ಇಬ್ರಿ 12:2 - ದೇವ್ನಿ ಖ್ಹಾಚಿ ವಚನ್

² ಯೇಸು ಇನಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಖ್ಹುಶಿನಖ್ಹಾಜೆ ಖ್ಹರಮ್‌ನಾಬಿ ಖ್ಹಾಯ್‌ ಕರ‍್ಯೊಕೊಂತೆ ಶಿಲ್‌ಬೇನಿ ಮರಣ್ಣ ಖ್ಹಮಾಳಿನ್, ದೇವ್ನು ಸಿಂಹಾಸನ್ನ ಖಾವಿಬಾಜು಼ಮ ಬೆಠೋಸ್.

ಇಬ್ರಿ 12:2 ပူးပေါင်းရင်းမြစ်များ

ಮತ್ತಾಯ 16:21

ತಪ್‌ಥೊ ಯೇಸು, “ಮೇ ಯೆರೂಸಲೇಮ್‌ನ ಜೈ಼ನ್‌, ಹಿಜ್ಜಾ಼ ಶಾಣಾವ್‍ಥೀಬಿ, ಗಲ್‌ಢಯಾಜಕರ್‌ಥಿ, ಅಜು಼ ಮೋಶೆನಿ ವಚನ್ ಶಿಕಾಡವಾಳ ಶಾಸ್ತ್ರಿಯೇಥಿ ಘಣು ಲತಾಡ ಖ್ಹಮಾಳ್‌ಣು ಅಜು಼ ಇವ್ಣೆ ಇನ ಮರ್‌ನಾಕ್‌ಶೆ; ಕತೋಬಿ ತೀನ್ ದನ್‌ಕೇಡೆ ಮೇ ಪಾಛೊ಼ ಜಿವ್ತೊಹುಯಿನ್, ಉಠೀನ್ ಆಯಿಶ್” ಕರಿ ಶಿಷ್ಯರ್‌ನ ಬೋಲಾನ ಶುರು ಕರ‍್ಯೊ.

ಮತ್ತಾಯ 20:28

ಅಮ್ಮಸ್ ಅದ್ಮಿನೊ ಛಿಯ್ಯೋಬಿ ಸೇವೆ ಕರೈಲ್ಯವಾನಖ್ಹಾಜೆ ಕೋ ಆಯೋನಿ, ಪಣ್ಕಿ ಸೇವೆ ಕರಾನ ಅಜು಼ ಇನೊ ಜಾನ್ನ ದೀನ್, ಕೈಯೆಕ್ಕಿ ಅದ್ಮಿನ ಛೋ಼ಡೈಲ್ಯವಾನಖ್ಹಾಜೆ ಆಯೊ” ಕರಿ ಬೋಲ್ಯೊ.

ಮಾರ್ಕ 14:36

“ಓ ಬಾ, ಓ ಮಾರೊ ಬಾ! ತಾರೇಥಿ ಖ್ಹಾರುಸ್‌ ಹುವ್ವಾಸ್‌. ಆ ವದೇಖ್ಹಾನ ರಾಛಾ಼ನ ಮಾರೇಥಿ ಹಟಾವ್‌. ತೋಬಿ ಮಾರಿ ಮರ್ಜಿನಿ ಘೋಣಿ ಕಾಹೆತೆ ತಾರಿ ಮರ್ಜಿನಿ ಘೊಣಿಸ್ ಹುವಾದೆ” ಕರಿ ಬೋಲ್ಯೊ.

ಮಾರ್ಕ 15:28

ಆ ವಚನ್ ಗ್ರೀಕ್‌ನು ಥೋಡು ವಚನ್ನು ಭಾಗ್‌ಮ ಛಾ಼,

ಮಾರ್ಕ 16:19

ಯೇಸು ಪ್ರಭುನೆ ಇವ್ಣ ಜೋ಼ಡೆ ಆ ಖ್ಹಾರು ಬೋಲಿನ್ ಹುಯಿಜಾ಼ವಾನ ಬಾದ್‌ಮ ಇಮ್ಮಸ್ ಸೊರ್ಗಮ ಪಡೈಗಯೊ ಅಜು಼ ಯೇಸು ದೇವ್ನ ಖಾವಿ ಬಾಜು಼ಮ ಬೇಶಿಗಯೊ.

