ಗಲಾತ್ಯ 5:7 - ದೇವ್ನಿ ಖ್ಹಾಚಿ ವಚನ್

⁷ ತುಮೆ ಅಛ್ಛಿನಿತರ ಮಿಲವ್‌ ಕರಸ್ ಕತೋಬಿ ಖ್ಹಾಚ಼ನ ನಾ ಪಾಡಿಚಾ಼ಲ್ನುಕರಿ ತುಮುನ ಠೆರಾಯುತೆ ಕೋಣ್?

ಗಲಾತ್ಯ 5:7 ပူးပေါင်းရင်းမြစ်များ

ಮತ್ತಾಯ 13:21

ಶನಕತೊ ಇನ ಜ಼ಡ್‌ಕೊಂತೆ ಇನಖ್ಹಾಜೆ ಯೋ ಥೋಡಹಗಾಮ್‍ ಖಲಿರ‍್ಹೀನ್ ಯೊ ವಚನ್ನಖ್ಹಾಜೆ ಖ್ಹತಾಪ್ಣಿ ರ‍್ಹವೊ ಲತಾಡ ರ‍್ಹವೊ ಆಯೂತೊ ಒಗ್ಗಿಸ್ ಠೊಕ್‍ರೈ ಪಡಿಜಾ಼ಸ್‌. ಆಸ್ ಪಂಡಾ ಪಡ್ಯುತೆ ಬಂಡಾನಿ ಜ಼ಮೀನ್ ಹುಯಿರ‍್ಹುಸ್‍.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:7

ದೇವ್ನಿ ವಚನ್ ಘಣು,ಘಣು, ಅದ್ಮಿಖ್ಹಾರಾನ ಪೋಚ್ಯು. ಯೆರೂಸಲೇಮ್ಮ ಶಿಷ್ಯರ್‌ನಿ ಗಣ್ತಿ ಘಣು ಭಡ್ತುಗಯು. ಯಾಜಕವ್‌ಮಾಬಿ ಘಣು ಅದ್ಮಿ ಯೇಸುನ ವಿಶ್ವಾಸ್‌ಮ ಮಳ್ತುಗಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:16

ಕತೋಬಿ ಖ್ಹಾರುಸ್ ಸುವಾರ್ತೆನ ಸ್ವೀಕಾರ್ ಕರ‍್ಯುಕೊಯ್ನಿ. ಆ ಬಾರೇಮ ಯೆಶಾಯ ಪ್ರವಾದಿ “ಪ್ರಭು, ಹಮೆ ಬೋಲ್ಯಾತೆ ಸುವಾರ್ತೆನ ಕೋಣ್ ವಿಶ್ವಾಸ್ ಕರ‍್ಯು”? ಕರಿ ಬೋಲಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:18

ಕ್ರಿಸ್ತಾನೆ ಯೆಹೂದ್ಯರ್‌ಕಾಹೆತೆ ಅದ್ಮಿಯೇವ್‍ನ ವಿಧೇಯ ಹುವಾನಖ್ಹಾಜೆ ಆಖ್ಹಾರಾನಿ ಬಾರೇಮ ಮೇಖಲಿ ಭಾಲ್‌ಥಿ ಬೋಲೆಜಾ಼ಯ್ ಅತ್ರೇಸ್ ಕಾಹೆತೆ ವಾತ್‍ಮಾಬಿ ಕಾಮ್‍ಥೀಬಿ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:26

ಹಮ್ಕೆ ಯೋ ಖ್ಹಾಚು಼ ಪ್ರವಾದ್‍ನೆನು ನಿಯಮ್‌ಥಿ ಹಮ್ಕೆ ಭಡ್‍ಕೈನ್ ಲೈರಾಖ್ಯುಸ್; ಅಜು಼ ಹರ್‌ಹಮೇಶ ರ‍್ಹವಾಳ ದೇವ್ನಿ ಹುಕುಮ್‌ನಿಮತ್ ಅಖ್ಖಾಸ್ ಜ಼ಗ್‌ಜಾ಼ತ್ನ ಅದ್ಮಿವೋನ ಮಾಲುಮ್‍ಪಡಾನಿ ಘೋಣಿ ಕರಿರಾಖ್ಯುಸ್, ಅಮ್ ವಿಧೇಯ ಹೋಣು ಅಜು಼ ವಿಶ್ವಾಸ್‌ ಕರ‍್ನು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:8

