ಇಬ್ರಿ 3:10 - ದೇವ್ನಿ ಖ್ಹಾಚಿ ವಚನ್

¹⁰ ಇನಖ್ಹಾಜೆ ‘ಮೆ ಆ ಪಿಳ್ಗಿವಾಳಪರ್ ಘಣು ಖೀಜ಼್ ಖೈನ್ ಇವ್ಣೆ ಕೆದೇಬಿ ದಿಲ್‌ ಬದ್‌ಲೈಲ್ಯವಾಳುಬಿ ಇವ್ಣೆ ಮಾರು ಮಾರಗ್‌ನ ಕೊ ಪರಖ್‌ಷೇನಿ’ ಕರಿ ಮೇ ಬೋಲ್ಯೊ.

ಇಬ್ರಿ 3:10 ပူးပေါင်းရင်းမြစ်များ

ಮತ್ತಾಯ 20:24

ಉಬ್‌ರ‍್ಯಾತೆ ದಖ್ಹ್‌ ಜ಼ಣ ಶಿಷ್ಯರ್‌ನೆ ಅನ ಖ್ಹಮ್‌ಜಿನ್‌, ಯೋ ಬೇ ಭೈಯೇಪರ್ ಖೀಜ಼್‌ಖಾದ.

ಮಾರ್ಕ 3:5

ತದೆ ಯೇಸು ಖೀಜ಼್‌ಥಿ ಚಾರ‍್ಹೆ ಬಾಜು಼ ದೇಖಿನ್‌, ಇವ್ಣೊ ದಿಲ್‌ ಬಂಡಾನಿ ಘೋಣಿ ಹುಯಿರ‍್ಹೋತೆ ಇನಾಖ್ಹಾಜೆ ಇನ ಘಣು ದುಖ್ ಹುಯು. ತದೆ ಯೋ ಹಾತ್ ಝೂ಼ಟೊ ಪಡ್ಯೊಹುಯೊ ಅದ್ಮಿನ, “ತಾರೊ ಹಾತ್ ಖ್ಹಾಮ್ಣೆ ಕರ್‌” ಕರಿ ಬೋಲ್ಯೊ. ಯೋ ಖ್ಹಾಮ್ಣೆ ಹಾತ್ ಕಾಡ್ತಾ, ಇನೊ ಹಾತ್ ಅಛ್ಛೊ಼ ಹುಯಿಗಯೊ.

ಯೋಹಾನ 8:45

ಮೇ ಖ್ಹಾಚಿ ಬೋಲುಸ್ತೆ ಇನಖ್ಹಾಜೆ ತುಮೆ ವಿಶ್ವಾಸ್‌ ಕರಾಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:28

ಶನಖ್ಹಾಜೆಕತೊ ಯೊ ಅದ್ಮಿಖ್ಹಾರು ದೇವ್ನಿ ಗ್ಯಾನ್ನ ಝಿಟ್ಕಾರ‍್ಯುತೆ ಇನಖ್ಹಾಜೆ ಇವ್ಣುನ ಪಾಪ್ನುಕಾಮ್‍ ಕರಾನ ಮ್ಹೆಲಿದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:7

ಮಾರಿ ಝೂ಼ಟಿಥಿ ದೇವ್ನು ಖ್ಹಾಚಿನ ಉಪ್ಪರ್ ಪಾಡೀನ್ ಇನಿ ಮಹಿಮೆನ ವತಾಳನು ಉಶೇತೊ ಮನ ಪಾಪಿಕರಿ ಕಿಮ್ ತೀರ್ಪ್‌ಹುಯಿಶ್?

ಎಫೆಸ 4:30

ದೇವ್ನ ಪವಿತ್ರಾತ್ಮನ ದುಖ್ ನಕೊ ಕರೊ. ಇನಾಮಸ್ ಛುಟ್ಕಾರ್‌ನ ದನ್ನಖ್ಹಾಜೆ ಮುದ್ರೊ ಲೀರಾಖ್ಯಾಸ್ನಿ.

ಇಬ್ರಿ 3:12

ಮಾರ ಭೈಯೇ ಭೇನೇವೊ ತುಮಾರಮ ಖರಾಬ್ ರ‍್ಹವೊ ಜಿವ್ತೊ ಜಾನ್ನೊ ದೇವ್ನ ಮ್ಹೇಲಾನು ಅವಿಶ್ವಾಸ್‌ನೊ ದಿಲ್‌ ಕಿನಾಮಬಿ ನಾರ‍್ಹೇವ್ಣುತೆ ಹೊಷಾರ್‌ಥಿ ದೇಖಿಲೆವೊ.