ಮಾರ್ಕ 9:12

ತದೆ ಯೇಸುನೆ, “ಎಲೀಯ ಪಹಿಲೆ ಐನ್ ಖ್ಹಾರು ಖ್ಹವಾರ್‌ಶೇತೆ ಖ್ಹಾಚಸ್. ಕತೋಬಿ ಅದ್ಮಿನೊ ಛಿಯ್ಯಾನಿ ಬಾರೇಮ, “ಯೋ ಘಣು ಲತಾಡ ಪಡೀನ್ ಅದ್ಮಿಥಿ ಧಕೇಲೈಜಾ಼ಶೆ ಕರಿ ಲೀಖೈರ‍್ಹೂಸ್‌ನಿ, ಆ ಕಿಮ್?

ಮಾರ್ಕ 9:24

ಇಮ್‌ ಬೋಲ್ತಾಸ್‌ನ ಯೋ ಛೋ಼ಕ್ರಾನ ಬಾನೆ, “ನಂಬುಸ್‌, ಮಾರಿ ವಿಶ್ವಾಸ್‌ಕಮ್‌ ಉಶೆತೋಬಿ, ಮದತ್‌ಕರ್‌” ಕರಿ ಚಿಕ್ರಿನ್ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:5

ಅಪೊಸ್ತಲರ‍್ನೆ ಪ್ರಭುನ, “ಹಮಾರಿ ವಿಶ್ವಾಸ್‌ನ ಭಡಾವ್” ಕರಿ ಬೋಲಿಲಿದ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:11

ಹೆರೋದ ಅಜು಼ ಇನು ಸಿಪಾಯಿಖ್ಹಾರು ಯೇಸುನಿ ಛಿಂಘಾವ್ಣಿ ಕರೀನ್, ನಕ್ಲೆ ಕಾಡ್ಯು. ಅಜು಼ ಘಣು ಅಛ್ಛು಼ ಝ಼ಗ್ಗಾನ ಫೇರೈನ್, ಪಾಛು಼ ಪಿಲಾತಕನ ಮೋಕ್ಲಿದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:26

ಕ್ರಿಸ್ತ ಅಮ್ನಿಖ್ಹಾರಿ ಖ್ಹತಾಪ್ಣಿ ಖೈನ್, ಇನಿ ಮಹಿಮೆಮ ಜಾ಼ವಾನು, ಜ಼ರೂರತ್ ಛಾ಼ನಿ ಕರಿ ಬೋಲಿನ್,

ಯೋಹಾನ 1:29

ಇನವ್ಹಾಣೆ ಯೋಹಾನನೆ ಇನಾಖನ್ನೆ ವಳ್ಯಾವ್‍ತೊಥೋತೆ ಯೇಸುನ ದೇಖಿನ್, “ದೇವ್ನ ಮೇಂಢಾನ ಚೆಲ್ಕಾನ ದೇಖೊ, ಯೊ ಜಗತ್‌ನು ಪಾಪ್ನ ದೂರ್ ಕರ್ಶೆ.”

ಯೋಹಾನ 12:24

ಮೇ ತುಮೂನ ಖ್ಹಾಚ ಬೋಲು ಕರುಸ್; ಕಬ್ಲಗು ಘವ್‌ನೊ ದಾಣೊ ಜ಼ಮೀನ್‌ಮ ಪಡೀನ್, ಮರ‍ಕೊಯ್ನಿಕಿ, ತಬ್‍ಲಗು ಎಕ್ಕಸ್ ರ‍್ಹಿಶೆ; ಕದೆ ಮರ‍ಸ್ಕಿ ತದೆ, ಘಣು ದಾಣಾನ ದಿಶೆ.

ಯೋಹಾನ 12:32

ಮೇ ಜ಼ಮೀನ್‍ಪರ್ಥೊ ಉಪ್ಪರ್ ಪಡೈಜೈ಼ಶ್‌ತೆ ತದೆ ಹರೇಕ್ನ ಮಾರಕನ ಖೇಚಿಲೀಶ್‌” ಕರಿ ಬೋಲ್ಯೊ.

