ಇಬ್ರಿ 1:2 - ದೇವ್ನಿ ಖ್ಹಾಚಿ ವಚನ್

² ಕತೋಬಿ ಆ ಖ್ಹರ್ತಿನೊ ದನ್ಮ ಯೊ ಇನ ಛಿಯ್ಯಾಥಿ ಅಪ್ಣ ಜೋ಼ಡೆ ವಾತೆ ಬೋಲ್ಯೊ. ದೇವ್ನೆ ಇನ ಛಿಯ್ಯಾಥಿ ಖ್ಹಾರ ಜಗತ್‍ನಾಸ್ ಉಬ್‌ಜೈ಼ನ್ ಹರೇಕ್‌ಪರ್ ಇನಾಸ್ ವಾರಿಸ್ ಕರ‍್ಯೊ.

ಇಬ್ರಿ 1:2 ပူးပေါင်းရင်းမြစ်များ

ಮತ್ತಾಯ 13:39

ಶತ್ತೇ ನಾಖ್ಯೋತೆ ದುಶ್‌ಮನ್‌ಕತೊ ಶೈತಾನ್ ಕರಿ. ಖ್ಹುಗ್ಗೀನ ದನ್‌ಕತೊ ಜಗತ್‌ನು ಖ್ಹರ್ತಿನ ದನ್‌ಕರಿ ಅಜು಼ ವ್ಹಾಡವಾಳುಕತೊ ದೇವ್ನು ದೂತರ್ ಕರಿ.

ಮತ್ತಾಯ 17:5

ಯೋ ಅಮ್ ಬೋಲುಕರಾನಿ ವಖ್ಹತ್‌ಮಾಸ್‌, ಏಕ್‌ ಉಜಾ಼ಖ್ಹ್‌ನು ವಾದ್‌ಳು ಐನ್, ಇವ್ಣಾಪರ್ ಢಪಾಯು, ಅಜು಼ ಯೋ ವಾದ್ಳಾನ ಮಹಿಥು, “ಆ ಮಾರೊ ಪ್ಯಾರ್‌ನೊ ಛಿಯ್ಯೊ, ಅನೇಥಿ ಮೇ ಘಣು ಖ್ಹುಶಿ ಛೂ಼!” ಕರಿ ಏಕ್‌ ಅವಾಜ಼್ ಆಯೊ.

ಮತ್ತಾಯ 21:38

ಕತೋಬಿ ಯೋ ವಾರ್‌ನ ಕರಿರಾಖವಾಳು ಖ್ಹಾರು ಇನ ಛಿಯ್ಯಾನ ದೇಖಿನ್, ‘ಆಸ್ ಮಾಲಿಕ್‌ನೊ ಛಿಯ್ಯೊ, ಆವೊ, ಅನ ಮಾರಿನಾಖಿದಿಯ್ಯೆ, ತದೆ ಇನು ಶೊತ್ ಅಪ್ಣು ಹುಯಿಜಾ಼ಶೆ’ ಕರಿ ಇವ್ಣ-ಇವ್ಣಾಮ ವಾತೆ ಬೋಲಿಲೀನ್,

ಮತ್ತಾಯ 26:63

ಕತೋಬಿ ಯೇಸು ಖ್ಹೊಪ್ ಥೊ. ತದೆ ಮಹಾಯಾಜಕ್‌ನೆ ಪಾಛೊ಼, “ತುನ ಜಿವ್ತೊ ದೇವ್ನ ನಾಮ್‌ಪರ್‌ ಆಣ್‍ಲೀನ್, ಪುಛಾ಼ವುಸ್, ತೂ ದೇವ್‌ನೊ ಛಿಯ್ಯೊ ಕ್ರಿಸ್ತಸ್‌ಕಿಶು? ಹಮೂನ ಬೋಲ್” ಕರಿ ಬೋಲ್ಯೊ.

