9 ಆ ನಾಹುಯಿನ್ ಇನೆ ಭರ್ಪೂರ್ ಕರೀನ್, ಇನ ವಿಧೇಯಹುವಾಳ ಅಖ್ಖನಾಬಿ ಹಮೇಶ ರಕ್ಷಣೆನಖ್ಹಾಜೆ ಬಣ್ಯೊ.
ಯೋ ಅಮ್ ಬೋಲುಕರಾನಿ ವಖ್ಹತ್ಮಾಸ್, ಏಕ್ ಉಜಾ಼ಖ್ಹ್ನು ವಾದ್ಳು ಐನ್, ಇವ್ಣಾಪರ್ ಢಪಾಯು, ಅಜು಼ ಯೋ ವಾದ್ಳಾನ ಮಹಿಥು, “ಆ ಮಾರೊ ಪ್ಯಾರ್ನೊ ಛಿಯ್ಯೊ, ಅನೇಥಿ ಮೇ ಘಣು ಖ್ಹುಶಿ ಛೂ಼!” ಕರಿ ಏಕ್ ಅವಾಜ಼್ ಆಯೊ.
ತದೆ ಯೇಸುನೆ ಇವ್ಣುನ, “ತುಮೆ ಜೈ಼ನ್, ಆಜ಼್ ಅಜು಼ ಕಾಲ್ ಮೇ ಭೂತ್ ಕಾಡ್ತೊಹುಯಿನ್, ರೋಗ್ರಾಯೊನ ಅಛ್ಛು಼ ಕರ್ತೊಹುಯಿನ್, ಪರ್ಶುನ ದನ್ನೆ ಮೇ ಮಾರು ಕಾಮ್ ಖತಮ್ ಕರ್ನು, ಕರಿ ಯೋ ನ್ಹೋರಿನ ಬೋಲೊ” ಕರಿ ಬೋಲ್ಯೊ.
ಯೇಸುನೆ ಯೋ ರಖ್ಹ್ನ ಪೀನ್, “ಖತಮ್ ಹುಯಿಗಯು!” ಕರಿ ಬೋಲಿನ್, ಮುಡ್ಕ್ಯು ಝು಼ಕೈನ್, ಇನಿ ಆತ್ಮಾನ ದೀನಾಖ್ಯೊ.
ಅಮ್ ತುಮೆ ಜಾನ್ದೇವಳಾನಸ್ ಮರೈನಾಖ್ಯ. ಕತೋಬಿ ದೇವ್ನೆ ಇನ ಮರ್ಯಾಹುಯಾಮಾಥು ಉಠಾಡ್ಯೊ; ಅನಿ ಬಾರೇಮ ಹಮೇಸ್ ಸಾಕ್ಷಿಖ್ಹಾರು ಹುಯಿರಾಸ್.
ಆವ್ಣುತೆ ರಕ್ಷಣೆ ಬಿಜು಼ ಕಿನಾಮಬಿ ಮಳ್ಶೆಕೊಯ್ನಿ; ಇನ ನಾಮ್ಥೀಸ್ ಪಣ್ಕಿ ಆಬ್ನ ಹೇಟ್ ಅದ್ಮಿನ ದೀರಾಖ್ಯುತೆ ಬಿಜ಼ ಖೆವ ನಾಮ್ಥಿಬಿ ಅಪ್ಣುನ ರಕ್ಷಣೆ ಕೋಉಷೇನಿ. ಕರಿ ಬೋಲ್ಯೊ.
ಆ ಕಾಮ್ನ ಹಮೇಸ್ ಸಾಕ್ಷಿ; ಹಮೇಸ್ ಕಾಹೆತೆ ವಿಧೇಯ ಹುವಾತೆ ಅಖ್ಖಾಸ್ ಅದ್ಮಿನ ದೇವ್ನೆ ದೀರಾಖ್ಯೋತೆ ಪವಿತ್ರಾತ್ಮಸ್ ಸಾಕ್ಷಿ ಹುಯಿರೋಸ್” ಕರಿ ಬೋಲ್ಯೊ.
