ಇಬ್ರಿ 6:4 - ದೇವ್ನಿ ಖ್ಹಾಚಿ ವಚನ್

⁴ ಶನಕತೊ ಏಕ್‌ಹಲ್ಲ ಉಜಾ಼ಳನ ಲೀರಾಖ್ಯುಸ್‌ಕಿ ಅಜು಼ ಕೋಣ್ ಪರಲೋಕ್‌ನ ವಾರ್ಖ್ಹಾನಿ ಲಜ಼ತ್‌ ದೇಖಿರಾಖ್ಯುಸ್ಕಿ ಅಜು಼ ಪವಿತ್ರಾತ್ಮಮ ವಾಟೊ ಲೀರಾಖ್ಯುಸ್ಕಿ,

ಇಬ್ರಿ 6:4 ပူးပေါင်းရင်းမြစ်များ

ಮತ್ತಾಯ 12:45

ಜೈ಼ನ್‌, ಇನೇಥಿಬಿ ಖರಾಬ್ ಹುಯಿರ‍್ಹೂತೆ ಬಿಜು಼ ಖ್ಹಾತ್ ಭೂತ್‌ನ ಇನ ಜೋ಼ಡೆ ಬುಲೈಲಿನ್ ಆವಸ್. ಇವ್ಣೆ ಯೋ ಅದ್ಮಿನ ಮಹಿ ಪೇಶಿನ್, ಹಿಜ್ಜಾ಼ಸ್ ರ‍್ಹವಾಲಗಸ್‌, ತದೆ ಯೋ ಅದ್ಮಿನಿ ಖ್ಹರ್ತಿಮಾನಿ ಹಾಲ್‌ ಪಹಿಲೆಥೀಬಿ ಖರಾಬ್ ಹುಯಿಜಾ಼ಸ್. ಅಮ್ಮಸ್ ಆ ಪಿಳ್ಗಿನು ಖರಾಬ್ ಅದ್ಮಿನ ಉಶೆ” ಕರಿ ಬೋಲ್ಯೊ.

ಮತ್ತಾಯ 5:13

ತುಮೆ ಧರ್ತಿನ ಮೀಟ್‌ ಹುಯಿರ‍್ಹಾಸ್‌. ಮೀಟಸ್‌ ಫಿಕ್ಕು ಹುಯಿಗುತೊ, ಇನ ಬಿಜು಼ ಶನೇಥಿ ರುಚ಼್‍ ದ್ಯವಾನ ಉಶೆ? ಅದ್ಮಿಖ್ಹಾರು ಇನ ಭಾರ್‌ ನಾಖಿನ್ ವಾಟ್‌ಪರ್ ಚಾ಼ಲವಾಳು ಇನ ಖುಂದ್ಲಾನ ಲ್ಹಾಯಕ್‌ ಪಣ್ಕಿ ಬಿಜ಼ ಖೆವ ಕಾಮ್ನಾಬಿ ಕೋಆವಾನಿ.

ಯೋಹಾನ 15:6

ಕೋಣ್ ಮಾರಾಮ ಕೋ ರ‍್ಹೇಯ್ನಿಕಿ, ಯೋ ಭಾರ್ ಫೇಕೈಗಯೂತೆ ಡಾಳಿನಿತರ ಛಾ಼, ಯೋ ಡಾಳಿ ಖ್ಹುಕೈಜಾ಼ಸ್; ಯೋ ಡಾಳಿಯೇನ ಅದ್ಮಿ ಎಕ್ಟು ಕರೀನ್, ಆಗ್‌ಮ ಫೇಕಿನಾಖಸ್‌, ಹಿಜ್ಜಾ಼ ಯೋ ಬಳಿಜಾ಼ಸ್‌.

ಯೋಹಾನ 3:27

ಯೋಹಾನನೆ ಸೊರ್ಗಥು ತಬ್‍ಲಗು ದೇವ್ ಕೊ ದೇಯ್ನಿಕಿ ತಬ್‍ಲಗು ಖೆವಾಬಿ ಅದ್ಮಿನ ಶಾತ್ಬಿ ಕೊ ಮಳ್‌ಶೇನಿ.