ಮತ್ತಾಯ 28:18

ಯೇಸು ಇವ್ಣ ಖನ್ನೆ ಆಯಿನ್, “ಸೊರ್ಗಾಮಾಬಿ, ಧರ್ತಿಪರ್‌ಬಿ ಖ್ಹಾರೀಸ್‍ ಅದಿಕಾರ್ ಮನ ದೆವೈರ‍್ಹೀಸ್.

ಮತ್ತಾಯ 3:17

ತದೆ ಪರಲೋಕ್‌ಮಾಥು ಏಕ್‌ ಅವಾಜ಼್ ಹುಯು, “ಆ ಮಾರೊ ಪ್ಯಾರ್‌ನೊ ಛಿಯ್ಯೊ, ಅನೇಥಿ ಮೇ ಘಣು ಖ್ಹುಶಿ ಛೂ಼” ಕರಿ ಠವ್‌ಕೊ ಖ್ಹಮಜ್‍ಪಡ್ಯು.

ಮಾರ್ಕ 1:1

ದೇವ್‌ನೊ ಛಿಯ್ಯೊ ಹುಯಿರ‍್ಹೋತೆ, ಯೇಸು ಕ್ರಿಸ್ತನಿ ಬಾರೇಮ, ಅಛ್ಛಿ ಸಮಾಚಾರ್‌ನಿ ಶುರುವಾತ್.

ಮಾರ್ಕ 12:6

ಯೋ ಬಾಗ್‌ನೊ ಯಜಮಾನ್ನೆ ಬಿಜು಼ ಎಕ್ಕಸ್ ಜ಼ಣೊ ರಹಿಗಯೋಥೊ. ಯೋ ಕೋಣ್‌ಕತೊ ಇನೊ ಲಾಡ್‌ನೊ ಛಿಯ್ಯೊ. ತದೆ ಇನೆ ಸೋಚ್ಯೊಕಿ, ‘ಮಾರ ಛಿಯ್ಯಾನ ದೇಖಿನ್‌ ಮರ್ಯಾದಿ ದಿಶೆ’ ಕರಿ ಯಜಮಾನ್ನೆ ಖ್ಹರ್ತಿಮ ಇನ ಛಿಯ್ಯಾನ ಯೋ ವಾರ್ ಕರವಾಳಾವ್‌ಕನ ಮೋಕ್‌ಲ್ಯೊ.

ಮಾರ್ಕ 12:7

ಕತೋಬಿ ಯೋ ವಾರ್‌ನ ಕರಿರಾಖ್ಯೂಥೂತೆ ಅದ್ಮಿಖ್ಹಾರು ಇನ ದೇಖಿನ್‌, ‘ಆಸ್ ಬಾಗ್‌ನೊ ಯಜಮಾನ್ನೊ ಛಿಯ್ಯೊ. ಆವೊ, ಅನ ಮಾರಿನಾಖಿದಿಯ್ಯೆ, ತದೆ ಇನು ಶೊತ್ ಖ್ಹಾರು ಅಪ್ಣು ಹುಯಿಜಾ಼ಶೆ!” ಕರಿ ಏಕ್‌ನ ಜೋ಼ಡೆ ಏಕ್‌ ವಾತೆ ಕರಿಲೀನ್,

ಯೋಹಾನ 1:10

ವಚನ್ ಜಗತ್‌ಮ ಥು, ಅಜು಼ ದೇವ್ನೆ ಇನೇಥಿಸ್ ಜಗತ್ನ ಬಣಾಯೊ, ತೋಬಿ ಜಗತ್‌ ಇನ ಮಾಲುಮ್ ಕರ‍್ಯುಕೊಯ್ನಿ.

ಯೋಹಾನ 1:14

ಯೋ ವಚನ್ ಅದ್ಮಿನು ರೂಪ್‍ನ ಲೀನ್ ವಾರ್‌ಖ್ಹೊಥೀಬಿ ಅಜು಼ ಖ್ಹಾಚಥೀಬಿ ಭರೈರ‍್ಹಾವಾಳೊ ಹುಯಿರೊಸ್. ಅಜು಼ ಅಪ್ಣಾಮ ಜಿವ್ಣುಕರ‍್ಯೊ. ಅಜು಼ ಅಪ್ಣೆ ಇನ ಮಹಿಮೆನ ದೇಖ್ಯ. ಯೊ ಬಾನೊ ಏಕ್‍ನೊ ಎಕ್ಕಸ್ ಛಿಯ್ಯಾನು ಮಹಿಮೆ ಹುಯಿರೊಥೊ.

