ಇಬ್ರಿ 5:7 - ದೇವ್ನಿ ಖ್ಹಾಚಿ ವಚನ್

⁷ ಕ್ರಿಸ್ತ ಯೋಸ್ ಜಗತ್‌ಮ ಅದ್ಮಿಹುಯಿನ್ ಜಿವ್ಣು ಕರ‍್ಯೊತೆ ಹಗಾಮ್ಮ ಮರಣ್‍ಥಿ ಛು಼ಕೈನ್ ಬಚಾ಼ಡನು ಶಕತ್‍ವಾಳನ ಘಟ್‍ಥಿ ಪ್ರಾರ್ಥನೆ ಕರ್ತೊಹುಯಿನ್ ಡೋಳಾನ ಆಂಝೇ಼ಥಿ ಪ್ರಾಥರ್ನೆನಿ ಬಿಂತಿ ಕರ‍್ಯೊ. ಇನಖ್ಹಾಜೆ ದೇವ್ನ ಉಪ್ಪರ್‌ಥೀತೆ ಡರ್‌-ಭಕ್ತಿನಖ್ಹಾಜೆ ಇನಿ ಪ್ರಾರ್ಥನೆನ ದೇವ್ನೆ ಖ್ಹಮ್‍ಜ್ಯೊ.

ಇಬ್ರಿ 5:7 ပူးပေါင်းရင်းမြစ်များ

ಮತ್ತಾಯ 27:46

ಖ್ಹುಮಾರ್ ತೀನ್ ಘಂಟಾನ ಯೇಸು, “ಏಲಿ, ಏಲಿ, ಲಮಾ ಸಬಕ್ತಾನಿ?” ಕತೊ, “ಮಾರೊ ದೇವ್, ಮಾರೊ ದೇವ್, ತೂ ಶನ ಮನ ಹಾತ್‌ ಮ್ಹೆಂದಿದೋತೆ?” ಕರಿ ಜೋ಼ರ್ ಆವಾಜ಼್‌ಥಿ ಚಿಕ್‌ರ‍್ಯೊ.

ಮತ್ತಾಯ 27:50

ಅನಕೇಡೆಥು ಯೇಸುನೆ ಪಾಛೊ಼ ಜೋ಼ರೆಖ್ಹು ಚಿಕ್ರಿನ್ ಜಾನ್‌ ಮ್ಹೇಲ್ಯೊ.

ಮಾರ್ಕ 15:34

ತೀನ್ ಘಂಟಾನ ಯೇಸು, “ಎಲೋಹಿ, ಎಲೋಹಿ ಲಮಾ ಸಬಕ್ತಾನಿ” ಅಮ್‌ಕತೊ, “ಮಾರೊ ದೇವ್, ಮಾರೊ ದೇವ್, ತೂ ಶನ ಮನ ಹಾತ್‌ ಮ್ಹೆಂದಿದೊ?” ಕರಿ ಜೋ಼ರ್‌ ಆವಾಜ಼್‌ಥಿ ಚಿಕ್‌ರ‍್ಯೊ.

ಮಾರ್ಕ 15:37

ಕತೋಬಿ ಯೇಸುನೆ ಜೋ಼ರೆಖ್ಹು ಚಿಕ್ರಿನ್ ಜಾನ್‌ ಮ್ಹೇಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:46

ಯೇಸು ಜೋ಼ರೆಖ್ಹು ಚಿಕ್ರಿನ್, “ಬಾ, ತಾರ ಹಾತ್‌ಮ ಮಾರು ಆತ್ಮಾನ ದೆವುಕರುಸ್‌” ಕರಿ ಬೋಲಾನ ಬಾದ್‌ಮ, ಜಾನ್‌ ಮ್ಹೇಲ್ಯೊ.

