ಇಬ್ರಿ 12:3 - ದೇವ್ನಿ ಖ್ಹಾಚಿ ವಚನ್

³ ತುಮೆ ದಿಲ್‌ಹೇಟು ನಾ ಕರಾವಾಳ ಹುಯಿನ್ ಬೇಜಾರ್ ನಾಖಾವ್ಣುತೆ ಯೇಸುನಿ ಬಾರೇಮ ಸೋಚಿದೇಖೊ. ಯೊ ಪಾಪಿಯೇವ್ ಖ್ಹಾರಾಥಿ ಕೆತ್ರೇಕ್ಕಿ ವಿರೋದ್ನ ಖ್ಹಮಾಳಿಲಿದೊ.

ಇಬ್ರಿ 12:3 ပူးပေါင်းရင်းမြစ်များ

ಮತ್ತಾಯ 11:19

ಅದ್ಮಿನೊ ಛಿಯ್ಯೊ ಆಯೊ, ಯೋ ಖಾಣುಪಾಣಿ ಲ್ಯವಾಳೊ ಹುಯಿರ‍್ಹೊಥೊ. ಅದ್ಮಿಖ್ಹಾರು ಇನ, ‘ಆ ಅದ್ಮಿ ಖಾಣನು ಮರ್‌ತೇಲ್‌ ಅಜು಼ ಪೀಕುಡ್ಕ ಹುಯಿರ‍್ಹೋಸ್! ಶುಂಕ ಮಾಂಗವಾಳನೊ ಅಜು಼ ಪಾಪಿ ಖ್ಹಾರಾನೊ ದೋಸ್ತ್’ ಕರಿ ಬೋಲಾಸ್, ಕತೋಬಿ ದೇವ್ನಿ ಗ್ಯಾನ್ ಖ್ಹಾಚಿಸ್ ಕರಿ ಬೋಲಾನು ಇನ ಕಾಮ್‌ಥೀಸ್‌ ಮಾಲುಮ್‌ ಪಡಾಸ್‌” ಕರಿ ಬೋಲ್ಯೊ.

ಮತ್ತಾಯ 12:24

ಕತೋಬಿ ಫರಿಸಾಯರ್‌ನೆ ಅನಖ್ಹಮ್‌ಜಿನ್, “ಭೂತ್‌ ಖ್ಹಾರಾನೊ ಯಜಮಾನ್ ಹುಯಿರ‍್ಹೋತೆ ಬೆಲ್ಜೆಬೂಲ್‌ನಿ ಮದತ್‌ಥೀಸ್ ಆ ಭೂತ್‌ ಖ್ಹಾರಾನ ಕಾಡಸ್‌ ಪಣ್ಕಿ, ಬಿಜು಼ ಶನೇಥೀಬಿ ಕಾಹೆ” ಕರಿ ಬೋಲ್ಯು.

ಮತ್ತಾಯ 15:2

“ತಾರು ಶಿಷ್ಯರ್‌ ಅಪ್ಣ ಶಾಣವ್‌ಥಿ ಆಯೂತೆ ಆದತ್‌ನ ಶನ ಪಾಡಿನ್ ಚಾ಼ಲಕೊಯ್ನಿ? ಇವ್ಣೆ ಹಾತ್‌ ಧೊವಾಕೊಂತೆ ಖಾಣು ಖಾಸ್ನಿ” ಕರಿ ಪುಛಾ಼ಯು.

ಮತ್ತಾಯ 21:23

ಯೇಸು ಪಾಛೊ಼ ಮಂದಿರ್‌ಮ ಐನ್, ವಚನ್ನ ಬೋಲಿದೆವ್‍ಕರಾನಿ ವಖ್ಹತ್‌ಮ, ಗಲ್‌ಢಯಾಜಕರ್‌ ಅಜು಼ ಶಾಣುಖ್ಹಾರು ಇನಾಕನ ಆಯಿನ್, “ತೂ ಖೆವಿ ಹಕ್‌ಥಿ ಆ ಖ್ಹಾರು ಕರುಕರಸ್? ಆ ಹಕ್ನ ತುನ ದಿದೂತೆ ಕೋಣ್?” ಕರಿ ಪುಛಾ಼ಯು.

