ ಜ಼ರೂರ‍್ನಿವಾತೆ ಶಾತ್‍ಕತೊ, ಪರ್‌ಲೋಕ್‌ಮ ಊಚಿ ಸಿಂಹಾಸನ್ನ ಖಾವಿಬಾಜು಼ಮ ಬೇಠೊರ‍್ಹವಾಳೊ ಮಹಾಯಾಜಕ್ ಅಪ್ಣುನ ಛಾ಼.

ಇಬ್ರಿ 8:1 ပူးပေါင်းရင်းမြစ်များ

ಮಾರ್ಕ 16:19

ಯೇಸು ಪ್ರಭುನೆ ಇವ್ಣ ಜೋ಼ಡೆ ಆ ಖ್ಹಾರು ಬೋಲಿನ್ ಹುಯಿಜಾ಼ವಾನ ಬಾದ್‌ಮ ಇಮ್ಮಸ್ ಸೊರ್ಗಮ ಪಡೈಗಯೊ ಅಜು಼ ಯೇಸು ದೇವ್ನ ಖಾವಿ ಬಾಜು಼ಮ ಬೇಶಿಗಯೊ.

ಎಫೆಸ 6:20

ಯೊ ಅಛ್ಛಿ ಸಂದೇಶ್ನ ಲೀಜಾ಼ವಳೊ ಹುಯಿರ‍್ಹೋತೆ ಮೆ ಜೇಲ್‌ಮ ಖ್ಹಂಕಳ್‌ಥಿ ಬಂಧಿಹುಯಿನ್ ಪಡ್ಯೊಸ್. ಇನಿ ಬಾರೇಮ ಮೆ ಬೋಲ್ನುತೆ ಇಮ್ಮಸ್ ಭಾಲಿಥಿ ಮೆ ಬೋಲಾನಿತರ ಮಾರ ಖ್ಹಾಜೆ ಬಿಂತಿಕರೊ.

ಕೊಲೊಸ್ಸೆ 3:1

ತುಮೆ ಕ್ರಿಸ್ತನಿ ಜೋ಼ಡ್ಮ ಜಿವ್ತುಹುಯಿನ್ ಉಠೀನ್ ಆವಾನು ರ‍್ಹಯೂತೊ ಸೊರ್ಗಮ ರ‍್ಹೇಯ್ತೆ ಇನಾಸ್ ಢೂಂಡೊ, ಹಿಜ್ಜಾ಼ ಕ್ರಿಸ್ತ ದೇವ್ನು ಖಾವಿಬಾಜು಼ಮ ಬೆಠೋಸ್.

ಇಬ್ರಿ 1:13

ಕತೋಬಿ ಖೆವ ದೇವ್‌ದೂತರ್‌ನತೋಬಿ ದೇವ್ನೆ, ಮೇ ತಾರ ದುಶ್‌ಮನ್ನ ತಾರ ಗೋಡಾನ ರಚ್ಚಾ಼ಕನ ನಾಖತೋಡಿ ತು ಮಾರಿ ಖಾವಿ ಬಾಜೂ಼ಮ ಬೆಠೋರೆ ಕರಿ ಕದೆತೋಬಿ ಬೋಲ್ಯೊಥೋಕಿ ಶು?

ಇಬ್ರಿ 1:3

ಯೋಸ್ ದೇವ್ನು ಮಹಿಮೆನು ಉಜಾ಼ಖ್ಹ್‌ಬಿ, ದೇವ್ನಿ ಪ್ರತಿರೂಪ್‌ಬಿ, ಇನಿ ವಚನ್ ಶಕಥ್ಥಿ ಅಖ್ಖಾಸ್ನ ಆಧಾರ್ ಹುಯಿನ್ ಯೋಸ್ ಅದಮ್‍ಜ಼ಮಾನನಿ ಪಾಪ್ನ ಶುದ್ದಿಕರಿನ್ ಸೊರ್ಗಾಮ ಮಹಾನ್ ದೇವ್ನು ಖಾವಿಬಾಜು಼ಮ ಬೇಶಿಗಯೊ.

