ಇಬ್ರಿ 2:11 - ದೇವ್ನಿ ಖ್ಹಾಚಿ ವಚನ್

¹¹ ಶನಕತೊ ಪರಿಶುದ್ಧ ಕರಾವಳನಾಬಿ ಪರಿಶುಧ್ ರ‍್ಹವಾಳನಾಬಿ ಯೋಸ್ ಬಾ. ಅನಖ್ಹಾಜೆಸ್ ಇವ್ಣುನ ಪರಿಶುಧ್ ಕರಾವಾಳೊ ಇವ್ಣುನ ಭೈಯೇ ಭೇನೆಕರಿ ಬೋಲಾನ ಖ್ಹರ್‌ಮಾಯೊ ಕೊಯ್ನಿ.

ಇಬ್ರಿ 2:11 ပူးပေါင်းရင်းမြစ်များ

ಮತ್ತಾಯ 25:40

ತದೆ ಯೋ ರಾಜಾ಼ ಫರೈನ್, ‘ಆ ಮಾರ ಭೇನೆ-ಭೈಯೇಮ ಕಡ್‌ತೇಲ್‌ನಿಮತ್ ಥೂತೆ ಏಕ್‌ನ ತುಮೆ ಶಶ್ಶಾತ್ ಕರ‍್ಯಾಕಿ, ಯೋ ಮನಾಬಿ ಕರಾದಾಖ್ಹಲ್ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್’ ಕರಿ ಬೋಲ್‌ಶೆ!

ಮತ್ತಾಯ 28:10

ಯೇಸುನೆ ಇವ್ಣುನ, “ಡರೊ ನಕೊ, ಮಾರ ಭಯೇಕನ ಜೈ಼ನ್, ಗಲಿಲಾಯಾನ ಆವಾನ ಬೋಲೊ. ಹಿಜ್ಜಾ಼ ಇವ್ಣೆ ಮನ ದೇಕ್‌ಶೆ” ಕರಿ ಬೋಲ್ಯೊ.

ಮಾರ್ಕ 3:34

ಇನ ಅಶ್‌ಪಿಶ್‌ ಬೆಠುಥೂತೆ ಅದ್ಮಿನ ದೇಖಿನ್‌, “ಹಂದೇಕ್‌! ಅವ್ಣೇಸ್ ಮನ ಆಯಾಬಿ, ಮಾರ ಭೈಯೇ!

ಮಾರ್ಕ 8:38

ವ್ಯಭಿಚಾರಣಿ ಘೋಣಿ ಛಾ಼ತೆ, ಆ ಪಾಪ್‍ಭರಿ ಪಿಳ್ಗಿಮ ಕೋಣ್‌ತೋಬಿ, ಮಾರಖ್ಹಾಜೆ ಅಜು಼ ಮೇ ಬೋಲಿಶಿಕಾಡುತೆ ವಚನ್ನಖ್ಹಾಜೆಬಿ ಖ್ಹರ್‌ಮಾಯೂತೊ, ಅದ್ಮಿನೊ ಛಿಯ್ಯೋಬಿ ಇನ ಬಾನಿ ಶಕತ್‌ಥೀಬಿ ಅಜು಼ ಉಜಾ಼ಖ್ಹ್‌ಥಿ ಭರೈನ್, ಅದಿಕಾರ್‌ಥಿ ಪವಿತ್ರ ದೇವ್‌ದೂತರ್‌ನ ಜೋ಼ಡೆ ಆವಾನಿ ವಖ್ಹತ್‌ಮ, ಯೊ ಅದ್ಮಿನಿ ಬಾರೇಮ ಖ್ಹರ್‌ಮಾವ್‌ಶೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:26

ಕೋಣ್‌ತೋಬಿ ಮನಾಬಿ ಅಜು಼ ಮಾರಿ ವಚನ್ನಖ್ಹಾಜೆಬಿ ಖ್ಹರ್‌ಮಾಯೂತೊ, ಇನ ಅದ್ಮಿನೊ ಛಿಯ್ಯೊ ಯೋಬಿ ಇನ ಬಾನಿ ಪರಿಶುದ್ದ ದೂತರ್‌ನಾಬಿ ಛಾ಼ತೆ ಮಹಿಮೆನಿ ಜೋ಼ಡೆ ಆವಾನಿ ವಖ್ಹತ್‌ಮ ಇನಿ ಬಾರೇಮ ಖ್ಹರ್‌ಮಾವ್‌ಶೆ.

