ಇಬ್ರಿ 1:9 - ದೇವ್ನಿ ಖ್ಹಾಚಿ ವಚನ್

⁹ ತೂ ಬರೋಬರ್‌ನ ಪ್ಯಾರ್‌ಕರ‍್ಯೊ ಅಜು಼ ಗಲತ್‌ನ ಝಿಟ್ಕಾರ‍್ಯೊ. ಇನಖ್ಹಾಜೇಥಿ ದೇವ್ ತಾರೊ ದೇವಸ್. ತುನ ತಾರ ಜೋ಼ಡೆ ರ‍್ಹವಾಳಥಿಬಿ ಶಂತೋಖ್ಹ್‌ನ ಜಾ಼ಖ್ಹತ್ ತೇಲ್‌ಥಿ ಅಬಿಷೇಕ್ ಕರಿರಾಖ್ಯೊಸ್

ಇಬ್ರಿ 1:9 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:18

ಪ್ರಭುನು ಆತ್ಮ ಮಾರಪರ್ ಛಾ಼, ಗರೀಬ್‌ನ ಸುವಾರ್ತೆ ಬೋಲಾನಟೇಕೆ ದೇವ್ನೆ ಮನ ಅಬಿಷೇಕ್ ಕರಿರಾಖ್ಯೋಸ್, ಧರೈಗೂತೆ ಅದ್ಮಿನ, “ತುಮೆ ಛು಼ಟಿಗಯ ಕರಿ ಅಜು಼ ಕಾಣಾವ್ನ, ತುಮುನ ಡೋಳ ದೆಖಾವ್‌ಶೆ’ ಕರಿ ಬೋಲಾನಟೇಕೆ, ಅಜು಼ ಖ್ಹತಾವ್ಣಿಮ ಛಾ಼ತೆ ಇವ್ಣುನ ಛೋ಼ಡಾವನಟೇಕೆ,

ಯೋಹಾನ 1:41

ಅನೆ ಪಹಿಲೆ ಇನ ಭೈ ಹುಯಿರ‍್ಹೋತೆ ಸೀಮೋನ್‌ಕನ ಜೈ಼ನ್‌, “ಹಮೂನ ಮೆಸ್ಸೀಯ ಮಳಿರ‍್ಹೋಸ್‌” ಕರಿ ಬೋಲ್ಯೊ. (“ಮೆಸ್ಸೀಯ” ಕತೊ ಇಬ್ರಿಯಾಮ “ಕ್ರಿಸ್ತ” ಕರಿ)

ಯೋಹಾನ 10:17

“ಮಾರೊ ಬಾ ಮನ ಪ್ಯಾರ್ ಕರಾಸ್ ಶನಕತೊ ಮೇ ಮಾರ ಜಾನ್ನ ಪಾಛು಼ ಮಳ್‌ಶೆ ಕರಿ ಇನ ದೆವುಸ್.

ಯೋಹಾನ 20:17

ಯೇಸುನೆ ಇನ, “ಮನ ಧರ್‌ನಕೊ, ಶನಕತೊ ಮೇ ಬಿಜೂ಼ಬಿ ಬಾಕನ ಕೋ ಜೈ಼ರ‍್ಹೋನಿ. ಕತೋಬಿ ತೂ ಮಾರ ಭೈಯೇಕನ ಜೈ಼ನ್‌, “ಮೇ ಮಾರೊ ಬಾ ಅಜು಼ ಇವ್ಣೊ ಬಾ, ಮಾರೊ ದೇವ್ ಅಜು಼ ಇವ್ಣೊ ದೇವ್ ಹುಯಿರ‍್ಹೋತೆ ಇನಕನ ಪಾಛೊ಼ ವಳ್ಯೊಜ಼ವುಸ್‌ ಕರಿ ಬೋಲ್” ಕರಿ ಬೋಲ್ಯೊ.