ಇನು ನಾಮ್ನಿ ಮಹಿಮೆನಖ್ಹಾಜೇಸ್ ಅಖ್ಖಾಸ್ ದೇಖ್ಹ್ನು ಅದ್ಮಿಖ್ಹಾರು ಅನ ವಿಶ್ವಾಸ್ಕರಿನ್, ವಿಧೇಯಹುಯಿನ್ ಚಾ಼ಲನಿತರ ಕರಾನ ಅಪೊಸ್ತಲಹುವಾನಿ ಮೋಕಾನ ಯೇಸುಕ್ರಿಸ್ತಥಿಸ್ ದೇವ್ನೆ ಮನ ದೀರಾಖ್ಯೊಸ್.
ಕತೋಬಿ ಖ್ಹಾರುಸ್ ಸುವಾರ್ತೆನ ಸ್ವೀಕಾರ್ ಕರ್ಯುಕೊಯ್ನಿ. ಆ ಬಾರೇಮ ಯೆಶಾಯ ಪ್ರವಾದಿ “ಪ್ರಭು, ಹಮೆ ಬೋಲ್ಯಾತೆ ಸುವಾರ್ತೆನ ಕೋಣ್ ವಿಶ್ವಾಸ್ ಕರ್ಯು”? ಕರಿ ಬೋಲಸ್.
ಕ್ರಿಸ್ತಾನೆ ಯೆಹೂದ್ಯರ್ಕಾಹೆತೆ ಅದ್ಮಿಯೇವ್ನ ವಿಧೇಯ ಹುವಾನಖ್ಹಾಜೆ ಆಖ್ಹಾರಾನಿ ಬಾರೇಮ ಮೇಖಲಿ ಭಾಲ್ಥಿ ಬೋಲೆಜಾ಼ಯ್ ಅತ್ರೇಸ್ ಕಾಹೆತೆ ವಾತ್ಮಾಬಿ ಕಾಮ್ಥೀಬಿ,
ಕತೋಬಿ ಉಭ್ರ್ಯುತೆ ಅದ್ಮಿಖ್ಹಾರು ಶೊಂತ್ ಅಖ್ಹ್ಕರವಾಳು ಖ್ಹಾಚ಼ನಲೀನ್ ಚಾ಼ಲಾನು ಮ್ಹೇಲಿನ್ ಠಗಾವ್ಣಿನ ಲೀನ್ ಚಾ಼ಲಸ್ಕಿ ಇವ್ಣಪರ್ ದೇವ್ನೊ ಇರಾದೋಬಿ ಚ಼ಂಢಾಳ್ಬಿ ರಂಚ಼್ಶೆ.
ಕತೋಬಿ ದೇವ್ನ ಧನ್ಯವಾದ್ಹುವಾದೆ! ಶನಕತೊ ತುಮೆ ಏಕ್ ವಖ್ಹತ್ಮ ಪಾಪ್ನ ಗುಲಾಮ್ ಹುಯಿರ್ಹತೋಬಿ, ತುಮೆ ಶಿಕಿಲಿದಾತೆ ಖ್ಹಾಚಿ ಬೋಧನೆಮ ಭರ್ಪೂರ್ ಮನ್ಥಿ ವಿಧೇಯ ಹುಯಿರ್ಹಾಸ್.
ಅಪ್ಣಿ ದೇವ್ನಿ ಗ್ಯಾನ್ನ ವಿರೋದ್ ಉಠಾತೆ ಅಹಂಕಾರ್ನ ಅಪ್ಣೆ ನಾಶ್ಕರಿನ್, ಹರೇಕ್ ಖ್ಹೂಜ್ನಾಬಿ ಕ್ರಿಸ್ತನ ಸಮರ್ಪಣ್ ಹುವಾನಿತರ ಯೋ ಅಖ್ಖಾನ ಕೊಂಡಿಲಿಯೇ.