ಯೋಹಾನ 4:10

ಯೇಸುನೆ ಯೊ ತಯೇಡನ ಬೋಲ್ಯೊಕಿ, “ತುನ ದೇವ್ನಿ ಬಾರೇಮ ಅತ್ರುಖ್ಹು ಮಾಲುಮ್ ರ‍್ಹಿಯುಹೊತ್ತೊ ಯೊ ಕೋಣ್ ಹುಯಿರೊಸ್, ದೇವ್ ಶಾತ್‌ ದೀರಾಖ್ಯೊಸ್ ಕರಿ, ತುನ ಮಾಲುಮ್ ರ‍್ಹಿಯುಹೊತ್.ತಾರಕನ ಪಿಯ್ಯಾನ ಪಾಣಿ ಮಾಂಗ್ಯೋತೆ ಯೋ ಕೋಣ್ ಕರಿ ಮಾಲುಮ್‌ ರ‍್ಹಯುಹೋತ್ತೊ, ತೂ ಇನಾಕನ ಮಾಂಗಿಲಿದಿಹೊತ್, ಅಜು಼ ಯೋ ತುನ ಜಾನ್ನಪಾಣಿನ ದಿದೋಹೊತ್‌” ಕರಿ ಬೋಲ್ಯೊ.

ಯೋಹಾನ 6:32

ತದೆ ಯೇಸುನೆ ಇವ್ಣುನ, “ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಸೊರ್ಗಾಮ ತುಮೂನ ರೋಟೊ ದಿದೋತೆ ಮೋಶೆನೆ ಕಾಹೆ ಪಣ್ಕಿ ಮಾರೊ ಬಾ ಸೊರ್ಗಾಥು ಖ್ಹಾಚೊ಼ ರೋಟಾನ ದಿಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:45

ಯೆಹೂದ್ಯರ್‌ಕಾಹೆತೆ ಅದ್ಮಿಖ್ಹಾರಾನ ಉಪ್ಪರ್ ಪವಿತ್ರಾತ್ಮನು ವರ ಉತ್ರಿ ಆವಾನು ದೇಖಿನ್ ಪೇತ್ರನಿಜೋ಼ಡ್ಮ ಯೊಪ್ಪಥು ಆಯುತೆ ಯೆಹೂದ್ಯರ್ ವಿಶ್ವಾಸಿಖ್ಹಾರು ಆಶ್ಚರ್ಯಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:17

ಪ್ರಭು ಯೇಸುಕ್ರಿಸ್ತಮ ವಿಶ್ವಾಸ್‌ರಾಖ್ಯಾತೆ ಆಪ್ಣುನ ದಿದೋತೆ ವರನಾಸ್ ದೇವ್ನೆ ಆ ಅದ್ಮಿವೋನಾಬಿ ದಿದೊ. ಅಮ್‍ರ‍್ಹವಾನಾಪರ್ ಮೆ ದೇವ್ನ ಕಾಮ್ನ ಭೀರಾಖಾನ ಮೇ ಕೋಣ್? ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:8

ಖ್ಹಾರ ಅದ್ಮಿನಿ ಸೋಚ್ನ ಖ್ಹಮಜ್ಯೊಹುಯೊ ದೇವ್ ಕಿಮ್ ಪವಿತ್ರಾತ್ಮನ ವರಾನ ಅಪ್ಣುನ ದೀರಾಖ್ಯೊಕಿ ತಿಮ್ ಇವ್ಣುನಾಬಿ ದೀನ್ ಸಾಕ್ಷಿದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:20

ಕತೋಬಿ ಪೇತ್ರನೆ ಇನ “ತಾರ ಪೈಶ ತಾರಿಜೋ಼ಡ್ಮ ನಾಶಹುಯಿಜಾ಼ವಾದೆ. ದೇವ್ನಿ ವರಾನ ಪೈಶಾನ ಲಿಯೆಜಾ಼ಯ್ ಕರಿ ಲಾಝ್ಯೊಕಿ ಶು?” ಕರಿ ಜ಼ವಾಬ್ ದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:11

ತುಮೂನ ಮಳಿನ್ ಥೋಡಿ ಆತ್ಮೀಕ ಆಶೀರ್ವಾದ್‌ ತುಮಾರಿ ಜೋ಼ಡ್ಮ ವಾಟಪಾಡಿನ್ ದೀನ್ ತುಮೆ ಅನೇಥಿ ಶಕತ್‍ ಲೇವ್ಣುಕರಿ ಮಾರಿ ಶಂತೋಖ್ಹ್‌ಹುಯಿರ‍್ಹಿಸ್.

2 ಕೊರಿಂಥ 4:4

ದೇವ್‌ನೊ ರೂಪ್ ಹುಯಿರೋತೆ ಕ್ರಿಸ್ತನಿ ಉಜಾ಼ಖ್ಹ್‌ನ ವತಾಳನು ಮಹಿಮೆನಿ ಸುವಾರ್ತೆ ಅವ್ಣಾಮ ಉಜಾ಼ಖ್ಹ್‌ ನಾಹೊಣುಕರಿ, ಆ ಜಗತ್‌ನು ದೇವ್‌ ವಿಶ್ವಾಸ್‌ಕೊಂತೆ ಇವ್ಣ ದಿಲ್ನ ಕಾಣು ಕರಿನಾಖ್ಯು.

