ಇಬ್ರಿ 7:11 - ದೇವ್ನಿ ಖ್ಹಾಚಿ ವಚನ್

¹¹ ಇಸ್ರಾಯೇಲ್‌ವಾಳನ ದೆವಾಯುತೆ ಧರ್ಮಶಾಸ್ತ್ರ ಲೇವಿವಾಳನು ಯಾಜಕ್‌ನು ನಿಯಮ್‌ಪರ್ ಆಧಾರ್ ಹುಯಿರ‍್ಹುಸ್. ಲೇವಿವಾಳನು ಅಮ್ನ ನಿಯಮ್‌ಥೀಸ್ ಪೂರಹುವಾನು ರ‍್ಹಯೂತೊ. ಆರೋನ್ನ ಖಾನ್‌ದಾನ್ನ ಕೊಮಳನಿತೆ, ಮೆಲ್ಕಿಜೆದೇಕ್‌ನಿ ಖಾನ್‌ದಾನ್‌ಮ ಮಳ್ಯೊಹುಯೊ ಬಿಜೇಕ್‍ಜ಼ಣೊ ಯಾಜಕ ಆವಾನಿ ಜ಼ರೂರತ್ ಶಾತ್‌ಥಿ?

ಇಬ್ರಿ 7:11 ပူးပေါင်းရင်းမြစ်များ

ಗಲಾತ್ಯ 2:21

ಮೇ ದೇವ್ನ ವಾರ್‌ಖ್ಹೊನ ಝಿಟ್ಕಾರುಕೊಯ್ನಿ. ಕತೋಬಿ ಧರ್ಮಶಾಸ್ತ್ರಥಿ ನೀತಿವಾಳ ಹುಯೆಜಾ಼ಯ್‌ ಕತೊ ಕ್ರಿಸ್ತನು ಮರಾನು, ಫಾಯಿದೊಸ್ ಕೊಯ್ನಿಕರಿ ಬೋಲೆಜಾ಼ಯ್.

ಗಲಾತ್ಯ 4:3

ಇಮ್ಮಸ್ ಅಪ್ಣೇಬಿ ಅಡ್ಡಾನಿ ರ‍್ಹವಾನಿ ವಖ್ಹ್‌ತೆ ಆ ಜಗತ್ನಿ ನಿಯಮ್‌ಥಿ ಚ಼ಲಾವತೆ ಸೇವೆನ ಅಧೀನ್ ಹುಯಿರ‍್ಹಾಥ.

ಗಲಾತ್ಯ 4:9

ಹಮ್ಕೆತೋಬಿ ತುಮೆ ದೇವ್ನ ಮಾಲುಮ್‌ ಕರಿರಾಖ್ಯಾಸ್. ವಿಶೇಷ್‌ಥಿ ದೇವ್ನೆ ತುಮುನ ಮಾಲುಮ್ ಕರಿರಾಖ್ಯೋಸ್. ಅಮ್‌ರ‍್ಹವಾಪರ್ ತುಮೆ ಕಾಮ್ನ ಕೊಯ್ನಿತೆ, ಫಾಯಿದೊ ಕೊಯ್ನಿತೆ, ಜಗತ್ನಿ ನಿಯಮ್‌ಭಣಿ ತುಮೆ ಶನ ಫರೋಸ್? ಪಾಛು಼ ಇನ ಗುಲಾಮ್ ಹೋಣುಕರಿ ಛಾ಼ ಕಿಶು?

ಇಬ್ರಿ 5:10

ಕಾಹೆತೆ ಯೊ “ಮೆಲ್ಕಿಜೆದೇಕ್‌ನೊ ಘೋಣಿನೊ” ಮಹಾಯಾಜಕ್ ಹುಯಿನ್ ದೇವ್‍ಥಿ ನೇಮಕ್‌ ಹುಯೊ.

ಇಬ್ರಿ 5:6

ಇನೆ ಬಿಜೇಕ್ ಬಾಜೂ಼ಮ, “ತೂ ಹರ್‌ಹಗಾಮ್‍ಬಿ, ಮೆಲ್ಕಿಜೆದೇಕ್‌ನೊ ಘೋಣಿನೊ ಯಾಜಕ” ಕರಿ ಬೋಲಿರಾಖ್ಯೊಸ್.

