ಇಬ್ರಿ 13:3 - ದೇವ್ನಿ ಖ್ಹಾಚಿ ವಚನ್

³ ಜೇಲ್‌ಮ ರ‍್ಹವಾಳನ ಜೋ಼ಡ್ಮ ತುಮೇಬಿ ಜೇಲ್ ಜೋಡ್ಮರ‍್ಯವಾಳ ಕರಿ ಮಾಲುಮ್‌ ಕರೀನ್ ಇವ್ಣ ಶರೀರ್‌ನ ಹುಯೂತೆ ಖ್ಹತಾಪ್ಣಿ ತುಮುನಾಬಿ ಹುಯುಕರಿ ಲಹಿನ್ ಇವ್ಣುನ ಖ್ಹಯಾಲ್ ಕರಿಲೆವೊ.

ಇಬ್ರಿ 13:3 ပူးပေါင်းရင်းမြစ်များ

ಮತ್ತಾಯ 25:36

ಮೇ ಉಘಾಡೊ ಥೊ, ತುಮೆ ಮನ ಪೇರ‍್ಹಾನ ಲುಂಗ್ಡಾದಿದಾ; ಮೇ ರೋಗ್‌ಮ ಪಡ್ಯೋಥೊ, ತುಮೆ ಮನ ದೇಕ್-ಭಾಲ್ ಕರ‍್ಯಾ; ಮೇ ಜೇಲ್‌ಮ ಥೊ, ತುಮೆ ಮನ ದೇಖಾನ ಆಯಾಥಾ’ ಕರಿ ಬೋಲ್‌ಶೆ.

ಮತ್ತಾಯ 25:43

ಮೇ ಪರೈ ಹುಯಿನ್ ಥೊ, ತುಮೆ ಮನ ಮಳೈಲಿದಾಕೊಯ್ನಿ; ಮೇ ಉಘಾಡೊ ಥೊ, ತುಮೆ ಮನ ಪೇರ‍್ಹಾನ ಲುಂಗ್ಡ ಕೋ ದಿದಾನಿ; ಮೇ ರೋಗ್‌ಮ ಥೊ, ತುಮೆ ಮನ ದೇಕ್‌ಭಾಲ್‌ ಕೋ ಕರ‍್ಯಾನಿ; ಮೇ ಜೇಲ್‌ಮ ಥೊ, ತುಮೆ ಮನ ದೇಖಾನ ಕೋಆಯನಿ’ ಕರಿ ಬೋಲ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:23

ಇನಕೇಡೆಥು ಪೌಲನ ಕಾವ್ಲಿಮ ರಾಖೇಜಾ಼ಯ್‌, ಕತೋಬಿ ಇನ ಶಾತ್ಬಿ ಅಡ್ಡಿ ನಾಕರ‍್ನು, ಇನ ದೇಖಿಲ್ಯವಾಳು ಇನ ಖ್ಹದ್ದರ್‌ಕರೀನ್ ಆಡು ಶಾತ್ಬಿ ನಾಕರ‍್ನುಕರಿ ಖ್ಹೋಶಿಪಾಯಿನ ಮೋಟಾನೆ ಹುಕುಮ್‌ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 27:3

ಇನವ್ಹಾಣೆ ಹಮೆ ಸೀದೋನ್‍ಖ್ಹಯೇರ‍್ನ ಜೈ಼ನ್ ಪೋಚ್ಯ. ಯೂಲ್ಯನೆ ಪೌಲನಪರ್ ಗೋರ್‌ ಕರಾವಳೊಹುಯಿನ್, ಇನ ದೋಸ್ತಿಖ್ಹಾರನಕನ ಮದತ್ ಲೀಲ್ಯಾವನಖ್ಹಾಜೆ ಇನ ಹುಕುಮ್ ದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:15

ಖುಷಿಕರವಾಳನಿ ಜೋ಼ಡ್ಮ ಖುಷಿಕರೊ. ರೋವವಾಳಾನಿ ಜೋ಼ಡ್ಮ ರೋವೊ.

1 ಕೊರಿಂಥ 12:26

ಶರೀರ್‌ನು ಏಕ್‌ ಭಾಗ್ನ ಅಜ಼ಹುಯಿತೊ ಅಖ್ಖಾಸ್ ಭಾಗ್ನಾಬಿ ಅಜ಼ ಹುವಾಸ್; ಏಕ್‌ ಭಾಗ್ನ ಖ್ಹರಾವ್ಣಿ ಮಳ್ಯುತೊ ಅಖ್ಖಾಸ್ ಭಾಗ್ನಾಬಿ ಖುಷಿ ಹುವಾಸ್.