ಅಮ್ ರ್ಹವಾಪರ್ ಮಾರ ಪ್ಯಾರ್ನ ದೋಸ್ತಿವೊ, ತುಮೆ ಮಾರಿ ವಾತೇನ ಕೆದೇಬಿ ಪಾಡಿಚಾ಼ಲ್ಯತೆ ತಿಮ್ ಹಮ್ಕೇಬಿ ಪಾಡಿಚಾ಼ಲೊ. ಮೆ ತುಮಾರಮ ರ್ಹವಾನಿವಖ್ಹ್ತೆಸ್ ಖಲಿಕಾಹೆತೆ, ಮೇ ನಾ ರ್ಹವಾಮಾಬಿ ಘಣು ಜಾ಼ಖ್ಹತ್ ದಿಲ್ಮ ಡರ್ಥಿ ಕಾಪವಾಳ ಹುಯಿನ್ ತುಮಾರಿ, ತುಮಾರಿ ರಕ್ಷಣೆನ ಲೀಲೆವೊ.
ಯೊ ಆಗ್ನಿ ಝ಼ಲ್ಪಟ್ ಜೋ಼ಡ್ಮ ಕೋಣ್ ದೇವ್ನ ಠೊಕ್ರಾವಸ್ಕಿ ಅಜು಼ ಯೇಸು ಪ್ರಭುನಿ ಬಾರೇನಿ ಸುವಾರ್ತೆನ ಮಾನ್ಯುಕೊಯ್ನಿಕಿ ಇವ್ಣುನ ನಿಶತ್ ದ್ಯವಾನ ಆವ್ಶೆ.
ಅಪ್ಣುನ ಪ್ಯಾರ್ ಕರೀನ್, ಕೆದೇಬಿ ರ್ಹವಾನು ಹುಮ್ಮಖ್ಹ್ನಬಿ, ಅಛ಼್ಛು ಭರೋಖ್ಹಾನಬಿ ಇನಿ ವಾರ್ಖ್ಹೇಥಿ ದಿದೋತೆ ಅಪ್ಣೊ ಬಾ ಹುಯಿರ್ಹೋತೆ ದೇವ್ಬಿ ಅಪ್ಣೊ ಪ್ರಭು ಯೇಸು ಕ್ರಿಸ್ತ ಯೋಸ್ ತುಮಾರ ದಿಲ್ಮನ್ನ ಧಿಲ್ಪತ್ ದ್ಯವಾದೆ.
ಅನಖ್ಹಾಜೆಸ್ ದೇವ್ನೆ ಚೂ಼ಣಿರಾಖ್ಯೊತೆ ಅದ್ಮಿನಾಬಿ ಮಾರ ಜೋ಼ಡೆ ಇವ್ಣಖ್ಹಾಜೇಸ್ ಮೇ ಖ್ಹಾರುಸ್ ಖ್ಹಮಾಳಿಲೆವ್ಕರೂಸ್. ಕ್ರಿಸ್ತ ಯೇಸುಮ ಛಾ಼ತೆ ರಕ್ಷಣೆನ, ಇನಿ ಹಮೇಶಾನಿ ಮಹಿಮೆನ ಜೋ಼ಡೆ ಲೀಲೆಣು.
ಆ ಅಖ್ಖು ದೇವ್ನದೂತರ್ ರಕ್ಷಣೆನು ಹಕ್ನ ಲೀರಾಕ್ಣುತೆ ಇವ್ಣಅಖ್ಖಾನು ಸೇವೆನಖ್ಹಾಜೆ ಮೋಕ್ಲಾಯುತೆ ಸೇವೆನು ಆತ್ಮ ಕಾಹೇಕಿಶು.