2 ಕೊರಿಂಥ 4:6

“ಉಜಾ಼ಳು ಅಂಧಾರನ ಮಹಿಥು ಉಜಾ಼ಖ್ಹ್‌ ಮ್ಹೇಲಾದೆ” ಕರಿ ದೇವ್ನೆ ಏಕ್‌ ವಖ್ಹತ್ ಬೋಲಿರಾಖ್ಯೊಸ್. ಯೋ ದೇವಸ್ ಹಮಾರಿ ದಿಲ್ನ ಇನ ಉಜಾ಼ಳೇಥಿ ಉಜಾ಼ಖ್ಹ್‌ ಕರಿರಾಖ್ಯೋಸ್. ಕ್ರಿಸ್ತನ ಮ್ಹೋಡಪರ್ ಛಾ಼ತೆ ದೇವ್ನಿ ಮಹಿಮೆನ ಹಮೂನ ಖ್ಹಮ್‍ಜಾ಼ಡಾಥಿ ಇನೆ ಹಮೂನ ಉಜಾ಼ಳು ದೀರಾಖ್ಯೊಸ್.

ಗಲಾತ್ಯ 3:2

ಏಕ್‌ ಬಾರೇಮ ಖಲಿ ತುಮಾರೇಥಿ ಮಾಲುಮ್ ಕರ್ನುಕರಿ ಛು಼. ತುಮೆ ಪವಿತ್ರಾತ್ಮನ ಲಿದಾತೆ ಧರ್ಮಶಾಸ್ತ್ರನ ಪಾಡಿನ್ ಚಾ಼ಲಾಥಿಕಿ ನತರ್ ವಿಶ್ವಾಸ್‌ನಿ ಸುವಾರ್ತೆನ ಖ್ಹಮ್‌ಜಾ಼ಥಿಕಿ ಶು?

ಗಲಾತ್ಯ 3:5

ಅಮ್‌ರ‍್ಹಯುತೊ ದೇವ್ನೆ ಇನ ಆತ್ಮಾನ ತುಮುನ ಜಾ಼ಖ್ಹಥ್ಥಿ ದೀನ್ ತುಮಾರಮ ಮಹಾನ್‌ಕಾಮ್ ಚ಼ಲಾವ್ತೊ ಆಯೋತೆ; ತುಮೆ ಧರ್ಮಶಾಸ್ತ್ರನ ಪಾಡಿನ್ ಚಾ಼ಲಾಥಿಕಿ ನತರ್ ಸುವಾರ್ತೆನ ಖ್ಹಮ್‌ಜಿನ್‌ ವಿಶ್ವಾಸ್ ಕರಾಥಿ?

ಎಫೆಸ 1:18

ಮೇ ಬೋಲಿಲಾವನು ಶಾತ್‌ಕತೊ ತುಮಾರ ದಿಲ್ನ ಡೋಳಾನ ಉಜಾ಼ಖ್ಹ್‌ ಕರೀನ್, ಇನಿ ಬುಲಾವ್ಣಿನ ಭರೋಖ್ಹೊ ಕೆಥ್ರಾನು ಕರೀಬಿ ಅಜು಼ ದೇವ್ನ ಅದ್ಮಿವೋಮ ಛಾ಼ತೆ ಶೊತ್ನಿ ಮಹಿಮೆ ಕೆಥ್ರಾನು ಛಾ಼ ಕರಿ

ಎಫೆಸ 2:8

ವಿಶ್ವಾಸ್‌ನಿ ಕೃಪೆಥಿಸ್ ತುಮೆ ರಕ್ಷಣೆ ಲೀರಾಖವಾಳ ಹುಯಿರ‍್ಹಾಸ್. ಆ ಬಚಾ಼ವ್ಣಿ ಅಪ್ಣಕಾಮ್ನು ಫಲ್‌ಕಾಹೆ, ಯೊ ದೇವ್‌ನು ಧರಮಸ್.

ಎಫೆಸ 3:7

ದೇವ್ನೆ ಇನಿ ಕಾಮ್ ಕರಾನಿ ಶಕಥ್ಥಿ ಮನ ದೆವಾಯುತೆ ಇನಿ ದಾನ್ನಿ ವಾರ್‌ಖ್ಹೇಥಿ ಮೆ ಆ ಸುವಾರ್ತೆನ ಬೋಲವಾಳೊ ಸೇವಕ್ ಹುಯೊ.