ಯೋಹಾನ 3:34

ಶನಕತೊ,ಕಿನದೇವ್‍ನೆ ಮೋಕ್ಲಿ ರಾಖ್ಯೋಸ್ಕಿ, ಯೋ ದೇವ್ನಿ ವಾತೇನ ಬೋಲಾಸ್. ಇನ ದೇವ್ನೆ ಆತ್ಮಥಿ ಭರ್‌ಪೂರ್‌ ಕರಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:38

ದೇವ್ನ ನಜ಼ರೇತ್‌ನ ಯೇಸುನಿ ಬಾರೇಮ ಮಾಲುಮ್. ಇನ ಪವಿತ್ರಾತ್ಮಥಿಬಿ ಶಕಥ್ಥಿ ಅಬಿಷೇಕ್ ಕರ‍್ಯೊ ಯೊ ಅಖ್ಖೀಸ್ ಬಾಜೂ಼ಮ ಫರ್ತೊಹುಯಿನ್ ಅದ್ಮಿಖ್ಹಾರನ ಅಛ್ಛು಼ ಕರ‍್ಯೊ. ಭೂತ್ ಧರಿರ‍್ಹಾವಳನಬಿ ಗುಣ್‌ಕರ‍್ಯೊ. ಶನಕತೊ ದೇವ್ ಇನಿ ಜೋ಼ಡ್ಮ ಛಾ಼ಕರಿ ಬೋಲಾನು ವತಾಳಿದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:26

ಜಗತ್ನೊ ರಾಜ಼ಖ್ಹಾರು ತಯಾರ್ ಹುಯಿರುಸ್, ಪ್ರಭುನಾಬಿ ಇನೊ ಅಬಿಷೇಕ್ ಕರಿರಾಖ್ಯೊತೆ ಇನಾಬಿ ವಿರೋದ್ ಹುಯಿನ್ ಅದಿಕಾರಿಖ್ಹಾರು ಎಕ್ಟು ಹುಯಿರುಸ್. ಕರಿ ಬೋಲೈರಾಖ್ಯೊಸ್‍ನಿ?

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:27

ಯೋ ವಾಥ್ಥಿಸ್ ಹೆರೋದಬಿ ಪೊಂತ್ಯ ಪಿಲಾತಬಿ, ತೂ ಅಬಿಷೇಕ್ ಕರ‍್ಯೊತೆ ತಾರೊ ಪವಿತ್ರ ಸೇವಕ್ ಹುಯಿರೋತೆ ಯೇಸುನ ವಿರೋದ್ ಯೆಹೂದ್ಯರ್‌ಕಾಹೆತೆ ಖ್ಹಾರು ಅಜು಼ ಇಸ್ರಾಯೇಲ್‌ನು ಅದ್ಮಿಖ್ಹಾರು ಒಟ್‍ ಹುಯಿನ್ ಭರೈರ‍್ಹೂಥು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:9

ತುಮಾರಿ ಪ್ಯಾರ್ ಪಾಕ್‌ ದಿಲ್‌ಥಿ ರ‍್ಹವಾದೆ. ಖರಾಬ್‍ಕಾಮ್ನ ವಹೇರ್‌ಕರೀನ್, ಅಛ್ಛಾ಼ನ ಧರಿರಾಖೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:13

ಭರೋಖ್ಹಾನ ದ್ಯವಾಳೊ ದೇವ್ ಪವಿತ್ರಾತ್ಮನಿ ಶಕಥ್ಥಿ ಘಣು ಭರೋಖ್ಹಾಥಿ ನಂಬಾವಾಳನ ಖ್ಹುಶಿ ಅಜು಼ ಸಮಾಧಾನ್‌ಥಿ ಭರಾದೆ, ಅನಖ್ಹಾಜೇಥಿ ಶಕಥ್ಥಿ ಆಖ್ಹ್‌ಮ ಭಡ್ತಾ ಜಾ಼ವ್ಣುತೆ ತಿಮ್ ತುಮೂನ ವಿಶ್ವಾಸ್‍ಥಿ ಮಳಾತೆ ಹರೇಕ್ ಖುಷಿ ಸಮಾಧಾನ್ ದ್ಯವಾದೆ.

