ಗಲಾತ್ಯ 6:3 - ದೇವ್ನಿ ಖ್ಹಾಚಿ ವಚನ್

³ ಶನಕತೊ ಮೆ ಶಾತ್ ನಾ ರ‍್ಹಿಯೋತೋಬಿ, ಇನು ಯೊ ಮೋಟೊಕರಿ ಲ್ಹಾಯೊತೊ ಯೊ ಧೋಕೊ ಖಾವಳೊ ಹುಯಿರ‍್ಹೊಸ್.

ಗಲಾತ್ಯ 6:3 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:11

ಫರಿಸಾಯರ್‌ವಾಳೊ ಭೀರಿನ್, ಪ್ರಾರ್ಥನೆ ಕರಾನಿ ವಖ್ಹತ್‌ಮ, ‘ಓ ದೇವ್, ಲೂಟಿ ಕರಾವಾಳು, ಠಗಾವವಾಳು, ವ್ಯಬಿಚಾರ್‌ ಕರಾವಾಳು ಅಲಕ್ ಅದ್ಮಿವೊನಿಘೋಣಿ ಮೇ ಕಾಹೆ. ಆ ಶುಂಕ ವಶೂಲ್ ಕರಾವಾಳಾನಿ ಘೋಣಿಬಿ ಮೇ ಕಾಹೆತೆ, ಇನಖ್ಹಾಜೆ ತುನ ಧನ್ಯವಾದ್ ಕರುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:36

ಅನೇಥಿ ಅಗಾಡಿ ಥೈದಕರಿ ಏಕ್‌ಜ಼ಣಾನೆ ಮೇ ಮೋಟೊ ಅದ್ಮಿಕರಿ ಬೋಲಿಲೀದೊ. ಇನಿ ಜೋ಼ಡ್ಮ ಖ್ಹುಮಾರ್ ಚಾರ್ ಖ್ಹೋ ಅದ್ಮಿ ಮಳಿರ‍್ಹುಥು. ತ್ಯೋಬಿ ಯೋ ಮರೈಗಯೊ. ಅಜು಼ ಇನ ನಂಬಿಹುಯು ಅಖ್ಖೂಸ್ ಎಕ್ಕೋಸ್ಏಕ್‌ ಮಿಲೈಗು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:16

ಏಕ್‌ಥಿಏಕ್ ಎಕ್ಕಸ್ ದಿಲ್‌ವಾಳ ಹುಯಿರ‍್ಹೇವೊ. ತುಮೆ ದಿಲ್ಮ ಹಂಕಾರಿ ನಾ ರ‍್ಹೇವ್ಣುತೆ, ಅಖ್ಖಾನಿ ಜೋ಼ಡ್ಮ ಮಳಿನ್ ರ‍್ಹವೊ. ತುಮೇಸ್ ಅಕ್ಲಿಕರಿ ನಕೊಲ್ಹಾವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:3

ದೇವ್ನೆ ಮನ ಕೃಪಾಥಿ ದೀರಾಖ್ಯೋತೆ ಸೇವೆನಖ್ಹಾಜೆ ತುಮಾರಮ ಹರೇಕ್ ಜ಼ಣಾನ ಮೇ ಬೋಲಾನು ಶಾತ್‍ಕತೊ, ತುಮಾರಿ ಲ್ಹಾಯೇಕ್‌ನ ಮೀರಿನ್ ತುಮೆ ಸೋಚ್ನುನಾತೆ ದೇವ್ ಏಕೇಕ್‌ ಜ಼ಣಾನ ಕಿಮ್‌ಕಿಮ್‌ನು ವಿಶ್ವಾಸ್‌ನಿ ತಾಖತ್ನ ದೀರಾಖ್ಯೊಸ್ಕಿ ಇವ್ಣಿ ಬಾರೇಮ ಬರೋಬರ್‌ಥಿ ಮಾಲುಮ್‌ಕರಿರಾಖದೆ.