ಯೋಹಾನ 1:14

ಯೋ ವಚನ್ ಅದ್ಮಿನು ರೂಪ್‍ನ ಲೀನ್ ವಾರ್‌ಖ್ಹೊಥೀಬಿ ಅಜು಼ ಖ್ಹಾಚಥೀಬಿ ಭರೈರ‍್ಹಾವಾಳೊ ಹುಯಿರೊಸ್. ಅಜು಼ ಅಪ್ಣಾಮ ಜಿವ್ಣುಕರ‍್ಯೊ. ಅಜು಼ ಅಪ್ಣೆ ಇನ ಮಹಿಮೆನ ದೇಖ್ಯ. ಯೊ ಬಾನೊ ಏಕ್‍ನೊ ಎಕ್ಕಸ್ ಛಿಯ್ಯಾನು ಮಹಿಮೆ ಹುಯಿರೊಥೊ.

ಯೋಹಾನ 11:35

ಯೇಸು ರೋಯೊ.

ಯೋಹಾನ 11:42

ತೂ ಕದೇಬಿ ಮಾರಿ ಪ್ರಾರ್ಥನೆ ಖ್ಹಮ್‌ಜಾ಼ಸ್‌ ಕರಿ ಮನ ಮಾಲುಮ್‌, ತೋಬಿ ತುನೇಸ್ ಮನ ಬೋಲಿಮೋಕ್‌ಲ್ಯೊ ಕರಿ ಬೋಲಾನು, ಅಶ್‌ಪೀಶ್‌ ಭಿಯುತೆ ಅದ್ಮಿಖ್ಹಾರು ವಿಶ್ವಾಸ್‌ ಕರಾದೆ ಕರಿ, ಮೇ ಆ ವಾತೇನ ಬೋಲ್ಯೊ” ಕರಿ ಬೋಲ್ಯೊ.

ಯೋಹಾನ 17:1

ಯೇಸುನೆ ಆ ವಾತೆ ಬೋಲಾನ ಬಾದ್‌ಮ, ಆಕಾಶ್‌ಭಣಿ ದೇಖಿನ್‌, “ಬಾ ವಖ್ಹತ್ ಐಗೈ; ತಾರ ಛಿಯ್ಯಾನ ಮಹಿಮೆ ಕರ್‌, ತದೆ ಛಿಯ್ಯೊ ತುನ ಮಹಿಮೆ ಕರಾನ ಉಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:3

ಶನಕತೊ ಧರ್ಮಶಾಸ್ತ್ರ ಅದ್ಮಿನು ಸ್ವಭಾವ್‍ಥಿ ಕಮ್‍ಜೋ಼ರ್ ಹುಯಿನ್ ಖಿವು ಕಾಮ್ ಕರ್ನುನಾಕರಿ ಥೂಕಿ, ಇನ ದೇವ್ನೆಸ್ ಕರ‍್ಯೊ. ಕಿಮ್‌ಕತೊ ಇನೆ ಪಾಪ್ನ ಕಾಡಾನಖ್ಹಾಜೆ ಇನ ಛಿಯ್ಯಾನಸ್ ಪಾಪ್ನ ಕಬ್‌ಜಾ಼ಮಥೂತೆ ಶರೀರ್‌ನ ರೂಪ್‌ಮ ಮೋಕ್ಲಿನ್ ಯೋ ಶರೀರ್‌ಮಾಸ್ ಪಾಪ್ನ ಮಾರಿನಾಖಿದಿದೊ. ಅಮ್‍ರ‍್ಹವಾಪರ್, ಧರ್ಮಶಾಸ್ತ್ರ ಕರಾಕೊಂತೆ ತಿನ ದೇವ್ನೆ ಕರ‍್ಯೊ. ದೇವ್ ಇನ ಶೊಂತ್ ಛಿಯ್ಯಾನಸ್ ಪಾಪ್‌ಮಾನಿ ಅದ್ಮಿನಿ ಖ್ಹಯಾಲ್ಮ ಪಾಪ್ನ ಕಾಡಿನಾಖಾನ ಮೋಕ್‌ಲ್ಯೊ. ಇನಖ್ಹಾಜೆ ದೇವ್ ಪಾಪ್ನ ಮರಣ್ಣಿ ನಿಶತ್‌ ದ್ಯವಾನ ಅದ್ಮಿನಿ ಖ್ಹಯಾಲ್ನಾಸ್ ಲೀಲಿದೊ.