ಶನಕತೊ ದೇವ್ನೆ ಅಪ್ಣಖ್ಹಾಜೆ ಮಹಾನ್ ಖ್ಹಾಜ್ಥಿ ತಯಾರ್ ಕರೀನ್, ಅಪ್ಣಿ ಜೋ಼ಡ್ಮ ತಬ್ನು ವಿಶ್ವಾಸಿಖ್ಹಾರು ಭರ್ಪೂರ್ ಹೋಣುಕರಿ ನಿರ್ಧಾರ್ ಕರ್ಯೊ.
ವಿಶ್ವಾಸ್ಥೀಸ್ ದೇವ್ನೆ ವಾಗ್ದಾನ್ ಕರ್ಯೊತೆ ದೇಖ್ಹ್ನ ಇನೆ ಲೀಲೇವ್ಣುಕರಿ ಅಬ್ರಹಾಮ್ನೆ ವಿಧೇಯ ಹುವಾಳೊ ಹುಯಿನ್ ಯೋ ಹಕ್ಥಿ ಲೇವ್ಣುಥೂತೆ ದೇಖ್ಹ್ನ ನಿಕ್ಳಿಗಯೊ. ಇನೆ ಕಿಜ್ಜಾ಼ ಜಾ಼ವ್ಣುಕರಿ ಸೋಚ್ಯೊ ಕೊಯ್ನಿತೇಬಿ ಚ಼ಲೆಗಯೊ.
ಯೇಸು ಇನಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಖ್ಹುಶಿನಖ್ಹಾಜೆ ಖ್ಹರಮ್ನಾಬಿ ಖ್ಹಾಯ್ ಕರ್ಯೊಕೊಂತೆ ಶಿಲ್ಬೇನಿ ಮರಣ್ಣ ಖ್ಹಮಾಳಿನ್, ದೇವ್ನು ಸಿಂಹಾಸನ್ನ ಖಾವಿಬಾಜು಼ಮ ಬೆಠೋಸ್.
ಹರೇಕ್ಬಿ ಕಿನಖ್ಹಾಜೆ ಕಿನೇಥಿ ಬಣ್ಯುಕಿ. ಯೊ ಘಣು ಜ಼ಣು ಛಿಯ್ಯಾವ್ನ ಮಹಿಮೆನ ಮಳಾವನಖ್ಹಾಜೆ; ಇವ್ಣ ಬಚಾ಼ಡವಾಳ ಮೋಟಾನ ಖ್ಹತಾವಥಿ ರಕ್ಷಣೆಲ್ಯವಾನು ಬರಬರಸ್.
ಅಪ್ಣ ಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಅಥ್ರಾನಿ ಮಹಾನ್ ರಕ್ಷಣೆನ ಅಪ್ಣೆ ಕರ್ಹಯ್ಯಕಾಡ್ಯುತೊ, ಛು಼ಕಿಜಾ಼ವನುತೋಬಿ ಕಿಮ್? ಆ ಹೈರುತೆ ಪ್ರಭುಥಿ ಪಹಿಲೆ ಬೋಲಾಯು ಅಜು಼ ಇನೇಥಿ ಖ್ಹಮ್ಜ್ಯಥಾತೆ ಅನ ಹಮೂನ ಘಟ್ಕರಾಯು.
ಖ್ಹಾರಸ್ನಖ್ಹಾಜೆ ಮಹಾ ಪರಿಶುದ್ ಝ಼ಗೋಮ ಪ್ರವೇಶ್ ಕರ್ಯೊಕೊಯ್ನಿ. ಕೆಲ್ಡೊ ಬೋಕ್ಡಾನ ಲ್ಹೊಯಿಥಿ ಕಾಹೆ ಅಪ್ಣುನ ಕ್ರಿಸ್ತನೆ ಎಕ್ಕಸ್ ಬಾರ್ ಇನ ಶೊಂತ್ ಲ್ಹೋಯಿಥಿ ಹಮೇಶಾನಿ ರಕ್ಷಣೆಮ ಗಯೊ.