ಕತೋಬಿ ಉಭ್‌ರ‍್ಯುತೆ ಅದ್ಮಿಖ್ಹಾರು ಶೊಂತ್‍ ಅಖ್ಹ್‌ಕರವಾಳು ಖ್ಹಾಚ಼ನಲೀನ್ ಚಾ಼ಲಾನು ಮ್ಹೇಲಿನ್ ಠಗಾವ್ಣಿನ ಲೀನ್ ಚಾ಼ಲಸ್ಕಿ ಇವ್ಣಪರ್ ದೇವ್‌ನೊ ಇರಾದೋಬಿ ಚ಼ಂಢಾಳ್‍ಬಿ ರಂಚ಼್‌ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:17

ಕತೋಬಿ ದೇವ್ನ ಧನ್ಯವಾದ್‌ಹುವಾದೆ! ಶನಕತೊ ತುಮೆ ಏಕ್‌ ವಖ್ಹತ್‌ಮ ಪಾಪ್ನ ಗುಲಾಮ್ ಹುಯಿರ‍್ಹತೋಬಿ, ತುಮೆ ಶಿಕಿಲಿದಾತೆ ಖ್ಹಾಚಿ ಬೋಧನೆಮ ಭರ್‌ಪೂರ್‌ ಮನ್‌ಥಿ ವಿಧೇಯ ಹುಯಿರ‍್ಹಾಸ್.

1 ಕೊರಿಂಥ 9:24

ಖೇಲ್ನ ಮೈದಾನ್‌ಮ ಕೈಯೇಕ್‌ಜ಼ಣು ನಖ್ಹಾನ ಖೇಲ್ಮ ಭಾಗಿಹುವಾಸ್, ಕತೋಬಿ ಖಲಿ ಏಕ್‍ಜ಼ಣೊ ಜೂತಸ್ ಕರಿ ತುಮೂನ ಮಾಲುಮ್ ಕೊಯ್ನಿಕಿಶು? ಇವ್ಣಿನಿಘೋಣಿ ತುಮೇಬಿ ಇನಾಮ್ ಜುತಾನ ಖ್ಹಾಜೆಕರಿ ಮಿಲಾವೊ.

2 ಕೊರಿಂಥ 10:5

ಅಪ್ಣಿ ದೇವ್ನಿ ಗ್ಯಾನ್ನ ವಿರೋದ್ ಉಠಾತೆ ಅಹಂಕಾರ್‌ನ ಅಪ್ಣೆ ನಾಶ್‍ಕರಿನ್, ಹರೇಕ್ ಖ್ಹೂಜ್‍ನಾಬಿ ಕ್ರಿಸ್ತನ ಸಮರ್ಪಣ್‌ ಹುವಾನಿತರ ಯೋ ಅಖ್ಖಾನ ಕೊಂಡಿಲಿಯೇ.

ಗಲಾತ್ಯ 2:2

ದೇವ್ನಿ ಖ್ಹೂಜ಼್‌ನಿತರ ಜಾ಼ವ್ಣುಥೂತೆ ಇನಖ್ಹಾಜೆ ಯೆಹೂದ್ಯರ್‌ಕಾಹೆತೆ ಅದ್ಮಿಮ ಮೆ ಬೋಲಿವತಾಳನು ಸುವಾರ್ತೆ ಶಾತ್‌ಕರಿ ಹಿಜ಼್ಜಾಥೂತೆ ಗಲ್‌ಢಾವ್‌ನಾಸ್ ಖ್ಹಮ್‌ಜಾ಼ಡ್ಯೊ. ಶನಕತೊ ಮೆ ಸುವಾರ್ತೆನಖ್ಹಾಜೆ ಪಡ್ಯೋತೆ ಕಾಮ್‍ರ‍್ಹೆವೊ, ಮೇ ಹಮ್ಕೆ ಕರುಕರುಸ್ತೆ ಕಾಮ್‌ಖ್ಹಾರು ಬಿಣ್‌ಫಾಯಿದಾನು ನಾಹೊಣುಕರಿ ಮಾರಿ ಆಖ್ಹ್.

ಗಲಾತ್ಯ 3:1

ಅಲ ಅಕ್ಕಲ್‌ಕೊಂತೆ ಗಲಾತ್ಯವಾಳ, ತುಮುನ ಮಂಕ್ ‌ಕೋಣ್‌ಕರ‍್ಯು? ಯೇಸು ಕ್ರಿಸ್ತ ಶಿಲ್‌ಬೇಪರ್ ಜಾನ್‌ಮ್ಹೆಲ್ಯೊತೆ ಯೊ ತುಮಾರ ಡೋಳಾನ ಖ್ಹಾಮ್ಣೆ ಛೋ಼ಡಿವತಾಳ್ಯುನಿ!