ಮತ್ತಾಯ 21:46

ಇನ ಧರ್‌ನು ಕರಿ ಕರ‍್ಯು. ಕತೋಬಿ ಅದ್ಮಿಖ್ಹಾರು ಯೇಸುನ ಪ್ರವಾದಿ ಕರಿ ಮಾನಿರಾಖ್ಯುಥೂತೆ ಇನಖ್ಹಾಜೆ ಅದ್ಮಿಥಿ ಡರಿಗಯು.

ಮತ್ತಾಯ 22:15

ತದೆ ಫರಿಸಾಯರ್ ಜೈ಼ನ್, ಯೇಸುನ ವಾತೇಮ ಖ್ಹಪ್‌ಡಾವ್ಣು ಕರಿ ವಾತೆ ಕರಿಲೀನ್, ಇನಾಕನ ಆಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:1

ಏಕ್‌ಹಲ್ಲ ಸಬ್ಬತ್‌ ದನ್ನೆ ಯೇಸು ಫರಿಸಾಯರ್‌ನು ಮೋಟಾವ್‍ಮ ಏಕ್‌ ಜ಼ಣಾನ ಘರೆ ಖಾಣನ ಗಯೊ. ಹಿಜ್ಜಾ಼ನು ಅದ್ಮಿಖ್ಹಾರು ಯೇಸುನ ನಿಘಾ ಲಗಾಡಿನ್ ದೇಖುಕರ್ತುಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 15:2

ಅನ ದೇಖಿನ್ ಫರಿಸಾಯರ್ ಅಜು಼ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೇನೆ, “ಆ ಪಾಪಿ ಖ್ಹಾರಾನ ಜೋ಼ಡೆ ಮಳಿನ್, ಇವ್ಣ ಜೋ಼ಡೆ ಖಾಣು ಖಾಸ್ನಿ” ಕರಿ ಯೇಸುಪರ್ ಮಶ್ಲಾ ಮಾರ‍್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:14

ಫರಿಸಾಯರ್‌ವಾಳು ಆ ಖ್ಹಾರಿ ವಾತೇನ ಖ್ಹಮ್‌ಜಿನ್‌, ಇವ್ಣುನ ಪೈಶಾನಿ ಲಾಲಚ್‍ಥೀತೆ ಇನಖ್ಹಾಜೆ, ಯೇಸುನ ನಕ್ಲೆ ಕಾಡ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:34

ಸಿಮೆಯೋನ್ನೆ ಇವ್ಣುನ ಆಶೀರ್ವಾದ್‌ ಕರೀನ್, ಇನಿ ಆಯ ಮರಿಯನ, “ಆ ಲಡ್ಕಾಥಿ ಇಸ್ರಾಯೇಲ್‌ ದೇಖ್ಹ್‌ಮ ಕೈಯೆಕ್ಕಿ ಜ಼ಣು ಪಡಿಜಾ಼ಶೆ ಅಜು಼ ಕೈಯೆಕ್ಕಿ ಉಟ್‌ಶೆ. ಕೈಯೆಕ್ಕಿ ಜ಼ಣು ಅನಿ ವಿರೋದ್ ವಾತೆ ಬೋಲ್‌ಶೇತೇಸ್, ಆ ದೇವ್‍ಥಿ ಆಯೋತೆ ಕರಿ ಬೋಲಾನು ಖ್ಹಣೇದ್ ಹುಯಿರ‍್ಹಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 5:21

