ಇಬ್ರಿ 3:5 - ದೇವ್ನಿ ಖ್ಹಾಚಿ ವಚನ್

⁵ ಮೋಶೆ ದೇವ್ನ ಘರ್‌ಮ ವಿಶ್ವಾಸ್‌ನೊ ಸೇವಕ್ ಹುಯಿರ‍್ಹೊಥೊ. ಇನೆ ಖ್ಹಾಮ್ಣೆ ಬೋಲಾವನಿ ಬಾರೇಮ ಸಾಕ್ಷಿ ಹುಯಿರ‍್ಹೊಥೊ.

ಇಬ್ರಿ 3:5 ပူးပေါင်းရင်းမြစ်များ

ಮತ್ತಾಯ 24:45

ಇಮ್‍ಕತೊ, ಯಜಮಾನ್ ಇನ ಘರ್‌ಮ ಕಾಮ್ ಕರಾವಾಳ ಆಳ್‌ನ ಖ್ಹಾರು ಬರೋಬರ್‌ನಿ ವಖ್ಹತ್‌ಮ ಖಾಣು ದ್ಯವಾನಖ್ಹಾಜೆ ಇವ್ಣಾಪರ್ ನೇಮ್‌ಶಾಯೋತೆ ನಿಯತ್‍ವಾಳೊಬಿ ಅಕ್ಲಿಆಳ್‌ ಕೋಣ್?

ಮತ್ತಾಯ 25:21

ತದೆ ಇನ ಯಜಮಾನ್ನೆ ಇನ, ‘ಶಬಾಶ್, ತೂ ಅಛ್ಛೊ಼ ಅಜು಼ ಭರೋಖ್ಹಾನೊ ಆಳ್‌! ಹುಯಿರ‍್ಹೋಸ್!’ ತೂ ಥೋಡಾಮ ನಿಯಥ್ಥಿ ರ‍್ಹಯೋತೆ ಇನಖ್ಹಾಜೆ, ಮೇ ತುನ ಮೋಟಾ ಕಾಮ್‌ಪರ್ ನೇಮ್‌ಶಾವುಸ್. ಐನ್, ಮಾರಿ ಖ್ಹುಶಿಮ ಭಾಗ್‌ ಹೂ’ ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:42

ಯೇಸುನೆ ಶಾತ್‍ಬೋಲ್ಯೊಕತೊ, ವೇಳ್‍ವೇಳ್ನ ಹೋಣುತೆ ಯೊ ಜಿನಖ್ಹ್‌ನ ಮಾಪಿನ್‌ ದ್ಯವಾನಖ್ಹಾಜೆ ಯಜಮಾನ್ನೆ ಇನ ಘರ್‌ಮ ನೇಮ್‌ಶಾಯೋತೆ ನಿಯತ್‍ವಾಳೊಬಿ ಅಕ್ಲೀಬಿ ಹುಯಿರೋತೆ ಘರ‍್ನೊಸೇವಕ ಕೋಣ್?

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:27

ಮೋಶೆಥು ಧರೀನ್, ಖ್ಹಾರ ಪ್ರವಾದಿಯೇನು ಅಖ್ಖ ಪವಿತ್ರ ದಪ್ತರ್‌ಮ, ಇವ್ಣಿ ಬಾರೇಮ ಲೀಖೈರ‍್ಹೂತೆ ಖ್ಹಾರನ ಇವ್ಣುನ ಬೋಲಿವತಾಳ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:44

ಅಜು಼ ಯೇಸುನೆ ಇವ್ಣುನ, “ಮೇ ತುಮಾರ ಜೋ಼ಡೆಸ್ ಥೋತೆ ತದ್ದೇಸ್, ಆ ಖ್ಹಾರು ತುಮೂನ ಬೋಲ್ಯೊಥೋನಿ. ಮೋಶೇನು ಧರ್ಮಶಾಸ್ತ್ರ, ಪ್ರವಾದಿಯೇನು ಪುಸ್ತಕ್‌ಮ ಅಜು಼ ಕೀರ್ತನೇಮ ಮಾರಿ ಬಾರೇಮ ಲೀಖೈರ‍್ಹೂತೆ ಅಖ್ಖು ಪೂರಹುವಾನು ಜ಼ರೂರತ್ ಛಾ಼ ಕರಿ ಮೇ ತುಮೂನ ಬೋಲ್ಯೊಥೊ ಕೊಯ್ನಿಕಿ ಶು?” ಕರಿ ಬೋಲ್ಯೊ.