ಯೋಹಾನ 1:3

ಇನೇಥಿಸ್ ದೇವ್ನೆ ಅಖ್ಖೂಸ್ ಬಣಾಯೊ, ಬಣಾಯೋತೆ ಯೋ ತಮಾಮ್‌ ರಾಛಾ಼ಮ, ಏಕ್‌ಬಿ ಯೋ ಕೊಂತೆ ಉಬ್‍ಜ್ಯುಕೊಯ್ನಿ.

ಯೋಹಾನ 13:3

ಬಾನೆ ಖ್ಹಾರಿಸ್ ಅದಿಕಾರ್‌ನ ಇನ ಹಾತ್‌ಮ ದೀರಾಖ್ಯೊಸ್ ಕರಿ ಯೇಸುನ ಮಾಲುಮ್‌ ಥೂ; ಅತ್ರೇಸ್ ಕಾಹೆತೆ ಯೇಸುನ ದೇವ್‌ಕಂಥೊ ಐರ‍್ಹೋಸ್ ಅಜು಼ ಪಾಛೊ಼ ದೇವ್‌ಕನ ವಳ್ಯೊಜ಼ವುಸ್‌ ಕರೀಬಿ ಮಾಲುಮ್‌ ಥೂ.

ಯೋಹಾನ 13:32

ಏಕ್‌ ವಖ್ಹತ್, ಅದ್ಮಿನೊ ಛಿಯ್ಯಾಥಿ ದೇವ್ನ ಮಹಿಮೆ ಹುಯು ಉಶೇತೊ, ಖ್ಹುದ್ ದೇವ್‌ಥೀಸ್‌ ಅದ್ಮಿನೊ ಛಿಯ್ಯಾನಾಬಿ ಮಹಿಮೆ ಉಶೆ,ಅಜು಼ ಇನ ಒಗ್ಗಿಸ್ ಮಹಿಮೆ ಕರ್ಶೆ.

ಯೋಹಾನ 15:15

ಬಿಜು಼ ಖ್ಹಾಮ್ಣೆ ಮೇ ತುಮೂನ ಆಳ್‌ ಕರಿ ಬುಲಾವ್ ಕೊಯ್ನಿ, ಶನಕತೊ ಯಜಮಾನ್ ಶಾತ್‌ ಕರುಕರಸ್ ಕರಿ ಇನ ಆಳ್‌ನ ಮಾಲುಮ್‌ ಕೋ ರ‍್ಹೇಯ್ನಿ. ಅನಬದಲ್ ಮೇ ತುಮೂನ ದೋಸ್ತ್ ಕರಿ ಬುಲಾವುಸ್‌, ಶನಕತೊ ಬಾಥಿ ಮೇ ಶಾತ್ ಖ್ಹಮ್‌ಜ್ಯೋಕಿ ಖ್ಹಾರಸ್ನ ತುಮೂನ ಬೋಲಿರಾಖ್ಯೊಸ್.

ಯೋಹಾನ 16:15

ಬಾಕನ ಛಾ಼ತೆ ಅಖ್ಖೂಸ್ ಮಾರುಸ್‌; ಇನಖ್ಹಾಜೇಸ್ ಪವಿತ್ರಾತ್ಮ ಮೇ ಬೋಲುಸ್ತೆ ಇನಾಸ್ ಲೀನ್‌, ಯೋ ತುಮೂನ ಬೋಲ್‌ಶೆ ಕರಿ ಮೇ ಬೋಲ್ಯೋತೆ.”