ಗಲಾತ್ಯ 5:10

ಕತೋಬಿ ತುಮಾರಮ ಬಿಜಿ ಸೋಚ್ ಕೊರ‍್ಹಿಶೇನಿ ಕರಿ ಪ್ರಭುಮ ತುಮಾರಿ ಬಾರೇಮ ಮನ ಭರೋಖ್ಹೊ ಛಾ಼. ತುಮಾರಮ ಗುಂಝ಼್‌ಲಾವ್ಣಿ ಕರಾವಾಳೊ ಕೋಣ್‌ಬಿ ರ‍್ಹವೊ ದೇವ್ನಿ ನಿಶತ್‌ ಲಿಶೆ.

2 ಥೆಸ 1:8

ಯೊ ಆಗ್‍ನಿ ಝ಼ಲ್‌ಪಟ್‌ ಜೋ಼ಡ್ಮ ಕೋಣ್ ದೇವ್ನ ಠೊಕ್ರಾವಸ್ಕಿ ಅಜು಼ ಯೇಸು ಪ್ರಭುನಿ ಬಾರೇನಿ ಸುವಾರ್ತೆನ ಮಾನ್ಯುಕೊಯ್ನಿಕಿ ಇವ್ಣುನ ನಿಶತ್‌ ದ್ಯವಾನ ಆವ್‌ಶೆ.

ಇಬ್ರಿ 11:8

ವಿಶ್ವಾಸ್‌ಥೀಸ್ ದೇವ್ನೆ ವಾಗ್ದಾನ್ ಕರ‍್ಯೊತೆ ದೇಖ್ಹ್‌ನ ಇನೆ ಲೀಲೇವ್ಣುಕರಿ ಅಬ್ರಹಾಮ್‌ನೆ ವಿಧೇಯ ಹುವಾಳೊ ಹುಯಿನ್ ಯೋ ಹಕ್‌ಥಿ ಲೇವ್ಣುಥೂತೆ ದೇಖ್ಹ್‌ನ ನಿಕ್ಳಿಗಯೊ. ಇನೆ ಕಿಜ್ಜಾ಼ ಜಾ಼ವ್ಣುಕರಿ ಸೋಚ್ಯೊ ಕೊಯ್ನಿತೇಬಿ ಚ಼ಲೆಗಯೊ.

ಇಬ್ರಿ 12:1

ಆ ಕಾರಣ್‍ಥಿ ಅತ್ರು ಸಾಕ್ಷಿಯೆವ್ನು ಮೋಟು ಝೂ಼ಂಡ್‌ ವಾದ್‌ಳಾನಿ ಘೋಣಿ ಅಪ್ಣ ಅಶ್‌ಪಿಶ್ ಕೋಂಡಿರಾಖಪರ್ ಅಪ್ಣುನ ಅಟ್‌ಖಟ್ ಕರಾಸ್ತೆ ಅಖ್ಖಾಸ್ ಭೋಜ಼್‌ನಾಬಿ, ಶುಲ್ಬಾಥಿ ವಿಲ್‌ಟೈಜಾ಼ವಾನು ಪಾಪ್ ಜಿನು ಕಾಡಿನಾಖಿ, ವಿಶ್ವಾಸ್ ಪೈದಕರಾವಳೊಬಿ, ಇನ ಪೂರ ಕರಾವಳೊಬಿ ಹುಯಿರ‍್ಹೋತೆ ಯೇಸುಪರ್ ನಜ಼ರ್ ರಾಖಿನ್ ಅಪ್ಣುನ ನೇಮಕ್ ಹುಯಿರ‍್ಹುತೆ ದವಡ್ನ ಖ್ಹಮಾಳಿ ಮಿಲೈಯೇ಼.

ಇಬ್ರಿ 5:9

ಆ ನಾಹುಯಿನ್ ಇನೆ ಭರ್‌ಪೂರ್‌ ಕರೀನ್, ಇನ ವಿಧೇಯಹುವಾಳ ಅಖ್ಖನಾಬಿ ಹಮೇಶ ರಕ್ಷಣೆನಖ್ಹಾಜೆ ಬಣ್ಯೊ.

1 ಪೇತ್ರ 1:22

ತುಮೆ ಖ್ಹಾಚ ಉಪದೇಶ್‍ನ ವಿಧೇಯ ಹುಯಿರ‍್ಹಿನ್ ತುಮಾರ ಆತ್ಮಾನ ಪಾಕ್‍ ಕರಿಲಿದಾತೆ ಇನಾಖ್ಹಾಜೆ ಪಾಕ್‌ಮನ್‌ಥಿ ಭೈಯೆಭೇನೆನಿ ಪ್ಯಾರ್‌ವಾಳ ಹುಯಿರ‍್ಹೇವ್ಣು. ಅಮ್‍ರ‍್ಹವಾಪರ್, ಏಕ್‌ಥಿಏಕ್ ಪಾಕ್‍ದಿಲ್‍ಥೀಬಿ, ಛು಼ಟ ದಿಲ್‌ಥಿ ಪ್ಯಾರ್‌ಕರೊ.