ಯೋಹಾನ 13:3

ಬಾನೆ ಖ್ಹಾರಿಸ್ ಅದಿಕಾರ್‌ನ ಇನ ಹಾತ್‌ಮ ದೀರಾಖ್ಯೊಸ್ ಕರಿ ಯೇಸುನ ಮಾಲುಮ್‌ ಥೂ; ಅತ್ರೇಸ್ ಕಾಹೆತೆ ಯೇಸುನ ದೇವ್‌ಕಂಥೊ ಐರ‍್ಹೋಸ್ ಅಜು಼ ಪಾಛೊ಼ ದೇವ್‌ಕನ ವಳ್ಯೊಜ಼ವುಸ್‌ ಕರೀಬಿ ಮಾಲುಮ್‌ ಥೂ.

ಯೋಹಾನ 6:40

ಇನಾಟೇಕೆ ಛಿಯ್ಯಾನ ದೇಖಿನ್‌, ಇನಾಮ ವಿಶ್ವಾಸ್‌ ಕರಾವಾಳ ಹರೇಕ್ನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಬೋಲಾನು ಬಾನಿ ಮರ್ಜಿ ಹುಯಿರ‍್ಹುಸ್‍, ಅಜು಼ ಖ್ಹರ್ತಿನ ದನ್ಮ ಮೇ ಇವ್ಣುನ ಪಾಛು಼ ಜಿವ್ತು ಉಠಾಡಿಶ್‌” ಕರಿ ಬೋಲ್ಯೊ.

ಯೋಹಾನ 8:56

ತುಮಾರೊ ಬಾ ಹುಯಿರ‍್ಹೋತೆ ಅಬ್ರಹಾಮ್‌ನೆ ಮೇ ಆಯಿಶ್‍ತೆ ದನ್ನ ದೇಖಿಶ್‌ ಕರಿ ಘಣು ಶಂತೋಖ್ಹ್‌ ಕರ‍್ಯೊ, ಅಜು಼ ಇನೆ ಯೋ ದನ್ನ ದೇಖಿನ್‌ ಖ್ಹುಶಿ ಕರ‍್ಯೊ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:36

ಇನಖ್ಹಾಜೆ ತುಮೆ ಶಿಲ್‌ಬೆಪರ್ ಛ಼ಡಾಯತೆ ಆ ಯೇಸುನಾಸ್ ದೇವ್ನೆ ಪ್ರಭುಕರೀಬಿ ಕ್ರಿಸ್ತಕರೀಬಿ ಹುಯಿರೊಸ್ ಕರಿ ಇಸ್ರಾಯೇಲ್‌ನ ಖುಮ್‍ವಾಳ ಅಖ್ಖಾನ ಮಾಲುಮ್ ಹುಯಿರ‍್ಹವಾದೆ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:15

ಅಮ್ ತುಮೆ ಜಾನ್‍ದೇವಳಾನಸ್ ಮರೈನಾಖ್ಯ. ಕತೋಬಿ ದೇವ್ನೆ ಇನ ಮರ‍್ಯಾಹುಯಾಮಾಥು ಉಠಾಡ್ಯೊ; ಅನಿ ಬಾರೇಮ ಹಮೇಸ್ ಸಾಕ್ಷಿಖ್ಹಾರು ಹುಯಿರಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:31

ದೇವ್ ಇನಾಸ್ ಇಸ್ರಾಯೇಲ್ ಅದ್ಮಿನ ಮನ್ ಫರಾವನಾಬಿ, ಪಾಪ್ನ ಕ್ಷಮಾ ಕರಾನಖ್ಹಾಜೆಬಿ, ದೇವ್ನೆ ಇನ ಪ್ರಭು ಕರೀಬಿ ರಕ್ಷಕ್ ಕರೀಬಿ ಇನಿ ಖಾವಿ ಬಾಜು಼ಮ ಬೆಖ್ಹಾಡ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:41

ಅಪೊಸ್ತಲರ್ ನ್ಯಾವ್‍ನಿ ಘಲ್ಡಾನಿ ಸಭೆಮಾಥು ನಿಕ್ಳಿನ್ ಚ಼ಲೇಗಯ. ಯೇಸುನ ನಾಮ್ನಖ್ಹಾಜೆ ಖ್ಹರಮ್‌ ಕಡೈಲ್ಯಾವಾನ ಹಮೆಯೋಗ್ಯರ್ ಹುಯಾಕರಿ ಖುಷಿಕರ‍್ಯು.