ಯೋಹಾನ 17:2

ತುನೆ ಇನಖ್ಹಾರ ಅದ್ಮಿಪರ್ ಅದಿಕಾರ್ ದೀರಾಖ್ಯೊಸ್. ತುನೆ ಇನ ಕಿನಕಿನ ದೀರಾಖ್ಯೊಸ್ಕಿ, ಇವ್ಣ ಖ್ಹಾರಾನ ಯೋ ಹಮೇಶಾನಿ ಜಿ಼ಂದ್‌ಗಿ ದೇವ್ಣುಕರಿ ಹುಯಿರ‍್ಹೀಸ್.

ಯೋಹಾನ 3:16

ದೇವ್ನೆ ಆ ಜಗತ್‌ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್‍ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್‌ಬಿ ಮರ‍್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಇನ ದಿದೊ.

ಯೋಹಾನ 3:25

ಯೋಹಾನ್ನ ಥೋಡ ಶಿಷ್ಯರ್‌ಮ ಅಜು಼ ಏಕ್‌ ಯೆಹೂದ್ಯವಾಳನಿ ಧಾರ್ಮಿಕ ಪದತ್ತಿನಿ ಘೋಣಿನಿ ಅಶ್ನಾನ್‌ಧಾನ್ನಿ ಬಾರೇಮ ಚರ್ಚೆಹುಯು.

ಯೋಹಾನ 5:26

ಬಾನ ಜಾನ್‌ ದ್ಯವಾನಿ ಶಕತ್ ಛಾ಼ತೆ ಇಮ್ಮಸ್, ಛಿಯ್ಯಾನಾಬಿ ಜಾನ್‌ ದ್ಯವಾನಿ ಶಕತ್ನ ದೀರಾಖ್ಯೊಸ್.

ಯೋಹಾನ 5:27

ಅಜು಼ ಛಿಯ್ಯೊ, ಅದ್ಮಿನೊ ಛಿಯ್ಯೊ ಹುಯಿರ‍್ಹೋತೆ ಇನಖ್ಹಾಜೆ ತೀರ್ಪ್ ಕರಾನಿ ಹಕ್‌ನ ಬಾನೆ ಇನ ದೀರಾಖ್ಯೊಸ್.

ಯೋಹಾನ 9:29

ಮೋಶೆನ ಜೋ಼ಡೆ ದೇವ್ನೆ ವಾತೆ ಬೋಲ್ಯೊ ಕರಿ ಹಮೂನ ಮಾಲುಮ್‌; ಕತೋಬಿ ಆ ಅದ್ಮಿ ಕಿಜ್ಜಾ಼ನೊ ಕರೀಬಿ ಹಮೂನ ಮಾಲುಮ್‌ ಕೊಯ್ನಿ!” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:36

ದೇವ್ನೆ ಇಸ್ರಾಯೇಲ್‌ನ ಅದ್ಮಿನ ಜೋ಼ಡ್ಮ ಬೋಲ್ಯೊಥೊ ಯೋಸ್ ಖ್ಹಾರಜ಼ಣನ ಪ್ರಭು ಹುಯಿರ‍್ಹೋಸ್.ಯೊ ಯೇಸು ಕ್ರಿಸ್ತಾಥೀಸ್ ಸಮಾಧಾನ್ ಆವ್‍ಶೆಕರಿ ಬೋಲಾನು ಸುವಾರ್ತೆನ ದೇವ್ನೆ ಇವ್ಣುನ ಮೋಕ್‌ಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:17

ದೇವ್ನೆ ಅಮ್‍ ಬೋಲ್ಯೊಕಿ, ‘ಖ್ಹರ್ತಿನ ದನ್ಮ ಖ್ಹಾರ ಅದ್ಮಿಪರ್, ಮಾರಿ ಆತ್ಮಾನ ಖ್ಹಾರ ಅದ್ಮಿವೋನ ಉಪ್ಪರ್ ರಂಚೀಶ್, ತುಮಾರ ತಯೇಡ ಪರ್ಖ್ಹಾ ಪ್ರವಾದ್‌ನೆ ಕರ್ಶೆ; ತುಮಾರ ಜಾ಼ನ್ಜ಼ಮಾನ್ ಖ್ಹಾರು ದರ್ಶನ್ ದೇಕ್‌ಶೆ; ಅಜು಼ ತುಮಾರು ಗಲ್‌ಢಖ್ಹಾರು ಖ್ಹೋಣ್ಯಮ ದೇಕ್‌ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:4