ಇಬ್ರಿ 6:20

ಹಿಜ್ಜಾ಼ ಯೇಸು ಹರ್‌ಹಗಾಮ್‌ಬಿ ಮೆಲ್ಕಿಜೆದೇಕ್‌ನಿ ಘೋಣಿನೊ ಮಹಾಯಾಜಕ್ ಹುಯಿನ್, ಅಪ್ಣಖ್ಹಾಜೆ ಪಹಿಲೆಥೂಸ್ ನಿಕ್ಳಿನ್ ಯೋ ಸನ್ನಿಧಿಮ ಜೈ಼ರ‍್ಹೋಸ್.

ಇಬ್ರಿ 7:10

ಕಿಮ್ ಕತೊ, ಮೆಲ್ಕಿಜೆದೇಕ್ ಅಬ್ರಹಾಮ್‌ನ ಮ್ಹೋರೆಹುವಾನಿ ವಖ್ಹ್‌ತೆ, ಲೇವಿ ಬಿಜೂ಼ಬಿ ನಾ ಪೈದಹುಯಿರ‍್ಹೊತೋಬಿ ಅಬ್ರಹಾಮ್‌ನ ಶರೀರ‍್ಮ ಮಳಿರ‍್ಹೋಥೊ.

ಇಬ್ರಿ 7:12

ಯಾಜಕ್ನು ಪದವಿ ಬದ್ಲಾನು ರ‍್ಹಯೂತೊ. ಧರ್ಮಶಾಸ್ತ್ರ ಜಿನು ಬದ್ಲಾನು ಜ಼ರೂರತ್ ಛಾ಼.

ಇಬ್ರಿ 7:13

ಕತೋಬಿ ಆಹೈರುತೆ ಕಿನಿ ಬಾರೇಮ ಬೋಲೈರ‍್ಹೂಸ್ಕಿ ಯೋ ಹೈರುತೆ ಬಿಜೇಕ್ ಖಾನ್‌ಖೋಜ಼್‌ನ ಮಳ್ಯೊಹುಯೊ. ಯೋ ಖಾನ್‌ಖೋಜ಼್‌ನ ಏಕ್‍ಜ಼ಣೋಬಿ ಚಾ಼ಚ಼ರ್‌ಕನ ಸೇವೆ ಕರ‍್ಯೊಕೊಯ್ನಿ.

ಇಬ್ರಿ 7:15

ಮೆಲ್ಕಿಜೆದೇಕ್‍ನಿತರ ಬಿಜೇಕ್ ಯಾಜಕ್ ಆವ್‍ಶೆಕರಿ ಬೋಲಾನು ರ‍್ಹಯೂತೊ ಯೋ ಬಿಜೂ಼ಬಿ ಘಣು ಆಛ್ಛಿಂತರ ಮಾಲುಮ್‌ ಪಡಸ್ನಿ.

ಇಬ್ರಿ 7:21

ಯೋತೋಬಿ ಆಣ್‌ಥಿ ಯಾಜಕಹುಯೊ. ಕತೋಬಿ ದೇವ್ ಇನ ಅಮ್ ಬೋಲ್ಯೊ, “ತು ಹರ್‌ಹಗಾಮ್‌ಬಿ ಯಾಜಕ್ ಹುಯಿರ‍್ಹೋಸ್; ಅಜು಼ ಪ್ರಭು ಹುಯಿರೋತೆ ಮೇ ಕೋಲ್‌ನಾಮ್ ಕರಿನ್ ಬೋಲಿರಾಖ್ಯೊಸ್. ಅಜು಼ ಮಾರೊದಿಲ್ನ ಕೊಬದ್‌ಲೈಶ್‌ನಿ ‘ತು ಕದೇಬಿ ಯಾಜಕ ಹುಯಿರ‍್ಹಿಶ್.”

ಇಬ್ರಿ 8:7

ಯೋ ಪಹಿಲು ಒಪ್ಪಂದ ಶನೂಬಿ ಗಲ್ತಿ ನಾರ‍್ಹಯೂಹೊತ್ತೊ, ಬೇನು ಒಪ್ಪಂದನಿ ಜ಼ರೂರತ್ ಕೋಥಿನಿ.

ಇಬ್ರಿ 9:6

ಅಮ್ ಆ ಅಖ್ಖು ತಯಾರ್ ಹುಯಿರ‍್ಹಿನ್ ಯಾಜಕಅಖ್ಖು ಯೊ ಡೇರಾನ ಪಹಿಲ ಭಾಗ್ನ ಜೈ಼ನ್, ಹರೇಕ್ ದನ್ ಹಿಜ್ಜಾ಼ ದೇವ್ನು ಸೇವೆನು ಕಾಮ್ ಕರ್ತುಥು.