ಯೋಹಾನ 17:19

ಅವ್ಣಖ್ಹಾಜೆ ಮನಾಸ್ ಒಪ್‌ಶೈಲೇವ಼್ಸ್ ಇಮ್ಮಸ್ ಇವ್ಣೇಬಿ ಖ್ಹಾಚಥೀಸ್ ಮನ ಒಪ್‌ಶಾವದೆ.

ಯೋಹಾನ 17:21

ಬಾ ತುನೆ ಮನ ಮೋಕ್‌ಲ್ಯೊತೆ ಆ ಜಗತ್‌ ನಂಬಾನಖ್ಹಾಜೆ, ತೂ ಮಾರಾಮ ಅಜು಼ ಮೇ ತಾರಾಮ ಛೂ಼ತೆ ಇಮ್ಮಸ್ ಅವ್ಣೇಬಿ ಅಪ್ಣಾಮ ರ‍್ಹೇವ್ಣುಕರಿ ಇವ್ಣೆಖ್ಹಾರು ಏಕ್‌ ಹುಯಿರ‍್ಹೇಣು ಕರಿ, ಮೇ ಪ್ರಾರ್ಥನೆ ಕರುಸ್.

ಯೋಹಾನ 20:17

ಯೇಸುನೆ ಇನ, “ಮನ ಧರ್‌ನಕೊ, ಶನಕತೊ ಮೇ ಬಿಜೂ಼ಬಿ ಬಾಕನ ಕೋ ಜೈ಼ರ‍್ಹೋನಿ. ಕತೋಬಿ ತೂ ಮಾರ ಭೈಯೇಕನ ಜೈ಼ನ್‌, “ಮೇ ಮಾರೊ ಬಾ ಅಜು಼ ಇವ್ಣೊ ಬಾ, ಮಾರೊ ದೇವ್ ಅಜು಼ ಇವ್ಣೊ ದೇವ್ ಹುಯಿರ‍್ಹೋತೆ ಇನಕನ ಪಾಛೊ಼ ವಳ್ಯೊಜ಼ವುಸ್‌ ಕರಿ ಬೋಲ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:26

ದೇವ್ನೆ ಏಕ್‌ ಅದ್ಮಿನ ಬಣಾವ್‍ತೊ ಹುಯಿನ್ ಅದಮ್‍ಜ಼ಮಾನಾನು ಝೂ಼ಂಡ್‌ ಶುರುಕರ‍್ಯೊ. ಇನೇಥಿ ಬಿಜು಼ ಅಖ್ಖೂಸ್ ಅದ್ಮಿನ ಜಗತ್‌ನು ಕಿಜ಼್ಜಕಿಜ್ಜಾ಼ಬಿ ಇವ್ಣೆ ಜಿವ್ಣು ಕರಾನಿತರ ಕರ‍್ಯೊ. ಇವ್ಣೆ ಕದೆ ಅಜು಼ ಕಿಜ಼್ಜಕಿಜ್ಜಾ಼ ರ‍್ಹೇವ್ಣುಕರಿ ಬೋಲಾನು ನಿರ್ಧಾರ್ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:28

ಶನಕತೊ ಇನಾಸ್ಮ ಅಪ್ಣೆ ಜಿವ್‌ಕರಿಯೇಸ್. ಚಾ಼ಲುಕರಿಯೇಸ್ ಅಜು಼ ರ‍್ಹಿಯೇಸ್. ತುಮಾರ ಗೀದ್‌ ಲಿಖವಾಳಮ ಥೋಡುಜ಼ಣು, “ಹಮೆ ಇನ ಸಂತಾನ್‍ವಾಳಸ್” ಕರಿ ಬೋಲಿರಾಖ್ಯುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:29

ಕಿನ ದೇವ್ನೆ ತದೇಸ್‌ ಚೂ಼ಣಿಲಿದೊಕಿ. ಇನೆ ಇವ್ಣುನ ಇನ ಛಿಯ್ಯಾನಿಘೋಣಿ ಹುವಾನ ಎಕ್ಟು ಕರಿರಾಖ್ಯೋಸ್.ಅಮ್ ಇನೊಛಿಯ್ಯೊ ಕೈಏಕ್ ಭೈಯೇ ಭೇನೆವ್‌ನ ಬೀಚ್ಮ ಫೈಲೊಟೊ ಛಿಯ್ಯೊಕರಿ ಬೋಲಾವನಿತರ ಕರಿರಾಖ್ಯೊಸ್.