ದೇವ್ನೆ ಪಹಿಲೆ ಪವಿತ್ರ ದಪ್ತರ್‌ಮ ಇನ ಪ್ರವಾದಿಥಿ ಬೋಲೈರ‍್ಹೀತೆ ಆ ವಾಗ್ದಾನ್‌ಕರ‍್ಯೊತೆ ಸುವಾರ್ತೆ ಮರ‍್ಯಾಹುಯಾಮಾಥು ಪಾಛು಼ ಜಿವ್ತುಹುಯೋತೆ ಇನಿ ಶಕಥ್ಥಿ ದೇವ್‌ನೊ ಛಿಯ್ಯೊಕರಿ ವತಾಳೈಲಿದೊ. ಯೋಸ್ ಅಪ್ಣೊ ಪ್ರಭು ಯೇಸುಕ್ರಿಸ್ತ ಹುಯಿರೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:17

ಹಮ್ಕೆ ಅಪ್ಣೆ ಲಡ್ಕಾ ಹುಯಿರ‍್ಹಾತೊ, ಹಕ್‍ದಾರ್ ಹುಯಿರ‍್ಹಯೇಸ್; ದೇವ್ನ ಹಕ್‍ದಾರ್ ಅಜು಼ ಕ್ರಿಸ್ತನಿ ಜೋ಼ಡ್ಮ ಹಕ್‍ದಾರ್ ಹುಯಿರ‍್ಹಾಸ್. ಅಪ್ಣೆ ಕ್ರಿಸ್ತನು ಖ್ಹತಾಪ್ಣಿಮ ಖ್ಹಾಚಮಾಸ್ ಭಾಗ್‍ಲ್ಯಾವವಾಳ ರ‍್ಹಯಾತೊ, ಇನಿ ಮಹಿಮೆಮಾಬಿ ಭಾಗ್‌ಲ್ಯವಾಳ ಹುಯಿರ‍್ಹಿಶು.

1 ಕೊರಿಂಥ 2:7

ಅಪ್ಣೆತೋಬಿ ಹಮ್ಕೆಲಗು ದೇವ್ನಿ ಗಪ್ಲತ್ ಹುಯಿರ‍್ಹವಾನು ಅಕ್ಕಲ್‌ನಾಸ್ ಬೋಲೆಸ್. ಆ ಅಕ್ಕಲ್‍ ಅದ್ಮಿಖ್ಹಾರೇಥಿ ಲಪಾಡೈರ‍್ಹೂಸ್. ದೇವ್ನೆ ಅಪ್ಣ ಮಹಿಮೆನಖ್ಹಾಜೆ ಆ ಅಕ್ಕಲ್‍ನ ಜಗತ್‌ನು ಉಬ್‍ಜಾ಼ವ್ಣಿನ ಶುರುವಾತ್ನ ಅಗಾಡಿಸ್ ಚೂ಼ಣಿರಾಖ್ಯೊಸ್.

1 ಕೊರಿಂಥ 8:6

ಅಪ್ಣುನತೋಬಿ ಎಕ್ಕಸ್ ದೇವ್ ಛಾ಼. ಯೋ ಬಾಕರಿ ಬೋಲೈಲ್ಯಾವಾಳೊ; ಅಖ್ಖೂಸ್ ಉಬ್‍ಜ್ಯೊತೆ ಇನೇಥಿ ಹಮೆ ಇನಖ್ಹಾಜೆ ಜಿವೇಸ್ ಅಜು಼ ಏಕ್‍ನೊ ಏಕ್ಕಸ್‍ಜ಼ಣೊ ಪ್ರಭು ಛಾ಼. ಯೋಸ್ ಯೇಸು ಕ್ರಿಸ್ತ ಇನೇಥಿಸ್ ಹರೇಕ್ ತಯಾರ್‌ಹುಯು. ಇನೇಥಿಸ್ ಹಮೇಬಿ ಇನೇಥಿಸ್ ಛಿಯ್ಯೆ಼.

