ಇಬ್ರಿ 5:2 - ದೇವ್ನಿ ಖ್ಹಾಚಿ ವಚನ್

² ಯೋಬಿಜಿನು ತಾಖತ್‌ಕೊಂತೆ ಇನಖ್ಹಾಜೆ ಯೋ ಖ್ಹಯಿಲನಾಬಿ, ಅಜು಼ ವಾಟ್‌ ಛು಼ಕವಾಳನಾಬಿ ದಯಾ ಕರಾನ ಶಕತ್‌ವಾಳೊ ಹುಯಿರ‍್ಹೊಸ್.

ಇಬ್ರಿ 5:2 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:32

ಕತೋಬಿ ತಾರಿ ವಿಶ್ವಾಸ್ ಕಮ್ ನಾ ಹೋಣುಕರಿ, ಮೇ ತಾರಿ ಬಾರೇಮ ದೇವ್ನ ಪ್ರಾರ್ಥನೆ ಕರಿರಾಖ್ಯೊಸ್ ಸೀಮೋನ್. ಅಜು಼ ತೂ ಮಾರಭಣಿ ಫರಾನ ಬಾದ್‌ಮ, ತಾರ ಭೈಯೇನ ಭಾಲಿ ದೇವ್ಣು” ಕರಿ ಬೋಲ್ಯೊ.

2 ಕೊರಿಂಥ 11:30

ಮನ ಖ್ಹರೈಲ್ಯಾವಾನು ರ‍್ಹಯುತೊ ಮಾರಿ ಕಮ್‍ಜೋ಼ರಿನಿ ಬಾರೇಮಸ್ ಖ್ಹರೈಲೆವ್‍ಸ್.

2 ಕೊರಿಂಥ 12:5

ಯೋ ಅದ್ಮಿನಿ ಬಾರೇಮ ಮೇ ಖ್ಹರವುಸ್. ಕತೋಬಿ ಮಾರಿ ಬಾರೇಮ ಖ್ಹರವ್‍ಕೊಯ್ನಿ, ಮಾರಿ ಕಮ್‍ಜೋ಼ರಿನಿ ಬಾರೇಮ ಖ್ಹರೈಲೆವುಸ್.

ಗಲಾತ್ಯ 4:13

ಮನ ಶರೀರ್‌ಮ ಅಛ್ಛು಼ ಕೋಥುಂತೆ ಇನಖ್ಹಾಜೆ ತುಮಾರಮ ರ‍್ಹೀನ್ ಪಹಿಲಿ ಬಾರ್‌ಮ ತುಮುನ ಸುವಾರ್ತೆ ಬೋಲಿ ವತಾಳ್ಯೊಥೋತೆ ತುಮುನ ಮಾಲುಮ್‌ ಛಾ಼.

ಎಫೆಸ 4:18

ಇವ್ಣ ದಿಲ್‌ ಅಂಧಾರಥಿ ಢಪೈರ‍್ಹೂಸ್, ಇವ್ಣೆ ಇವ್ಣಿ ಕಠೋರ್ ದಿಲ್‌ಥೀಬಿ ಅಜು಼ ಇವ್ಣಾಮ ಅಕ್ಕಲ್‌ಕೊಂತೆ ಖ್ಹಾಜೇಥಿಬಿ ದೇವ್ ದೇಸ್ತೆ ಜಾನ್‌ಥಿ ದೂರ್ ಹುಯಿರ‍್ಹೂಸ್.

1 ತಿಮೊ 1:13

ಅಗಾಡಿ ಮೇ ಕ್ರಿಸ್ತನಿ ವಿರೋದ್ ವಾತೆ ಬೋಲಿನ್, ಇನ ಖ್ಹತೈರಾಖ್ಯೋಸ್ ಅಜು಼ ಇನಿ ಖ್ಹರಮ್‌ಬಿ ಕಾಡಿರಾಖ್ಯೊಸ್. ಶನಕತೊ, ಮೇ ತದೆ ಅವಿಶ್ವಾಸ್‌ಮ ಥೊ, ಇನಖ್ಹಾಜೆ ಮೇ ಶಾತ್‌ ಕರುಕರೂಸ್ ಕರಿ ಮನ ಮಾಲುಮ್ ಕೋ ಥೂನಿ. ತೋಬಿ ದೇವ್ನೆ ಮಾರಪರ್ ಗೋರ್‌ ಕರಿರಾಖ್ಯೋಸ್.

ಇಬ್ರಿ 12:13

ತುಮೆ ಚಾ಼ಲಾನಿ ವಾಟ್ನ ಖ್ಹತ್ತಡ್‍ ಕರಿಲೆವೊ. ತದೆ ಲಂಗ್ಡಾವ್ನೊ ಗೋಡೊ ಮಚ಼ಕ್ಷೆಕೊಂತೆ ಅಛ್ಛುಉಷೆ.