1 ಕೊರಿಂಥ 1:9

ದೇವ್‌ನೊ ಛಿಯ್ಯೋಬಿ ಅಜು಼ ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತನಿ ಜೋ಼ಡ್ಮ ಮಳಿನ್ ರ‍್ಹವಾನಖ್ಹಾಜೆ ತುಮೂನ ಬುಲಾಯೋತೆ ದೇವ್ ವಿಶ್ವಾಸ್‌ವಾಳೊ ಹುಯಿರ‍್ಹೊಸ್.

2 ಕೊರಿಂಥ 11:31

ಕದೆ ಕದೇಬಿ ಸ್ತುತಿಹುವಾಳೊ ಪ್ರಭು ಯೇಸುನೊ ಬಾಬಿ, ದೇವ್‌ಬಿ ಹುಯಿರಾವಳೊ ಮೇ ಝೂ಼ಟಿ ಕೋಬೋಲುನಿ ಕರಿ ಮಾಲುಮ್ ಕರಿರಾಖ್ಯೋಸ್.

ಗಲಾತ್ಯ 5:22

ಕತೋಬಿ ದೇವ್ನ ಆತ್ಮಾಥಿ ಉಬ್‌ಜಾ಼ನು ಫಲ್ ಶಾತ್‌ಕತೊ, ಪ್ಯಾರ್, ಶಂತೋಖ್ಹ್‌, ಸಮಾಧಾನ್, ಖ್ಹಮಾಳಿ ರ‍್ಹವಾನು, ದಯಾ, ಬಿಜೇಕ್ನ ಮದತ್‌ಕರಾನು, ವಿಶ್ವಾಸ್, ಆಸ್‌ಹುಯಿರ‍್ಹುಸ್.

ಎಫೆಸ 1:3

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ದೇವ್‌ಬಿ ಅಜು಼ ಬಾ ಹುಯಿರ‍್ಹೋತೆ ಇನ ಧನ್ಯವಾದ್ ಹುವಾದೆ, ಕ್ರಿಸ್ತನಿ ಗಳ್‌ಜೋ಼ಡ್ಮ ಇನೆ ಪರಲೋಕ್‍ಮ ಛಾ಼ತೆ ಹರೇಕ್ ಆತ್ಮೀಕ್ ಆಶೀರ್ವಾದ್‌ಖ್ಹಾರು ಅಪ್ಣುನ ದಿರಾಖ್ಯೊಸ್.

ಫಿಲಿಪ್ಪಿ 2:9

ಅನಖ್ಹಾಜೆಸ್ ದೇವ್ನೆ ಇನ ಘಣು ಊಚೊ಼ ಪಾಡ್ಯೊ ಅಜು಼ ಅಖ್ಖಾ ನಾಮ್‌ಥಿಬಿ ಊಚು಼ ಹುಯಿರ‍್ಹುತೆ ನಾಮ್ನ ಇನ ದಯ ಕರಿರಾಖ್ಯೊಸ್.

ಇಬ್ರಿ 2:11

ಶನಕತೊ ಪರಿಶುದ್ಧ ಕರಾವಳನಾಬಿ ಪರಿಶುಧ್ ರ‍್ಹವಾಳನಾಬಿ ಯೋಸ್ ಬಾ. ಅನಖ್ಹಾಜೆಸ್ ಇವ್ಣುನ ಪರಿಶುಧ್ ಕರಾವಾಳೊ ಇವ್ಣುನ ಭೈಯೇ ಭೇನೆಕರಿ ಬೋಲಾನ ಖ್ಹರ್‌ಮಾಯೊ ಕೊಯ್ನಿ.