ಗಲಾತ್ಯ 4:4

ಕತೋಬಿ ಬರಬರ‍್ನಿ ವಖ್ಹತ್ ಆವಖ್ಹತರ್ ದೇವ್ನೆ ಇನ ಛಿಯ್ಯಾನ ಮೋಕ್‌ಲ್ಯೊ.ಯೊ ಏಕ್‌ ತಯೇಡಾಮ ಪೈದಹುಯಿನ್ ಧರ್ಮಶಾಸ್ತ್ರನಿ ಅಧೀನ್‍ಮ ಆಯೊ.

ಎಫೆಸ 1:10

ಆ ಖ್ಹೂಜ಼್‌ನ ಬರೊಬರ‍್ನಿ ವಖ್ಹತ್‌ಮ ಪೂರಕರಸ್‍. ಖ್ಹಾರಿ ಉಬ್‍ಜಾ಼ವ್ಣಿ ಧರ್ತಿಬಿ ಪರಲೋಕ್‌ಮ ಕ್ರಿಸ್ತನ ಮುಡ್‌ಕ್ಯು ಕರಿ ಬಣೈನ್ ಎಕ್ಟು ಕರ್ಶೆ.

ಎಫೆಸ 3:9

ಬಿಜು಼ ದೇವ್ನ ಅದ್ಮಿನ ದೇವ್ನಿ ಗಪ್ಲತ್‌ನಿ ಖ್ಹೂಜ಼್‌ನ ಖಿವುಕರಿ ಅಜು಼ ಯೊ ಪ್ರಭಾವ್‌ ಹುವಾನಿತರಾನು ದೇಖಾನಖ್ಹಾಜೆ ಕರ‍್ಯೊ. ಅಖ್ಖಾಸ್ನ ಉಬ್‌ಜಾ಼ಯೊತೆ ದೇವ್ ಪಾಛ಼್‌ಲ್ಯಾಹಗಾಮ್ಮ ಇನು ಗಪ್ಲತ್‌ನ ಲಪಾಡಿರಾಖ್ಯೊಥೊ.

ಇಬ್ರಿ 1:5

ಶನಕತೊ, ದೇವ್ ಇನ ದೇವ್‌ದೂತರ್‌ಮ ಕಿನಾತೋಬಿ, “ತೂ ಮಾರೊ ಛಿಯ್ಯೊ; ಆಜ಼್ ಮೇಸ್ ತಾರೊ ಬಾ ಹುಯಿರ‍್ಹೊಸ್ “ಮೇ ಇನೊ ಬಾ ಹುಯಿರ‍್ಹಿಶ್, ಯೋ ಮಾರೊ ಛಿಯ್ಯೊ ಹುಯಿರ‍್ಹಿಶೆ.” ಕರಿ ಬೋಲಿರಾಖ್ಯೊಕೊಯ್ನಿ.

ಇಬ್ರಿ 1:8

ಕತೋಬಿ ಛಿಯ್ಯಾನಿ ಬಾರೇಮ ಅಮ್ ಬೋಲ್ಯೊ: “ದೇವ್ ತಾರು ಸಿಂಹಾಸನ್ ಜ಼ಗ್‌ಜ಼ಮಾನಮಾಬಿ ರ‍್ಹಿಶೆ. ನೀತಿನು ಡಂಡೊಸ್‌ ತಾರು ರಾಜ಼ನು ಡಂಡೊ ಹುಯಿರ‍್ಹುಸ್.