ಗಲಾತ್ಯ 4:4

ಕತೋಬಿ ಬರಬರ‍್ನಿ ವಖ್ಹತ್ ಆವಖ್ಹತರ್ ದೇವ್ನೆ ಇನ ಛಿಯ್ಯಾನ ಮೋಕ್‌ಲ್ಯೊ.ಯೊ ಏಕ್‌ ತಯೇಡಾಮ ಪೈದಹುಯಿನ್ ಧರ್ಮಶಾಸ್ತ್ರನಿ ಅಧೀನ್‍ಮ ಆಯೊ.

1 ತಿಮೊ 3:16

ಅಪ್ಣ ದೇವ್‌ಮ ಭಕ್ತಿನು ಜಿವ್ಣನು ಖ್ಹಾಚಿ ಗಪ್ಲತ್ ಗುಮಾನಿಕೊಂತೆ ಘಣಿ ಮೋಟಿ ಹುಯಿರ‍್ಹೀಸ್, ಕ್ರಿಸ್ತನೆ ಅದ್ಮಿನಿ ರೂಪ್‌ಮ ಅಪ್ಣುನ ದೆಖಾಯೊ, ಯೋಸ್ ಪವಿತ್ರಾತ್ಮನ ವತಾಳ್ಯೊ, ಸೊರ್ಗಾನ ದೂತರ್‌ಥಿ ದೆಖೈಗು. ಅಲ್ಹಾವ್‌ಅದ್ಮಿವೋನಿ ಬೀಚ್ಮ ಯೊ ಬೋಲಿವತಾಳೈಗೊ, ಜಗತ್‌ ಇನಾಪರ್ ವಿಶ್ವಾಸ್ ಕರ‍್ಯು, ಅಜು಼ ಇನ ಮಹಿಮೆಥಿ ಸೊರ್ಗಾಮ ಪಡೈಗೊ.

ಇಬ್ರಿ 10:10

ಶನಕತೊ ಕ್ರಿಸ್ತಯೇಸು ಎಕ್ಕಸ್ ಬಾರ್ ಅಖ್ಖಾನಖ್ಹಾಜೆ ಇನ ಶರೀರ್‌ನ ಸಮರ್ಪಣ್‌ ಕರಿನ್ ದೇವ್ನಿಖ್ಹೂಜ್‍಼ನ ಚ಼ಲಾಯೊತೆ ಇನಖ್ಹಾಜೆ ಅಪ್ಣೆ ಅಖ್ಖಾ ಪಾಪ್‌ಥಿ ಪಾಕ್‌ಹುಯಿಗ.

ಇಬ್ರಿ 10:5

ಇನಖ್ಹಾಜೆ ಕ್ರಿಸ್ತ ಜಗತ್ಮ ಆವಾನಿವಖ್ಹ್‌ತೆ ಇನೆ ಅಮ್ ಬೋಲ್ಯೊಕಿ, “ದೇವ್ ತುನ ಬಲಿ ಛ಼ಡಾವನು ಅಜು಼ ಕಾಣ್ಕೆ ದ್ಯವಾನು ಪಸಂದ್ ಕೋಥೂನಿ, ಕತೋಬಿ ಮನ ಏಕ್‍ ಶರೀರ್‌ನ ತಯಾರ್ ಕರೀನ್ ದೀರಾಖ್ಯೊಸ್.

ಇಬ್ರಿ 11:7

ವಿಶ್ವಾಸ್‌ಥೀಸ್ ನೋಹಾನೆ ಬಿಜೂ಼ಬಿ ದೆಖಾವ ಕೊಯ್ನಿತೆ ಇನಿ ಬಾರೇಮ ದೇವ್ನಿ ವಾತೆನ ಲೀನ್ ಡರ್‌ಥೀಬಿ, ಭಕ್ತಿಥಿ ಭರಾವವಾಳೊ ಹುಯಿನ್ ಇನ ಘರ್‌ವಾಳಾನ ಬಚೈ಼ಲಾವನಖ್ಹಾಜೆ ಜ಼ಹಾಜ಼್‌ನ ಭಾಂಧಿನ್ ತಯಾರ್ ಕರ‍್ಯೊ. ವಿಶ್ವಾಸ್‌ಥೀಸ್‌ ಇನೆ ಜಗತ್‌ವಾಳು ನಿಶತ್‌ನ ಲ್ಯವಾಳುಕರಿ ತೀರ್ಮಾನ್ ಕರಿಲಿದೊ. ಇನಖ್ಹಾಜೆ ವಿಶ್ವಾಸ್‍ನು ಫಲ್ ಹುಯಿರ‍್ಹೂತೆ ನೀತಿನ ಹಕ್‍ದಾರ್ ಹುಯೊ.