ಯೋಹಾನ 5:39

ತುಮೆ ಕೆತ್ರುಕ್ಕಿ ಧರ್ಮಶಾಸ್ತ್ರನ ಪಢೋಸ್‌, ಯೋ ತುಮೂನ ಹಮೇಶಾನಿ ಜಿ಼ಂದ್‌ಗಿ ದಿಶೆ ಕರಿ ತುಮೆ ಸೋಚೋ಼ಸ್, ಕತೋಬಿ ಯೋ ಖ್ಹಾರು ದಪ್ತರ್ ಮಾರಿ ಬಾರೇಮಸ್ ಸಾಕ್ಷಿ ದ್ಯವಾನು ಹುಯಿರುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:23

ಇನಖ್ಹಾಜೆ ಪೌಲ ಅಜು಼ ಇವ್ಣೆ ಸಭೆ ಮಳಾನ ಏಕ್‍ದನ್ ಖ್ಹಣೇದ್‍ಕರ‍್ಯು, ಯೋ ರೋಜ಼್ಮ ಕೈಯೆಕ್ಕಿ ಜ಼ಣು ಪೌಲನ ಘರ್ಮ ಘಣಿ ಗಣ್ತೀಥಿ ಸಬೆಮಳ್ಯು. ಇನೆ ವ್ಹಾಣೇಥು ಖ್ಹಾಂಜ಼್‌‌ಲಗು ದೇವ್ನ ರಾಜ್ಯನಿ ಬಾರೇಮ ಇನಿ ವಾತೇನ ಇವ್ಣುನ ಸಾಕ್ಷಿನ ಬೋಲ್ತೊಹುಯಿನ್.ಅಜು಼ ಮೋಶೇನು ಧರ್ಮಶಾಸ್ತ್ರ ಪ್ರವಾದಿನು ದಪ್ತರ್‌ನ ಆಧಾರ್ ಲಿದೊ. ಯೇಸುನಿ ಬಾರೇನಿ ವಾತೆಮ ಇವ್ಣುನ ವಿಶ್ವಾಸ್ ರಾಖಾನಿಘೊಣಿ ಕೋಶಿಶ್ ಕರ‍್ಯೊ. ಅನಖ್ಹಾಜೆ ಇನೆ

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:37

ಯೋ ಮೋಶೆನೇಸ್, ದೇವ್ನೆ ಮನ ಉಠಾಡಾನಿ ತರಸ್ ತುಮಾರ ಅದ್ಮಿಮಾಸ್‌ ಏಕ್‌ ಪ್ರವಾದಿನ ತುಮಾರಮಸ್ ಉಠಾಡ್‌ಶೆ, ಕರಿ ಇಸ್ರಾಯೇಲ್‌ನ ಅದ್ಮಿಖ್ಹಾರಾನ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:21

ಕತೋಬಿ ಹಮ್ಕೆ ದೇವ್ ಧರ್ಮಶಾಸ್ತ್ರನಿ ಮದತ್‌ಕೊಂತೇಸ್ ಅದ್ಮಿವ್‍ನ ನೀತಿವಾಳೊ ಕರಿಬಣಾವನ ಮಾರಗ್‌ನ ವತಾಳಿರಾಖ್ಯೊಸ್. ಕತೋಬಿ ಆಹೈರುತೆ ಧರ್ಮಶಾಸ್ತ್ರ ಅಜು಼ ಪ್ರವಾದಿ ಖ್ಹಾರು ಆ ನವಮಾರಗ್‍ನಿ ಬಾರೇಮ ಅಪ್ಣುನ ಬೋಲಿರಾಖ್ಯೊಸ್.

1 ಕೊರಿಂಥ 4:2

ಅಮ್ನ ಸೇವಕ್‌ನ ಇನ ಮಾಲಿಕ್‌ನ ವಿಶ್ವಾಸ್‌ವಾಳ ಹುಯಿನ್ ರ‍್ಹವಾನು ಜ಼ರೂರತ್ ಛಾ಼.

1 ತಿಮೊ 1:12

ಮೆ ಮಾರೊ ಪ್ರಭು ಕ್ರಿಸ್ತಯೇಸುನ ಧನ್ಯವಾದ್ ಕರುಸ್. ಯೋ ಮಾರ ಅಖ್ಖಾಸ್ ಕಾಮ್ನ ಶಕತ್ ದೀಮ್ಹೇಲ್ಯೊಸ್ ಇನ ಮೇ ಧನ್ಯವಾದ್ ಕರುಸ್. ಶನಖ್ಹಾಜೆ ಕತೊ ಯೊ ಮನ ವಿಶ್ವಾಸ್‌ವಾಳೊ ಕರಿ ಮಾಲುಮ್‌ ಕರಿಲಿನ್, ಇನ ಸೇವೆನಖ್ಹಾಜೆ ಚೂ಼ಣಿರಾಖ್ಯೊಸ್.