ಇಬ್ರಿ 11:3

ಜಗತ್‌ ದೇವ್ನಿ ವಾತೆಥೀಸ್‌ ಉಬ್‌ಜು ಕರಿ ಬೋಲಾನು ವಿಶ್ವಾಸ್‌ಥೀಸ್ ಮಾಲುಮ್ ಕರಿರಾಖ್ಯಾಸ್. ಆ ಜಿನಖ್ಹ್‌ ದೆಖಾವಸ್ತೆ ಆ ಜಗತ್‌ ದೆಖಾವಾಥಿ ರ‍್ಹವೊ ನಾ ದೆಖಾವಾಥಿ ರ‍್ಹವೊ ಉಬ್‌ಜ್ಯುಕರಿ ಬೋಲಾನು ವಿಶ್ವಾಸ್‌ಥೀಸ್ ಪರ್ಖೇಸ್.

ಇಬ್ರಿ 2:3

ಅಪ್ಣ ಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಅಥ್ರಾನಿ ಮಹಾನ್ ರಕ್ಷಣೆನ ಅಪ್ಣೆ ಕರ‍್ಹಯ್ಯಕಾಡ್ಯುತೊ, ಛು಼ಕಿಜಾ಼ವನುತೋಬಿ ಕಿಮ್? ಆ ಹೈರುತೆ ಪ್ರಭುಥಿ ಪಹಿಲೆ ಬೋಲಾಯು ಅಜು಼ ಇನೇಥಿ ಖ್ಹಮ್‌ಜ್ಯಥಾತೆ ಅನ ಹಮೂನ ಘಟ್‌ಕರಾಯು.

ಇಬ್ರಿ 3:6

ಕತೋಬಿ ಕ್ರಿಸ್ತತೋಬಿ ಛಿಯ್ಯೊಹುಯಿನ್ ದೇವ್ನ ಘರ್‌ಪರ್ ಹಕ್‌ವಾಳೊ ಹುಯಿರ‍್ಹೋಸ್. ಅಪ್ಣೆ ಹಿಮ್ಮತ್‍ಬಿನ್ ಭರೋಖ್ಹಾಥಿಬಿ ಖ್ಹರ್ತಿಲಗು ಘಟ್‍ಥಿ ಧರಿರಾಖವಾಳ ಹುಯಾತೊ ಅಪ್ಣೆಸ್ ದೇವ್ನ ಘರ್ ಹುಯಿರ‍್ಹಿಷು.

ಇಬ್ರಿ 4:14

ಆಬ್‌ಮಾಕರಿ ಗಯೋತೆ ದೇವ್‌ನೊ ಛಿಯ್ಯೊಹುಯಿರೊತೆ ಯೇಸುಸ್ ಅಪ್ಣುನ ಏಕ್‌ ಮಹಾಯಾಜಕ್ ಹುಯಿರ‍್ಹೊಸ್. ಇನಖ್ಹಾಜೆ ಅಪ್ಣೆ ಛಾ಼ತೆ ವಿಶ್ವಾಸ್ ಘಟ್ ಧರಿಲಿಯೆ.

ಇಬ್ರಿ 5:8

ಕತೋಬಿ ಯೋ ಛಿಯ್ಯೊ ಹುಯಿರ‍್ಹೊತೋಬಿ ಇನೆ ಲಿದೋತೆ ವದೇಖ್ಹ್‌ಥೀಸ್ ಹೇಟು ಹುವಾನು ಶಿಕಿಗಯೊ.

ಇಬ್ರಿ 7:28

ಧರ್ಮಶಾಸ್ತ್ರ ಕಮ್‍ಜೋ಼ರಿ ಆದ್ಮಿವ್ನ ಮಹಾಯಾಜಕರ್‌ ಕರೀನ್ ನೇಮಕ್ ಕರಾಸ್. ಕತೋಬಿ ಧರ್ಮಶಾಸ್ತ್ರನ ವಾರ್ ಆಣ್‌ನಿ ಜೋ಼ಡ್ಮ ಆಯೂತೆ ವಚನ್ ಕದೆಕದೇಬಿ ಅಖ್ಖೂಸ್ ಪೂರ ಹುಯಿರೋಸ್ತೆ ಛಿಯ್ಯಾನಸ್ ಯಾಜಕ ಕರಿನ್ ನೇಮಕ್ ಕರಿರಾಖ್ಯುಸ್.