1 ಕೊರಿಂಥ 13:2

ಮನ ಪ್ರವಾದನೆ ವರ ರ‍್ಹಯುತೋಬಿ, ಮೇ ಖ್ಹಾರುಸ್ ಗಪ್ಲಥ್ಥಿ ರ‍್ಹೆಯಿತೇಬಿ ಅಖ್ಖಿಥರಾನು ಪಢಂತ್‍ನ ಮಾಲುಮ್ ಕರಿರಾಖ್ಯೊತೋಬಿ, ಪಹಾಡ್ನ ಖ್ಹರ್ಕಾವಯೆತ್ರೆ ವಿಶ್ವಾಸ್ ರ‍್ಹೀತೊಬಿ ಮನ ಪ್ಯಾರ್ ನಾರ‍್ಹಯುತೊ, ಶಾತ್ಬಿ ನಾ ರ‍್ಹವಾಳೊ ಹುಯಿರೋಸ್.

1 ಕೊರಿಂಥ 3:18

ಖೆವೋಬಿ ಏಕ್‍ಜ಼ಣೊ ಇನಾಯೋಸ್ ಧೋಕ ನಕೊ ಕರಿಲ್ಯವಾದೆ ತುಮಾರಮ ಖಿವುತೋಬಿ ಲೋಕ್‌ನಿ ಬಾರೇಮ ಅಕ್ಲಿ ಹುಯಿರ್‍ಹೊಸ್ ಕರಿ ಲ್ಹಾಯತೊ ಯೋ ಅಕ್ಲಿಹುವಾನಖ್ಹಾಜೆ ಪೆದ್ದೊಹುವಾದೆ.

1 ಕೊರಿಂಥ 8:2

ಏಕ್‍ಜ಼ಣೊ ಇನುಯೋ ಶಾತ್ತೋಬಿ ಮಾಲುಮ್ ಕರಿರಾಖ್ಯೊಸ್‍ಕರಿ ಲಹಿರಾಖ್ಯೊತೊ ಯೋ ಕಿಮ್ಕಿ ಪರಕ್ಮ ಮಾಲುಮ್ ಕರ್ನುಕಿ ಯೊ ಪರಕ್ಮ ಬಿಜೂ಼ಬಿ ಮಾಲುಮ್ ಕೋ ಕರಿರಾಖ್ಯೋನಿ.

2 ಕೊರಿಂಥ 12:11

ಮೇ ಅಮ್‍ ಖ್ಹರಾವ್ಣಿ ಕಾಡಿಲ್ಯವಾಮ ದೀವಾನೊ ಹುಯಿರೋಸ್, ಇನ ತುಮೇಸ್ ಮನ ಜು಼ಲಮ್‌ ಕರ‍್ಯಾ. ತುಮಾರೇಥಿ ಮನ ಖ್ಹರಾವ್ಣಿ ಹೋಣುಪಡ್ಯುಥು. ಶನಕತೊ ಮೆ ಶಾತ್ಬಿ ರ‍್ಹಿಯೊನಾತೋಬಿ ಘಣೊ ಮಹಾನ್ ಹುಯಿರೋತೆ ಅಪೊಸ್ತಲರ್‌ಮಾಬಿ ಶನಾಮಬಿ ಮೇ ಕಮ್‍ಕೊಯ್ನಿ.

2 ಕೊರಿಂಥ 3:5

ಹಮಾರಿ ಶೊಂತ್ ಶಕತ್‌ಥೀಸ್‌ ಹಮೆ ಕೆಹುತೋಬಿ ಅಛ್ಛು಼ಕರ್‌ಶು ಕರಿ ಮೇ ಬೋಲುಕೊಯ್ನಿ. ಅಥ್ರಾನಿ ಶಕತ್‍ ಅಪ್ಣುನ ದೇವ್‍ಥೀಸ್‍ ಅಯಿರ‍್ಹೂಸ್.