1 ಕೊರಿಂಥ 1:18

ಶನಕತೊ ನಾಶನ ಮಾರಗ್‍ಮಛಾ಼ತೆ ಅದ್ಮಿಖ್ಹಾರಾನ ಶಿಲ್‌ಬೇನು ಬೋಧನೆ ಪಾಗಲ್‍ಪನ್ ಹುಯಿರ‍್ಹೂಸ್. ಕತೋಬಿ ರಕ್ಷಣೆನ ಮಾರಗ್‍ಮ ಛಾ಼ತೆ ಅಪ್ಣುನತೋ ಯೋ ದೇವ್ನಿ ಶಕತ್ ಹುಯಿರ‍್ಹೀಸ್.

1 ಕೊರಿಂಥ 1:23

ಅಪ್ಣೆತೋಬಿ ಶಿಲ್‌ಬೇಪರ್ ಮರೈಗಯೋತೆ ಕ್ರಿಸ್ತನಿ ಬಾರೇಮ ಬೋಲಿಯೇಸ್. ಆ ಹೈರುತೆ ಯೆಹೂದ್ಯರ್‌ನ ಅಡ್ಡಿ ಹುಯಿರ‍್ಹೂಸ್. ಯೆಹೂದ್ಯರ್‌ಕಾಹೆತೆ ಅದ್ಮಿನ ಘೈಲಾನಿತರ ದೇಖಾವಸ್.

ಎಫೆಸ 2:16

ಇನ ಮರಣ್‌ಥೀಸ್, ಕ್ರಿಸ್ತ ಶಿಲ್‌ಬೆಪರ್ ಭೇ ಖೂಮ್ನ ಎಕ್ಕಸ್ ಶರೀರ್ ಕರಿನ್ ಇವ್ಣುನ ದೇವ್ನ ಜೋ಼ಡೆ ರಾಜಿ ಕರ‍್ಯೊ.

ಎಫೆಸ 5:2

ಕ್ರಿಸ್ತನೆ ಅಪ್ಣುನ ಪ್ಯಾರ್‌ಕರೀನ್ ಅಪ್ಣಖ್ಹಾಜೆ ಇನುಯೋಸ್ ದೇವ್ನ ಢಪ್ಕಾರಬಿ ಕಾಣ್‌ಕೆ ಹುಯಿನ್, ಬಲಿ ಸಮರ್ಪಣ್‌ ಹುಯೋತೆ ಪರಕ್ಮಸ್ ತುಮೇಬಿ ಪ್ಯಾರ್‌ಥಿ ಜಿವೊ.

ಫಿಲಿಪ್ಪಿ 1:6

ಆ ಅಛ಼್ಛುಕಾಮ್ನ ತುಮಾರಮ ಶುರುಕರ‍್ಯೊತೆ ದೇವ್ನೆ ಇನ ಚ಼ಲಾವ್ತೊಹುಯಿನ್ ಯೇಸು ಕ್ರಿಸ್ತ ಆವಾನಮಹಿ ಪೂರ ಕರ್ಶೆಕರಿ ಮನ ಭರೋಖ್ಹೊ ಛಾ಼.

ಫಿಲಿಪ್ಪಿ 3:20

ಅಪ್ಣೆತೋಬಿ ಸೊರ್ಗಾನ ಪ್ರಜೆ ಹುಯಿರಾಸ್, ಅಪ್ಣೊ ಬಚಾ಼ಡವಾಳೊ ಪ್ರಭು ಯೇಸು ಕ್ರಿಸ್ತಸ್ ಹಿಜ಼್ಜಾಥೊ ಆವಾನು ಮ್ಹೋರೆ ದೇಖುಕರೆಸ್.

2 ತಿಮೊ 4:8

ದೇವ್ನ ಖ್ಹಾಜಾ಼ನಿಮತ್ ಜಿವವಾಳಾನ ಮಳಾಸ್ತೆ ಜಯಾನಿ ಹಾರ್ ಹಮ್ಕೆ ಮಾರಖ್ಹಾಜೆ ತೈಯಾರ್ ಛಾ಼. ಯೋ ನೀತಿವಾಳೊ ನ್ಯಾವ್‍ನೊ ಅದಿಪತಿ ಹುಯಿರ‍್ಹೋತೆ ಪ್ರಭು, ಯೋ ದನ್ಮ ಮನ ದಿಶೆ, ಮನಾಸ್ ಕಾಹೆತೆ, ಯೋ ಆವ್‌ಶೇತೆ ದೇಕ್ಣು ಕರಿ ಪ್ಯಾರ್‌ಥಿ ಜ಼ಪಿರ‍್ಹೂತೆ ಇವ್ಣುನಾಬಿ ದಿಶೆ.

