ಇಬ್ರಿ 12:4 - ದೇವ್ನಿ ಖ್ಹಾಚಿ ವಚನ್

⁴ ತುಮೆ ಪಾಪ್ನ ವಿರೋದ್ನ ಲಡಾಮ ಲ್ಹೋಯಿನ ರಂಚಾ಼ಯೆತ್ರೆ ಲಡ್ಯಾಕೊಯ್ನಿನಿ.

ಇಬ್ರಿ 12:4 ပူးပေါင်းရင်းမြစ်များ

ಮತ್ತಾಯ 24:9

ತದೆ ತುಮೂನ ಧರೀನ್ ದಂಡನೆ ದೀನ್ ಮಾರ ನಾಮ್ನಖ್ಹಾಜೆ ಹರೇಕ್ ದೇಖ್ಹ್‌ವಾಳು ತುಮೂನ ವಹೇರ್‌ ಕರ್ಶೆ.

1 ಕೊರಿಂಥ 10:13

ಅದ್ಮಿವೋನ ಮಾಮುಲಿ ಅವಾತೆ ಖ್ಹತಾಪ್ಣಿ ಮ್ಹೆಲ್ಯುತೊ ಬಿಜು಼ ಖೆವುಕಿ ತುಮೂನ ಆಯುಕೊಯ್ನಿನಿ. ಕತೋಬಿ ದೇವ್ ವಿಶ್ವಾಸ್‌ವಾಳೊ. ತುಮೂನ ಖ್ಹಮಾಳನ ಹೋಯಿಕೊಂತೆ ಶೋದನೆಖ್ಹಾರಾನ ಯೋ ತುಮಾರಪರ್ ಆವಾನಿತರ ಮ್ಹೆಲಕೊಯ್ನಿ. ಕತೋಬಿ ತುಮೂನ ಶೋದನೆ ಆಯುತೊ ಯೊ ಅಖ್ಖಾನ ಖ್ಹಮಾಳನ ಶಕತ್‌ವಾಳ ಹುವಾನಿತರ ಯೋ ಅಖ್ಖೇಥಿ ಛು಼ಕಿಜಾ಼ವಾನೊ ಮಾರಗ್ ಬಣಾವಸ್.

ಫಿಲಿಪ್ಪಿ 2:8

ಇನೆ ಇನುಯೋಸ್ ಹೇಟು ಹುಯಿನ್ ಮರಣ್ಣಖ್ಹಾಜೆ ಕತೊ ಶಿಲ್‌ಬೇನಿ ಮರಣ್ಣಾಬಿ ಛೀಮಯೆತ್ರೆ ಹೇಟೊ ಹುಯೊ.

ಇಬ್ರಿ 12:2

ಯೇಸು ಇನಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಖ್ಹುಶಿನಖ್ಹಾಜೆ ಖ್ಹರಮ್‌ನಾಬಿ ಖ್ಹಾಯ್‌ ಕರ‍್ಯೊಕೊಂತೆ ಶಿಲ್‌ಬೇನಿ ಮರಣ್ಣ ಖ್ಹಮಾಳಿನ್, ದೇವ್ನು ಸಿಂಹಾಸನ್ನ ಖಾವಿಬಾಜು಼ಮ ಬೆಠೋಸ್.

ಇಬ್ರಿ 13:13

ಇಮ್ಮಸ್ ಟಾಂಡಾನ ಭಾರ್‌ ಕಾಡಿನ್, ಖ್ಹರಮ್‌ ಕಾಡ್ಯುತೆ ಇನಾಮ ಅಪ್ಣೇಬಿ ಭಾಗ್‌ಲ್ಯವಾಳ ಹುಯಿರ‍್ಹಿಯೆ.

ಪ್ರಕಾಶಿತ್ 12:11

ಇವ್ಣೆ ಮರಣ್‌ಲಗೂಬಿ ಭೈಯೇ ಭೇನೆನ ಇವ್ಣ ಜಾನ್ನ ಪ್ಯಾರ್ ಕರ‍್ಯಕೊಂತೆ, ಮೇಂಢಾನ ಚೆಲ್ಕುಹುಯಿರ‍್ಹವಾಳನ ಲ್ಹೋಯಿಥಿಬಿ ಇನು ಸಾಕ್ಷಿನು ಅಜು಼ ಬೋಲಾಯುತೆ ವಚನ್‌ಥಿಬಿ ಇನ ಜೂತಿಲಿದು.

ಪ್ರಕಾಶಿತ್ 17:6

ಯೋ ತಯೇಡ ನೀತಿವಾಳನ ಲ್ಹೋಯಿನ ಅಜು಼ ಯೇಸುನ ಖ್ಹಾಜೆ ಸಾಕ್ಷಿದೀನ್ ಮರ‍್ಯಹುಯಾನ ಲ್ಹೋಯಿನ ಪೀನ್ ಕಯೇಪ್ ಹುಯಿರ‍್ಹವಾಳಿನ ದೇಖ್ಯೊ. ಮೇ ಇನ ದೇಖಿನ್ ಘಣು ಆಶ್ಚರ್ಯ ಹುಯೊ.

ಪ್ರಕಾಶಿತ್ 18:24

ಪ್ರವಾದಿಖ್ಹಾರಾನು, ದೇವ್ನ ಅದ್ಮಿವ್‌ನು ಲ್ಹೋಯಿ ಅಜು಼ ಜ಼ಮೀನ್‌ಪರ್ ಮರೈಗಯ ಹುಯಾನು ಲ್ಹೋಯಿಬಿ ಇನಮಾಸ್ ಮಳ್ಯುನಿ ಕರಿ ಬೋಲ್ಯೊ.

ಪ್ರಕಾಶಿತ್ 2:13

ತೂ ಜಿವ್ಣುಕರುಕರಾತೆ ಝ಼ಗೊ ಮಾಲುಮ್ ಕರಿರಾಖ್ಯೊಸ್, ಯೋ ಶೈತಾನ್ನು ಸಿಂಹಾಸನ್ನು ಝ಼ಗೊ ಹುಯಿರ‍್ಹುಸ್. ತೂ ಮಾರ ನಾಮ್ನ ಘಟ್‍ಥಿ ಧರಿರಾಖ್ಯೊಸ್. ಶೈತಾನ್ನು ಘರ್ ಹುಯಿರ‍್ಹೂತೆ ತಾರ ಖ್ಹಯೇರ್‌ಮ ಮನ ವಿಶ್ವಾಸ್‌ವಾಳೊ ಸಾಕ್ಷಿ ಹುಯಿರೊಥೋತೆ ಅಂತಿಪ ಮರೈಜಾ಼ವನಿ ವಖ್ಹ್‌ತೆಬಿ ಮಾರಾಮ ಮಿಛಾ಼ಣ್ಯೊಥೊತೆ ವಿಶ್ವಾಸ್ ಧಖೆಲ್ಯೊಕೊಯ್ನಿ.