ಇಬ್ರಿ 2:17

ಇನಖ್ಹಾಜೆ ಯೊ ಹರೇಕ್ ವಿಚಾರ್‌ಮಾಬಿ ಇನ ಭೈಯೇ ಭೇನೆನ ತಕ್ಕೆರ‍್ಹವಾನು ಜ಼ರೂರತ್ ಥು. ಅಮ್ ಇನೆ ಅದ್ಮಿಯೇವ್‌ನು ಪಾಪ್ ಅಖ್ಖು ಕ್ಷಮಾಪಣ್ ಕರಾನಖ್ಹಾಜೆ ದೇವ್ನ ಕಾಮ್ಮ ಗೋರ್‌ಬಿ ವಿಶ್ವಾಸ್‍ಬಿ ಹುಯಿರ‍್ಹಾವಳೊ ಮಹಾಯಾಜಕ್ ಹುಯೊ.

ಇಬ್ರಿ 2:18

ಯೊ ಹಮ್ಕೆ ಶೋದನೆ ಪಡವಾಳನ ಮದತ್ ಕರೆಜಾ಼ಯ್.ಶನಕತೊ ಯೋಸ್ ಶೋದನೆಮ ಪಡಿರ‍್ಹೇಸ್, ಅಜು಼ ಖ್ಹತಾಪ್ಣಿ ಲೀಲ್ಯಾವಾಳೊ ಹುಯಿರ‍್ಹೋಸ್.

ಇಬ್ರಿ 4:15

ಶನಕತೊ ಅಪ್ಣುನ ಛಾ಼ತೆ ಮಹಾಯಾಜಕ್ ಅಪ್ಣಿ ಕಮ್‍ಜೋ಼ರಿಮ ಅಪ್ಣುನ ಗೋರ್‌ ವತಳಾಕೊಂತೆ ರ‍್ಹೆಯಿಕೊಯ್ನಿ. ಯೊ ಹರೇಕ್ ವಾತೆನಿ ಬಾರೇಮ ಅಪ್ಣಿನಿತರಸ್ ಶೋದನೆ ಪಡ್ಯೊಹುಯೊ. ಕತೋಬಿ ಇನೆ ಪಾಪ್ ಕರ‍್ಯೊಸ್ ಕೊಯ್ನಿ.

ಇಬ್ರಿ 7:28

ಧರ್ಮಶಾಸ್ತ್ರ ಕಮ್‍ಜೋ಼ರಿ ಆದ್ಮಿವ್ನ ಮಹಾಯಾಜಕರ್‌ ಕರೀನ್ ನೇಮಕ್ ಕರಾಸ್. ಕತೋಬಿ ಧರ್ಮಶಾಸ್ತ್ರನ ವಾರ್ ಆಣ್‌ನಿ ಜೋ಼ಡ್ಮ ಆಯೂತೆ ವಚನ್ ಕದೆಕದೇಬಿ ಅಖ್ಖೂಸ್ ಪೂರ ಹುಯಿರೋಸ್ತೆ ಛಿಯ್ಯಾನಸ್ ಯಾಜಕ ಕರಿನ್ ನೇಮಕ್ ಕರಿರಾಖ್ಯುಸ್.

ಇಬ್ರಿ 9:7

ಕತೋಬಿ ಬೇನ ಕೋಣಾಮ ಮಹಾಯಾಜಕ್ ಎಕ್ಕಸ್ ಜ಼ಣೊ ವರಖ್ಹ್‌ನ ಏಕ್‌ ವಖ್ಹತ್ ಜಾ಼ತೊಥೊ. ಅಜು಼ ಇನಿ ಜೋ಼ಡ್ಮ ಬಲಿನು ಲ್ಹೋಯಿನ ಲೀನ್‌ ಜಾ಼ತೊಥೊ. ಯೊ ಲ್ಹೊಯಿನ ಇನಖ್ಹಾಜೇಬಿ ಅಜು಼ ಇನ ಅದ್ಮಿವ್‍ನು ಅಜ್ಞಾನ್‌ಥಿ ಕರ‍್ಯುಹುಯು ಪಾಪ್ನಖ್ಹಾಜೆಬಿ ಸಮರ್ಪಣ್‌ ಕರ್ನುಪಡ್ಯುಥು.

ಯಾಕೋಬ 5:19

ಮಾರ ಭೈಯೇಭೇನೆವೊ, ತುಮಾರಮ ಕೋಣ್‌ತೋಬಿ ಖ್ಹಾಚ ಮಾರಗ್‌ನ ಮ್ಹೆಂದಿನ್ ಗಲ್ತಿಥಿ ಚಾ಼ಲುಕರ್ತು ಉಷೇತೊ ಬಿಜೇಕ್ ಜ಼ಣು ಇನ ಅಛ್ಛಮಾರಗ್‍ಪರ್ ಲಾಯುತೊ;

1 ಪೇತ್ರ 2:25

ಶನಕತೊ ತುಮೆ ವಾಟ್‌ ಭೈಕಿಗಾತೆ ಮೇಂಢಾನಿತರ ಹುಯಿರ‍್ಹಾಸ್ ಕತೋಬಿ ಹಮ್ಕೆ ತುಮೆ ಪಾಛ಼ ಫರೀನ್ ತುಮಾರ ಆತ್ಮಾನ ಪಾಳವಾಳಕನಾಬಿ ಕುರುಬ ಹುಯಿರ‍್ಹಾವಾಳಕನ ಆಯಿರ‍್ಹಾಸ್.