ಇಬ್ರಿ 1:13

ಕತೋಬಿ ಖೆವ ದೇವ್‌ದೂತರ್‌ನತೋಬಿ ದೇವ್ನೆ, ಮೇ ತಾರ ದುಶ್‌ಮನ್ನ ತಾರ ಗೋಡಾನ ರಚ್ಚಾ಼ಕನ ನಾಖತೋಡಿ ತು ಮಾರಿ ಖಾವಿ ಬಾಜೂ಼ಮ ಬೆಠೋರೆ ಕರಿ ಕದೆತೋಬಿ ಬೋಲ್ಯೊಥೋಕಿ ಶು?

ಇಬ್ರಿ 1:3

ಯೋಸ್ ದೇವ್ನು ಮಹಿಮೆನು ಉಜಾ಼ಖ್ಹ್‌ಬಿ, ದೇವ್ನಿ ಪ್ರತಿರೂಪ್‌ಬಿ, ಇನಿ ವಚನ್ ಶಕಥ್ಥಿ ಅಖ್ಖಾಸ್ನ ಆಧಾರ್ ಹುಯಿನ್ ಯೋಸ್ ಅದಮ್‍ಜ಼ಮಾನನಿ ಪಾಪ್ನ ಶುದ್ದಿಕರಿನ್ ಸೊರ್ಗಾಮ ಮಹಾನ್ ದೇವ್ನು ಖಾವಿಬಾಜು಼ಮ ಬೇಶಿಗಯೊ.

ಇಬ್ರಿ 10:14

ಇನಿ ಎಕ್ಕಸ್ ಬಲಿಥಿ ಪಾಪ್ನ ಪಾಕ್‌ಕರಿನ್ ಪೂರಕರಿರಾಖ್ಯೊಸ್.

ಇಬ್ರಿ 10:33

ಥೋಡಿ ವಖ್ಹತ್ ತುಮೆ ಚಿ಼ಂಗಾವ್ಣಿನಾಬಿ,ಅಜು಼ ಥೋಡಿ ವಖ್ಹತ್ ಖ್ಹತಾಪ್ಣಿನಾಬಿ ಖ್ಹಮಾಳಿನ್ ಚಾ಼ವ್‌ಣ್ಯ ಕಡೈಲಿದ. ಅಜು಼ ಥೋಡಿ ವಖ್ಹತ್ ವದೇಖ್ಹ್‌ ಪಡಾವಾಳನಿ ಜೋ಼ಡ್ಮ ಮಳಿನ್ ಖ್ಹಮಾಳಿಲಿದ.

ಇಬ್ರಿ 11:36

ಬಿಜು಼ ಥೋಡುಜ಼ಣು ಚಿಂಘಾವ್ಣಿ, ಕೊಲ್ಡೇಖ್ಹು, ಬೇಡಿ ಘಲೈನ್ ಜೇಲ್‌ಮ ರ‍್ಹಯು.

ಇಬ್ರಿ 12:3

ತುಮೆ ದಿಲ್‌ಹೇಟು ನಾ ಕರಾವಾಳ ಹುಯಿನ್ ಬೇಜಾರ್ ನಾಖಾವ್ಣುತೆ ಯೇಸುನಿ ಬಾರೇಮ ಸೋಚಿದೇಖೊ. ಯೊ ಪಾಪಿಯೇವ್ ಖ್ಹಾರಾಥಿ ಕೆತ್ರೇಕ್ಕಿ ವಿರೋದ್ನ ಖ್ಹಮಾಳಿಲಿದೊ.

ಇಬ್ರಿ 13:13

ಇಮ್ಮಸ್ ಟಾಂಡಾನ ಭಾರ್‌ ಕಾಡಿನ್, ಖ್ಹರಮ್‌ ಕಾಡ್ಯುತೆ ಇನಾಮ ಅಪ್ಣೇಬಿ ಭಾಗ್‌ಲ್ಯವಾಳ ಹುಯಿರ‍್ಹಿಯೆ.