ಎಫೆಸ 4:1

ಇನಖ್ಹಾಜೆ ಪ್ರಭುನ ಸೇವೆನಖ್ಹಾಜೆ ಖೈದಿ ಹುಯಿರ‍್ಹೊಸ್ತೆ ಮೆ ತುಮೂನ ಬೋಲಿಲೆವ್‌ಸ್ ಶಾತ್‌ಕತೊ ದೇವ್ ತುಮುನ ಬುಲಾವನಿವಖ್ಹ್‌ತೆ ತುಮೆ ದೇವ್‍ಥಿ ಬುಲೈರಾಸ್ತೆಖ್ಹಾಜೆ ಯೊ ಬುಲಾವ್ಣಿನ ಲ್ಹಾಯೇಕ್ ಹುಯಿನ್ ಜಿವ್ಣು ಕರೊ.

ಕೊಲೊಸ್ಸೆ 4:18

ಪೌಲಕರಿ ಮೇ ಮಾರ ಹಾತೇಥಿಸ್ ಲೀಖ್ಯೋತೆ ಖ್ಹಲಾಮ್ ಹುಯಿರೀಸ್. ಮೇ ಜೇಲ್‌ಮ ಥೋಕರಿ ಬೋಲಾನು ಯಾದ್ ಕರಿಲೆವೊ. ದೇವ್‌ನೊ ವಾರ್‌ಖ್ಹೊ ತುಮಾರಿ ಜೋ಼ಡ್ಮ ರ‍್ಹವಾದೆ.

ಇಬ್ರಿ 10:34

ತುಮೆ ಜೇಲ್‌ಮ ರ‍್ಹವಾಳನ ಆರ್‌ಗೋರ್‌ ಒತಾಳ್ಯ. ಅನೇಥಿ ಊಚು಼ ಹುಯಿರ‍್ಹುತೆ ಹಮೇಶಾನಿ ಆಸ್ತಿ ಛಾ಼ಕರಿ ಮಾಲುಮ್ ಕರಿಲಿದ ತುಮಾರಿ ಶೊತ್ನ ಛಿನೈಲ್ಯವಾಳಾನ ಶಂತೋಖ್ಹ್‌ಥಿ ಮ್ಹೇಲಿರಾಖ್ಯಸ್.

ಇಬ್ರಿ 11:37

ಬಿಜು಼ ಥೋಡಜ಼ಣಾನ ಅದ್ಮಿಖ್ಹಾರು ಬಂಡೊ ಫೇಖಿನ್ ಮಾರ‍್ಯು, ಥೋಡಜ಼ಣಾನ ಚ಼ರಕ್‌ಥಿ ವ್ಹಾಡಿನ್ ಬೇಭಾಗ್‌ ಕರಿನ್‌ ಮಾರ‍್ಯು, ಥೋಡಜ಼ಣಾನ ತಲ್ವಾರ್‌ಥಿ ಮಾರ‍್ಯು, ಥೋಡುಜ಼ಣು, ಖ್ಹತಾಪ್ಣಿ, ಅಜ಼ ಆ ಖ್ಹಾರು ಲ್ಯವಾಳುಹುಯಿನ್, ಬೋಕ್ಡು, ಮೇಂಢಾನ ಚಾ಼ಂಬ್‌ಡಾವ್ನ ಫೇರವಾಳು ಹುಯಿನ್ ವದೇಖ್ಹ್‌ ಕಾಟ್ಯು.

1 ಪೇತ್ರ 3:8

ಇನಖ್ಹಾಜೆ ತುಮೆಖ್ಹಾರು ಏಕ್‌ ದಿಲ್‌ವಾಳ ಹುಯಿರ‍್ಹಿನ್ ಆರ್‌ಗೋರ್‌ ಕರಾವಾಳ ಹುಯಿನ್ ಜಿವೊ; ಏಕ್‌ಥಿ ಏಕ್‌ ಮಾಲುಮ್ ಕರಿಲ್ಯಾವಾನ ಕೊಶೀಷ್ ಕರೊ. ಏಕ್‌ಥಿ ಏಕ್‌ ಭೈಯೆ ಭೇನೆನಿತರ ಪ್ಯಾರ್‌ಕರೊ. ಅಜು಼ ಗೋರ್‌ ಕರವಾಳು ಶೇದೇವ್‍ಬಿ ಹುಯಿರ‍್ಹೇವೊ.