ಗಲಾತ್ಯ 6:7 - ದೇವ್ನಿ ಖ್ಹಾಚಿ ವಚನ್

⁷ ತುಮಾರು ತುಮೆ ಧೋಕ ನಕೊಖಾವೊ, ದೇವ್ನ ನಕ್ಲೆನಿತರ ಲ್ಹಾವನ ಕೊಹುವ್ವಾನಿ. ಅದ್ಮಿ ಯೋ ಶಾತ್ ಬಿತ್‌ಕರಸ್ಕಿ ಇನಾಸ್ ವ್ಹಾಡ್ಣು.

ಗಲಾತ್ಯ 6:7 ပူးပေါင်းရင်းမြစ်များ

2 ಕೊರಿಂಥ 9:6

ಕಮ್ ಬಿತ್ನೆ ಕರಾವಾಳು ಕಮ್ಮಸ್ ವ್ಹಾಡ್‍ಶೆ. ಜಾ಼ಖ್ಹತ್ ಬಿತ್ನೆಕರಾವಾಳು ಜಾ಼ಖ್ಹತ್ ವ್ಹಾಡ್‍ಶೆ ಕರಿ ಬೋಲಾನಿ ವಾತೆ ಖ್ಹಯಾಲ್ಮ ರಾಖೊ.

1 ಕೊರಿಂಥ 15:33

“ಖರಾಬ್ ವಾಟ್ಮ ಖೇಚೈಜಾ಼ಶುನಕೊ, ಖರಾಬ್‍ನೊ ಖ್ಹಂಗ್ ಅಛ್ಛಿಚಾ಼ಲ್‍ನ ಖರಾಬ್ ಕರ್ಶೆ”.

ಎಫೆಸ 5:6

ಫಾಯಿದೊಕೊಂತೆ ವಾತೆಥಿ ಕೋಣ್‌ಬಿ ತುಮುನ ನಕೊ ಠಗಾವದೆ, ಅಮ್ನು ಕಾಮ್ ಅಖ್ಖಾನಖ್ಹಾಜೆ ದೇವ್‌ನೊ ಇರಾದೊ ಇನಿ ವಾತೆನ ಮೀರಿನ್ ಚಾ಼ಲಸ್ತೆ ಇವ್ಣ ಉಪ್ಪರ್ ಆವಸ್.

1 ಕೊರಿಂಥ 6:9

ಅನೀತಿಥಿ ಚಾ಼ಲವಾಳು ದೇವ್ನಿ ರಾಜ್ಯನ ಖ್ಹಾಯಿಕೊಯ್ನಿ ಕರಿ ತುಮೂನ ಮಾಲುಮ್ ಕೊಯ್ನಿಕಿ ಶು? ಮಂಕ್ ನಕೊಹುವೊ: ವ್ಯಬಿಚಾರಿಖ್ಹಾರು, ಮೂರತ್ನ ಆರಾದನೆ ಕರವಾಳು, ಪಾಪೇಲು, ಪರ್ಖ್ಹಾನಿಜೋ಼ಡ್ಮ ಭೋಗ್ ಕರಾವಾಳು,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:25

ಕತೋಬಿ ಅಬ್ರಹಾಮ್‌ನೆ ಇನ, “ಛಿಯ್ಯಾ, ತುನೆ ಆಖ್ಹ್ ಕರ‍್ಯೊತೆ ಖ್ಹಾರೀಸ್‍ ಖ್ಹುಶಿ, ತಾರಿ ಜಿ಼ಂದ್‌ಗೀಮ ತುನ ಮಳ್ಯು. ಇಮ್ಮಸ್, ಲಾಜ಼ರ್‌ನೆ ಲತಾಡ ಪಡ್ಯೊ ಕರಿ ಬೋಲಾನು ಯಾದ್ ಕರಿಲೆ. ಕತೋಬಿ ಹಮ್ಕೆ ಹಜ಼್ಜಾ ಅನ ಸಮಾಧಾನ್ ಛಾ಼, ಕತೋಬಿ ತುನ ಖ್ಹತಾಪ್ಣಿ ಮಳಿರ‍್ಹೀಸ್.

ಯಾಕೋಬ 1:22

ತುಮೆ ವಚನ್ನಿ ಪರಕ್‍ ಚಾ಼ಲಿಲ್ಯಾವಾಳ ಹುಯಿ‍ರ‍್ಹೆವೊ. ಇನ ಖಲಿ ಖ್ಹಮ್‍ಜಾ಼ವಾಳ ಹುಯಿರ‍್ಹಿನ್ ತುಮಾರು ತುಮೇಸ್ ಧೋಕ ಕರಿಲೇವೊನಕೊ.

1 ಯೋಹಾನ 3:7

ಪ್ಯಾರ್‌ನ ಲಡ್ಕಾವೊ, ಕೋಣ್‌ಬಿ ತುಮುನ ಠಗಾವ್ಣುನಾತೆ ತಿಮ್ ರ‍್ಹವೊ. ಕ್ರಿಸ್ತ ಕಿಮ್ ನೀತಿವಾಳೊ ಹುಯಿರೋಸ್ಕಿ ತಿಮ್‍ ನೀತಿಥಿ ಚಲಾವಾಳೊ ಹರೇಕ್‍ಜ಼ಣೋಬಿ ನೀತಿವಾಳೊ ಹುಯಿರ‍್ಹೋಸ್.