ಇಬ್ರಿ 5:9

ಆ ನಾಹುಯಿನ್ ಇನೆ ಭರ್‌ಪೂರ್‌ ಕರೀನ್, ಇನ ವಿಧೇಯಹುವಾಳ ಅಖ್ಖನಾಬಿ ಹಮೇಶ ರಕ್ಷಣೆನಖ್ಹಾಜೆ ಬಣ್ಯೊ.

ಇಬ್ರಿ 7:19

ಧರ್ಮಶಾಸ್ತ್ರ ಶನಾಬಿ ಪೂರ ಕೊಕರಾನಿ. ಅಜು಼ ಇನ ಬದಲ್ ದೇವ್‌ಕನ ಜೈ಼ನ್ ಲೀಲಾವನುಸ್ ಭರೋಖ್ಹೊ ಹುಯಿರ‍್ಹೊಸ್.

ಇಬ್ರಿ 8:1

ಹಮ್ಕೆ ಹಮೆ ಬೋಲಾನಿ ವಾತೆಖ್ಹಾರಿ ಜ಼ರೂರ‍್ನಿವಾತೆ ಶಾತ್‍ಕತೊ, ಪರ್‌ಲೋಕ್‌ಮ ಊಚಿ ಸಿಂಹಾಸನ್ನ ಖಾವಿಬಾಜು಼ಮ ಬೇಠೊರ‍್ಹವಾಳೊ ಮಹಾಯಾಜಕ್ ಅಪ್ಣುನ ಛಾ಼.

ಇಬ್ರಿ 9:28

ಇಮ್ಮಸ್ ಕ್ರಿಸ್ತ ಜಿನುಬಿ ಕೈಯೆಕ್ಕಿ ಅದ್ಮಿನು ಪಾಪ್ ಕಾಡಾನಖ್ಹಾಜೆ ಎಕ್ಕಸ್ ವಖ್ಹತ್ ಸಮರ್ಪಣ್‌ ಹುಯೊ. ಯೋ ಬೇನೆ ಹಲ್ಲ ದೆಖಾವ್‌ಶೆತೆ ಪಾಪ್ನ ಕಾಡನ ಕಾಹೆಕತೊ ಕೋಣ್ ಟಿವೈರ‍್ಹುಸ್ಕಿ ಇನ ಬಚಾ಼ನಖ್ಹಾಜೆ ಆವ್‌ಶೇತೆ.

ಯಾಕೋಬ 2:1

ಮಾರ ಭೇನೆ ಭೈಯೇವೊ ಮಹಿಮೆಮ ರ‍್ಹವಾಳೊ ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತಮ ವಿಶ್ವಾಸಿ ಹುಯಿರಾತೆ ತುಮಾರಮ ಬೇದ್‌ಭಾವ್‌ ನಾರ‍್ಹೇವ್ಣು.

1 ಪೇತ್ರ 1:11

ಇವ್ಣಾಮಥೂತೆ ಕ್ರಿಸ್ತನು ಆತ್ಮ ಕ್ರಿಸ್ತನ ಆವ್ಣುತೆ ವದೇಖ್ಹ್‌ ಅಖ್ಖಾನಾಬಿ, ಯೋ ಅಖ್ಖಾನವಾರ್ ಉಷೇತೆ ಮಹಿಮೆನಾಬಿ, ಪಹಿಲೇಸ್ ಖ್ಹಮ್‌ಜಾ಼ಡಾದೀನ್ ದೇವ್ ಖೆವ ಹಗಾಮ್ನ ನತರ್ ಕೆಥ್ರಾನ ಹಗಾಮ್ನ ವತಾಳ್‌ಶೇಕರಿ ಬೋಲಾನು ಇವ್ಣೆ ಪರ್ಖಿನ್ ದೇಖ್ಯು.