ಇಬ್ರಿ 10:12

ಕತೋಬಿ ಕ್ರಿಸ್ತ ಪಾಪ್ನಖ್ಹಾಜೆ ಅಖ್ಖಾ ಹಗಾಮ್ಮ ಎಕ್ಕಸ್‍ಬಲಿನ ಸಮರ್ಪಣ್‍ಕರೀನ್, ದೇವ್ನ ಖಾವಿಬಾಜು಼ ಬೇಶಿಗಯೊ.

ಇಬ್ರಿ 12:2

ಯೇಸು ಇನಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಖ್ಹುಶಿನಖ್ಹಾಜೆ ಖ್ಹರಮ್‌ನಾಬಿ ಖ್ಹಾಯ್‌ ಕರ‍್ಯೊಕೊಂತೆ ಶಿಲ್‌ಬೇನಿ ಮರಣ್ಣ ಖ್ಹಮಾಳಿನ್, ದೇವ್ನು ಸಿಂಹಾಸನ್ನ ಖಾವಿಬಾಜು಼ಮ ಬೆಠೋಸ್.

ಇಬ್ರಿ 2:17

ಇನಖ್ಹಾಜೆ ಯೊ ಹರೇಕ್ ವಿಚಾರ್‌ಮಾಬಿ ಇನ ಭೈಯೇ ಭೇನೆನ ತಕ್ಕೆರ‍್ಹವಾನು ಜ಼ರೂರತ್ ಥು. ಅಮ್ ಇನೆ ಅದ್ಮಿಯೇವ್‌ನು ಪಾಪ್ ಅಖ್ಖು ಕ್ಷಮಾಪಣ್ ಕರಾನಖ್ಹಾಜೆ ದೇವ್ನ ಕಾಮ್ಮ ಗೋರ್‌ಬಿ ವಿಶ್ವಾಸ್‍ಬಿ ಹುಯಿರ‍್ಹಾವಳೊ ಮಹಾಯಾಜಕ್ ಹುಯೊ.

ಇಬ್ರಿ 3:1

ಇನಖ್ಹಾಜೆ ಕ್ರಿಸ್ತಮ ಪರಿಶುದ್ಧರ‍್ಹವಾಳ ಭೈಯೇ ಭೇನೆವೊ ಸೊರ್ಗನು ಬುಲಾವ್ಣಿಮ ಭಾಗ್‌ ಲೀರಾಖವಾಳವೊ, ಅಪ್ಣೆ ಮಾನಿರಾಖ್ಯತೆ ಅಪೊಸ್ತಲಬಿ ಅಜು಼ ಮಹಾಯಾಜಕ್‍ಬಿ ಹುಯಿರ‍್ಹೋತೆ ಯೇಸುನಿ ಬಾರೇಮ ಧ್ಯಾನ್ ಲಗಾಡಿನ್ ಸೋಚೊ.

ಇಬ್ರಿ 4:14

ಆಬ್‌ಮಾಕರಿ ಗಯೋತೆ ದೇವ್‌ನೊ ಛಿಯ್ಯೊಹುಯಿರೊತೆ ಯೇಸುಸ್ ಅಪ್ಣುನ ಏಕ್‌ ಮಹಾಯಾಜಕ್ ಹುಯಿರ‍್ಹೊಸ್. ಇನಖ್ಹಾಜೆ ಅಪ್ಣೆ ಛಾ಼ತೆ ವಿಶ್ವಾಸ್ ಘಟ್ ಧರಿಲಿಯೆ.

ಪ್ರಕಾಶಿತ್ 3:21

ಮೇ ಜೂತಿನ್ ಮಾರ ಬಾನಿ ಜೋ಼ಡ್ಮ ಸಿಂಹಾಸನ್‌ಮ ಬೆಠೂತೆ ತಿಮ್ಮಸ್ ಜೂತಹುಯಾನ ಮಾರ ಜೋ಼ಡೆ ಸಿಂಹಾಸನ್‌ಮ ಬೇಖ್ಹಾನಿ ಅಧಿಕಾರ‍್ನ ಮೇ ದಿಶ್.