ಇಬ್ರಿ 13:9 - ದೇವ್ನಿ ಖ್ಹಾಚಿ ವಚನ್

⁹ ಹರೇಕ್ ಥರಾನು ಅಲಕ್ ಅಲಕ್ ಜ಼ಣಾನಿ ವಾತ್ಮ ಖ್ಹಪ್‌ಡಿನಾಜಾ಼ವ್ಣುತೆ ಬರಬರ‍್ನಿ ವಾಟ್ಮಚಾ಼ಲೊ. ಶನಕತೊ ದೇವ್ನಿ ವಾರ್‌ಖ್ಹೇಥಿ ದಿಲ್ನ ಘಟ್ ಕರಿಲ್ಯಾವನು ಅಛ್ಛು಼. ಖಾಣಾನಿ ಜಿನಖ್ಹ್‌ನಿ ಬಾರೇನು ನಿಯಮ್‌ಖ್ಹಾರು ಪಾಡಿ ಚಾ಼ಲವಾಳಥಿ ಶನು ಫಾಯಿದೊಬಿ ಕೊಹುವಾನಿ.

ಇಬ್ರಿ 13:9 ပူးပေါင်းရင်းမြစ်များ

ಮತ್ತಾಯ 24:24

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ, ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಮತ್ತಾಯ 24:4

ಯೇಸುನೆ ಇವ್ಣುನ, “ಕೋಣ್‌ಬಿ ತುಮೂನ ಠಗಾವ಼್ಣುನಾತೆ ಇಮ್‌, ಜ಼ತನ್‌ಥಿ ರ‍್ಹವೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 5:38

ಇನಖ್ಹಾಜೇಸ್ ನವು ದ್ರಾಕ್ಷಿನು ರಖ್ಹ್‌ನ ನವಿ ಚಾ಼ಂಬ್ಡಾನಿ ತಿತ್ತಿಯೇಮ ಭರಿ ಮ್ಹೇಲಾಸ್!

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:30

ಆ ನಾಹುಯಿನ್ ತುಮಾರಿ ಸಬೆಮಾಸ್ ಥೋಡುಜ಼ಣು ದುರ್ಬೊಧನೆ ಕರವಾಳು ಹುಯಿನ್ ಯೇಸುನ ವಿಶ್ವಾಸಿವ್‌ ಥೋಡಜ಼ಣಾನ ಖ್ಹಾಜೇಥಿ ದೂರ್ ಚ಼ಲಾವ್‌ಷೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:32

“ಮೇ ಹಮ್ಕೆ ತುಮೂನ ದೇವ್‍ನಾಬಿ ಇನ ವಾರ್‌ಖ್ಹಾನಿ ವಚನ್ನಾಬಿ ದೆವುಕರೂಸ್. ಯೊ ತುಮಾರಮ ಭಕ್ತಿನ ಭಡಾವನಾಬಿ, ಪರಿಶುದ್‌ಥಿ ತುಮೂನ ಹಕ್ನ ದ್ಯವಾನಾಬಿ ಶಕತ್‌ವಾಳೊ ಹುಯಿರೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:17

ಶನಕತೊ ಖಾವಪೀಯಾನು ದೇವ್ನು ರಾಜ್ಯ ಕಾಹೆ. ನೀತಿ, ಸಮಾಧಾನ್, ಪವಿತ್ರಾತ್ಮಮ ಛಾ಼ತೆ ಖ್ಹುಶಿಸ್ ಹುಯಿರ‍್ಹಿಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:2

ಅಜು಼ ಏಕ್‍ಜ಼ಣಾನಿ ವಿಶ್ವಾಸ್ ಖ್ಹಾರುಸ್ ಥರಾನು ಖಾಣುಖಾವಾನಿತರ ಕರಸ್. ಕತೋಬಿ ವಿಶ್ವಾಸ್‌ಮ ಕಮ್‍ಜೋ಼ರಿ ರ‍್ಹವಾಳು ಭಾಜಿಪಾಲೊ ಖಾವಾಳೋಸ್ ಹುಯಿರ‍್ಹೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:6

ಏಕ್‍ದನ್ನ ವಿಶೇಷ್‍ಕರಿ ಸೋಚವಾಳು ಯೋ ಪ್ರಭುನ ಮರ್ಯಾದಿನಖ್ಹಾಜೆ ಕರಿ ಲಾಝ಼ದೆ. ಅಖ್ಖೂಸ್ ಖಾವವಾಳೊ ದೇವ್ನ ಧನ್ಯವಾದ್‍ಕರೀನ್ ಪ್ರಭುನ ಮರ್ಯಾದಿನ ಖ್ಹಾಜೆಸ್ ಖಾಸ್‌. ಅಖ್ಖೂಸ್ ನಾ ಖಾವವಾಳೊಬಿ ದೇವ್ನ ಧನ್ಯವಾದ್ ಕರಸ್.