ತದೆ ಮೋಶೇನು ವಚನ್‍ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಫರಿಸಾಯರ್ ಖ್ಹಾರು ಇವ್ಣ-ಇವ್ಣಾಮಸ್‌, “ಆ ಅದ್ಮಿ ಕೋಣ್ ಉಶೆ, ದೇವ್ನ ವಿರೋದ್ ವಾತೆ ಬೋಲಾಸ್ತೆ? ದೇವ್ನ ಮ್ಹೇಲಿನ್ ಬಿಜು಼ ಕಿನೇಥಿ ಪಾಪ್‌ಖ್ಹಾರು ಮಾಪ್‌ ಕರಾನ ಹುವಾನು? ಕರಿ ಸೋಚಾಲಗ್ಯು.

ಯೋಹಾನ 10:20

ಇವ್ಣಾಮ ಘಣು ಜ಼ಣು, “ಅನಾಮ ಭೂತ್‌ ಛಾ಼, ಅನ ದಿವಾನು ಲಾಗಿರ‍್ಹೂಸ್, ತುಮೆ ಶನ ಇನಿ ವಾತೇನ ಖ್ಹಮ್‌ಜೋ಼ಸ್ತೆ?” ಕರಿ ಬೋಲ್ಯು.

ಯೋಹಾನ 18:22

ಯೇಸುನೆ ಆ ವಾತೆ ಬೋಲ್ಯೋತೆ ತದೆ, ಇನ ಖನ್ನೆ ಭೀರ‍್ಯುಥೂತೆ ಕಾವ್ಲಿ ಕರಾವಾಳಾಮ ಏಕ್‌ಜ಼ಣಾನೆ ಯೇಸುನ ಕಲ್ಲಪರ್ ಮಾರಿನ್, “ಮಹಾಯಾಜಕನ ಜೋ಼ಡೆ ಅಮ್ ವಾತೆ ಬೋಲಸ್ಕಿಶು? ತುನ ಕೆತ್ರೆ ದಮ್‌” ಕರಿ ಬೋಲ್ಯು.

ಯೋಹಾನ 5:16

ಇನಾಖ್ಹಾಜೆ ಯೆಹೂದ್ಯವಾಳು ಯೇಸು ಸಬ್ಬತ್‌ ದನ್ಮ ಕಾಮ್ ಕರ‍್ಯೊತೆ ಇನಖ್ಹಾಜೆ, ಇನ ಖ್ಹತಾಯು.

ಯೋಹಾನ 7:12

ಅಜು಼ ಅದ್ಮಿನಿ ಝೂ಼ಂಡೇಮ ಯೇಸುನಿ ಬಾರೇಮ ಮಹಿ-ಮಹಿಸ್ ಗುಣ್‍ಗುಣೈನ್ ಬೋಲುಕರ್ತೂಥು. ಥೋಡು ಜ಼ಣು, “ಯೋ ಅಛ್ಛೊ಼” ಕರಿ ಬೋಲ್ಯು. ಅಜು಼ ಥೋಡು ಜ಼ಣು, “ಕೊಯ್ನಿ, ಯೋ ಅದ್ಮಿನ ಮಂಕ್ ಕರುಕರಸ್” ಕರಿ ಬೋಲ್ಯು.

ಯೋಹಾನ 8:13

ಫರಿಸಾಯರ್‌ವಾಳು ಯೇಸುನ, “ತಾರಿ ಬಾರೇಮ ತೂಸ್ ಸಾಕ್ಷಿ ಬೋಲಿಲೆಸ್; ತಾರಿ ಸಾಕ್ಷಿ ಖ್ಹಾಚು಼ ಕಾಹೆ” ಕರಿ ಬೋಲ್ಯು.