ಇಬ್ರಿ 7:3

ಇನ ಆಯಕೊಯ್ನಿ ಬಾಕೊಯ್ನಿ, ಖಾನ್‍ದಾನ್‍ಬಿ ಕೊಯ್ನಿ, ಪೈದಾಖ್ಹ್‌ಬಿ ಕೊಯ್ನಿ, ಮರಣ್‌ಬಿ ಕೊಯ್ನಿ, ಯೋ ದೇವ್ನ ಛಿಯ್ಯಾನಿತರ ರ‍್ಹೀನ್, ಹಮೇಶಾನೊ ಯಾಜಕ್‍ಹುಯಿರ‍್ಹೊಸ್.

ಇಬ್ರಿ 9:26

ಇಮ್‌ ಸಮರ್ಪಣ್‌ ಕರಾನು ರ‍್ಹಯು ಹೋತ್ತೊ, ಜಗತ್‌ ಉಬ್‍ಜಾ಼ವ್ಣಿಥುಬಿ ಕೈಯೇಕ್ ವಖ್ಹತ್ ಖ್ಹತಾಪ್ಣಿಲೇವ್ಣು ಪಡ್ಯುಥು. ಕತೋಬಿ ಖ್ಹಾರನಖ್ಹಾಜೆ ಎಕ್ಕಸ್ ಹಲ್ಲ ಜ಼ಗ್‍ಜ಼ಮಾನನಿ ಖ್ಹರ್ತಿಲಗೂಬಿ, ಯೋ ಪಾಪ್ನ ಕಾಡಿನಾಖನಿ ಉದ್ದೇಶ್‌ಥಿ ಇನುಯೋಸ್ ಬಲಿದಾನ್‌ ಹುವಾನ ದೆಖೈಲಿದೊ.

1 ಪೇತ್ರ 1:20

ಯೊ ಜಗತ್‌ ಉಬ್‌ಜಾ಼ನ ಅಗಾಡಿಸ್ ದೆವೈಜಾ಼ವಾಳೂ ಹುಯಿರ‍್ಹಿನ್, ಆ ಖ್ಹರ್ತಿನ ಹಗಾಮ್ಮ ತುಮಾರಖ್ಹಾಜೆ ದೆಖಾಯೊ.

2 ಪೇತ್ರ 3:3

ಅಖ್ಖೇಥಿ ಪಹಿಲೆಸ್ ತುಮೆ ಅನ ಯಾದ್ಮರಾಖಿರಾಕ್ಣು; ಥೋಡುಜ಼ಣು ಇವ್ಣಿ ಖರಾಬ್ ಆಖ್ಹ್‌ನಿ ಅಧೀನ್‍ಮ ಜಿವ್ಣುಕರಾತೆ ದೇಖವಸ್. ಇವ್ಣೆ ಚಿಂಘಾವ್ಣಿ ಕರ್ತುಹುಯಿನ್,

ಯೂದನೆ ಲೀಖ್ಯೋತೆ ಚಿಟ್ಟಿ 1:18

ಅಪೊಸ್ತಲರ‍್ನೆ ತುಮುನ, “ಖ್ಹರ್ತಿನ ಹಗಾಮ್ಮ ದೇವ್ನಿ ಬಾರೇಮ ತುಮೂನ ನಕ್ಲೆ ಕರವಾಳು ಅದ್ಮಿಖ್ಹಾರು ರ‍್ಹಿಶೆ, ಅಜು಼ ಭಕ್ತಿಕೊಂತೆ ಆಖ್ಹ್‌ನ ಅಖ್ಖುಲೀನ್ ಚಾ಼ಲವಾಳು ಹುಯಿರ‍್ಹಿಶೆಕರಿ ಇವ್ಣೆ ತುಮೂನ ಬೋಲ್ಯುಥು.