1 ಕೊರಿಂಥ 6:13

ಖಾಣು ಅಖ್ಖು ಪೇಟ್ನಖ್ಹಾಜೇಸ್. ಪೇಟ್ ಖಾಣನ ಖ್ಹಾಜೆಸ್ ಛಾ಼.” ಕರಿ ಬೋಲೆಜಾ಼ಯ್ ಯೋ ಖ್ಹಾಚಾಸ್. ಆ ಭೇನ ಪೂರ ಕರಾವಾಳೊ ದೇವಸ್. ಶರೀರ್‌ಛಾ಼ತೆ ವ್ಯಬಿಚಾರ್‌ ಕರಾನಖ್ಹಾಜೆ ಕಾಹೆ ಪ್ರಭುನ ಸೇವೆ ಕರಾನಖ್ಹಾಜೆಸ್. ಪ್ರಭು ಶರೀರ್‌ನಖ್ಹಾಜೆ ಛಾ಼.

1 ಕೊರಿಂಥ 8:8

ಕತೋಬಿ ಅಪ್ಣೆ ಖಾವನು ಖಾಣು ದೇವ್ನ ಖನ್ನೆ ಮ್ಹೇಲಾಕೊಯ್ನಿ. ನಾ ಖಾವಾಥಿ ಲುಕ್ಷಾನ್‌ಬಿ ಕೊಯ್ನಿ. ಖಾದೋತೊ ಫಾಯಿದೊಬಿ ಕೊಯ್ನಿ.

2 ಕೊರಿಂಥ 1:21

ದೇವ್ ತುಮುನಾಬಿ ಹಮೂನ ಏಕ್‍ಕರಿ ಮಳೈರಾಖ್ಯೊಸ್. ಅಜು಼ ಅಪ್ಣುನ ಅಬಿಷೇಕ್ ಕರೀನ್ ಕ್ರಿಸ್ತನಿ ಗಳ್‌ಜೋ಼ಡ್ಮ ಏಕ್‌ ಹುಯಿರಾಸ್. ಅನ ಖುದ್ ದೇವಸ್ ಕರಿರಾಖ್ಯೊಸ್.

ಗಲಾತ್ಯ 6:1

ಭೈಯೇ ಭೇನೆವೊ ತುಮಾರಮ ಕೋಣ್‌ತೋಬಿ ಖಿವುತೋಬಿ ಪಾಪ್‌ಮ ಖ್ಹಪ್ಡಿ ರ‍್ಹಯೂತೊ ಎಥ್ರಾನವಾಳನ ಆತ್ಮಥಿ ಭರೈರ‍್ಹಾವಳ ತುಮೆ ಧೀಮೆಥಿ ಬೋಲಿನ್ ಬರೋಬರ್ ಕರೊ. ತುಮೆತೋಬಿ ಶೋದನೆಮ ನಾಪಡ್ನುತೆ ಇಮ್‌ ತುಮಾರಿ ಬಾರೇಮ ಜ಼ತನ್ ರ‍್ಹವೊ.

ಎಫೆಸ 4:14

ಇನಾಖ್ಹಾಜೆ ಬೋಲಿಲಾವನು ಶಾತ್‌ಕತೊ ಅಪ್ಣೆ ಹಂಕೇಥು ಅಡ್ಡಾಣಿ ನಾ ಹುಯಿರ‍್ಹೇವ್ಣುತೆ, ಖರಾಬ್ ಅದ್ಮಿನ ಠಗಾವ್ಣಿಮಾಬಿ, ಗಲ್ತಿಸೋಚ್‌ಮ ಪಡೀನ್, ಅಲಕ್ ಅಲಕ್ ಭೋದನ್‌ಥಿ ಧೋಕಹುಯಿನ್ ವಹಿರೊ ಕೀಕಡ್‌ಕಿ ತೀಕಡ್‌ ನಾಜಾ಼ವಾಳ ಹುಯಿರ‍್ಹೇಣು.

ಎಫೆಸ 5:6

ಫಾಯಿದೊಕೊಂತೆ ವಾತೆಥಿ ಕೋಣ್‌ಬಿ ತುಮುನ ನಕೊ ಠಗಾವದೆ, ಅಮ್ನು ಕಾಮ್ ಅಖ್ಖಾನಖ್ಹಾಜೆ ದೇವ್‌ನೊ ಇರಾದೊ ಇನಿ ವಾತೆನ ಮೀರಿನ್ ಚಾ಼ಲಸ್ತೆ ಇವ್ಣ ಉಪ್ಪರ್ ಆವಸ್.

ಕೊಲೊಸ್ಸೆ 2:4

ಕೋಣ್‌ಬಿ ತುಮುನ ಇವ್ಣ ಪೊಖ್ಹ್‌ಲಾವನಿ ವಾತೆಥೀಬಿ ಝೂ಼ಟಿ ವಾತೆಥಿ ಠಗಾವ್ಣುನಾ ಕರಿ ಆ ವಾತೆಖ್ಹಾರಿ ತುಮುನ ಬೋಲಿರಾಖ್ಯೊಸ್.