ಯೋಹಾನ 8:52

ಇನ ಯೆಹೂದ್ಯವಾಳನೆ, “ತುನ ಭೂತ್‌ ಧರಿರಾಖ್ಯುಸ್ ಕರಿ ಹಮ್ಕೆ ಹಮೂನ ಮಾಲುಮ್ ಪಡ್ಯು! ಅಬ್ರಹಾಮ್‌ ಮರಿಗಯೊ, ಅಜು಼ ಪ್ರವಾದಿ ಖ್ಹಾರುಬಿ ಮರಿಗಯು, ತೋಬಿ ತೂ ಬೋಲಸ್ಕಿ, ಮೆ ಶಿಕಾಡನಿಘೋಣಿ ಚಾ಼ಲವಾಳು ಕದೇಬಿ ಮರ್‌ಶೆಕೊಯ್ನಿ ಕರಿ.

ಯೋಹಾನ 8:59

ಆ ವಾತೆನ ಖ್ಹಮ್‌ಜಿನ್‌, ಇವ್ಣೆ ಇನ ಮಾರಾನಖ್ಹಾಜೆ ಬಂಡಾ ಪಾಡಿಲಿದು, ಕತೋಬಿ ಯೇಸು ಓಠೆಹೋತೊಹುಯಿನ್, ಮಂದಿರ್‌ನ ಮಹಿಕರಿ ಚ಼ಲೆಗಯೊ.

ಯೋಹಾನ 9:40

ಯೇಸುನ ಜೋ಼ಡ್ಮ ಥಾತೆ ಥೋಡ ಫರಿಸಾಯರ್‌ನೆ ಅನ ಖ್ಹಮ್‌ಜಿನ್‌ ಬೋಲ್ಯು, “ಹಮೇಬಿ ಕಾಣಕರಿ ಬೋಲುಕರಾಸ್ಕಿ ಶು?” ಕರಿ ಯೇಸುನ ಪುಛಾ಼ಯು.

1 ಕೊರಿಂಥ 15:58

ಇನಾಖ್ಹಾಜೆ ಮಾರ ಪ್ಯಾರ್‌ನ ಭೇನೆ ಭೈಯೇವೊ, ಘಟ್‍ಥಿ ಭೀರ‍್ಹೆವೊ. ಕೆಹೂಬಿ ತುಮುನ ಹಲಾವದೆ ನಕೊ. ಪ್ರಭುಮ ತುಮಾರೊ ವಾಖ್ಯೊ ಬಿಣ್‌ಫಾಯಿದೊ ಉಶೆಕೊಯ್ನಿ ಕರಿ ಖ್ಹಮ್‌ಜಿನ್‌, ಪ್ರಭುನ ಕಾಮ್ನಖ್ಹಾಜೆ ಕದೇಬಿ ತುಮಾರು ತುಮೆ ಪೂರ ಅರ್ಪಣ್‍ ಕರಿಲೆವೊ.

2 ಕೊರಿಂಥ 4:1

ದೇವ್ನೆ ಇನಿ ಗೋರ್‌ಥಿ ಆ ಸೇವೆನ ಹಮೂನ ದಿದೋತೆ, ಇನಾಖ್ಹಾಜೆ ಹಮೆ ಹಿಮ್ಮತ್ ಮ್ಹೆಂದಿನ್‍ ಪಾಛ಼ ಫರೀಯೆ ಕೊಯ್ನಿ.

2 ಕೊರಿಂಥ 4:16

ಅನಖ್ಹಾಜೆಥೀಸ್ ಹಮೆ ಕದೇಬಿ ಡರ್‌ಶುಕೊಯ್ನಿ. ಅಪ್ಣು ತನ್ ನಾಶ ಹುಯಿಗುತೋಬಿ ಅಪ್ಣು ದಿಲ್‌ ದನ್‍ಪರ್ ದನ್ ನವು ಹೋತುಆವ್‍ಶೇ.

ಗಲಾತ್ಯ 6:9

ಅಛ್ಛಾ಼ನ ಕರಾಮ ವಳ್‍ಶಿ ನಕೊಕರಿಯೆ, ದಿಲ್ಮ ಢೀಲ ನಾಪಡ್ನುತೆ ರ‍್ಹಿಯೆ, ತದೆ ಬರೊಬ್ಬರ್‌ನಿ ವಖ್ಹತ್‌ಮ ಅನಾಜ಼್ ವ್ಹಾಡ್‌ಶು.