ಗಲಾತ್ಯ 6:3

ಶನಕತೊ ಮೆ ಶಾತ್ ನಾ ರ‍್ಹಿಯೋತೋಬಿ, ಇನು ಯೊ ಮೋಟೊಕರಿ ಲ್ಹಾಯೊತೊ ಯೊ ಧೋಕೊ ಖಾವಳೊ ಹುಯಿರ‍್ಹೊಸ್.

ಯಾಕೋಬ 1:26

ತುಮಾರಮ ಮೆ ಅಛ್ಛೊ಼ಭಕ್ತಕರಿ ಬೋಲಿಲ್ಯಾವಾಳೊ ಕೋಣ್‌ತೋಬಿ ಇನಿ ಜೀಬ್‌ನ ಲಗಾಮ್‌ ನಾ ಘಾಲಿನ್ ಇನ ದಿಲ್ನ ಧೋಕ ಕರವಾಳೊರ‍್ಹಿಯೋತೊ ಇನಿ ಭಕ್ತಿ ಬಿಣ್‌ಫಾಯಿದಾನು ಹುಯಿರ್‍ಹೊಸ್.

1 ಕೊರಿಂಥ 3:18

ಖೆವೋಬಿ ಏಕ್‍ಜ಼ಣೊ ಇನಾಯೋಸ್ ಧೋಕ ನಕೊ ಕರಿಲ್ಯವಾದೆ ತುಮಾರಮ ಖಿವುತೋಬಿ ಲೋಕ್‌ನಿ ಬಾರೇಮ ಅಕ್ಲಿ ಹುಯಿರ್‍ಹೊಸ್ ಕರಿ ಲ್ಹಾಯತೊ ಯೋ ಅಕ್ಲಿಹುವಾನಖ್ಹಾಜೆ ಪೆದ್ದೊಹುವಾದೆ.

1 ಯೋಹಾನ 1:8

ಅಪ್ಣಾಮ ಪಾಪ್‍ಕೊಯ್ನಿಕರಿ ಅಪ್ಣೆ ಬೋಲ್ಯಾತೊ ಅಪ್ಣುನ ಅಪ್ಣೆಸ್ ಠಗೈಲ್ಯವಾಳ ಹುಯಿರಾಸ್‍ ಅಜು಼ ಖ್ಹಾಚಿ ಕರಿ ಬೋಲಾನು ಅಪ್ಣಾಮ ಕೊಯ್ನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:8

ಯೇಸುನೆ ಇವ್ಣುನ, “ಜ಼ತನ್‌ಥಿ ರ‍್ಹವೊ! ತುಮೂನ ಕೋಣ್‌ಬಿ ಠಗಾವ್ಣುನಾತೆ ಇಮ್‌ ದೇಖಿಲೇವೊ. ಶನಕತೊ, ಕೈಯೆಕ್ಕಿ ಜ಼ಣು ಐನ್, ಮಾರು ನಾಮ್‌ಲೀನ್, ‘ಮೇಸ್ ಕ್ರಿಸ್ತ, ಮೇಸ್ ಕ್ರಿಸ್ತ’ ಕರಿ ಅಜು಼ ಯೋ ವಖ್ಹತ್ ಐಗೈ ಕರಿ ಬೊಲ್‌ಶೆ. ಕತೋಬಿ ಇವ್ಣ ಪೀಠೆ ನಕೊಜಾ಼ಶು.

ಯೂದನೆ ಲೀಖ್ಯೋತೆ ಚಿಟ್ಟಿ 1:18

ಅಪೊಸ್ತಲರ‍್ನೆ ತುಮುನ, “ಖ್ಹರ್ತಿನ ಹಗಾಮ್ಮ ದೇವ್ನಿ ಬಾರೇಮ ತುಮೂನ ನಕ್ಲೆ ಕರವಾಳು ಅದ್ಮಿಖ್ಹಾರು ರ‍್ಹಿಶೆ, ಅಜು಼ ಭಕ್ತಿಕೊಂತೆ ಆಖ್ಹ್‌ನ ಅಖ್ಖುಲೀನ್ ಚಾ಼ಲವಾಳು ಹುಯಿರ‍್ಹಿಶೆಕರಿ ಇವ್ಣೆ ತುಮೂನ ಬೋಲ್ಯುಥು.

2 ಥೆಸ 2:3

ಕೋಣ್‌ಬಿ ಕೆವ್ಹಿ ತರಿಖಾಮಾಬಿ ಠಗಾವ್ಣುನಾತೆ ಇಮ್‌ ದೇಖಿಲೇವೊ. ಶನಕತೊ ಪಹಿಲೆ ವಿಶ್ವಾಸ್‌ನ ಕಾಡಿನಾಖಿನ್ ನಾಶಕರವಾಳೊ, ವಿರೋದಿ ಭಡ್ಕಲಗುಬಿ ಯೊ ದನ್ ಆವ್‌ಶೆ ಕೊಯ್ನಿ.