1 ಪೇತ್ರ 3:18

ಕ್ರಿಸ್ತಬಿ ನೀತಿವಾಳೊ ಹುಯಿರ‍್ಹಿನ್, ಅನೀತಿವಾಳಾನ ಖ್ಹಾಜೆ ಜಾನ್‍ದೀನ್ ಅಪ್ಣುನ ದೇವ್‌ಕನ ಮಳಾವನಖ್ಹಾಜೆ ಎಕ್ಕಸ್ ವಖ್ಹತ್ ಪಾಪ್ನ ಮಟಾವನಖ್ಹಾಜೆ ಖ್ಹತಾಪ್ಣಿ ಪಡೀನ್ ಶರೀರ್‌ಮರ‍್ಹೀನ್ ಆತ್ಮಮ ಜಿವವಾಳೊ ಹುಯೊ.

1 ಪೇತ್ರ 3:22

ಹಮ್ಕೆ ಯೇಸು ಪರ್‌ಲೋಕ್ನ ಜೈ಼ನ್ ದೇವ್ನ ಖಾವಿಬಾಜು಼ಮ ಬೇಠೋಸ್. ಖ್ಹಾರುಸ್ ದೇವ್‌ದೂತರ್‌ಬಿ ಪರಲೋಕ್ನು ಅದಿಕಾರಿಖ್ಹಾರು ಅಜು಼ ಶಕತ್‍ಖ್ಹಾರನ ಉಪ್ಪರ್ ಯೊ ರಾಜ಼್‌ಭಾರ್ ಚ಼ಲವ್‍ಕರಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:21

ದೇವ್ನಿ ಪ್ಯಾರ್‌ಮ ಭೀರ‍್ಹೆವೊ. ಹಮೇಶಾನು ಜಾನ್ನ ಲೀಲ್ಯಾವನಖ್ಹಾಜೆ ಪ್ರಭುಹುಯಿರ‍್ಹೋತೆ ಯೇಸು ಕ್ರಿಸ್ತನು ಗೋರ್‌ನಾಸ್ ಟಿವೈನ್ ದೇಖೊ.

ಪ್ರಕಾಶಿತ್ 1:11

ಯೋ ಅವಾಜ಼್‌ನೆ, ತೂ ದೇಖಾನು ಏಕ್‌ ಪುಸ್ತಕ್‌ಮ ಲೀಖಿನ್ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲಿಡೇಲ್ಫಯ, ಲವೊದಿಕೀಯ, ಕರಿ ಖ್ಹಾತ್ ಸಬೆವ್‍ನ ಮೋಕಲ್ನುಕರಿ ಬೋಲ್ಯು.

ಪ್ರಕಾಶಿತ್ 1:17

ಮೇ ಇನ ದೇಖಾನಿವಖ್ಹ್‌ತೆ ಮರ‍್ಯಹುಯಾನಿಘೋಣಿ ಇನ ಗೋಡಾನ ಖ್ಹಾಮ್ಣೆ ಪಡ್ಯೊ.ಯೋ ಇನ ಖಾವಹಾತ್ನ ಮಾರಪರ್ ಮ್ಹೇಲಿನ್, ಡರ್‌ನಕೊ ಮೇಸ್ ಪಹಿಲೆನೊ ಖ್ಹರ್ತಿನೊಬಿ.

ಪ್ರಕಾಶಿತ್ 1:8

“ಮೇಸ್ ಪಹಿಲೋಬಿ, ಖ್ಹರ್ತಿಬಿ” ರ‍್ಹವಾಳೊ ಅಜು಼ ಅಗ್ಗಳ್‌ಥೋತೆ ಖ್ಹಾಮ್ಣೆ ಆವವಾಳೊ, ಮಹಾನ್ ಶಕತ್‌ವಾಳೊ ಕರಿ ದೇವ್ ಹುಯಿರ‍್ಹೋತೆ ಪ್ರಭು ಬೋಲಾಸ್.

ಪ್ರಕಾಶಿತ್ 2:8

ಸ್ಮುರ್ನಮ ಛಾ಼ತೆ ಸಬೆನ ದೂತಾನ ಅಮ್‍ಲೀಕ್, ಶುರುವಾತ್‍ಬಿ ಖ್ಹರ್ತಿಬಿ ಹುಯಿರ‍್ಹಾವಳೊ, ಮರಿಜೈನ್ ಪಾಛೊ಼ ಜಿವ್ತೊ ಉಠೀನ್ ಆಯೊಹುಯೊ ಬೋಲಾಸ್ ಶಾತ್‌ಕತೊ