2 ಥೆಸ 3:13

ಕತೋಬಿ ಹಮಾರ ಭೈಯೆ-ಭೇನೆವೊ, ತುಮೇತೊ, ಅಛ್ಛು಼ ಕರಾಮ ಕದೇಬಿ ಬೇಜಾರ್ ಕರ್ಶು ನಕೊ.

ಇಬ್ರಿ 12:2

ಯೇಸು ಇನಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಖ್ಹುಶಿನಖ್ಹಾಜೆ ಖ್ಹರಮ್‌ನಾಬಿ ಖ್ಹಾಯ್‌ ಕರ‍್ಯೊಕೊಂತೆ ಶಿಲ್‌ಬೇನಿ ಮರಣ್ಣ ಖ್ಹಮಾಳಿನ್, ದೇವ್ನು ಸಿಂಹಾಸನ್ನ ಖಾವಿಬಾಜು಼ಮ ಬೆಠೋಸ್.

ಇಬ್ರಿ 12:5

ಲಡ್ಕಾವ್‍ನ ಬೋಲಾನಿತರ ತುಮುನ ಬೋಲಿನ್ ಹುಮ್ಮಖ್ಹ್‌ನಿ ವಾತೆವ್‌ನ ಭೈಕಿಗಯಕಿಶು? ಯೊ ಶಾತ್‌ಕತೊ ಮಾರ ಛಿಯ್ಯಾ ಪ್ರಭುನಿ ನಿಶತ್ ಝಿಟ್ಕಾರ್‌ ನಕೊ. ಯೊ ತುನ ಗುರ್‌ಕಾವನಿ ವಖ್ಹ್‌ತೆ ಬೇಜಾರ್ ನಕೊಕರ್.

ಇಬ್ರಿ 3:1

ಇನಖ್ಹಾಜೆ ಕ್ರಿಸ್ತಮ ಪರಿಶುದ್ಧರ‍್ಹವಾಳ ಭೈಯೇ ಭೇನೆವೊ ಸೊರ್ಗನು ಬುಲಾವ್ಣಿಮ ಭಾಗ್‌ ಲೀರಾಖವಾಳವೊ, ಅಪ್ಣೆ ಮಾನಿರಾಖ್ಯತೆ ಅಪೊಸ್ತಲಬಿ ಅಜು಼ ಮಹಾಯಾಜಕ್‍ಬಿ ಹುಯಿರ‍್ಹೋತೆ ಯೇಸುನಿ ಬಾರೇಮ ಧ್ಯಾನ್ ಲಗಾಡಿನ್ ಸೋಚೊ.

1 ಪೇತ್ರ 2:23

ಗಾಳೆ ದ್ಯವಾಳನ ಪಾಛೊ಼ ಗಾಳೆದಿದೊಕೊಯ್ನಿ. ಯೊ ಖ್ಹತಾಪ್ಣಿ ಕರಾನಿ ವಖ್ಹ್‌ತೆ ಕಿನಾಬಿ ಡರಾಯೊಕೊಂತೆ, ನ್ಯಾವ್‌ಥಿ ತೀರ್ಪ್ ಕರಾವಾಳನ ಇನ ಕಾಮ್ನ ದಿನಾಖಿದಿದೊ.

ಪ್ರಕಾಶಿತ್ 2:3

ತೂ ಧೀರ್‌ವಾಳೊ ಹುಯಿನ್ ಮಾರ ನಾಮ್ನಖ್ಹಾಜೆ ಖ್ಹತಾಪ್ಣಿನ ಖ್ಹಮಾಳಿನ್ ಲಡ್‌ಕ್ಯೊಕೊಂತೆ ಥೋತೆ ಮನಮಾಲುಮ್‌.