ಎಫೆಸ 4:7

ಕತೋಬಿ ಕ್ರಿಸ್ತನಿ ವರಾನಿ ಆಳ್ತಿನಿ ಪರಕ್ಮಾಸ್ ಹರೇಕ್ ಜ಼ಣಾನ ವಾರ್‌ಖ್ಹಾನಿ ವರ ದೆವೈರ‍್ಹೂಸ್.

1 ತಿಮೊ 4:14

ತುನ ಮಳಿರ‍್ಹೀತೆ ಕೃಪೆನ ಝಿಟ್ಕಾರ್‌ ನಕೊ, ಯೋ ವರ ಸಬೇನು ಘಲ್ಡುಖ್ಹಾರು ಪ್ರವಾದನೇನಿ ಜೋಡ್ಮ ತಾರಪರ್ ಹಾತ್ ಮ್ಹೇಲಾಥಿ ಯೋ ತುನ ಮಳಿರ‍್ಹೂಸ್‌.

2 ತಿಮೊ 2:25

ಇನ ವಿರೋದ್ ಕರಾವಾಳಾನಾಬಿ ಅನ ಖ್ಹಯಾಲ್ಮ ರಾಖಿನ್ ಶಾಂಧಾರಿಥಿ ಬೋಲಿದಾವಳೊ ಹುಯಿರ‍್ಹೇಣು. ದೇವ್ ಇವ್ಣುನ ಜಿನುಕು ದಿಲ್‌ ಫರಾವನಿತರ ಶಕತ್ ದಿಶೆ.ಅನೇಥಿ ಖ್ಹಾಚಿ ಅಕ್ಕಲ್ ಇವ್ಣುನ ಮಳ್‌ಶೆ.

2 ತಿಮೊ 4:14

ಕಂಚ಼್‌ನು ಕಾಮ್ ಕರಾವಾಳೊ ಅಲೆಕ್ಸಾಂಡರ‍್ನೆ ಮನ ಘಣು ಖ್ಹತಾಯೊ, ಇನೆ ಕರ‍್ಯೊತೆ ಕಾಮ್ನಟೇಕೆ ಪ್ರಭು ಇನ ಬರಾಬರ್‌ನಿ ಪ್ರತಿಫಲ್ ದಿಶೆ.

ಇಬ್ರಿ 10:32

ಅಮ್ ರ‍್ಹವಾಪರ್ ತುಮೆ ಗ್ಯಾನ್ನು ಉಜಾ಼ಖ್ಹ್‌ ಲೀರಾಖಪರ್‌ ತದೆ ದೇವ್ನಿ ಉಜಾ಼ಖ್ಹ್‌ ತುಮಾರಪರ್ ಥು. ರ‍್ಹಯುತೋಬಿ ತುಮೆ ಕೈಯೇಕ್ ವದೆಖ್ಹ್‌ಮ ತುಮೆ ಖ್ಹಮಾಳ್ಯಾತೆ ದನ್ನ ಯಾದ್ ಕರಿಲೆವೊ;

ಇಬ್ರಿ 2:4

ಖ್ಹಣೇದ್‍ನು ಕಾಮ್‍ಥೀಬಿ, ಅದ್ಭುತ್‌ಕಾಮ್ ಖ್ಹಾರಥಿಬಿ, ಕೈಯೇಕ್ ಥರಾನು ಮಹಾನ್ ಕಾಮ್‍ಥೀಬಿ ಅಜು಼ ಇನಿ ಸೋಚ್‌ನಿತರ ಪವಿತ್ರಾತ್ಮನು ವರಾನ ವಾಟಪಾಡಿ ದ್ಯವಾಥಿ ದೇವ್ನೇಸ್ ಇನ ವತಾಳಿಲಿದೊ.

1 ಯೋಹಾನ 5:16

ಕೋಣ್‌ತೋಬಿ ಇನೊ ಭೈ ಅಜು಼ ಭೇನ್ ಮರಣ್‍ಕೊಂತೆ ಪಾಪ್‍ಕರಾನು ದೇಖಾಯುತೊ ಯೊ ದೇವ್‌ಮ ಬಿಂತಿ ಕರಿಲ್ಯವಾದೆ. ತದೆ ದೇವ್ ಮರಣ್‍ಕೊಂತೆ ಪಾಪ್‍ಕರವಾಳಾನ ಜಾನ್ನ ದಿಶೆ. ಮರಣ್‍ಲ್ಯವಾನಿ ಪಾಪ್ ಛಾ಼. ಆ ಪಾಪ್ನಿಬಾರೇಮ ಯೋ ಬಿಂತಿ ಕರಿಲ್ಯವಾದೆಕರಿ ಮೇ ಬೋಲುಕೊಯ್ನಿ.