ಇಬ್ರಿ 2:9

ಕತೋಬಿ ದೇವ್‌ದೂತರ್‌ಥಿ ಜ಼ರಸ್ ಕಮ್ ಬಣೈರ‍್ಹೋಸ್ತೆ ಯೇಸು ಖ್ಹತಾಪ್ಣಿನಲೀನ್ ಮರ‍್ಯೊತೆ ಇನಖ್ಹಾಜೆ ಮಹಿಮೆನಾಬಿ ಮರ್ಯಾದಿನ ಕಿರೀಟ್ ಕರೀನ್ ಘಾಲಿರಾಖನು ಅಪ್ಣೆ ದೇಖೆಸ್. ಇನಖ್ಹಾಜೇಸ್ ದೇವ್ನ ವಾರ್‌ಖ್ಹೇಥಿ ಯೇಸುನೆ ಹರೇಕ್‌ನಖ್ಹಾಜೆ ಮರಣ್ಣಿ ಖ್ಹತಾಪ್ಣಿನ ಲಿದೊ.

ಇಬ್ರಿ 7:26

ಇನಖ್ಹಾಜೆ ಅಪ್ಣುನ ಹೋಣುತೆ ಇನ ಪೂರಕರಾವಳೊ ಮಹಾಯಾಜಕ ಹುಯಿರ‍್ಹೊಸ್ ಪರಿಶುದ್‌ಬಿ ದೋಷ್‍ಕೊಯ್ನಿತೇಬಿ, ಮೈಲಾಪ್‍ಕೊಯ್ನಿತೆಬಿ, ಪಾಪಿಮ ಮಳಾಕೊಂತೆ ನಿರ‍್ವಾಳೊಬಿ ಹುಯಿರ‍್ಹವಾಳೊಬಿ ಆಕಾಶ್ ಮಂಡಲ್‍ಥೀಬಿ ಊಚಾ಼ಮ ರ‍್ಹವಾಳೊ.

1 ಪೇತ್ರ 1:3

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ಬಾಬಿ ದೇವ್‌ಬಿ ಹುಯಿರ‍್ಹವಾಳನ ಧನ್ಯವಾದ್ ಹುವಾದೆ! ಶನಕತೊ ಯೋ ಯೇಸು ಕ್ರಿಸ್ತನ ಮರ‍್ಯಾಹುಯಾಮಾಥು ಜಿವ್ತೊಕರಿನ್, ಇನಿ ಮೋಟಿ ಗೋರ್‌ಥೀಸ್ ಅಪ್ಣುನ ನವೊ ಜ಼ಲಮ್ ಅಜು಼ ಜಾನ್ನ ಭರೋಖ್ಹಾನ ದಿರಾಖ್ಯೊಸ್.

1 ಯೋಹಾನ 1:3

ಬಾ ಹುಯಿರೋತೆ ದೇವ್ನ ಅಜು಼ ಇನೊ ಛಿಯ್ಯೊ ಹುಯಿರೋತೆ ಯೇಸುಕ್ರಿಸ್ತನಿ ಜೋಡ್ಮರ‍್ಹವಾನುಬಿ ಹಮುನ ಛಾ಼ತೆ ಗಳ್‌ಜೋ಼ಡ್ಮ ತುಮೆಜಿನು ಭಾಗ್‌ಲೀಲ್ಯವಾಳ ಹುಯಿರ‍್ಹೇವ್ಣುಕರಿ ಹಮೆ ದೇಖಿರಾಖ್ಯತೆ, ಖ್ಹಮ್‍ಜಿರಾಖ್ಯತೆ ತುಮೂನ ಬೋಲಿವತಾಳೆಸ್‍.

ಪ್ರಕಾಶಿತ್ 2:15

ಇಮ್ಮಸ್ ನಿಕೋಲಾಯನ ಶಿಕಾಡನಿಘೋಣಿ ಚಾ಼ಲವಾಳುಬಿ ತುಮಾರಮ ಛಾ಼.