ಗಲಾತ್ಯ 2:6

ಕತೋಬಿ ಕೋಣ್ ಗಲ್‌ಢಕರಿ ದೆಖಾವಸ್ಕಿ ಮೇ ಬೋಲುಸ್ ಆ ಮಾರಮ ಅಜು಼ ಇವ್ಣಾಮ ಅನು ಫರಕ್ ಕೊಯ್ನಿ; ದೇವ್ ಅಖ್ಖಾ ಅದ್ಮಿವ್‌ನ ಎಕ್ಕಸ್ ತರ ದೇಖಸ್. ಯೊ ಗ‌ಲ್‌ಢಾವ್‌ಥಿ ಮನ ಶಾತ್ಬಿ ಮಳ್ಯು ಕೊಯ್ನಿ.

ಗಲಾತ್ಯ 2:9

ಸಬೇನು ಖಂಬುಕರಿ ಬೋಲೈಲಿದಹುಯ ಯಾಕೋಬ್, ಪೇತ್ರ, ಯೋಹಾನ ಇವ್ಣೆ ದೇವ್ನೆ ಮನ ದಿರಾಖ್ಯೋತೆ ವಾರ್‌ಖ್ಹಾನ ಮಾಲುಮ್ ಕರಿಲಿನ್ ಗಳ್‍ಜೋ಼ಡ್‍ಥಿ ರ‍್ಹವಾನು ವತಾಳನಖ್ಹಾಜೆ ಮನಾಬಿ ಬಾರ್ನಬನಾಬಿ ಹಾತ್ ಮಳಾಯೊ. ಅಜು಼ ತುಮೆ ಯೆಹೂದ್ಯರ್‌ಕಾಹೆತೆ ಅದ್ಮಿಕನ ಜಾ಼ವೊ, ಹಮೆ ಯೆಹೂದ್ಯರ್‌ಕನ ಜೈ಼ಯೇಸ್‌ಕರಿ ಮಾನಿಲಿದ.

2 ತಿಮೊ 3:13

ಕತೋಬಿ ಖರಾಬ್ ಅಜು಼ ಠಗಾರ‍್ಯು ಅದ್ಮಿ ಬಿಜಾ಼ವ್‌ನಾಬಿ ಠಗೈನ್ ಅಜು಼ ಇವ್ಣೇಬಿ ಗಲತ್‌ಪರ್ ಚಾ಼ಲ್ತುಹುಯಿನ್, ದನ್‌ಪರ್-ದನ್ ತೀರ್‌ಚಾಸ್ ಖರಾಬ್ ಹುಯಿಜಾ಼ಸ್.

ಯಾಕೋಬ 1:22

ತುಮೆ ವಚನ್ನಿ ಪರಕ್‍ ಚಾ಼ಲಿಲ್ಯಾವಾಳ ಹುಯಿ‍ರ‍್ಹೆವೊ. ಇನ ಖಲಿ ಖ್ಹಮ್‍ಜಾ಼ವಾಳ ಹುಯಿರ‍್ಹಿನ್ ತುಮಾರು ತುಮೇಸ್ ಧೋಕ ಕರಿಲೇವೊನಕೊ.

ಯಾಕೋಬ 1:26

ತುಮಾರಮ ಮೆ ಅಛ್ಛೊ಼ಭಕ್ತಕರಿ ಬೋಲಿಲ್ಯಾವಾಳೊ ಕೋಣ್‌ತೋಬಿ ಇನಿ ಜೀಬ್‌ನ ಲಗಾಮ್‌ ನಾ ಘಾಲಿನ್ ಇನ ದಿಲ್ನ ಧೋಕ ಕರವಾಳೊರ‍್ಹಿಯೋತೊ ಇನಿ ಭಕ್ತಿ ಬಿಣ್‌ಫಾಯಿದಾನು ಹುಯಿರ್‍ಹೊಸ್.

1 ಯೋಹಾನ 1:8

ಅಪ್ಣಾಮ ಪಾಪ್‍ಕೊಯ್ನಿಕರಿ ಅಪ್ಣೆ ಬೋಲ್ಯಾತೊ ಅಪ್ಣುನ ಅಪ್ಣೆಸ್ ಠಗೈಲ್ಯವಾಳ ಹುಯಿರಾಸ್‍ ಅಜು಼ ಖ್ಹಾಚಿ ಕರಿ ಬೋಲಾನು ಅಪ್ಣಾಮ ಕೊಯ್ನಿ.