ಇಬ್ರಿ 12:28

ಇನಖ್ಹಾಜೆ ಕೋಣ್ ಖ್ಹರ್ಕಾವನ ಕೊಹುವಾನಿತೆ ರಾಜ್ಯನ ಲೀಲಾವವಾಳ ಹುಯಿರ‍್ಹಾತೆ ಅಪ್ಣೆ ಧನ್ಯವಾದ್ ಕರಾವಾಳ ಹುಯಿನ್ ದೇವ್ನ ಬರಬರ‍್ನಿ ಆರಾದನೆಬಿ ಭಕ್ತಿಥೀಬಿ ಅಜು಼ ಡರ್‌ಥೀಬಿ ಕರಿಯೆ.

ಇಬ್ರಿ 13:20

ಸಮಾಧಾನ್ನೊ ದೇವ್, ಅಪ್ಣೊ ಪ್ರಭು ಯೇಸುನ ಹಮೇಶಾನ ಒಪ್ಪಂದಾನ ಲ್ಹೋಯಿಥಿ ಮರ‍್ಯಹುಯಮಾಥು ಉಠಾಡ್ಯೊ, ಯೊ ಮೇಂಢಾನ ಮಂಧಾನ ಚ಼ಲಾವವಾಳೊ ಮಹಾ ಪಾಳಂಧಾರ್‌ ಹುಯಿರ‍್ಹೊಸ್.

ಇಬ್ರಿ 2:14

ಅತ್ರೇಸ್ ಕಾಹೆತೆ ಲಡ್ಕಾವ್‌ಖ್ಹಾರು ಲ್ಹೊಯಿಥಿಬಿ ಬೋಟಿಥಿ ಹುಯಿರುತೆ ಇಮ್ಮಸ್ ಯೇಸು ಜಿನು ಇವ್ಣಿನಿತರಸ್ ಲ್ಹೋಯಿಬಿ ಬೋಟಿಥಿಹುಯೊ. ಇನಿ ಮರಣ್‌ಥೀಸ್ ಮರಣ್ಣಿ ಅಧಿಕಾರ್‌ ಲೀರಾಖವಾಳ ಶೈತಾನ್ನ ಮಟಾಯೊ.

1 ಯೋಹಾನ 4:3

ಯೇಸುನ ಮಾನಿಲೇಯಿಕೊಂತೆ ಆತ್ಮ ದೇವ್‍ಥಿ ಆಯುತೆಕಾಹೆ. ಯೋ ಕ್ರಿಸ್ತವಿರೋದಿ ಆತ್ಮ ಹುಯಿರ‍್ಹುಸ್. ಯೋ ಆವ್‍ಶೆಕರಿ ತುಮೆ ಖ್ಹಮ್‍ಜಿರಾಖ್ಯಸ್‍ನಿ; ಹಮ್ಕೆ ತದೇಸ್‌ ಯೋ ಜಗತ್‌ಮ ಅಯಿಗು.

2 ಯೋಹಾ 1:7

ಶನಕತೊ, ಯೇಸುಕ್ರಿಸ್ತ ಅದ್ಮಿಹುಯಿನ್ ಆಯೊ ಕರಿ ಮಾನಿಲೆಯಿಕೊಂತೆ ಕೆತ್ರುಕ್ಕಿ ಠಗಾರುಖ್ಹಾರು ಜಗತ್‌ಮ ಅಯಿಗು ಅಥ್ರಾನವಾಳುಸ್ ಯೇಸುನ ಮಾನಿಲೆಯಿಕೊಂತೆ ಠಗಾರುಖ್ಹಾರು, ಕ್ರಿಸ್ತವಿರೋದಿ ಖ್ಹಾರು ಹುಯಿರುಸ್.