ಇಬ್ರಿ 1:1

ಅಗ್‍ಲ್ಯ ಹಗಾಮ್ಮ ದೇವ್ನೆ ಪ್ರವಾದಿ ಖ್ಹಾರಾಥಿ ಅಪ್ಣ ಗುರುಗುರಬ್‌ಲ್ಯನಿ ಜೋ಼ಡೆ ಕೆತ್ರೇಕ್ಕಿ ಪರಕ್ಮ, ಕೈಏಕ್ ಹಲ್ಲ ವಾತೆಬೋಲಿರಾಖ್ಯೋಸ್.

ಇಬ್ರಿ 3:2

ಮೋಶೆ ದೇವ್ನ ಘರ್‌ಮ ವಿಶ್ವಾಸ್‌ವಾಳೊ ಹುಯಿರ‍್ಹೊಥೋತೆ ತಿಮ್ಮಸ್, ಯೊ ಚೂ಼ಣಿರಾಖವಾಳನ ವಿಶ್ವಾಸ್‌ವಾಳೊ ಹುಯಿರ‍್ಹೋಥೊ.

ಇಬ್ರಿ 3:4

ಅಖ್ಖಾಸ್ ಘರ್‌ನ ಕೋಣಸ್ಕಿ ಏಕ್ಜ಼ಣೊ ಉಬ್‌ಜೈ಼ರಾಖ್ಯೋಸ್. ಕತೋಬಿ ಹರೇಕ್ನ ಉಬ್‌ಜೈ಼ರಾಖ್ಯೊತೆ ದೇವಸ್.

ಇಬ್ರಿ 8:5

ಮೋಶೆ ದೇವ್‍ದರ್ಶನ ಡೇರೊ ಭಾಂದ್‌ಣುಕರಿ ರ‍್ಹವಾನಿ ವಖ್ಹ್‌ತೆ ಮೇ ಪರ್ಭತ್‌ಮ ತುನ ವತಾಳ್ಯೊತೆ ಛಾ಼ಯನಿ ಪರಕ್ಮಾಸ್ ಅಖ್ಖು ಕರ್ನುಕರಿ ದೇವ್ನಿ ಝೇತಾವ್ಣಿ ಹುಯೂತೆ ಇಮ್ಮಸ್ ಪರಲೋಕ್‍ಮ ಛಾ಼ತೆಅಖ್ಖು ಛಾ಼ಳಿಬಿ, ಛಾ಼ಯಬಿ ಹುಯಿರ‍್ಹೂಸ್ತೆ ಮಂದಿರ್‌ಮ ಇವ್ಣೆ ಚಾ಼ಕ್ರಿ ಕರುಕರಸ್.

ಇಬ್ರಿ 9:24

ಶನಕತೊ ಕ್ರಿಸ್ತ ಖ್ಹಾಚ ಮಂದಿರ್‌ ಘೋಣಿನಿತರಾನು ಹಾತೇಖ್ಹು ಭಾಂದ್ಯುಹುಯಿ ಪವಿತ್ರ ಝ಼ಗೋಮ ರ‍್ಹಿಯೊಕೊಂತೆ ಅಪ್ಣಭಣಿಥು ದೇವ್ನಖ್ಹಾಮ್ಣೆ ಹಮ್ಕೆ ದೆಖೈಲ್ಯವಾನಖ್ಹಾಜೆ ಸೊರ್ಗಾಮ ಪ್ರವೇಶ್‌ ಕರ‍್ಯೊ.

ಪ್ರಕಾಶಿತ್ 15:3

ಇವ್ಣೆ ದೇವ್‌ನೊ ಸೇವಕ್ ಹುಯಿರೋತೆ ಮೋಶೆನ ಗೀದ್‌ನ ಮೇಂಢಾನು ಚೆಲ್ಕಾನು ಗೀದ್‌ನ ಬೋಲ್ತೊಹುಯಿನ್, ಪ್ರಭು ಹುಯಿರೋತೆ ದೇವ್ ತೂ ಸರ್ವಶಕತ್‌ನೊ, ತಾರು ಕಾಮ್‌ಖ್ಹಾರು ಮಹಿಮೆನಾಬಿ, ಆಶ್ಚರ್ಯನೂಬಿ ಹುಯಿರುಸ್.ಅಖ್ಖೀಸ್ ಜ಼ಗ್‌ಜಾ಼ತ್‌ನೊ ರಾಜ಼. ತಾರೊ ಮಾರಗ್‌ಖ್ಹಾರು ನ್ಯಾವ್ನುಬಿ ಖ್ಹಾಚೂ಼ಬಿ ಹುಯಿರುಸ್ ಕರಿ ಮಾಲುಮ್ ಕರಾವಸ್.