ಗಲಾತ್ಯ 4:4

ಕತೋಬಿ ಬರಬರ‍್ನಿ ವಖ್ಹತ್ ಆವಖ್ಹತರ್ ದೇವ್ನೆ ಇನ ಛಿಯ್ಯಾನ ಮೋಕ್‌ಲ್ಯೊ.ಯೊ ಏಕ್‌ ತಯೇಡಾಮ ಪೈದಹುಯಿನ್ ಧರ್ಮಶಾಸ್ತ್ರನಿ ಅಧೀನ್‍ಮ ಆಯೊ.

ಇಬ್ರಿ 10:10

ಶನಕತೊ ಕ್ರಿಸ್ತಯೇಸು ಎಕ್ಕಸ್ ಬಾರ್ ಅಖ್ಖಾನಖ್ಹಾಜೆ ಇನ ಶರೀರ್‌ನ ಸಮರ್ಪಣ್‌ ಕರಿನ್ ದೇವ್ನಿಖ್ಹೂಜ್‍಼ನ ಚ಼ಲಾಯೊತೆ ಇನಖ್ಹಾಜೆ ಅಪ್ಣೆ ಅಖ್ಖಾ ಪಾಪ್‌ಥಿ ಪಾಕ್‌ಹುಯಿಗ.

ಇಬ್ರಿ 10:14

ಇನಿ ಎಕ್ಕಸ್ ಬಲಿಥಿ ಪಾಪ್ನ ಪಾಕ್‌ಕರಿನ್ ಪೂರಕರಿರಾಖ್ಯೊಸ್.

ಇಬ್ರಿ 11:16

ಕತೋಬಿ ಇವ್ಣೆ ಸೊರ್ಗಕರಿ ಬೋಲಾನ ಮಹಾನ್ ದೇಖ್ಹ್‌ನ ಹರಖ್ಹ್‌ಯು. ಇನಖ್ಹಾಜೇಥಿ ದೇವ್ನೆ ಇವ್ಣೊ ದೇವ್‌ಕರಿ ಬೋಲೈಲ್ಯವಾನ ಖ್ಹರ್ಮಾಯೊಕೊಂತೆ; ಇವ್ಣಖ್ಹಾಜೆ ನಂಗರ‍್ನ ತಯಾರ್ ಕರಿರಾಖ್ಯೊಸ್.

ಇಬ್ರಿ 13:12

ಇನಖ್ಹಾಜೆ ಯೇಸುಬಿ ಜಿನು ಶೊಂತ್‌ ಲ್ಹೋಯಿಥಿ ಇನ ಅದ್ಮಿಯೇವ್‍ನ ಪಾಕ್‌ ಕರಾನಖ್ಹಾಜೆ ಖ್ಹಯೇರ‍್ನ ಭಾರ್‌ ಮರ‍್ಯೊ.

ಇಬ್ರಿ 2:14

ಅತ್ರೇಸ್ ಕಾಹೆತೆ ಲಡ್ಕಾವ್‌ಖ್ಹಾರು ಲ್ಹೊಯಿಥಿಬಿ ಬೋಟಿಥಿ ಹುಯಿರುತೆ ಇಮ್ಮಸ್ ಯೇಸು ಜಿನು ಇವ್ಣಿನಿತರಸ್ ಲ್ಹೋಯಿಬಿ ಬೋಟಿಥಿಹುಯೊ. ಇನಿ ಮರಣ್‌ಥೀಸ್ ಮರಣ್ಣಿ ಅಧಿಕಾರ್‌ ಲೀರಾಖವಾಳ ಶೈತಾನ್ನ ಮಟಾಯೊ.

ಇಬ್ರಿ 3:1

ಇನಖ್ಹಾಜೆ ಕ್ರಿಸ್ತಮ ಪರಿಶುದ್ಧರ‍್ಹವಾಳ ಭೈಯೇ ಭೇನೆವೊ ಸೊರ್ಗನು ಬುಲಾವ್ಣಿಮ ಭಾಗ್‌ ಲೀರಾಖವಾಳವೊ, ಅಪ್ಣೆ ಮಾನಿರಾಖ್ಯತೆ ಅಪೊಸ್ತಲಬಿ ಅಜು಼ ಮಹಾಯಾಜಕ್‍ಬಿ ಹುಯಿರ‍್ಹೋತೆ ಯೇಸುನಿ ಬಾರೇಮ ಧ್ಯಾನ್ ಲಗಾಡಿನ್ ಸೋಚೊ.