2 ಥೆಸ 2:17

ಖ್ಹಾರಿಸ್ ತರ‍್ಹಾನು ಅಛ಼್ಛಕಾಮ್ಮಬಿ ಅಛ಼್ಛು ವಚನ್‌ಮಾಬಿ ತುಮುನ ಭಾಲಿದ್ಯವಾದೆ.

2 ಥೆಸ 2:2

ಪ್ರಭುನೊ ದನ್ ಐರ‍್ಹೋಸ್ ಕರಿ ತುಮೆ ಆತ್ಮಥಿರ‍್ಹಿಲೇವೊ ವಾತೆಮರ‍್ಹಿಲೇವೊ ಹಮಾರಿ ಚಿಟ್ಟಿರ‍್ಹಿಲೇವೊ ತುಮೆ ವಗ್ಗಿಸ್‌ಮ ಕಲಾವ್ಣಿ ನಕೊಹುವೊ.

1 ತಿಮೊ 6:20

ತಿಮೊಥೆ, ತುನ ಶಾತ್ ದೀರಾಖ್ಯೋಸ್ತೆ ಇನ ಜ಼ತನ್‌ಥಿ ರಾಕ್‌, ಅಜು಼ ಹೋಣುಕೊಂತೆ ವಾತೇಥಿ ಥೋಡುಜ಼ಣು ಗಲತ್‌ಥಿ ಅಕ್ಕಲ್ ಬೋಲಾಸ್ತೆ ಫಾಲ್ತು ವಾತೇಥಿ ದೂರ್ ರ‍್ಹೇ.

1 ಯೋಹಾನ 4:1

ಪ್ಯಾರ್‌ನ ಅದ್ಮಿವೊ “ಅಪ್ಣಾಮ ಪವಿತ್ರಾತ್ಮ ಛಾ಼” ಕರಿ ಬೋಲಿಲ್ಯಾವಾಳ ಅಖ್ಖಾಸ್ನ ವಿಶ್ವಾಸ್ ನಾಕರ‍್ನು. ಯೊ ಹುಮ್ಮಖ್ಹ್‌ ದೇವ್‍ಥಿ ಆಯು ಕಿಶು ಕರಿ ತರೀಪ್‌ಶ ಕರಿನ್ ದೇಖೊ. ಶನಕತೊ ಜಗತ್‌ಮ ಕೆತ್ರುಕ್ಕಿ ಝೂ಼ಟು ದೇವ್ನಿ ಸಮಾಚಾರ್ ಬೋಲವಾಳು ಕಿಜ಼್ಜ ಕಿಜ್ಜಾ಼ಬಿ ಫೈಲೈಗು.

ಯೂದನೆ ಲೀಖ್ಯೋತೆ ಚಿಟ್ಟಿ 1:12

ತುಮಾರ ಪ್ಯಾರ್‌ನ ಮಿಝ಼್ವಾನ್‌ಮ ಡರ್‌ಕೊಂತೇಸ್ ಖೈನ್, ಇವ್ಣು ಇವ್ಣೇಸ್ ಪೇಟ್ ಪಾಳವಾಳು ಹುಯಿರ‍್ಹುಸ್, ಇವ್ಣೆ ವರ್ಖ್ಹಾತ್‍ಕೊಂತೆ ಮೋಡ್‍ನಿತರ ರ‍್ಹೀನ್, ವಹಿರೊ ವಾಗಥೀಸ್ ಉಡಿಜಾ಼ವಳನಿತರ ರ‍್ಹೇಸ್ ಅಜು಼ ಇವ್ಣೆ ಬರೋಬರ್ ಹಗಾಮ್ನ ಪಂಡು ಮ್ಹೇಲಾಕೊಂತೆ ಅಜು಼ ಜ಼ಡ್‍ಖ್ಹಮೇದ್ ಉಖ್‌ಡೈ ರಡ್ಕಿಜಾ಼ಸ್‍ತೆ ಝಾ಼ಡನಿತರ ರ‍್ಹೇಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:3

ಮಾರ ಪ್ಯಾರ್‌ವಾಳ, ಅಪ್ಣೆ ಲೀರಾಖ್ಯಾತೆ ರಕ್ಷಣೇನಿ ಬಾರೇಮ ತುಮೂನ ಲಿಖಾನ ಪೂರ ಆಖ್ಹ್‌ಥಿ ಕೋಶಿಶ್ ಕರಾನಿ ವೇಳ್ಮ, ದೇವ್ನ ಅದ್ಮಿವೋನ ಹರ್‌ಹಮೇಶ ರ‍್ಹವಾನಿಘೋಣಿ ಎಕ್ಕಸ್‍ಹಲ್ಲ ದೆವೈರ‍್ಹೀತೆ ಭರೋಖ್ಹಾನ ಬಚಾ಼ಡಿಲ್ಯವಾನಖ್ಹಾಜೆ, ತುಮೆ ಕರ್ತರ‍್ಹೇಣುಕರಿ ಝೇತೈನ್ ಲೀಖಾನು ಅಛ್ಛು಼ಕರಿ ಮನ ಬೋಲಾಯು.