ಅನಖ್ಹಾಜೇಥಿ ದೇವ್ಥಿ ಬುಲಾಯೂತೆ ಅದ್ಮಿ ದೇವ್ನಿ ವಾಗ್ದಾನ್ ಹುಯಿರ್ಹುತೆ ಹಮೇಶಾನು ವಾರ್ಖ್ಹೊ ಲೀಲೆವ್ಣುಕರಿ ಕ್ರಿಸ್ತನೆ ಆ ನವ ಒಪ್ಪಂದನ ಮಳಾವವಾಳೊ ಹುಯಿರ್ಹೊಸ್. ಶನಕತೊ ಪಹಿಲಿ ಒಪ್ಪಂದನ ಹಗಾಮ್ಮ ಕರ್ಯುತೆ ಗಲ್ತಿನಖ್ಹಾಜೆ ಇವ್ಣುನ ಛುಟ್ಕಾರ್ ಕರಾನಖ್ಹಾಜೆ ಕ್ರಿಸ್ತ ಮರಣ್ ಲಿದೊ.
ಇಮ್ಮಸ್ ಕ್ರಿಸ್ತ ಜಿನುಬಿ ಕೈಯೆಕ್ಕಿ ಅದ್ಮಿನು ಪಾಪ್ ಕಾಡಾನಖ್ಹಾಜೆ ಎಕ್ಕಸ್ ವಖ್ಹತ್ ಸಮರ್ಪಣ್ ಹುಯೊ. ಯೋ ಬೇನೆ ಹಲ್ಲ ದೆಖಾವ್ಶೆತೆ ಪಾಪ್ನ ಕಾಡನ ಕಾಹೆಕತೊ ಕೋಣ್ ಟಿವೈರ್ಹುಸ್ಕಿ ಇನ ಬಚಾ಼ನಖ್ಹಾಜೆ ಆವ್ಶೇತೆ.
ತುಮೆ ಖ್ಹಾಚ ಉಪದೇಶ್ನ ವಿಧೇಯ ಹುಯಿರ್ಹಿನ್ ತುಮಾರ ಆತ್ಮಾನ ಪಾಕ್ ಕರಿಲಿದಾತೆ ಇನಾಖ್ಹಾಜೆ ಪಾಕ್ಮನ್ಥಿ ಭೈಯೆಭೇನೆನಿ ಪ್ಯಾರ್ವಾಳ ಹುಯಿರ್ಹೇವ್ಣು. ಅಮ್ರ್ಹವಾಪರ್, ಏಕ್ಥಿಏಕ್ ಪಾಕ್ದಿಲ್ಥೀಬಿ, ಛು಼ಟ ದಿಲ್ಥಿ ಪ್ಯಾರ್ಕರೊ.
ದೇವ್ನೊ ಛಿಯ್ಯೊ ಆ ಜಗತ್ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್ಕರಿ ಅಪ್ಣುನ ಮಾಲುಮ್ಛಾ಼. ಅಪ್ಣೆ ದೇವ್ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ್ಹಾವಾನ ಖ್ಹಾಚ ದೇವ್ಮ ರ್ಹಾವವಾಳ ಹುಯಿರ್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ್ಹವಾನು ಹರ್ಹಮೇಶಾನೊ ಜಾನ್ಬಿ ಹುಯಿರ್ಹೊಸ್.
ದೇವ್ನಿ ಪ್ಯಾರ್ಮ ಭೀರ್ಹೆವೊ. ಹಮೇಶಾನು ಜಾನ್ನ ಲೀಲ್ಯಾವನಖ್ಹಾಜೆ ಪ್ರಭುಹುಯಿರ್ಹೋತೆ ಯೇಸು ಕ್ರಿಸ್ತನು ಗೋರ್ನಾಸ್ ಟಿವೈನ್ ದೇಖೊ.